აფხაზეთის ავტონომიური რესპუბლიკის განათლებისა და კულტურის სამინისტროში „აკადემიკოს ილია ვეკუას სახელობის სტიპენდიის“ მიმნიჭებელი კომისიის სხდომა გაიმართა. კომისიის წევრთა გადაწყვეტილებით, აკადემიკოს ილია ვეკუას სახელობის სტიპენდია ბაკალავრიატის საფეხურზე 2021-2022 სასწავლო წლისთვის მიენიჭა სსიპ სოხუმის სახელმწიფო უნივერსიტეტის საბუნებისმეტყველო მეცნიერებათა, მათემატიკის, ტექნოლოგიებისა და ფარმაციის ფაკულტეტის მათემატიკის საბაკალავრო პროგრამის პირველი კურსის სტუდენტს ელენე ესიავას.

 

აკადემიკოს ილია ვეკუას სახელობის სტიპენდია აფხაზეთის ავტონომიური რესპუბლიკის მთავრობის ინიციატივით 2017 წელს დაწესდა. პროექტის მიზანია ხელი შეუწყოს ახალგაზრდებში მათემატიკის, გამოყენებითი მათემატიკისა და კომპიუტერული მეცნიერებების მიმართულების პოპულარიზაციასა და განსაკუთრებული მიღწევებითა და წარმატებებით წარმოჩენილი სტუდენტების პროფესიონალებად ჩამოყალიბებას.