2021-04-14 |
განათლებისა და კულტურის სამინისტრო
დედა ენის დღე აფხაზეთის საჯარო სკოლებშიც აღინიშნა
აფხაზეთის №2 საჯარო სკოლაში პედაგოგებმა მოსწავლეებს უამბეს, რომ 1978 წლის 14 აპრილს რუსთაველის პროსპექტზე გამოსულმა ახალგაზრდებმა საბჭოთა ხელისუფლებას ქართული ენისთვის სახელმწიფო ენის სტატუსის წართმევა არ დაანებეს. საუბრის ბოლოს კი ამ მოვლენების ამსახველი ვიდეო-მასალა უჩვენეს.
აფხაზეთის №3 საჯარო სკოლაში მოეწყო მხატვრული კითხვისა და კალიგრაფიის კონკურსები, რომელთა გამარჯვებულებსა და მონაწილეებს სიგელები გადაეცათ.
აფხაზეთის №11 საჯარო სკოლაში, საქართველოს ჰიმნთან ერთად დედაენის ჰიმნი შესრულდა. სკოლის ფოიეში გამოიფინა ქართული ასოების თემატიკის ამსახველი ნაქარგები, ნახატები და კედლის გაზეთები.
მოსწავლეებმა ყველა სკოლაში ამ დღის აღსანიშნავად დედა ენაზე ლექსები წაიკითხეს და სიმღერები შეასრულეს.
