აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, პირველ მოადგილე გურამ მისაბიშვილთან და საბურთალოს რაიონის გამგებლის მოადგილე ლიანა მალიაშვილთან ერთად, საბურთალოს რაიონის დევნილთა განსახლების ადგილებში შექმნილ ბინათმესაკუთრეთა ამხანაგობების წარმომადგენლებს შეხვდა.

შეხვედრაზე დავით ფაცაციამ აფხაზეთიდან დევნილ მოქალაქეებს, აფხაზეთის ავტონომიური რესპუბლიკის მთავრობის ხელშეწყობით და ფინანსური მხარდაჭერით განხორციელებული პროგრამები და მიმდინარე ეტაპზე დაგეგმილი პროექტები გააცნო.

აფხაზეთიდან იძულებით გადაადგილებულმა პირებმა აფხაზეთის მთავრობისა და ადგილობრივი ხელისუფლების წარმომადგენლებთან, საბურთალოს რაიონის დევნილთა განსახლების ადგილებში არსებული მდგომარეობისა და მათი საჭიროებების შესახებ ისაუბრეს.

„აფხაზეთიდან დევნილ მოსახლეობასთან ხშირი კომუნიკაცია, მათი საჭიროებების ადგილზე გაცნობა და გადაჭრის გზებზე ერთობლივი მუშაობა, ჩვენი სამინისტროს ერთ-ერთი ძირითადი პრიორიტეტია.

აღნიშნული მიზნით, ამჯერად, საბურთალოს რაიონის დევნილთა განსახლების ადგილებში შექმნილ ბინათმესაკუთრეთა ამხანაგობების წარმომადგენლებს შევხვდით, გავაცანით აფხაზეთის მთავრობის მიმდინარე და დაგეგმილი პროექტები, მოვისმინეთ მათი საჭიროებები.

საბურთალოს რაიონის დევნილთა განსახლების ადგილებში შექმნილი ბინათმესაკუთრეთა ამხანაგობებისგან მიღებული ინფორმაციების გათვალისწინებით, საბურთალოს რაიონში მდებარე დევნილთა განსახლების ადგილებში ინფრასტრუქტურულ და სოციალურ პროექტებს განვახორციელებთ.“- დავით ფაცაცია

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, მოადგილეებთან - გურამ მისაბიშვილთან და იგორ კოპალიანთან ერთად, თეთრიწყაროს მუნიციპალიტეტის სოფელ წინწყაროში მცხოვრებ, აფხაზეთიდან იძულებით გადაადგილებულ პირებს შეხვდა.

შეხვედრაზე მთავრობის წარმომადგენლებმა სოფელ წინწყაროში მცხოვრები დევნილების საჭიროებები მოისმინეს და მოსახლეობას ის განხორციელებული და სამომავლოდ დაგეგმილი პროექტები გააცნეს, რომლებიც აფხაზეთის ავტონომიური რესპუბლიკის მთავრობის ხელშეწყობით და ფინანსური მხარდაჭერით ხორციელდება.

აფხაზეთიდან დევნილებისგან მიღებული ინფორმაციების გათვალისწინებით, მათი საჭიროებების შესაბამისი სოციალური და სხვა სახის პროექტები განხორციელდება.

„ჩვენთვის მნიშვნელოვანი იყო პირადად მათგან მოგვესმინა ის გამოწვევები, რომლებიც სოფელ წინწყაროში მცხოვრები, აფხაზეთიდან დევნილი მოსახლეობის წინაშე დგას და გაგვეზიარებინა ინფორმაცია, აფხაზეთის ავტონომიური რესპუბლიკის მთავრობის ხელშეწყობით და ფინანსური მხარდაჭერით განხორციელებული პროგრამებისა და მიმდინარე ეტაპზე დაგეგმილი პროექტების შესახებ.

აფხაზეთიდან იძულებით გადაადგილებულ მოსახლეობასთან შეხვედრები ყოველთვის ნაყოფიერია და მათთან ერთად დასმული საკითხები აუცილებლად ხდება ჩვენი დღის წესრიგის ნაწილი.“ - დავით ფაცაცია

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ, პირველ მოადგილე გურამ მისაბიშვილთან, აფხაზეთიდან იძულებით გადაადგილებულ პირთა-დევნილთა მომსახურების სააგენტოს დირექტორ სალომე დოლიძესთან და სამინისტროს წარმომადგენლებთან ერთად, სენაკის მუნიციპალიტეტის თემურ ბოკუჩავას სახელობის აფხაზეთის №7 საჯარო სკოლაში შეხვედრა გამართა.

სამინისტროს წარმომადგენლებმა შეხვედრის მონაწილეებს გააცნეს პროექტი „ქართული კულტურული მემკვიდრეობა აფხაზურ ვიკიპედიაში“, რომლის ფარგლებში, აფხაზურ ვიკიპედიაში შეტანილ იქნება ქართული კულტურული მემკვიდრეობის შესახებ სრული ინფორმაცია.

შეხევდრაზე, აფხაზეთიდან იძულებით გადაადგილებულ პირთა-დევნილთა მომსახურების სააგენტომ სენაკის მუნიციპალიტეტის თემურ ბოკუჩავას სახელობის აფხაზეთის №7 საჯარო სკოლას, ტექნიკური სივრცის გახსნის აღსანიშნავად, საჩუქრად გადასცა სმარტ ტელევიზორი.

აფხაზეთიდან იძულებით გადაადგილებულ პირთა-დევნილთა მომსახურების სააგენტოს ორგანიზებით, ქ. ზუგდიდის ბოტანიკურ ბაღში გაიმართა შემოქმედებითი საღამო - „ჩონგური და აფხიარცა“.

ღონისძიებაზე პოეტთა კულტურულ-შემოქმედებითი საღამო გაიმართა, ასევე მოეწყო აფხაზეთიდან დევნილ მხატვართა ნამუშევრების გამოფენა. საღამო მუსიკალური ნომრებით გააფორმა ანსამბლმა „ოდოიამ“.

საღამოზე, აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ აფხაზეთიდან დევნილ ხელოვანებს, ქართულ-აფხაზურ ურთიერთობებში შეტანილი განსაკუთრებული წვლილისთვის 300 ლარიანი სასაჩუქრე ვაუჩერები და მადლობის სიგელები გადასცა.

ღონისძიებას, ასევე, ესწრებოდნენ აფხაზეთის ავტონომიური რესპუბლიკის იძულებით გადაადგილებულ პირთა მინისტრის პირველი მოადგილე გურამ მისაბიშვილი, აფხაზეთიდან იძულებით გადაადგილებულ პირთა-დევნილთა მომსახურების სააგენტოს დირექტორი სალომე დოლიძე, ქალაქ ზუგდიდის მუნიციპალიტეტის მერის მოადგილე მაიზერ ნანავა, სამეგრელო-ზემო სვანეთის სახელმწიფო რწმუნებულის მოადგილე ნუკრი ხასია, სამინისტროს წარმომადგენლები და აფხაზეთიდან დევნილები.

აფხაზეთის ავტონომიური რესპუბლიკის იძულებით გადაადგილებულ პირთა სამინისტრო, მთელი საქართველოს მასშტაბით ეტაპობრივად ხვდება დევნილთა განსახლების ადგილებში შექმნილი ბინათმესაკუთრეთა ამხანაგობების წარმომადგენლებს, რომლის მიზანია მათი და ადგილობრივი ხელისუფლების ჩართულობით, იძულებით გადაადგილებულ პირთა საჭიროებებზე მორგებული პროექტების უფრო ეფექტურად განხორციელების ხელშეწყობა.

აღნიშნული მიზნით, აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, პირველ მოადგილე გურამ მისაბიშვილთან და ჩუღურეთის რაიონის გამგებელ დავით მაქაცარიასთან ერთად, ამჯერად, ჩუღურეთის რაიონის დევნილთა განსახლების ადგილებში შექმნილ ბინათმესაკუთრეთა ამხანაგობების წარმომადგენლებს შეხვდა.

შეხვედრაზე დავით ფაცაციამ აფხაზეთიდან დევნილ მოქალაქეებს, აფხაზეთის ავტონომიური რესპუბლიკის მთავრობის ხელშეწყობით და ფინანსური მხარდაჭერით განხორციელებული პროგრამები და მიმდინარე ეტაპზე დაგეგმილი პროექტები გააცნო.

აფხაზეთიდან იძულებით გადაადგილებულმა პირებმა აფხაზეთის მთავრობისა და ადგილობრივი ხელისუფლების წარმომადგენლებთან, ჩუღურეთის რაიონის დევნილთა განსახლების ადგილებში არსებული მდგომარეობისა და მათი საჭიროებების შესახებ ისაუბრეს.

ბინათმესაკუთრეთა ამხანაგობებისგან მიღებული ინფორმაციების გათვალისწინებით, ჩუღურეთის რაიონში მდებარე დევნილთა განსახლების ადგილებში ინფრასტრუქტურული და სოციალური პროექტები განხორციელდება.

შეხვედრას ჩუღურეთის რაიონის გამგეობისა და სამინისტროს წარმომადგენლები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და აფხაზეთის იძულებით გადაადგილებულ პირთა მინისტრი დავით ფაცაცია გარდაბნის მუნიციპალიტეტში მცხოვრებ აფხაზეთიდან იძულებით გადაადგილებულ პირებს შეხვდნენ.

შეხვედრაზე აფხაზეთის მთავრობის წარმომადგენლებმა გარდაბნის მუნიციპალიტეტში მცხოვრები დევნილების საჭიროებები მოისმინეს და მოსახლეობას ის განხორციელებული და სამომავლოდ დაგეგმილი პროექტები გააცნეს, რომლებიც აფხაზეთის ავტონომიური რესპუბლიკის მთავრობის ხელშეწყობით და ფინანსური მხარდაჭერით ხორციელდება.

შეხვედრაზე მიღებული ინფორმაციების გათვალისწინებით, რეგიონში მცხოვრები დევნილების საჭიროებების შესაბამისი ინფრასტრუქტურული და სოციალური პროექტები განხორციელდება.

შეხვედრას აფხაზეთის ავტონომიური რესპუბლიკის იძულებით გადაადგილებულ პირთა მინისტრის პირველი მოადგილე გურამ მისაბიშვილი, გარდაბნის მუნიციპალიტეტის მერი დავით კარგარეთელი, მერის პირველი მოადგილე რამაზ ბუდაღაშვილი, სამინისტროსა და ადგილობრივი ხელისუფლების წარმომადგენლები ესწრებოდნენ.

თეატრისა და კინოს სახელმწიფო უნივერსიტეტში ქართული სიტყვის პირველი ფესტივალი „გამარჯობა აფხაზეთო შენი“ გაიმართა.

ღონისძიებას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, მინისტრის პირველი მოადგილე გურამ მისაბიშვილი, მინისტრის მოადგილე იგორ კოპალიანი, აფხაზეთის ავტონომიური რესპუბლიკის მთავრობის წევრები, საქართველოს საპატრიარქოსა და ხელოვნების სფეროს წარმომადგენლები ესწრებოდნენ.

ღონისძიების ფარგლებში, წარმოდგენილი იყო აფხაზეთის თემატიკის რეალურ ამბებზე დაფუძნებული ისტორიები. უნივერსიტეტის სტუდენტებს შორის მოეწყო მხატვრული კითხვის კონკურსი, შესრულდა მუსიკალური, ქორეოგრაფიული და თეატრალური ნომრები.

ფესტივალი საქართველოს საპატრიარქოს საზოგადოებასთან ურთიერთობის სამსახურის ინიციატივით და საქართველოს შოთა რუსთაველის თეატრისა და კინოს სახელმწიფო უნივერსიტეტის ორგანიზებით ჩატარდა.

აფხაზეთის ავტონომიური რესპუბლიკის უმაღლესი საბჭოს პლენარულ სხდომაზე, აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია ინტერპელაციის წესით დეპუტატების წინაშე წარსდგა და მათ მიერ წერილობითი დასმულ შეკითხვებს უპასუხა.

პლენარულ სხდომაზე, დავით ფაცაციამ ისაუბრა ოკუპირებულ ტერიტორიაზე მცხოვრები და აფხაზეთიდან დევნილი მოსახლეობის საჭიროებებზე, მათი სოციალური მდგომარეობის გაუმჯობესებისა და მხარდაჭერის მიზნით სამინისტროს პროგრამებსა და ამ ეტაპზე განხორციელებულ ღონისძიებებზე, მათ შორის, ამ მიმართულებებით სამინისტროს ინიციატივითა და ჩართულობით მომზადებულ კანონპროექტებზე.

სხდომას აფხაზეთის უმაღლესი საბჭოს თავმჯდომარე ჯემალ გამახარია უძღვებოდა.

დებატებში მონაწილეობდნენ აფხაზეთის უმაღლესი საბჭოს წევრები, ზურაბ ჯგუბურია, ანზორ წოწონავა, ნუგზარ მგალობლიშვილი, რაისა ქარაია, ვახტანგ ყოლბაია, ადა მარშანია, ელგუჯა გვაზავა, ანზორ წოწონავა.

სხდომას, ასევე, ესწრებოდნენ აფხაზეთის ავტონომიური რესპუბლიკის იძულებით გადაადგილებულ პირთა მინისტრის პირველი მოადგილე გურამ მისაბიშვილი, მოადგილე იგორ კოპალიანი, სსიპ - აფხაზეთიდან იძულებით გადაადგილებულ პირთა-დევნილთა მომსახურების სააგენტოს დირექტორი სალომე დოლიძე და სამინისტროს სტრუქტურული ერთეულების ხელმძღვანელები.

სხდომა ნაწილობრივ დისტანციურ რეჟიმში წარიმართა.

ბავშვთა დაცვის საერთაშორისო დღესთან დაკავშირებით, აფხაზეთის ავტონომიური რესპუბლიკის იძულებით გადაადგილებულ პირთა სამინისტრომ აფხაზეთიდან დევნილ ბავშვებს საჩუქრები გადასცა.

საჩუქრების დარიგების პროცესში სამინისტროს იმერეთის, გურიის, რაჭა-ლეჩხუმისა და ქვემო სვანეთის რეგიონებისა და აჭარის ავტონომიური რესპუბლიკის ტერიტორიული ორგანოს ხელმძღვანელი ნათია კოპალიანი, სამეგრელო-ზემო სვანეთის ტერიტორიული ორგანოს ხელმძღვანელი კოტე ბასარია, ადგილობრივი ხელისუფლებისა და სამინისტროს წარმომადგენლები მონაწილეობდნენ.

2023 წლის 6 თებერვალს თურქეთში მომხდარი მიწისძვრით დაზარებულთა მხარდაჭერის ფარგლებში, აფხაზეთის ავტონომიური რესპუბლიკის იძულებით გადაადგილებულ პირთა მინისტრს დავით ფაცაციას და მინისტრის პირველ მოადგილეს გურამ მისაბიშვილს თურქეთის რესპუბლიკის ელჩმა, ალი ქაან ორბაიმ და თურქ ბიზნესმენთა ასოციაცია „გურთიადის“ თავმჯდომარემ, ოსმან თურანმა უმასპინძლეს.

შეხვედრაზე, აფხაზეთის ავტონომიური რესპუბლიკის იძულებით გადაადგილებულ პირთა მინისტრს დავით ფაცაციას თურქ ბიზნესმენთა ასოციაცია „გურთიადის“ თავმჯდომარემ, ოსმან თურანმა 2023 წლის 6 თებერვალს თურქეთში მომხდარი მიწისძვრით დაზარებულთა დასახმარებლად შეტანილი წვლილისთვის მადლობის სიგელი გადასცა და აფხაზეთის ავტონომიური რესპუბლიკის იძულებით გადაადგილებულ პირთა სამინისტროს მიერ გაწეული დახმარების დროულობასა და მნიშვნელობაზე ისაუბრა.

სიტყვით გამოსვლისას თურქეთის რესპუბლიკის ელჩმა, ალი ქაან ორბაიმ თურქეთის სახელმწიფოს, საელჩოს და თურქეთის რესპუბლიკის მოსახლეობის სახელით სამინისტროს მადლობა გადაუხადა დახმარებისთვის. საუბრისას, მან ყურადღება გაამახვილა მეზობელ სახელმწიფოებს შორის მრავალწლიან მეგობრულ ურთიერთობებსა და რთული ვითარებისას საქართველოს მიერ გაწეულ დახმარებაზე.

„2023 წლის 6 თებერვალს თურქეთში მომხდარი მიწისძვრით დაზარებულთა დასახმარებლად ჩვენი სამინისტროს თანამშრომელთა ჩართულობა და ერთსულოვნება, წარმოადგენდა წმინდა მეგობრულ აქტს და ყველა ჩვენგანის განცდას, რომელსაც აფხაზეთის მოსახლეობა განსაკუთრებულად ვგრძნობთ.

ჩვენს ქვეყნებს წლების მეგობრობა აკავშირებს, ჩვენ ყოველთვის ვგრძნობთ თქვენი ქვეყნის მხარდაჭერას, რისთვისაც უზომოდ მადლიერნი ვართ. ყოველთვის მოხარული ვიქნებით გავაკეთოთ ყველაფერი ის, რაც ჩვენს ძმობას გააძლიერებს.“- დავით ფაცაცია.

2023 წლის 6 თებერვალს თურქეთში მომხდარი მიწისძვრით დაზარებულთა დასახმარებლად აფხაზეთის ავტონომიური რესპუბლიკის იძულებით გადაადგილებულ პირთა სამინისტროს სისტემაში დასაქმებულმა პირებმა 6000 ლარის ოდენობის თანხა გაიღეს.

„აფხაზეთობის“ კვირეულის ფარგლებში, აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძესთან ერთად, აფხაზეთიდან დევნილ, თბილისის სახელმწიფო უნივერსიტეტის სტუდენტებს შეხვდა. მონაწილეებმა აფხაზეთზე, დევნილი სტუდენტების საჭიროებებსა და კონფლიქტის მშვიდობიანი დარეგულირების საკითხებზე ისაუბრეს.

ღონისძიება „აფხაზეთობა თსუ-ში“ მუსიკალური ნომრით გახსნა თბილისის სახელმწიფო უნივერსიტეტის ანსამბლმა „უნივერსიტეტი“, ასევე მოეწყო აფხაზეთიდან დევნილი მხატვრების ნამუშევრების გამოფენა.

ღონისძიებაში ივანე ჯავახიშვილის სახელობის თბილისის სახელმწიფო უნივერსიტეტის რექტორი ჯაბა სამუშია, საქართველოს პარლამენტის გენდერული თანასწორობის მუდმივმოქმედი საპარლამენტო საბჭოს თავმჯდომარე ნინო წილოსანი, აფხაზეთის მთავრობისა და აფხაზეთის ავტონომიური რესპუბლიკის იძულებით გადაადგილებულ პირთა სამინისტროს წარმომადგენლები მონაწილეობდნენ.

სტუდენტებთან შეხვედრა აფხაზეთიდან იძულებით გადაადგილებულ პირთა-დევნილთა მომსახურების სააგენტოს და ივანე ჯავახიშვილის სახელობის თბილისის სახელმწიფო უნივერსიტეტის ორგანიზებით, პირველი კორპუსის სააქტო დარბაზის ფოიეში გაიმართა.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ, აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძესთან, პირველ მოადგილე გურამ მისაბიშვილთან, აფხაზეთის მთავრობის წევრებთან და უმაღლესი საბჭოს დეპუტატებთან ერთად, „ვეტერანთა კულტურისა და დასვენების პარკში“ მეორე მსოფლიო ომში დაღუპულთა ხსოვნას პატივი მიაგო.

ამ დღესთან დაკავშირებით, აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ, პირველ მოადგილე გურამ მისაბიშვილთან ერთად აფხაზეთიდან დევნილ, მეორე მსოფლიო ომის ვეტერანს, კონსტანტინე ყარამანიშვილს სახლში ესტუმრა ფაშიზმზე გამარჯვების დღე პირადად მიულოცა და დღესასწაულთან დაკავშირებით საჩუქრები გადასცა.

დავით ფაცაციამ 100 წელს მიღწეულ აფხაზეთიდან დევნილ ვეტერანს ფაშიზმის წინააღმდეგ შეუპოვარი ბრძოლისთვის, თავისუფლების სიყვარულისა და მთელ მსოფლიოში მშვიდობის დამყარებაში შეტანილი საკუთარი წვლილისთვის მადლობა გადაუხადა და უსურვა ჯანმრთელობა, კეთილდღეობა და დიდხანს სიცოცხლე ერთიან საქართველოში.

„ყოველთვის უნდა გვახსოვდეს, რომ საქართველომ განსაკუთრებული წვლილი შეიტანა ფაშიზმზე გამარჯვებაში - ჩვენ დავკარგეთ ასეულ ათასობით თანამემამულე, რომლებიც სიცოცხლის ფასად იბრძოდნენ მსოფლიოს უდიდესი ბოროტების წინააღმდეგ.

ქედს ვიხრი ყველა იმ ქართველის ხსოვნის წინაშე, ვინც თავი შესწირა ფაშიზმის წინააღმდეგ ბრძოლას, ხოლო ცოცხალ გმირებს - მეორე მსოფლიო ომის ვეტერანებს, დიდი პატივისცემით ვულოცავ გამარჯვების დღეს, ვუსურვებ ჯანმრთელობას, მხნეობას და დიდხანს სიცოცხლეს ერთიან საქართველოში.

თითოეული ჩვენგანი ვალშია მათ წინაშე, სწორედ მათი თავგანწირვისა და შეუპოვრობის დამსახურებით მოიპოვა მსოფლიომ სტაბილურობა და მშვიდობა. ამიტომ, განსაკუთრებით ვზრუნავთ მათზე და ვცდილობთ საქმით გამოვხატოთ ჩვენი უდიდესი მადლიერება.

აფხაზეთიდან დევნილ, მეორე მსოფლიო ომის ვეტერანს, კონსტანტინე ყარამანიშვილს სახლში ვესტუმრე და ფაშიზმზე გამარჯვების დღე პირადად მივულოცე.

ამ დიდ სამამულო ომში კაცობრიობისთვის უმნიშვნელოვანესი ღირებულების - თავისუფლებისათვის ბრძოლაში პირადად თქვენი და თქვენი თანამებრძოლების როლი ძალიან დიდია. ბედნიერებაა, რომ დღეს ჩვენს გვერდით ხართ და გვაქვს შესაძლებლობა კიდევ ერთხელ ქედი მოვიხაროთ თქვენი გამბედაობისა და გმირობის წინაშე.“ - დავით ფაცაცია.

ფაშიზმზე გამარჯვების დღე, იმერეთის რეგიონში მცხოვრებ, აფხაზეთიდან დევნილ, მეორე მსოფლიო ომის ვეტერანს, ორესტი ბერულავას სამინისტროს იმერეთის, გურიის, რაჭა-ლეჩხუმისა და ქვემო სვანეთის რეგიონებისა და აჭარის ავტონომიური რესპუბლიკის ტერიტორიული ორგანოს ხელმძღვანელმა ნათია კოპალიანმა მიულოცა და საჩუქრები გადასცა.

ფაშიზმზე გამარჯვების დღესთან დაკავშირებით, აფხაზეთის ავტონომიური რესპუბლიკის იძულებით გადაადგილებულ პირთა სამინისტრომ აფხაზეთიდან დევნილ მეორე მსოფლიო ომის ვეტერანებს ფინანსური დახმარება გაუწია.

აფხაზეთის ავტონომიური რესპუბლიკის იძულებით გადაადგილებულ პირთა სამინისტრომ შესაბამისი პროგრამის ფარგლებში, აფხაზეთიდან დევნილ მეორე მსოფლიო ომის ვეტერანებს - 300 ლარი გადაურიცხა.

ნიდერლანდების სამეფოში სამუშაო ვიზიტის ფარგლებში, აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია ნიდერლანდების სამეფოს ქართული კულტურის ცენტრის დამფუძნებელ თინათინ სვანიძე-ვენკოსა და ამერიკის შეერთებულ შტატებში მოქმედი საზოგადოებრივი გაერთიანების "ქართველი ვეტერანების ამერიკელი მეგობრების" პრეზიდენტ ნიკოლოზ ქარჩავას შეხვდა.

შეხვედრაზე მხარეებმა ისაუბრეს პრიორიტეტულ მიმართულებებსა და თანამშრომლობის განვითარებაზე, მათ შორის სხვადასხვა ბანაკებში აფხაზეთიდან დევნილი, დიასპორის ახალგაზრდების ჩართულობის, დევნილი ვეტერანების მხარდაჭერისა და ჰუმანიტარული დახმარებების განხორციელების საკითხებზე, ამ მიზნით საერთაშორისო დონორ ორგანიზაციებთან ურთიერთობების წარმოებაზე. მნიშვნელოვანია ისიც, რომ მხარეების ხელშეწყობით, შესაბამისი ქმედითი ღონისძიებების განხორციელების მიზნით, დაიგეგმა შეხვედრები საერთაშორისო ორგანიზაციებთან.

„მოხარული ვარ, რომ მხარეებმა ერთობლივად გამოვხატეთ მზადყოფნა აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი მოსახლეობის საჭიროებებზე ორიენტირებული ღონისძიებების ერთობლივად განხორციელების მიზნით თანამშრომლობის კიდევ უფრო გაღრმავების თაობაზე.

ჩვენი ერთ-ერთი ძირითადი ამოცანაა აფხაზეთიდან დევნილი და აფხაზეთის ოკუპირებულ ტერიტორიაზე მცხოვრები მოსახლეობის მხარდაჭერა ყველა შესაძლო მეთოდით, რაშიც ქართული დიასპორების, საერთაშორისო დონორი ორგანიზაციების ხელშეწყობა ძალიან მნიშვნელოვანია და აქტიურად ვიმუშავებთ ამ მიმართულებით.“ - დავით ფაცაცია.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, პირველ მოადგილე გურამ მისაბიშვილთან და ისნის რაიონის გამგებელ ნიკოლოზ ელისაშვილთან ერთად, იძულებით გადაადგილებულ პირთა საჭიროებებზე მორგებული პროექტების უფრო ეფექტურად განხორციელების ხელშეწყობის მიზნით, ისნის რაიონში მდებარე დევნილთა განსახლების ადგილებში შექმნილ ბინათმესაკუთრეთა ამხანაგობების წარმომადგენლებს შეხვდა.

შეხვედრაზე, აფხაზეთიდან იძულებით გადაადგილებულმა პირებმა, სამინისტროსა და ადგილობრივი ხელისუფლების წარმომადგენლებთან, განსახლების ადგილებში არსებული ვითარების შესახებ ისაუბრეს.

ასევე, დევნილთა მდგომარეობის ადგილზე შესწავლისა და შემდგომი რეაგირების მიზნით, სამინისტროსა და ადგილობრივი ხელისუფლების წარმომადგენლებმა ისნის რაიონში მდებარე განსახლების ობიექტი მოინახულეს, რომელიც იძულებით გადაადგილებული პირებისგან მიღებული ინფორმაციების გათვალისწინებით, ყველაზე მეტად საჭიროებს ინფრასტრუქტურული სამუშაოების განხორციელებას.

შეხვედრას, ისნის რაიონის გამგეობისა და სამინისტროს წარმომადგენლები ესწრებოდნენ.