აფხაზეთის ავტონომიური რესპუბლიკის მთავრობის ინიციატივით, აღმოსავლეთ საქართველოში აფხაზეთის მთავრობის წარმომადგენლობის 20-მდე თანამშრომელმა მ.იაშვილის სახელობის ბავშვთა კლინიკურ საავადმყოფოში არსებულ სისხლის ბანკში სისხლი ჩააბარა.

მათ მიერ ჩაბარებული სისხლი ლეიკემიით დაავადებულ ბავშვებს დაეხმარება. იაშვილის სახელობის ბავშვთა კლინიკაში ამ დროისთვის ლეიკემიითა და ლიმფომიით დაავადებული ათეულობით ბავშვი მკურნალობს.

აფხაზეთის ავტონომიური რესპუბლიკის მთავრობის წარმომადგენლები მსგავს აქციებში მონაწილეობას მომავალშიც მიიღებენ.