სოხუმში, ბაბუშერას აეროპორტში დატრიალებული ტრაგედიიდან 26 წელი გავიდა. პატივს მივაგებთ იმ ხალხს, ვინც საკუთარი სიცოცხლე ჩვენი ქვეყნის მთლიანობასა და სიძლიერეს შესწირა. კიდევ ერთხელ ქედს ვიხრით ბაბუშერის ტრაგედიის დროს დაღუპული გმირების წინაშე.

1993 წლის 22 სექტემბერს, თბილისიდან ალყაში მოქცეულ სოხუმში გაფრენილი ტუ -154, რომლის ბორტზეც სამხედრო პოლიციის თანამშრომლები, სპეცდანიშნულების რაზმის წევრები, გვარდიის მებრძოლები, მოხალისეები, ექთნები და სამოქალაქო პირები იყვნენ, ზღვიდან ნასროლი რაკეტით ჩამოაგდეს. საჰაერო ხომალდი მთლიანად დაიწვა. თვითმფრინავში მყოფი 132 ადამიანიდან 108 დაიღუპა.