აფხაზეთიდან დევნილი შეზღუდული შესაძლებლობების მქონე პირებისთვის არასამთავრობო ორგანიზაციამ „ქართველ ხალხთა ერთობა - ХХI საუკუნის საქართველო" - ინვალიდის ეტლები გამოყო. აღნიშნულმა ორგანიზაციამ ეტლები აფხაზეთის ა/რ შრომის, ჯანმრთელობისა და სოციალური დაცვის სამინისტროს გადასცა.

ორგანიზაცია „ქართველ ხალხთა ერთობა - ХХI საუკუნის საქართველო" გერმანელ პარტნიორ კომპანია „ინტერნეიშენალ ჰილფონსთან" ერთად 2003 წლიდან ახორციელებს საქველმოქმედო აქციებს. ამჯერად ორგანიზაციამ აფხაზეთის ჯანდაცვის სამინისტროს საჩუქრად 6 ინვალიდის ეტლი და ერთი გადასაადგილებლად დამხმარე საშუალება გადასცა.