აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

ახალი ამბები
რუსლან აბაშიძემ და ლევან თევზაიამ ინგირში თანამედროვე სტანდარტების მქონე თხილის გადამამუშავებელი საწარმო დაათვალიერეს

აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ და აფხაზეთის დევნილთა მინისტრმა ლევან თევზაიამ, ზუგდიდის მუნიციპალიტეტის სოფელ ინგირში თანამედროვე სტანდარტების მქონე თხილის გადამამუშავებელი საწარმო „ჯეო ნათსი" დაათვალიერეს, სადაც 80-მდე აფხაზეთიდან დევნილია დასაქმებული.
საწარმოს დირექტორმა აფხაზეთის მთავრობის წევრებს საქმიანობის სრული პროცესი გააცნო, რომელიც პროდუქციის მიღებას, დამუშავებას, გარჩევას, მოხალვას, დაფასოებასა და საექსპორტოდ მომზადებას მოიცავს.
საწარმო, წელიწადში 7 000-10 000 ტონა თხილის სხვადასხვა სახის პროდუქციას აწარმოებს, რომელიც მთლიანად ექსპორტზე გააქვს.
რუსლან აბაშიძემ და ლევან თევზაიამ თხილის საწარმოს მიმდებარედ, ლურჯი მოცვის სამაცივრე მეურნეობაც დაათვალიერეს და ამ მეურნეობაში დევნილთა დასაქმების შესაძლებლობებიც განიხილეს.

 

ლევან თევზაიამ იმერეთის რეგიონში მცხოვრებ ომში დაღუპული მეომრების ოჯახებს სააღდგომო ნობათები გადასცა.

აფხაზეთის დევნილთა მინისტრი ლევან თევზაია იმერეთის რეგიონში მცხოვრებ, ომში დაღუპული მეომრების ოჯახებს ესტუმრა, დამდეგი აღდგომის ბრწყინვალე დღესასწაული მიულოცა და სააღდგომო ნობათები გადასცა. აფხაზეთის დევნილთა სამინისტროს სოციალური სოლიდარობის მხარდაჭერის პროგრამის ფარგლებში,  სააღდგომო საჩუქრები თბილისსა და რეგიონებში მცხოვრებ, მეორე მსოფლიო ომის ვეტერანებს, აფხაზეთის ომის I და II ჯგუფის ინვალიდებს, დედ-მამით ობოლ არასწრულწლოვნებს, ომში დაღუპული მეომრების დედებსა და სხვადასხვა კატეგორიის სოციალურად დაუცველ დევნილ ოჯახებს გადაეცემათ.

სააღდგომო ნობათი აფხაზეთის ა/რ მთავრობის ინიციატივითა და აფხაზეთის დევნილთა სამინისტროს ორგანიზებით მთელი საქართველოს მასშტაბით დარიგდება.

 

ლევან თევზაიამ ზუგდიდში, ტრენინგში ,,ალგორითმული აზროვნება და პროგრამირება“ მონაწილე აფხაზეთის საჯარო სკოლის მოსწავლეებს საჩუქრად ,,ბიბლუსი“-ს მხარდაჭერით წიგნები და სერტიფიკატები გადასცა.

მინისტრმა აფხაზეთის საჯარო სკოლების მოსწავლეებს, რომლებმაც ონლაინ ტრენინგი - ,,ალგორითმული აზროვნება და პროგრამირება“ წარმატებით გაიარეს სერტიფიკატები და წიგნის მაღაზიათა ქსელ „ბიბლუსი“-ს მხარდაჭერით, სხვადასხვა საკითხავი ლიტერატურა საჩუქრად გადასცა.
მინისტრმა მოსწავლეებს აღნიშნულ პროგრამაში აქტიური ჩართულობისთვის მადლობა გადაუხადა და წარმატებები უსურვა.
შეხვედრას აფხაზეთის ჯანმრთელობისა და სოციალური დაცვის მინისტრი ქეთევან ბაკარაძე ესწრებოდა.
აფხაზეთის დევნილთა სამინისტრომ, ,,პითაგორას აკადემია“-ს მხარდაჭერით დევნილი მოსწავლეებისთვის -,,ალგორითმულ აზროვნებასა და პროგრამირებაზე“ უფასო ტრენინგი რამდენიმე კვირის წინ დაასრულა.
კურსი მოიცავდა 12 აკადემიურ საათს, რომლის ფარგლებში მოზარდებმა ალგორთმული აზროვნების ფუნდამენტური საკითხები, ლოგიკური აზროვნების განვითარება და პროგრამირების შესავალი გაიარეს.
აღნიშნულ პროგრამაში აფხაზეთის საჯარო სკოლებიდან მათემატიკისა და ფიზიკის საგნებში მაღალი აკადემიური მოსწრების მოსწავლეები მონაწილეობდნენ.
Biblusi • ბიბლუსი

 

ლევან თევზაიამ წყალტუბოში მცხოვრებ , აფხაზეთიდან დევნილ თამარ ლეთოდიანს ეტლი და სააღდგომო ნობათი გადასცა

აფხაზეთის დევნილთა მინისტრმა ლევან თევზაიამ წყალტუბოში მცხოვრები, აფხაზეთიდან დევნილი, შეზღუდული შესაძლებლობის მქონე თამარ ლეთოდიანი მოინახულა, მას საჩუქრად ეტლი და სააღდგომო ნობათი გადასცა.
აფხაზეთიდან იძულებით გადაადგილებულ შშმ პირთათვის ეტლებით და სხვა გადასაადგილებელი საშუალებებით დახმარება, აფხაზეთის ჯანმრთელობისა და სოციალური დაცვის სამინისტროსა და საერთაშორისო ასოციაცია „საქართველოს ქალები მშვიდობისა და სიცოცხლისათვის" თანამშრომლობის ფარგლებში ხორციელდება.
პროგრამის მიზანია აფხაზეთიდან იძულებით გადაადგილებულ პირთა სოციალური მდგომარეობის გაუმჯობესება.

ლევან თევზაიამ ტრენინგში ,,ალგორითმული აზროვნება და პროგრამირება“ მონაწილე აფხაზეთის საჯარო სკოლის მოსწავლეებს საჩუქრად ,,ბიბლუსი“-ს მხარდაჭერით წიგნები და სერტიფიკატები გადასცა.

დღეს, აფხაზეთის დევნილთა მინისტრი ლევან თევზაია ქუთაისში მდებარე აფხაზეთის მე-5 და ჟიული შარტავას სახელობის მე-6 საჯარო სკოლებს სტუმრობდა.
მინისტრმა აფხაზეთის საჯარო სკოლების მოსწავლეებს, რომლებმაც ონლაინ ტრენინგი - ,,ალგორითმული აზროვნება და პროგრამირება“ წარმატებით გაიარეს სერტიფიკატები და წიგნის მაღაზიათა ქსელ „ბიბლუსი“-ს მხარდაჭერით, სხვადასხვა საკითხავი ლიტერატურა საჩუქრად გადასცა.
მინისტრმა მოსწავლეებს აღნიშნულ პროგრამაში აქტიური ჩართულობისთვის მადლობა გადაუხადა და წარმატებები უსურვა.
შეხვედრას აფხაზეთის დევნილთა სამინისტროს იმერეთის, გურიის, რაჭა-ლეჩხუმის , ქვემო სვანეთის რეგიონებისა და აჭარის ა/რ-ის ტერიტორიული ორგანოს ხელმძღვანელი, ნათია კოპალიანი ესწრებოდა.
აფხაზეთის დევნილთა სამინისტრომ, ,,პითაგორას აკადემია“-ს მხარდაჭერით დევნილი მოსწავლეებისთვის -,,ალგორითმულ აზროვნებასა და პროგრამირებაზე“ უფასო ტრენინგი რამდენიმე კვირის წინ დაასრულა.
კურსი მოიცავდა 12 აკადემიურ საათს, რომლის ფარგლებში მოზარდებმა ალგორთმული აზროვნების ფუნდამენტური საკითხები, ლოგიკური აზროვნების განვითარება და პროგრამირების შესავალი გაიარეს.
აღნიშნულ პროგრამაში აფხაზეთის საჯარო სკოლებიდან მათემატიკისა და ფიზიკის საგნებში მაღალი აკადემიური მოსწრების მოსწავლეები მონაწილეობდნენ.

აფხაზეთის დევნილთა სამინისტროს თანამშრომლებს გენდერული თანასწორობის საკითხებზე, თბილისის მერის მრჩეველი, ნინო ბურძენიძე შეხვდა.

შეხვედრა აფხაზეთის დევნილთა მინისტრის ლევან თევზაიას ინიციატივით გაიმართა.

შეხვედრისას, ნინო ბურძენიძემ გენდერული თანასწორობის შესახებ ცნობიერების ამაღლების მნიშვნელობაზე ისაუბა. ასევე, ყურადღება გაამახვილა დევნილი ქალებისა და სხვადასხვა გენდერული ჯგუფების საჭიროებებზე .

მან მონაწილეებს ბოლო პერიოდში ამ მიმართულებით გადადგმული ნაბიჯები და სამომომავლო გეგმები გააცნო. ასევე, გენდერული თანასწორობის კუთხით არსებული საკანონმდებლო ვალდებულებები განიხილა.

შეხვედრის მონაწილეებმა ქალთა ეკონომიკური გაძლიერების მნიშვნელობასა და გენდერულ თანასწორობასთან დაკავშირებულ აქტუალურ საკითხებზე, კერძოდ, ძირითადი ცნებების განსაზღვრებებზე, გენდერულ როლსა და სტერეოტიპებზე, გენდერულ დისკრიმინაციაზე, ოჯახში ძალადობასა და ოჯახში ძალადობისაგან დაცვის მექანიზმებზე ისაუბრეს.

 

აფხაზეთის დევნილთა სამინისტროს პროგრამებს იმერეთში, დევნილთა ჩასახლების ობიექტებში ბინათმესაკუთრეთა ამხანაგობის წარმომადგენლები გაეცნენ.

აფხაზეთის დევნილთა სამინისტროს იმერეთის, გურიის, რაჭა-ლეჩხუმისა და ქვემო სვანეთის რეგიონისა და აჭარის ავტონომიური რესპუბლიკის ტერიტორიული ორგანოს თანამშრომლები, ქუთაისის მუნიციპალიტეტის კომპაქტური ჩასახლებების ობიექტების ბინათმესაკუთრეთა ამხანაგობების წარმომადგენლებს შეხვდნენ.

ტერიტორიული ორგანოს ხელმძღვანელმა ნათია კოპალიანმა ამხანაგობების წარმომადგენლებს გასული წლის მოკლე ანგარიში წარუდგინა, ასევე, გააცნო აფხაზეთის ავტონომიური რესპუბლიკის იძულებით გადაადგილებულ პირთა-დევნილთა სამინისტროს სოციალური და ინფრასტრუქტურული მხარდაჭერის პროგრამები.

შეხვედრაზე ასევე, განიხილეს კომპაქტურ ჩასახლებებში არსებული პრობლემები და მათი გადაჭრის შესაძლებლობები.

სამინისტროს თანამშრომლები შრომის კოდექსის ახალ დებულებებსა და შრომითი ხელშეკრულების პირობების საკითხებთან დაკავშირებულ ტრენინგს დაესწრნენ

აფხაზეთის დევნილთა სამინისტროს იმერეთის, გურიის, რაჭა-ლეჩხუმისა და ქვემო სვანეთის რეგიონისა და აჭარის ავტონომიური რესპუბლიკის ტერიტორიული ორგანოს თანამშრომლები შრომის საერთაშორისო ორგანიზაციისა და საქართველოს პროფესიული გაერთიანების ორგანიზებით გამართულ ტრენინგს დაესწრნენ. ტრენინგის მონაწილეები საქართველოს შრომის კოდექსის ახალ დებულებებსა და შრომითი ხელშეკრულების პირობებს გაეცნენ. ასევე, იმსჯელეს ქალთა უფლებების დაცვის საკითხებზე. შეხვედრის დასასრულს, შრომით კანონმდებლობაში ცვლილებების შეტანის შესახებ დისკუსია წარიმართა.

 ტრენინგი 14 აპრილს, წყალტუბოში, სასტუმრო "პლაზაში" ჩატარდა.

 

 

თბილისის ილორის წმინდა გიორგის სახელობის ტაძარში საოკუპაციო ხაზთან ტრაგიკულად დაღუპულთა სულების მოსახსენებელი პანაშვიდი გაიმართა

თბილისის ილორის წმინდა გიორგის სახელობის ტაძარში საოკუპაციო ხაზთან ტრაგიკულად დაღუპულთა სულების მოსახსენებელი პანაშვიდი გაიმართა. პანაშვიდს აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის უმაღლესი საბჭოს თავმჯდომარე ჯემალ გამახარია, აფხაზეთის მთავრობის თავმჯდომარის მოადგილე ანზორ მარგიანი, აფხაზეთის მთავრობის წევრები, უმაღლესი საბჭოს დეპუტატები და დევნილი საზოგადოება ესწრებოდნენ.
აფხაზეთის მთავრობის თავმჯდომარემ, მთავრობის სახელით კიდევ ერთხელ უდიდესი მწუხარება გამოხატა მომხდარი ტრაგედიის გამო და დაღუპულთა ოჯახებს მხარდაჭერა აღუთქვა.
ტაძრის წინამძღვარმა მამა ლევან ჯანაშიამ წირვა-ლოცვა აღავლინა და დაღუპულთა სულების მოსახსებელი პანაშვიდი გადაიხადა.
2021 წლის 7 აპრილს ტრაგიკულად დაღუპული ოკუპირებული აფხაზეთის ტერიტორიაზე მცხოვრები საქართველოს მოქალაქეების ხსოვნის პატივსაცემად, საქართველოს პრემიერ-მინისტრის განკარგულებით 2021 წლის 10 აპრილი საქართველოში გლოვის დღედ გამოცხადდა.

ხარების დღესასწაულთან დაკავშირებით გარდაბნის მუნიციპალიტეტის სოფელ სართიჭალაში მცხოვრებ აფხაზეთიდან იძულებით გადაადგილებულ პირებს ჰუმანიტარული დახმარება გადაეცათ.

აფხაზეთის მთავრობის თავმჯდომარემ რუსლან აბაშიძემ, აფხაზეთის მთავრობის თავჯდომარის მოადგილემ ანზორ მარგიანმა,აფხაზეთის დევნილთა მინისტრმა ლევან თევზაიამ, აფხაზეთის ჯანდაცვის მინისტრმა,ქეთევან ბაკარაძემ და აფხაზეთის დევნილთა მინისტრის მოადგილე მურად აბლოთიამ
სართიჭალაში, ყოფილი სამხედრო ქალაქის კომპაქტურ ჩასახლებაში მცხოვრებ დევნილებს ხარების დღესასწაული მიულოცეს და სასურსათო პროდუქტები და ჰიგიენური საშუალებები გადასცეს.
ღონისძიების ფარგლებში, ასევე, დევნილებთან საინფორმაციო შეხვედრა გაიმართა. მოსახლეობას მიეწოდა ინფორმაცია ჯანმრთელობისა და სოციალური დაცვის, განათლების, ერთჯერადი მატერიალური დახმარების პროგრამების შესახებ, რომლებსაც აფხაზეთის ავტონომიური რესპუბლიკის მთავრობის ბიუჯეტი აფინანსებს და რომელთა სარგებლობაც დევნილებს შეუძლიათ.
ჰუმანიტარული აქცია აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს ორგანიზებით და კომპანია ,,გაგრა+“-სა და ,,ბარამბო"-ს მხარდაჭერით განხორციელდა.

რელიგიის საკითხთა სახელმწიფო სააგენტომ აფხაზეთის დევნილთა სამინისტროს ჰუმანიტარული დახმარება გადასცა

ტვირთის გადმოცემის პროცესს , აფხაზეთის დევნილთა მინისტრი ლევან თევზაია, აფხაზეთის  მთავრობის თავჯდომარის მოადგილე ანზორ მარგიანი, აფხაზეთის ფინანსთა და დარგობრივი ეკონომიკის მინისტრი ივანე დოლიძე, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, რელიგიის საკითხთა სახელმწიფო სააგენტოს თავმჯომარე ზაზა ვაშაყმაძე და მოადგილე გიორგი უკლება ესწრებოდნენ.

აფხაზეთის დევნილთა სამინისტროს ორგანიზებით აღნიშნული დახმარება საქართველოს რეგიონებში, კომპაქტური ჩასახლების ობიექტებში მცხოვრებ სოციალურად დაუცველ, უკიდურესად შეჭირვებულ დევნილ ოჯახებს გადაეცემათ.

აფხაზეთიდან დევნილთა სამინისტროსა და რელიგიის საკითხთა სახელმწიფო სააგენტოს შორის, შემდგომი ურთიერთთანაშრომლომის გაგრძელების მიზნით, უახლოეს მომავალში მემორანდუმი გაფორმდება.

 

აფხაზეთის ა/რ დევნილთა სამინისტროში შემუშავებულ ახალ პროგრამებთან დაკავშირებით, თბილისსა და ზუგდიდში ტრენინგები ჩატარდა

აფხაზეთის დევნილთა სამინისტროსა და ტერიტორიული ორგანოს თანამშრომლებისათვის, სამინისტროში შემუშავებულ ახალ პროგრამებთან დაკავშირებით, თბილისსა და ზუგდიდში ტრენინგები ჩატარდა.
ტრენინგი აფხაზეთის დევნილთა მინისტრის მოადგილემ,მურად აბლოთიამ გახსნა.
შეხვედრის მიზანია თანამშრომელთა კვალიფიკაციის ამაღლება და იმ სიახლეების გაცნობა,რომელიც სამინისტროში დაინერგება.
აფხაზეთის დევნილთა სამინისტრომ ახალი პროგრამების წესი შეიმუშავა, რომლის მიზანია დევნილთა სოციალური მდგომარეობის გაუმჯობესება და მოწყვლადი ჯგუფებისათვის სხვადასხვა ტიპის სოციალური დახმარებების გაწევა.
მათ შორის, დევნილთა ჩასახლების ობიექტების ინფრასტრუქტურული მხარდაჭერის პროგრამების განხორციელება.

 

ვაშლიჯვარში, ბროწეულის ქუჩაზე, დევნილ მოსახლეობასთან საინფორმაციო შეხვედრა გაიმართა

აფხაზეთის დევნილთა მინისტრი ლევან თევზაია, მოადგილე მურად აბლოთიასთან , აფხაზეთის მთავრობის თავმჯდომარის მოადგილე ანზორ მარგიანთან, თბილისის მერის მოადგილე ირაკლი ბენდელიანთან და მეწყრულ პროცესებთან დაკავშირებით შექმნილ სამუშაო ჯგუფის წარმომადგენლებთან ერთად, ვაშლიჯვარში, ბროწეულის ქუჩაზე იმყოფებოდნენ და დევნილ მოსახლეობასთან საინფორმაციო შეხვედრა გამართეს.
აღნიშნულ პროცესებთან დაკავშირებით შექმნილია სამუშაო ჯგუფი, რომელიც დაკომპლექტებულია დარგის მაღალკვალიფიციური სპეციალისტებით.
ამ ეტაპზე, მიმდინარეობს კვლევა-პროექტირების სამუშაოები. უკვე მომზადებულია რამდენიმე სახის ტექნიკური დოკუმენტი.
რაც შეეხება უსაფრთხოების საკითხს, მერის მოადგილის განმარტებით, მიმდინარე ეტაპზე, ბროწეულის ქუჩისა და მიმდებარე ტერიტორიაზე მცხოვრებ მოსახლეობას საფრთხე არ ემუქრებათ და ყველა შესაბამისი სამსახური მზადაა, 24-საათიან რეჟიმში, ყველანაირ კითხვაზე პასუხის გასაცემად და სათანამშრომლოდ.
ბროწეულის ქუჩაზე, ასევე, თბილისის მერიის, საბურთალოს გამგეობის, დევნილთა, ეკომიგრანტთა და საარსებო წყაროებით უზრუნველყოფის სააგენტოს, გარემოს ეროვნული სააგენტოს წარმომადგენლები და დარგის სპეციალისტები იმყოფებოდნენ.

აფხაზეთის დევნილთა მინისტრი ლევან თევზაია, აფხაზეთის მთავრობის წევრებთან ერთად ვაშლიჯვრის დასახლებაში მცხოვრებ დევნილებს შეხვდა

აფხაზეთის დევნილთა მინისტრი ლევან თევზაია, აფხაზეთის მთავრობის თავმჯდომარის მოადგილე ანზორ მარგიანი, აფხაზეთის ფინანსთა და დარგობრივი ეკონომიკის მინისტრი ივანე დოლიძე და აფხაზეთის დევნილთა მინისტრის მოადგილე მურად აბლოთია ვაშლიჯვრის დასახლებაში მცხოვრებ დევნილებს შეხვდნენ.
აფხაზეთის მთავრობის წარმომადგენლები ადგილზე გაეცნენ დევნილთა საცხოვრებელ პირობებს, მოისმინეს მოსახლეობის წინაშე არსებული პრობლემები და მათი მოგვარების გზებზე იმსჯელეს.
შეხვედრაზე აფხაზეთის დევნილთა და ჯანმრთელობისა და სოციალური დაცვის სამინისტროების წარმომადგენლები იმყოფებოდნენ.

 

აფხაზეთის დევნილთა მინისტრმა, აფხაზეთის განათლებისა და ჯანდაცვის მინისტრებთან ერთად დევნილ, ღვაწლმოსილ ქალბატონებს უმასპინძლა

ქალთა საერთაშორისო დღესთან დაკავშირებით, აფხაზეთის დევნილთა მინისტრმა ლევან თევზაიამ, აფხაზეთის განათლებისა და კულტურის მინისტრთან, ეკა ხოფერიასთან და ჯანდაცვის მინისტრთან, ქეთი ბაკარაძესთან ერთად, დევნილ, ღვაწლმოსილ ქალბატონებს ქალთა საერთაშორისო დღე მიულოცა.
მოწვეულ ქალბატონებს კომპანია ,,კარფური“-ს მხარდაჭერით სასაჩუქრე კალათები და თაიგულები გადაეცათ.
აფხაზეთის მთავრობის წევრებმა მრავალწლიანი წარმატებული და ნაყოფიერი საქმიანობისთვის მათ მადლობის სიგელები გადასცეს და წარმატები უსურვეს.
☑️ნანული ანჩაბაძე -პროფესიით პედაგოგია. მუშაობდა სოხუმის პირველ საშუალო სკოლაში რუსული ენისა და ლიტერატურის მასწავლებლად.ომის პერიოდოში იმყოფებოდა ქ. სოხუმში. ქალბატონ თამარ ოდიშარიასთან (I სკოლის დირექტორი) ერთად ორგანიზებას უწევდა დაჭრილი მეომრებისათვის სისხლის ჩაბარების პროცესს.
☑️დალი ბერულავა პროფესიით ექიმი, მუშაობდა სოხუმის პირველ და მეორე საავადმყოფოში. 1996 წლიდან დღემდე მუშაობს ფ. თოდუას კლინიკური მედიცინის ინსტიტუტში რადიოლოგიური დიაგნოსტიკის განყოფილების ხელმძღვანელად.
მინიჭებული აქვს მედიცინის დოქტორის ხარისხი, არის ევროპის რადიოლოგთა და ნევროლოგთა ასოციაციების წევრი. გამოცემული აქვს 25-ზე მეტი სამეცნიერო ნაშრომი.
☑️ლიანა მიქაშავიძე არის საქართველოსა და აფხაზეთის დამსახურებული არტისტი და ქ. სოხუმის კ. გამსახურდიას სახელობის თეატრის მსახიობი. დაჯილდოებულია ღირსების მედლით, ქართულ კულტურაში შეტანილი წვლილისათვის მინიჭებული აქვს “მოამაგე“-ს წოდება. არის აფხაზეთის ომის მონაწილე.
☑️ალექსანდრა შენგელაია პროფესიით პედაგოგია. წლების განმავლობაში მუშაობდა გაგრის შოთა რუსთაველის სახელობის პირველ საშუალო სკოლაში. მინიჭებული აქვს საქართველოს და აფხაზეთის დამსახურებული პედაგოგის წოდება.
☑️ლაურა კილაბერიამ პედაგოგიური საქმიანობა დაიწყო 1962 წლიდან მე-18 საშუალო სკოლაში, შემდეგ მუშაობდა სოხუმის პირველი საშუალო სკოლის დაწყებითი კლასების მასწავლებლად. აქვს I კატეგორიის მასწავლებელის წოდება, დაჯილდოებულია მრავალი სიგელით.
☑️მარინე გელანტია პროფესიით ექიმია. 1984 წლიდან მუშაობდა სხვადასხვა სამედიცინო დაწესებულებაში. ის იყო ქ. სოხუმის რკინიგზის საავადმყოფოს მთავარი ექიმის მოადგილე სამკურნალო დარგში. ომის შემდგომ მუშაობდა აფხაზეთის სახელმწიფო დაცვის სპეციალური სამსახურის სამედიცინო ჯგუფის უფროსად. 2012 წლიდან აკად. ო. ღუდუშაურის სახ. ეროვნული სამედიცინო ცენტრის სხვადასხვა ხელმძღვანელ თანამდებობაზე, მათ შორის კლინიკის გენერალურ დირექტორად. 2021 წლიდან არის ჩაჩავას კლინიკის გენერალური დირექტორია. მინიჭებული აქვს სახელმწიფო დაცვის სპეციალური სამსახურის მაიორის წოდება.
☑️ნანა კიკნაძე პროფესიით ექიმი-ნევროლოგია. მუშაობდა კურორტ ბიჭვინთაში ექიმ-ნევროპათოლოგად, შემდეგ გაგრაში საქართველოს კურორტოლოგიისა და ფიზიოთერაპიის ინსტიტუტში ექიმ-ნევროლოგად. საკანდიდატო დისერტაციის დაცვის შემდეგ- მე-4 სამმართველოს კლიმატო-ბალნეოლოგიური რეაბილიტაციური ცენტრის უფროს მეცნიერად. არის მედიცინის მეცნიერებათა კანდიდატი, გამოქვეყნებული აქვს 20-ზე მეტი მეცნიერული ნაშრომი, მინიჭებული აქვს წარჩინებული ექიმის და უმაღლესი კატეგორიის ექიმის წოდებები.