ჟიული შარტავას 75 წლის იუბილისადმი მიძღვნილი ამხანაგური მატჩი ამერიკულ ფეხბურთში კლუბ ,,თბილისის” გამარჯვებით დასრულდა
აფხაზეთის ავტონომიური რესპუბლიკის განათლებისა და კულტურის სამინისტრომ, სპორტისა და ახალგაზრდულ საქმეთა სამსახურისა და ამერიკული ფეხბურთის ფედერაციის ხელშეწყობით, საქართველოს ეროვნული გმირის ჟიული შარტავას 75 წლის იუბილისადმი მიძღვნილი ამხანაგური მატჩი კლუბ ,,თბილისსა” და სოხუმის ,,მეომრებს” შორის გამართა.
ამხანაგური მატჩი ვაზისუბნის დასახლებაში, ისანი-სამგორის სპორტული კომპლექსის რაგბის მოედანზე ჩატარდა.
საკმაოდ დაძაბული შეხვედრა დასრულდა ანგარიშით 19-18 კლუბ ,,თბილისის” სასარგებლოდ.
გამარჯვებული გუნდი თასითა და დიპლომით დაჯილდოვა აფხაზეთის ა/რ განათლებისა და კულტურის სამინისტროს, სპორტისა და ახალგაზრდულ საქმეთა სამსახურის უფროსმა ვიტალი ბენდელიანმა და ამერიკული ფეხბურთის ფედერაციის პრეზიდენტმა ზაქარია ჯაჭვაძემ.
