იმერეთის, გურიის,რაჭა-ლეჩხუმისა და ქვემო სვანეთის რეგიონებსა და აჭარის ავტონომიური რესპუბლიკის ტერიტორიულ ორგანოში სამუშაო ვიზიტით აფხაზეთიდან იძულებით გადაადგილებულ პირთა- დევნილთა მინისტრი კონსტანტინე კუჭუხიძე, პირველი მოადგილე გურამ მისაბიშვილი და მოადგილე დავით მიქავა იმყოფებოდნენ. შეხვედრაზე ტერიტორიულ ორგანოში დაგეგმილი ღონისძიებების შესრულების და მოხელეთა შეფასების პროცესის მიმდინარეობა, შესრულებული სამუშაოს შედეგები და სხვა მიმდინარე საკითხები განიხილეს. შეხვერას დევნილთა, ეკომიგრანტთა და საარსებო წყაროებით უზრუნველყოფის სააგენტოს იმერეთის, რაჭა-ლეჩხუმისა და ქვემო სვანეთის სამმართველოს უფროსი დავით ჭეიშვილი ესწრებოდა, რომელმაც ტერიტორიულ ორგანოსთან ურთიერთთანამშრომლობის სურვილი გამოთქვა.
