"აფხაზეთის ავტონომიური რესპუბლიკის მთავრობის თავმჯდომარე - გიორგი ჯინჭარაძესთან, აჭარის ავტონომიური რესპუბლიკის მთავრობის თავმჯდომარე - ზურაბ პატარაძესთან, აჭარის უმაღლესი საბჭოს თავმჯდომარე - ცოტნე ანანიძესთან, აფხაზეთის მთავრობისა და ადგილობრივი ხელისუფლების წარმომადგენლებთან ერთად, „აფხაზეთობის კვირეულის“ ფარგლებში, ბათუმის სახელმწიფო მუსიკალურ ცენტრში საგუნდო მუსიკის კონცერტს დავესწარი, რომელიც სრულიად საქართველოს კათოლიკოს-პატრიარქის, ილია II-ის ხსოვნას მიეძღვნა.

კონცერტზე გურამ ყურაშვილის სახელობის აფხაზეთის სახელმწიფო საგუნდო კაპელა და ბათუმის სახელმწიფო მუსიკალური ცენტრის კაპელა წარდგნენ. შესრულდა ქართველი და უცხოელი კომპოზიტორების საგუნდო მუსიკის ნაწარმოებები.

სწორედ კულტურა, ხელოვნება არის პირველი ხიდი, პირველი წყარო - ნდობის, სიყვარულის, ერთობის. ყველაზე სწორი გზა მშვიდობის და ქვეყნის გაერთიანების ეროვნული მნიშვნელობის საქმეში.

დარწმუნებული ვარ, ჩვენი საერთო კულტურის, ტრადიციების შენარჩუნებით, ურთიერთმიტევებით, ძალიან მალე ვიცხოვრებთ ისევ ერთად და მშვიდობით, შევქმნით სიყვარულზე დაფუძნებულ ახალ, ძლიერ ერთობას და ერთად განვავითარებთ ჩვენი სამშობლოს გამორჩეულ რეგიონს - აფხაზეთს’’-განაცხადა დავით ფაცაციამ

აფხაზეთის ავტონომიური რესპუბლიკის იძულებით გადაადგილებულ პირთა სამინისტრომ სოციალურ საგანმანათლებლო ორგანიზაცია - მომავლის პალიტრასთან ურთიერთანამშრომლობის მემორანდმი გააფორმა

მემორანდუმს ხელი მინისტრმა დავით ფაცაციამ და „მომავლის პალიტრის“ სოციალური საგანმანათლებლო ცენტრის გამგეობის თავჯდომარემ თამარ ტუღუშმა მოაწერეს.

მემორანდუმის მიზანია აფხაზეთიდან დევნილი და აფხაზეთის ოკუპირებულ ტერიტორიაზე მცხოვრები ახალგაზრდების მხარდაჭერისათვის თანამშრომლობის გაღრმავება, გამოცდილების გაზიარებითა და ერთმანეთთან კოორდინაციით ერთობლივი პროექტების განხორციელება.

„მემორანდუმი ითვალისწინებს პროექტის - „არ დავავიწყოთ ქართული“ ფარგლებში, ახალგაზრდების ცოდნის გაღრმავებასა და განვითარებას.

ჩვენთვის განსაკუთრებით პრიორიტეტულია ყველა ის ინიციატივა და პროექტი, რომელიც ჩვენი დევნილი ახალგაზრდების უკეთესი მომავლის შექმნას, მათთვის უფრო მეტი შესაძლებლობების მიცემას უკავშირდება. დარწმუნებული ვარ, ეს პარტნიორობა ნაყოფიერ და მნიშვნელოვან შედეგებს გამოიღებს.“ - განაცხადა მინისტრმა დავით ფაცაციამ.

ღონისძიების ინიციატორი და ორგანიზატორი სოხუმელი მწერალი, კომპოზიტორი, უმაღლესი საბჭოს სამშვიდობო ღონისძიებების კოორდინატორი ნინო მირცხულავაა.

პროექტი „აფხაზეთის ხმები“ აერთიანებს აფხაზეთიდან იძულებით გადაადგილებულ პირებს, რომლებმაც დევნილობის თანმდევი სირთულეების მიუხედავად, შეძლეს საკუთარი პოტენციალის რეალიზება და სხვადასხვა სფეროში წარმატების მიღწევა.

პროექტის მიზანია ისტორიული მეხსიერების შენარჩუნება, ახალგაზრდებში მოტივაციის, თვითრწმენისა და მომავლის იმედის გაძლიერება.

მადლობას ვუხდი ღონისძიების ორგანიზატორებსა და თითოეულ მონაწილეს ამ მნიშვნელოვანი ინიციატივისთვის. მსგავსი პროექტები კიდევ ერთხელ გვახსენებს ჩვენს საერთო მიზნებს და იმ სულისკვეთებას, რომელიც აფხაზეთში დაბრუნების იმედსა და რწმენას უკავშირდება."-  განაცხადა დავით ფაცაციამ.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, საბერძნეთის რესპუბლიკაში სამუშაო ვიზიტის ფარგლებში, თესალონიკის მიტროპოლიტ ფილოთეოსს შეხვდა.

შეხვედრაზე ხაზი გაესვა საქართველოსა და საბერძნეთს შორის არსებულ მჭიდრო ისტორიულ, კულტურულ და რელიგიურ კავშირებს. აღინიშნა, რომ ორივე ქვეყანა ერთიანი მართლმადიდებლური ცივილიზაციის ნაწილია, რაც საფუძველს უქმნის ხალხებს შორის არსებულ განსაკუთრებულ მეგობრობას.

შეხვედრის მონაწილეებმა განსაკუთრებული ყურადღება დაუთმეს მსოფლიო საპატრიარქოსა და საბერძნეთის მართლმადიდებელი ეკლესიის როლს აფხაზეთიდან დევნილი ახალგაზრდების მხარდაჭერაში, მათ შორის, სხვადასხვა საგანმანათლებლო და შემეცნებითი ბანაკების ორგანიზების კუთხით.

მიტროპოლიტმა ფილოთეოსმა მწუხარება გამოთქვა საქართველოს კათოლიკოს-პატრიარქის გარდაცვალების გამო და ხაზი გაესვა მსოფლიო პატრიარქის განსაკუთრებულ როლსა და თანადგომას ამ მძიმე წუთებში, რაც კიდევ ერთხელ ადასტურებს ორ ეკლესიას შორის არსებულ სულიერ ერთობას.

შეხვედრის დასასრულს, მინისტრმა დავით ფაცაციამ მიტროპოლიტ ფილოთეოსს თბილი მასპინძლობისთვის მადლობა გადაუხადა. თავის მხრივ, მიტროპოლიტმა დალოცა ქართული დელეგაციის წარმომადგენლები და შემდგომი მჭიდრო თანამშრომლობისთვის მზადყოფნა გამოთქვა.

„რაც ყველაზე მთავარია, პრიორიტეტული მიმართულებებით თანამშრომლობის კიდევ უფრო გაღრმავებაზე შევთანხმდით. მიტროპოლიტი ფილოთეოსი დაგვპირდა აქტიურ მხარდაჭერას აფხაზეთიდან დევნილი ახალგაზრდებისთვის საერთაშორისო ბანაკების ორგანიზების პროცესში.“ - განაცხადა დავით ფაცაციამ.

შეხვედრაში საქართველოს გენერალური კონსული თესალონიკში გელა ჯაფარიძე და აფხაზეთის ავტონომიური რესპუბლიკის იძულებით გადაადგილებულ პირთა სამინისტროს წარმომადგენლები მონაწილეობდნენ.

დავით ფაცაცია აფხაზეთის მე-5 საჯარო სკოლის ორგანიზებით დედაენის დღისადმი მიძღვნილ ლიტერატურულ-კომპოზიციურ საღამოს - „სიყვარული აგვამაღლებს“

დაესწრო.

ღონისძიებაზე მოსწავლეებმა წარმოადგინეს აფხაზეთის თემაზე შექმნილი ლექსები და სიმღერები.

,,მომავალი თაობის აღზრდა ეროვნულ-პატრიოტულ ღირებულებებსა და ტრადიციებზე, ჩვენი ქვეყნის გამთლიანებისა და უკეთესი მომავლისკენ მიმავალი უმთავრესი გზაა.

მადლობას ვუხდი თითოეულ ორგანიზატორსა და მონაწილეს ამ საღამოსთვის. სწორედ მსგავსი ინიციატივებია ის მყარი საფუძველი, რომელზეც ერთიან საქართველოს ავაშენებთ’’- განაცხადა დავით ფაცაციამ.

აფხაზეთის ავტონომიური რესპუბლიკის მთავრობის გადაწყვეტილებით და აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ორგანიზებით, აფხაზეთიდან იძულებით გადაადგილებულ მოსახლეობას სააღდგომო ნობათები გადაეცათ.

ნობათების გადაცემა ყოველწლიურად ხორციელდება და მიზნად ისახავს დევნილი მოსახლეობის მხარდაჭერას სადღესასწაულო დღეებში.

წელს, მთელი საქართველოს მასშტაბით, სააღდგომო ნობათები გადაეცათ აფხაზეთიდან დევნილ მრავალშვილიან, სოციალურად დაუცველ ოჯახებს და სხვა მოწყვლად ჯგუფებს.

აფხაზეთის ავტონომიური რესპუბლიკის მთავრობის თავმჯდომარემ, გიორგი ჯინჭარაძემ, პირადად მოინახულა დევნილი ოჯახები და მათ დამდეგი აღდგომის ბრწყინვალე დღესასწაული მიულოცა.

ნობათების დარიგების პროცესში ასევე, ჩართული იყვნენ აფხაზეთის ავტონომიური რესპუბლიკის მთავრობის წევრები, მთავრობის აპარატისა და სამინისტროების წარმომადგენლები.

„აღდგომის დღესასწაულთან დაკავშირებით, განსაკუთრებული საჭიროებების მქონე აფხაზეთიდან დევნილ ოჯახებს ვესტუმრეთ, აღდგომის ბრწყინვალე დღესასწაული პირადად მივულოცეთ და სასურსათო ნობათები გადავეცით.

საოცრად თბილი და ემოციებით სავსე იყო, ჩვენს აფხაზეთიდან დევნილ თანამოქალაქეებთან შეხვედრა, მათთვის აღდგომის ბრწყინვალე დღესასწაულის პირადად მილოცვა და მოხარული ვარ, რომ შევძელით მათი სადღესასწაულო განწყობის შექმნაში მონაწილეობის მიღება.“ - განაცხადა მინისტრმა დავით ფაცაციამ.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, აფხაზეთის განათლებისა და კულტურის მინისტრთან გიორგი ძაძამიასთან ერთად, თბილისის ზღვაზე მდებარე ბაგა-ბაღსა და საპატრიარქოს პატრონაჟის ქვეშ მყოფ ბავშვთა თავშესაფარს - „კიდევაც დაიზრდებიან“ ესტუმრნენ. ამერიკული საერთაშორისო ფონდის - „კეთილი სამარიტელი“ და პარტნიორი კომპანიების მხარდაჭერით, აფხაზეთიდან დევნილ ბავშვებს საჩუქრები და სასურსათო პროდუქტები გადასცეს.

ჰუმანიტარულ აქციაში, ასევე, მონაწილებოდნენ არქიმანდრიტი ღვთისავარ გობეჯიშვილი, პროტოდიაკონი მირიან სხირტლაძე, ამერიკული საერთაშორისო ფონდ „კეთილი სამარიტელის“ წარმომადგენელები.

„განსაკუთრებული იყო აფხაზეთიდან დევნილ ბავშვებთან შეხვედრა და მათი გულწრფელი ღიმილის ნახვა. ბედნიერი ვარ, რომ მცირედით მაინც შევძელით მათი გახარება.

მადლობას ვუხდი ამერიკულ საერთაშორისო ფონდს - „კეთილი სამარიტელი“, ინდივიდუალურ მეწარმე მანანა ღვინცაძეს, „მეგაკომპანის“, „დიელ სერვისს“ და სხვა პარტნიორ კომპანიებს მხარდაჭერისთვის, რომლებმაც აფხაზეთიდან დევნილი ბავშვების გასახარებლად სრულიად უსასყიდლოდ გადმოგცეს საჩუქრები.

მჯერა, რომ ასეთი კეთილი ინიციატივები და თანამონაწილეობა, სამაგალითო იქნება სხვა კომპანიებისთვისაც, რათა ერთობლივი ძალისხმევით, უფრო მეტი შევძლოთ აფხაზეთიდან დევნილების მხარდასაჭერად.“ - განაცხადა მინისტრმა დავით ფაცაციამ.

აფხაზეთის ავტონომიური რესპუბლიკის იძულებით გადაადგილებულ პირთა სამინისტრომ ქართველთა და აფხაზთა ერთობის საზოგადოებასთან „ერთობა ხვალისთვის“ ერთად, ბათუმის შოთა რუსთაველის სახელობის სახელმწიფო უნივერსიტეტში 5 დღიანი პროექტი - „მშვიდობა როგორც ღირებულება“ განახორციელა.

პროექტში მონაწილეობდნენ აფხაზეთის თემატიკით დაინტერესებული, სამცხე-ჯავახეთის სახელმწიფო უნივერსიტეტის, ბათუმის შოთა რუსთაველის სახელობის სახელმწიფო უნივერსიტეტის და სოხუმის სახელმწიფო უნივერსიტეტის სტუდენტები.

პროექტის დასკვნით ღონისძიებას აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, ბათუმის შოთა რუსთაველის სახელობის სახელმწიფო უნივერსიტეტის რექტორი ტიტე აროშიძე, სოხუმის სახელმწიფო უნივერსიტეტის რექტორი თეა ჯუღელი, სამცხე-ჯავახეთის სახელმწიფო უნივერსიტეტის პრორექტორი, პროფესორი მაკა ბერიძე, ქართველთა და აფხაზთა ერთობის საზოგადოებასთან „ერთობა ხვალისთვის“ თავმჯდომარე გიორგი შერვაშიძე და მისი მოადგილე შორენა ახალაია ესწრებოდნენ.

„საინტერესო და ნაყოფიერი იყო პროექტის მონაწილე ახალგაზრდებთან შეხვედრა, მათთან საქართველოს ერთიანობისა და განვითარებისთვის ყველაზე მნიშვნელოვან საკითხებზე - კონფლიქტის მშვიდობიანად მოგვარების გზებზე, ქართულ-აფხაზური მეგობრული, ისტორიული ურთიერთობების აღდგენაზე საუბარი.

მინდა თითოეულ მათგანს ვუთხრა, რომ თქვენი საქმიანობით ჩვენი სამშობლო იამაყებს არა მარტო დღეს, არამედ საუკუნეების განმავლობაში, მადლობას გიხდით მონდომებისთვის, თითოეული თქვენი სინათლე, თვალის ნაპერწკალი ჩვენთვის არის ძალიან დიდი ძალა და ბედნიერი ვარ, რომ თქვენთან ერთად ვიღებ მონაწილეობას ჩვენი ქვეყნისთვის იმ მნიშვნელოვან პროცესებში, რასაც საქართველოს მშვიდობიანი გაერთიანება ჰქვია.“ - განაცხადა დავით ფაცაციამ.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, აფხაზეთის ფინანსთა და ეკონომიკის მინისტრ თენგიზ ნასარიძესთან, დევნილთა, ეკომიგრანტთა და საარსებო წყაროებით უზრუნველყოფის სააგენტოსა და ჩუღურეთის რაიონის გამგეობის წარმომადგენლებთან ერთად, თბილისში, წინამძღვრიშვილის ქ. №12-ში მდებარე დევნილთა განსახლების ობიექტში მცხოვრებ, აფხაზეთიდან იძულებით გადაადგილებულ პირებს შეხვდა და მათ საჭიროებებს ადგილზე გაეცნო.

აღნიშნულ მისამართზე საკანალიზაციო სისტემის რეაბილიტაცია, დევნილთა, ეკომიგრანტთა და საარსებო წყაროებით უზრუნველყოფის სააგენტოსა და ქალაქ თბილისის ჩუღურეთის რაიონის გამგეობის თანადაფინანსებით განხორციელდება. ხოლო, აფხაზეთის ავტონომიური რესპუბლიკის იძულებით გადაადგილებულ პირთა სამინისტრო უზრუნველყოფს ობიექტის სადარბაზოს რეაბილიტაციას.

„მადლობას ვუხდით დევნილთა, ეკომიგრანტთა და საარსებო წყაროებით უზრუნველყოფის სააგენტოს და ადგილობრივი თვითმმართველობის ორგანოებს, რომელთა მხარდაჭერითაც შესაძლებელი გახდა ქვეყნის მასშტაბით დევნილთა განსახლების ობიექტებზე არსებული კრიტიკული ინფრასტრუქტურული პრობლემების ძირითადი ნაწილის მოწესრიგება.“ - განაცხადა მინისტრმა დავით ფაცაციამ.

შეხვედრაში ასევე მონაწილეობდნენ აფხაზეთის აფხაზეთის ავტონომიური რესპუბლიკის მომსახურების სააგენტოს წარმომადგენლები.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია საქართველოში წმინდა საყდრის სამოციქულო დესპანს ანტე იოზიჩს შეხვდა.

შეხვედრის მონაწილეებმა სხვადასხვა სფეროში ურთიერთობების გაღრმავების პერსპექტივები განიხილეს. საუბარი შეეხო აფხაზეთიდან დევნილი ახალგაზრდების ხელშეწყობის მიზნით, ერთობლივი პროექტის განხორციელებას და საერთაშორისო პროექტებში მათი ჩართულობის შესაძლებლობებს.

„ანტე იოზიჩს მადლობა გადავუხადე გამოხატული თანადგომისათვის. დარწმუნებული ვარ, ჩვენი პარტნიორობა მომავალში კიდევ უფრო აქტიურ და მჭიდრო ხასიათს მიიღებს.“ - განაცხადა მინისტრმა დავით ფაცაციამ.