როგორც ჩვენი მკითხველებისთვის არის ცნობილი, ახლახან აფხაზეთის ავტონომიური რესპუბლიკის განათლებისა და კულტურის სამინისტროს ვ. არქანიას არტ-გალერეაში სამინისტროს კულტურულ ფასეულობათა დაცვის სამსახურის ორგანიზებით და ისტორიის მასწავლებელთა საქართველოს ასოციაციის თხოვნის საფუძველზე გაიმართა საჯარო ლექცია თემაზე: „აფხაზეთის კულტურული მემკვიდრეობა დღეს“.

ისტორიის მასწავლებელთა საქართველოს ასოციაციის საზოგადოებრივ საწყისებზე დაფუძნებული ნორჩ-ისტორიკოსთა სკოლის 120-მდე მსმენელმა, რომელთა შორისაც იყვნენ პედაგოგები, ლექციის შედეგად მიიღეს ინფორმაცია ოკუპირებული აფხაზეთის ავტონომიური რესპუბლიკის ტერიტორიაზე არსებული კულტურული მემკვიდრეობის მდგომარეობის შესახებ, აგრეთვე აფხაზეთის ა/რ არქიტექტურის თავისებურებებზე. 

მიღებული ინფომაციის საფუძველზე მოსწავლე-ახალგაზრდების მონაწილეობითა და ისტორიის მასწავლებელთა საქართველოს ასოციაციის (ვიცე-პრეზიდენტი - მანანა შეყილაძე) ორგანიზებით 2017 წლის 13 მარტს აფხაზეთის მე-2 საჯარო სკოლაში გაიმართა ქართულენოვანი ვიკიპედიის ერთობლივი, ერთდღიანი ვიკი-ბანაკი. კერძოდ, ასოციაციასთან არსებული „ნორჩ ისტორიკოსთა სკოლის“ თორმეტმა მოსწავლემ ქართულ და ინგლისურ ვიკიპედიაში (გუგლის საძიებო სისტემა, სადაც თავმოყრილია ამა თუ იმ ქვეყნის ენციკლოპედიური მასალა, ვიკიპედია - მას შეიძლება ვუწოდოთ მსოფლიო ელექტრონული ენციკლოპედია) ატვირთა სტატიები აფხაზეთის კულტურული მემკვიდრეობის იმ ძეგლების შესახებ, რომლებიც მათ აფხაზეთის ავტონომიური რესპუბლიკის განათლებისა და კულტურის სამინისტროს კულტურულ ფასეულობათა დაცვის სამსახურმა ელექტრონულ ფორმატში მიაწოდა. სულ აიტვირთა 12 სტატია ქართულ ენაზე და 19 სტატია ინგლისურ ენაზე.
ინფორმაცია განთავსებულია შემდეგ ბმულზე:
1. https://ka.wikipedia.org/w/index.php…
2. https://en.wikipedia.org/w/index.php…

ეს არის ინფორმაცია აფხაზეთის ა/რ კულტურული მემკვიდრეობის შემადგენელ იმ ძეგლებზე, რომლებიც აქამდე ამ საძიებო სისტემაში არ იძებნებოდა. დღეისათვის აღნიშნულ სისტემაში ინფორმაცია ქართულ ენაზე მოცემულია შემდეგ კულტურულ მემკვიდრეობაზე: 
1. ‎ბაგრატის ციხე 
2. ამბარას ეკლესია 
3. ‎ბედიის გულანი 
4. ‎ბზიფის ტაძარი 
5. ‎გაგრის ეკლესია 
6. ‎ლიხნის ტაძარი 
7. ‎კამანის ეკლესია 
8. ‎სოხუმის სტელა 
9. ‎წებელდის ციხე 
10. ‎წებელდის კანკელის ფრაგმენტები 
11. შერვაშიძეების სასახლე 
12. ‎წარჩეს ციხე 
ხოლო ინგლისურ ენაზე მოწოდებულია ინფორმაცია შემდეგ ძეგლებზე: 
1. ‎ Tsarche fortress 
2. ‎Bichvinta mosaic 
3. ‎Church of St. Simeon the Canaanite 
4. ‎Fortress of Bagrati 
5. Church of Bzyb 
6. ‎Church of Gagra 
7. ‎Bedia Chalice 
8. ‎Likhni Church 
9. Shervashidze’s Palace
10. ‎Bedia Gulani 
11. ‎Mokvi Gospels 
12. ‎New Athos Monastery 
13. ‎Tsebelda Chancel-barrier 
14. ‎Dolmens of Abkhazia
15. ‎Tsebelda fortress 
16. ‎Ambara church 
17. ‎Kamani Church 
18. ‎Sokhumi Stella 
19. ‎Bichvinta Gospels 
ყოველივე ამის შემდეგ ისტორიის მასწავლებელთა საქართველოს ასოციაციამ კვლავ თხოვნით მიმართა აფხაზეთის ავტონომიური რესპუბლიკის განათლებისა და კულტურის სამინისტროს კულტურულ ფასეულობათა დაცვის სამსახურს, რომ ინფორმაცია მიაწოდონ აფხაზურ ენაზეც, ვინაიდან ეს მოგვცემს შესაძლებლობას აფხაზურ ენაზეც იყოს წარმოდგენილი სრულყოფილი, მართებული ინფორმაცია აფხაზეთის ა/რ კულტურულ მემკვიდრეობაზე, რაც ასევე მნიშნვნელოვნად გაზრდის შესაბამისი ინფორმაციის ხელმისაწვდომობას აფხაზურ ენაზე და ამ ენის ინტერნეტ სივრცეში პოპულარიზაციას.