2021-06-25 |
ჯანმრთელობისა და სოციალური დაცვის სამინისტრო
ლევან ჩაკვეტაძე საქართველოს ჯანდაცვის მინისტრს შეხვდა
აფხაზეთის ა/რ მთავრობის თავმჯდომარე რუსლან აბაშიძე, ჯანმრთელობის და სოციალური დაცვის მინისტრი ლევან ჩაკვეტაძე და აფხაზეთიდან იძულებით გადაადგილებულ პირთა-დევნილთა მინისტრი ლევან თევზაია საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ ეკატერინე ტიკარაძეს და მინისტრის პირველ მოადგილეს თამარ გაბუნიას შეხვდნენ.
შეხვედრაზე ოკუპირებულ რეგიონებში მცხოვრები პაციენტების სამედიცინო საჭიროებები და ჯანდაცვის პოლიტიკა განიხილეს. განსაკუთრებული ყურადღება დაეთმო საქართველოს ოკუპირებული ტერიტორიებიდან დევნილთა საკითხებს.
ასევე ისაუბრეს არსებულ პროექტებზე, სამომავლო გეგმებზე და შეთანხმდნენ, რომ არსებულმა რეფორმებმა დევნილთა სოციალური კეთილდღეობა კიდევ უფრო უნდა გააძლიეროს.
