ესპანეთში მყოფი აფხაზეთის მთავრობის თავმჯდომარის გიორგი ბარამიას სამუშაო შეხვედრები გრძელდება. ვიზიტის ფარგლებში, აფხაზეთის ავტონომიური რესპუბლიკის მთავრობის თავმჯდომარე 27 ივლისს მადრიდის ოლქის, კოლმენარ ბიეხოს მუნიციპალიტეტის ხელმძღვანელს მიგელ ანხელ სანტამარიას შეხვდა.

შეხვედრაზე მხარეებმა თანამშრომლობის საკითხები და დევნილთა მიმართ განსახორციელებელი ჰუმანიტარული ხასიათის პროექტები განიხილეს.

შეხვედრას ესპანეთის სამეფოში, საქართველოს საგანგებო და სრულუფლებიანი ელჩი ზურაბ პოლოლიკაშვილი ესწრებოდა.