პროცესი აფხაზეთის ავტონომიური რესპუბლიკის იძულებით გადაადგილებულ პირთა მინისტრმა  დავით ფაცაციამ სამინისტროს წარმომადგენლებთან ერთად პირადად მოინახულა.

სასათბურე მეურნეობები ეკონომიკური პროგრამების სააგენტოს მიზნობრივი პროგრამის - „სასოფლო-სამეურნეო და ენდემური კულტურების წარმოების მხარდაჭერა“ ფარგლებში მოეწყო და მისი მიზანი აფხაზეთიდან დევნილი მეწარმეების საქმიანობის ხელშეწყობა და განვითარებაა.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ, სამინისტროს წარმომადგენლებთან ერთად, ქუთაისში, დევნილთა განსახლების ადგილას შექმნილ საფეხბურთო გუნდს - „ცხუმი“ საჩუქრად საფეხბურთო ფორმები და ბურთები პირადად გადასცა.

საფეხბურთო ფორმები და ბურთები აფხაზეთის ავტონომიური რესპუბლიკის მომსახურების სააგენტოს „სოციალური სოლიდარობის" პროგრამის ფარგლებში იქნა შეძენილი.

„ვცდილობთ, ხელი შევუწყოთ ჩვენს აფხაზეთიდან დევნილ ახალგაზრდებს და ბედნიერი ვარ, თუ მათი წარმატების გზაზე ჩვენი წვლილის შეტანას შევძლებთ.

თითოეული მათგანი იმსახურებს უკეთეს ცხოვრებას ერთიან და ძლიერ საქართველოში, ჩვენ ვალდებულნი ვართ, უზრუნველყოთ მათი ღირსეული ცხოვრების საჭირო ყველა პირობა.“ - დავით ფაცაცია

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია აფხაზეთიდან დევნილებს პირადად შეხვდა და მათგან მიღებული ინფორმაციების გათვალისწინებით, საჭირო ხელსაწყოები, ინსტრუმენტები და წყლის საქაჩი ტუმბოები გადასცა.

სხვადასხვა სახის სამუშაოებისთვის საჭირო ტექნიკური ინვენტარი თბილისში, დირსის კომპლექსის მე-13 კორპუსში და სამგორის რაიონში, ვიქტორ კუპრაძის ქუჩაზე მდებარე დევნილთა განსახლების ადგილებში მცხოვრებმა დევნილებმა მიიღეს.

"შესაძლებლობების ფარგლებში ყველაფერს ვაკეთებთ იმისთვის, რომ უფრო აქტიურად შევძლოთ ჩვენი აფხაზეთელების მხარდაჭერა და მჯერა, რომ თითოეული ჩვენგანის ძალისხმევა გამოიტანს მნიშვნელოვან შედეგებს", - განაცხადა დავით ფაცაციამ.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, ხონის მუნიციპალიტეტის მერთან ლადო ჯურხაძესთან, ხონის საკრებულოსა და სამინისტროს წარმომადგენლებთან ერთად, აფხაზეთის ავტონომიური რესპუბლიკიდან იძულებით გადაადგილებულ პირთათვის უფასო სამედიცინო აქციის მიმდინარეობას დაესწრო.

ხონში, აფხაზეთის ავტონომიური რესპუბლიკის იძულებით გადაადგილებულ პირთა სამინისტროს მიერ ხონის მუნიციპალიტეტის მერიის მხარდაჭერით ორგანიზებულ სამედიცინო აქციაზე, აფხაზეთიდან დევნილ მოქალაქეებს, ექიმის დანიშნულების შესაბამისი სათვალეები უფასოდ გადაეცათ.

სათვალეები აფხაზეთის ავტონომიური რესპუბლიკის იძულებით გადაადგილებულ პირთა სამინისტრომ „ადამიანის უფლებათა საერთაშორისო კომისიისგან“(International Human Rights Commission) ჰუმანიტარული დახმარების სახით მიიღო.

„ჩვენი სამინისტროს ძირითად პრიორიტეტს აფხაზეთიდან დევნილი მოსახლეობის სოციალური მდგომარეობის გაუმჯობესება წარმოადგენს. ამ მიზნით ჩვენ სხვადასხვა პროექტებს ვახორციელებთ, მათ შორის საერთაშორისო ორგანიზაციებისა და ადგილობრივი ხელისუფლების ჩართულობით. მადლობას ვუხდი თითოეულ მათგანს და დარწმუნებული ვარ, ერთობლივი ძალისხმევით შევძლებთ მეტი ღონისძიებების განხორციელებას აფხაზეთიდან დევნილი მოსახლეობის ყოველდღიური ცხოვრების გაუმჯობესებისა და მათი მხარდაჭერისთვის.“- განაცხადა დავით ფაცაციამ.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ ვაზიანში მცხოვრებ აფხაზეთიდან დევნილ ბავშვებს საჭიდაო ხალიჩა, სპორტული ინვენტარი და ეკიპირება პირადად გადასცა.

საჭიდაო ხალიჩა, სპორტული ინვენტარი და ეკიპირება აფხაზეთის ავტონომიური რესპუბლიკის იძულებით გადაადგილებულ პირთა სამინისტრომ გარდაბნის მუნიციპალიტეტში გამართულ შეხვედრებზე მიღებული ინფორმაციების გათვალისწინებით შეიძინა.

„საოცრად თბილი და დადებითი ემოციებით სავსე იყო ჩვენი საზოგადოების ყველაზე ლაღ და გულწრფელ წევრებთან შეხვედრა და ბედნიერი ვარ, რომ შევძელით ბავშვების გახარება.

ჩვენი მომავალი თაობა საქართველოს წარმატების სიმბოლოა, თითოეული მათგანი იმსახურებს უკეთეს ცხოვრებას ერთიან და ძლიერ საქართველოში და ჩვენ ვალდებულნი ვართ, უზრუნველყოთ მათი ღირსეული ცხოვრების საჭირო ყველა პირობა.“ - განაცხადა დავით ფაცაციამ.

აფხაზეთის ავტონომიური რესპუბლიკის იძულებით გადაადგილებულ პირთა სამინისტრო ინტენსიურად ხვდება აფხაზეთის მოსახლეობას და საჭიროების შესაბამის პროექტებს ახორციელებს.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ, სოფელ რუხში 21 აფხაზეთიდან დევნილ მოქალაქეს, სამეწარმო საქმიანობის გაძლიერების, წახალისებისა და გაუმჯობესების მიზნით, მოტ

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ, სოფელ რუხში 21 აფხაზეთიდან დევნილ მოქალაქეს, სამეწარმო საქმიანობის გაძლიერების, წახალისებისა და გაუმჯობესების მიზნით, მოტობლოკები, ტექნიკა-დანადგარები და გარკვეული ტიპის ციტრუსის ნერგები პირადად გადასცა.

პროექტი ეკონომიკური პროგრამების სააგენტოს პროგრამის - „სასოფლო-სამეურნეო და ენდემური კულტურების წარმოების მხარდაჭერის“ ფარგლებსა და ა(ა)იპ - „სოფლის განვითარების სააგენტოს“ მხარდაჭერით განხორციელდა.

ღონისძიებას აფხაზეთის უმაღლესი საბჭოს, აფხაზეთის ავტონომიური რესპუბლიკის იძულებით გადაადგილებულ პირთა სამინისტროს, საქართველოს გარემოს დაცვისა და სოფლის მეურნეობის სამინისტროს და ადგილობრივი ხელისუფლების წარმომადგენლები ესწრებოდნენ.

„განსაკუთრებულად ხაზგასასმელია სამეგრელო-ზემო სვანეთის რეგიონის ადგილობრივი ხელისუფლების მზაობა და მხარდაჭერა, რომლებიც პერმანენტულად ცდილობენ აფხაზეთის მოსახლეობის დახმარებას.

ჩვენ არ დავიღლებით ამ და რაც ყველაზე მთავარია ჩვენი ქვეყნის გაერთიანების პროცესებში აქტიური ჩართულობით, რომელსაც მხოლოდ ერთად დგომით, სოციალურ -ეკონომიკური პოლიტიკის გაუმჯობესებით და მშვიდობით მივაღწევთ.

წარმატებას ვუსურვებ პროექტში ჩართულ თითოეულ აფხაზეთელს და მსგავსი მხარდაჭერა იქნება კიდევ ერთი კარგი ნაბიჯი მათი საქმიანობის ხელშეწყობისა და ეკონომიკური განვითარებისთვის.“ - დავით ფაცაცია.

ობლოკები, ტექნიკა-დანადგარები და გარკვეული ტიპის ციტრუსის ნერგები პირადად გადასცა.

პროექტი ეკონომიკური პროგრამების სააგენტოს პროგრამის - „სასოფლო-სამეურნეო და ენდემური კულტურების წარმოების მხარდაჭერის“ ფარგლებსა და ა(ა)იპ - „სოფლის განვითარების სააგენტოს“ მხარდაჭერით განხორციელდა.

ღონისძიებას აფხაზეთის უმაღლესი საბჭოს, აფხაზეთის ავტონომიური რესპუბლიკის იძულებით გადაადგილებულ პირთა სამინისტროს, საქართველოს გარემოს დაცვისა და სოფლის მეურნეობის სამინისტროს და ადგილობრივი ხელისუფლების წარმომადგენლები ესწრებოდნენ.

„განსაკუთრებულად ხაზგასასმელია სამეგრელო-ზემო სვანეთის რეგიონის ადგილობრივი ხელისუფლების მზაობა და მხარდაჭერა, რომლებიც პერმანენტულად ცდილობენ აფხაზეთის მოსახლეობის დახმარებას.

ჩვენ არ დავიღლებით ამ და რაც ყველაზე მთავარია ჩვენი ქვეყნის გაერთიანების პროცესებში აქტიური ჩართულობით, რომელსაც მხოლოდ ერთად დგომით, სოციალურ -ეკონომიკური პოლიტიკის გაუმჯობესებით და მშვიდობით მივაღწევთ.

წარმატებას ვუსურვებ პროექტში ჩართულ თითოეულ აფხაზეთელს და მსგავსი მხარდაჭერა იქნება კიდევ ერთი კარგი ნაბიჯი მათი საქმიანობის ხელშეწყობისა და ეკონომიკური განვითარებისთვის.“ - დავით ფაცაცია.

სამუშაოების მიმდინარეობის პროცესი აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ, ზუგდიდის მუნიციპალიტეტის მერთან მამუკა წოწერიასთან, სამეგრელო-ზემო სვანეთის მხარეში სახელმწიფო რწმუნებულის მოვალეობის შემსრულებელთან ნინო ვიბლიანთან, აფხაზეთის უმაღლესი საბჭოს, საქართველოს გარემოს დაცვისა და სოფლის მეურნეობის სამინისტროს წარმომადგენლებთან ერთად, დაათვალიერა და სიმბოლურად ნერგები დარგო.

ღონისძიებაზე, ეკონომიკური პროგრამების სააგენტოსა და შპს „Anaklia Ganmuhuri Resort“-ს შორის სკვერის - „აფხაზეთის კუთხე“ მხარდაჭერისა და განვითარების მიზნით, მემორანდუმი გაფორდა.

სკვერის მოწყობის მიზნით, ეკონომიკური პროგრამების სააგენტომ შპს „Anaklia Ganmuhuri Resort“-ს 100 ელდარის ფიჭვისა და 50 ტუიას ნერგები გადასცა.

„განსაკუთრებული მადლობა მინდა ვუთხრა ჩვენ თანამშრომლებსა და შპს „Anaklia Ganmuhuri Resort“-ს, რომელთაც უდიდესი ძალისხმევა გაწიეს ამ საოცარ სილამაზეში, ანაკლიაში სკვერის მოწყობის საქმეში. ასეთი განწყობით ძალიან მალე შევქმნით ერთიან და ძლიერ საქართველოს.“ - განაცხადა დავით ფაცაციამ.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, აფხაზეთის ავტონომიური რესპუბლიკის მომსახურების სააგენტოს და სტემ ინოვატორთა ასოციაციის ერთობლივად ორგანიზებული პროექტის - „STEM განათლება-ტექნოლოგიების საფუძველი“ მონაწილე წარმატებულ აფხაზეთიდან დევნილ ახალგაზრდებს შეხვდა და მოტივაციის ამაღლების, წახალისების მიზნით პლანშეტები გადასცა.

პროექტი საქართველოს ტექნიკური უნივერსიტეტის ბაზაზე 2 თვის განმავლობაში მიმდინარეობდა, რომლის ფარგლებშიც ახალგაზრდებმა შეისწავლეს და გაიუმჯობესეს STEM მიმართულებისა და კომპიუტერული პროგრამირების ცოდნა. კერძოდ, შეისწავლეს Arduino - ღია-წყაროს მქონე კომპიუტერული პლატფორმა, C/C++appinventor-, ვირტუალური რესურსების და სიმულატორების მათემატიკური მოდელირება. მათ მუდმივად ჰქონდათ წვდომა საუნივერსიტეტო ლაბორატორიაზე და ეცნობოდნენ სტუდენტებისა და მათი თანატოლების მიერ შექმნილ ინოვაციურ პროექტებს.

აღსანიშნავია, რომ პროექტის მონაწილე აფხაზეთიდან დევნილი ახალგაზრდები - ლადო ადამია, მარიამ და დავით ვახტანგიძეები, რომლებმაც შექმნეს მებაღე რობოტი ხელოვნური ინტელექტით და უსინათლო პირებს ტემპერატურის მონიტორინგში დამხმარე მოწყობილობა, წარმატებით გადავიდნენ რუსთაველის ფონდის მიერ გამოცხადებული 2024 წლის მოსწავლე გამომგონებელთა და მკვლევართა კონკურსის - „ლეონარდო და ვინჩის” ფინალურ ეტაპზე.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, სამინისტროსა და აფხაზეთის ავტონომიური რესპუბლიკის მომსახურების სააგენტოს წარმომადგენლებთან ერთად, ამჯერად, ქუთაისში მცხოვრებ აფხაზეთიდან იძულებით გადაადგილებულ პირებს შეხვდა.

შეხვედრის მონაწილეებმა ისაუბრეს აფხაზეთის მოსახლეობის მხარდაჭერის მიზნით უკვე განხორციელებულ და მიმდინარე პროექტებზე, ასევე ქუთაისში მცხოვრებ აფხაზეთიდან დევნილთა წინაშე არსებულ გამოწვევებსა და მათი მოგვარების გზებზე.

სწორედ, მსგავს შეხვედრებზე მიღებული ინფორმაციების გათვალისწინებით, „სოციალური სოლიდარობის“ პროგრამის ფარგლებში, ქუთაისში მცხოვრები აფხაზეთიდან დევნილებისთვის აფხაზეთის ავტონომიური რესპუბლიკის იძულებით გადაადგილებულ პირთა სამინისტროს მიერ შეძენილ იქნა სხვადასხვა სახის სამუშაოებისთვის საჭირო ინსტრუმენტები და ხელსაწყოები, რომლებიც მოქალაქეებს დავით ფაცაციამ პირადად გადასცა.

„ვცდილობთ თითოეული აფხაზეთელის საჭიროება, რომელსაც ჩვენთან შეხვედრისას აჟღერებენ დროულად მოვაგვაროთ და კმაყოფილებით მინდა აღვნიშნო, რომ მათთან უშუალო კომუნიკაციის შედეგად არაერთი პროექტი უკვე განვახორციელეთ, ბევრი კრიტიკული საკითხის მოგვარება შევძელით და ვაგრძელებთ მუშაობას.

აფხაზეთის მოსახლეობასთან უშუალო კომუნიკაციისას ყველაზე კარგად ჩანს ჩვენი მუშაობის შედეგი, მათ მადლიერებასა და ჩვენდამი დამოკიდებულებაში. ყველაფერს ვაკეთებთ იმისთვის, რომ უფრო აქტიურად შევძლოთ მათი მხარდაჭერა და მჯერა, რომ თითოეული ჩვენგანის ძალისხმევა გამოიტანს მნიშვნელოვან შედეგებს.“ - დავით ფაცაცია

აფხაზეთის ავტონომიური რესპუბლიკის მთავრობის, აფხაზეთის ავტონომიური რესპუბლიკის იძულებით გადაადგილებულ პირთა სამინისტროსა და ადგილობრივი ხელისუფლების წარმომადგენლები, თბილისსა და რეგიონებში მდებარე დევნილთა განსახლების ადგილებში შექმნილ ბინათმესაკუთრეთა ამხანაგობებს შეხვდნენ.

აფხაზეთის მთავრობის თავმჯდომარის, ლევან მგალობლიშვილის მიერ მთავრობის სხდომის ფორმატში გაცემული დავალებების თანახმად, სამინისტროს წარმომადგენლებმა, შეხვედრებზე დევნილთა წინაშე არსებულ საჭიროებებზე, ჯანდაცვის, სოციალური, ინფრასტრუქტურული მიმართულებებით განხორციელებულ და დაგეგმილ პროექტებზე ისაუბრეს.

ბინათმესაკუთრეთა ამხანაგობებისგან მიღებული ინფორმაციების გათვალისწინებით, აფხაზეთის მოსახლეობისთვის საჭირო ინფრასტრუქტურული, სოციალური და სხვა სახის პროექტები განხორციელდება.

შეხვედრების მიზანია ადგილობრივ ხელისუფლებასთან ერთად და დევნილი მოსახლეობის ჩართულობით, იძულებით გადაადგილებულ პირთა საჭიროებებზე ორიენტირებული ბიუჯეტის, პროგრამების და პროექტების დაგეგმვა.

შეხვედრებში, მონაწილეობდნენ აფხაზეთის ავტონომიური რესპუბლიკის იძულებით გადაადგილებულ პირთა მინისტრის მოადგილეები - გიორგი ბულისკერია და იგორ კოპალიანი, აფხაზეთის ავტონომიური რესპუბლიკის მომსახურების სააგენტოს დირექტორის მოვალეობის შემსრულებელი ავთანდილ ქარაია.

აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის იძულებით გადაადგილებულ პირთა მინისტრი დავით ფაცაცია, აფხაზეთის მთავრობისა და ადგილობრივი ხელისუფლების წარმომადგენლებთან ერთად, ამჯერად, ნაძალადევის რაიონში მდებარე დევნილთა განსახლების ადგილებში შექმნილ ბინათმესაკუთრეთა ამხანაგობების თავმჯდომარეებს შეხვდნენ.

აფხაზეთის მთავორბის წევრებმა აფხაზეთიდან დევნილებს გააცნეს ინფორმაცია სოციალური, ინფრასტრუქტურული, ჯანდაცვის, დევნილთა მხარდაჭერის მიმართულებებით აფხაზეთის მთავრობის მიერ უკვე განხორციელებული და დაგეგმილი საქმიანობები. შეხვედრის მონაწილეებმა ერთობლივად იმსჯელეს აფხაზეთიდან დევნილი მოქალაქეების საჭიროებებსა და მათი მოგვარების გზებზე.

ბინათმესაკუთრეთა ამხანაგობებისგან მიღებული ინფორმაციების გათვალისწინებით, ნაძალადევის რაიონში მცხოვრები დევნილებისთვის საჭირო ინფრასტრუქტურული, სოციალური და სხვა სახის პროექტები განხორციელდება.

აფხაზეთის ავტონომიური რესპუბლიკის მთავრობის თავმჯდომარის ინიციატივით დევნილთა განსახლების ადგილებში შექმნილ ბინათმესაკუთრეთა ამხანაგობების თავმჯდომარეებთან დაგეგმილი შეხვედრების ფარგლებში, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის იძულებით გადაადგილებულ პირთა მინისტრი დავით ფაცაცია დიდუბის რაიონის დევნილთა განსახლების ადგილებში შექმნილ ბინათმესაკუთრეთა ამხანაგობების წარმომადგენლებს შეხვდნენ.

შეხვედრაში, ასევე, მონაწილეობდნენ აფხაზეთის მთავრობის, დიდუბის რაიონის გამგეობისა და დევნილთა, ეკომიგრანტთა და საარსებო წყაროებით უზრუნველყოფის სააგენტოს წარმომადგენლები.

შეხვედრაზე დავით ფაცაციამ აფხაზეთიდან დევნილ მოქალაქეებს, აფხაზეთის მთავრობის მიერ დევნილთა, ეკომიგრანტთა და საარსებო წყაროებით უზრუნველყოფის სააგენტოსა და ადგილობრივი ხელისუფლების ჩართულობით განხორციელებული პროგრამები, მიმდინარე ეტაპზე დაგეგმილი პროექტები და სამომავლო გეგმები გააცნო.

ბინათმესაკუთრეთა ამხანაგობების წარმომადგენლებისგან მიღებული ინფორმაციების გათვალისწინებით, დევნილთა საჭიროებების შესაბამის სოციალურ, ინფრასტრუქტურულ და სხვა სახის პროექტები განხორციელდება.

აფხაზეთის ავტონომიური რესპუბლიკის მომსახურების სააგენტოსა და აფხაზეთის ავტონომიური რესპუბლიკის სავაჭრო-სამრეწველო პალატის ერთობლივი ორგანიზებით, სასტუმრო „ბილტმორში“ გაიმართა კონფერენცია თემაზე - აფხაზეთიდან დევნილ მეწარმეთა შესაძლებლობები და გამოწვევები, რომელშიც მონაწილეობა მიიღო აფხაზეთიდან დევნილმა მეწარმეებმა.

კონფერენციაზე საჯარო და კერძო სექტორის წარმომადგენლების გამოსვლებთან ერთად, მოეწყო ექსპერტთა პანელები და სამუშაო სესიები. კონფერენციის ფარგლებში, დაჯილდოვდნენ წარმატებული ბიზნეს ოპერატორები, რომლებმაც თავიანთი გამოცდილება კონფერენციის მონაწილეებს გაუზიარეს.

გახსნით ღონისძიებაზე მონაწილეებს სიტყვით მიმართეს აფხაზეთის იძულებით გადაადგილებულ პირთა მინისტრმა დავით ფაცაციამ, საქართველოს პარლამენტის ვიცე-სპიკერმა, გენდერული თანასწორობის მუდმივმოქმედი საპარლამენტო საბჭოს თავმჯდომარემ ნინო წილოსანმა, დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა ზურაბ უტიაშვილმა, ამავე სააგენტოს ინტეგრაცია-რეინტეგრაციისა და იძულებით გადაადგილებულ პირთა ეკონომიკური მხარდაჭერის სამსახურის უფროსმა დავით ფეიქრიშვილმა, სოფლის განვითარების სააგენტოს დირექტორის მოადგილემ ნატალია ხარატიშვილმა, სააგენტოს „აწარმოე საქართველოში“ მიკრო და მცირე მეწარმეობის დეპარტამენტის უფროსმა ანა უგულავამ.

„მადლობას ვუხდი თითოეულ უწყებას, საერთაშორისო პარტნიორებს ინიციატივებისა და ჩვენი მხარდაჭერისთვის. მომავალშიც გავაგრძელებთ თანამშრომლობას, რათა გავაძლიეროთ ჩვენი მოქალაქეები და გაერთიანებულ საქართველოში ერთად შევქმნათ ძლიერი, განვითარებული და ეკონომიკურად მდგრადი სახელმწიფო.

ჩვენი სამინისტროს მიზანია მაქსიმალურად მხარი დავუჭიროთ აფხაზეთის მოსახლეობას - როგორც საქართველოს ოკუპირებულ ტერიტორიაზე, ისე დანარჩენ საქართველოში მცხოვრებ მოქალაქეებს, რათა გაძლიერდნენ, განავითარონ საქმიანობა და იმედი მაქვს ეს კონფერენციაც იქნება კიდევ ერთი შესაძლებლობა კომუნიკაციისთვის, ურთიერთობებისთვის, სხვადასხვა ბიზნეს ინიციატივებზე ინფორმაციების გაზიარებისთვის და მეორე მხრივ, მსგავსი კონფერენციები გვაძლევს ხელისუფლებას შესაძლებლობას კიდევ ერთხელ ვიამაყოთ ჩვენი წარმატებული მოქალაქეებით.

ჩვენ არ გავჩერდებით, გავაგრძელებთ სხვადასხვა მიმართულებებით ჩვენი მოქალაქეების დახმარებას და ყოველთვის მზად ვართ ყველა ინიციატივას დავუჭიროთ მხარი, რომელიც აფხაზეთის მოსახლეობის მხარდაჭერას, მათ გაძლიერებას ისახავს მიზნად.“ - დავით ფაცაცია

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ აფხაზეთიდან დევნილ ვეტერანებთან შეხვედრა გამართა.

შეხვედრის მონაწილეებმა განიხილეს ქვეყნისა და აფხაზეთიდან დევნილი ომის ვეტერანების წინაშე დღეს არსებულ გამოწვევები, საქართველოში მშვიდობის შენარჩუნებისა, სტაბილურობისა და ქვეყნის გაერთიანებისთვის საჭირო და აუცილებელ საკითხები.

დავით ფაცაციამ შეხვედრაზე ხაზი გაუსვა, აფხაზეთიდან დევნილი ომის ვეტერანების სწორი ხედვის მნიშვნელობაზე ქვეყნის გამარჯვებისა და აფხაზეთში დაბრუნების საქმეში, რაც მხოლოდ სიყვარულით და ურთიერთპატიებით მოხდება.

შეხვედრის მონაწილეები შეთანხმდნენ ქართველ და აფხაზ საზოგადოებებს შორის ნდობის აღდგენისა და შერიგების კუთხით სამშვიდობო პოლიტიკის ხელშეწყობის მიზნით ურთიერთთანამშრომლობის საკითხებზე.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია გარდაბანში მცხოვრებ საქართველოს ოკუპირებული ტერიტორიებიდან დევნილ მოქალაქეებს შეხვდა და პირადად მოისმინა მათი საჭიროებები.

დავით ფაცაციამ დევნილ მოქალაქეებს გააცნო მათი მხარდაჭერის მიზნით უკვე განხორციელებული და დაგეგმილი საქმიანობა, ასევე ისაუბრა, ქვეყანაში მიმდინარე პროცესებსა და სახელმწიფოს ღირებულებებზე.

დავით ფაცაციამ ხაზი გაუსვა მშვიდობის და ერთიანობის შენარჩუნების მნიშვნელობას, ასევე, შეეხო საქართველოს ხელისუფლების სწორ სტრატეგიულ ქმედებებსა და გადაწყვეტილებებს, რომლის შედეგადაც ქვეყნის გაერთიანებისა და განვითარების პროცესები წინ მიიწევს.