მემორანდუმი აფხაზეთიდან იძულებით გადაადგილებული პირებისათვის პროფესიული სასწავლო პროგრამების შემუშავებასა და მათ ჩართულობას ითვალისწინებს. ასევე, იგეგმება სხვადასხვა საგანმანათლებლო ხასიათის ღონისძიების განხორციელება.
მემორანდუმს აფხაზეთის ავტონომიური რესპუბლიკის განათლებისა და კულტურის მინისტრის პირველმა მოადგილემ მანანა ქვაჩახიამ და სამშენებლო კოლეჯ „კონსტრუქტ - 2“-ის დირექტორმა თამარ ზაქარაშვილმა მოაწერეს ხელი.
მემორანდუმის ხელმოწერას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, ზესტაფონის მუნიციპალიტეტის მერი გიორგი გოგლიჩიძე, იმერეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხემძღვანელი ზაზა ჩაჩავა და სხვ. ესწრებოდნენ.
მთავრობის წარმომადგენლებმა, აფხაზეთიდან დევნილებთან ერთად, კოლეჯის შენობა და მისი ინფრასტრუქტურა, სტუდენტების სასწავლო და პრაქტიკული სამუშაო გარემო დაათვალიერეს.
