აფხაზეთის ავტონომიური რესპუბლიკის განათლებისა და კულტურის სამინისტრომ „სასკოლო სპორტული ოლიმპიადა 2019“-ის აფხაზეთის რეგიონის ფინალური თამაშები გამართა. აფხაზეთის საჯარო და ოკუპირებული გალის რაიონის საშუალო სკოლები ერთმანეთს რეგიონის პირველობისთვის სპორტის სხვადასხვა სახეობაში შეეჯიბრნენ. სულ ოლიმპიადაში 200-მდე მოსწავლე მონაწილეობდა. „სასკოლო სპორტული ოლიმპიადა 2019“-ის აფხაზეთის რეგიონის გამარჯვებული გუნდების ტიტული და ზონალურ თამაშებში მონაწილეობის უფლება მოიპოვეს:
მინი ფეხბურთში - ვოვა ვეკაუს სახელობის აფხაზეთის №3 საჯარო სკოლამ; გეზრბენში (ვაჟები) - ილია ვეკუას სახელობის აფხაზეთის №11 საჯარო სკოლამ; გეზრბენში (გოგონები) - ილია ვეკუას სახელობის აფხაზეთის №11 საჯარო სკოლამ; ფრენბურთში (ვაჟები) - აფხაზეთის №10 საჯარო სკოლამ; კალათბურთში (ვაჟები) - ილია ვეკუას სახელობის აფხაზეთის №11 საჯარო სკოლამ; კალათბურთში (გოგონები) - ოტობაიის №1 საშუალო სკოლამ; მაგიდის ჩოგბურთში (ვაჟები) - აფხაზეთის №10 საჯარო სკოლამ.
გამარჯვებული გუნდები დიპლომებით დაჯილდოვდნენ. სპორტისა და ახალგაზრდობის საქმეთა სამსახურის ხელშეწყობით ფინალისტ გუნდებს სასკოლო სპორტული ოლიმპიადის ფორმები გადაეცათ.
„სასკოლო სპორტული ოლიმპიადა 2019“ საქართველოს ბავშვთა და სასკოლო სპორტული ოლიმპიადის ეროვნული ფედერაციის ორგანიზებით გაიმართა. პროგრამის მხარდამჭერები არიან საქართველოს განათლების, მეცნიერების, კულტურისა და სპორტის სამინისტრო და საქართველოს ეროვნული ოლიმპიური კომიტეტი.
