2021-09-17 |
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
ნანა გაბელიამ 300-მდე დევნილ ბავშვს საჩუქრად სასკოლო ნივთები გადასცა
ნანა გაბელია ზუგდიდის მუნიციპალიტეტის სოფლებში - ინგირსა და ოქტომბერში და წალენჯიხის მუნიციპალიტეტის სოფელ ფოცხოეწერში დევნილთა კომპაქტურ ჩასახლებებს ესტუმრა და ბავშვებს სასწავლო წლის დაწყება მიულოცა.
მინისტრმა მათ საჩუქრად სასკოლო ნივთები გადასცა და წარმატებული სასწავლო წელი უსურვა.
სასწავლო წლის დაწყებასთან დაკავშირებით, მინისტრი იმერეთსა და სამეგრელოში დევნილთა რამდენიმე კომპაქტურ ჩასახლებასაც სტუმრობდა. ნანა გაბელიამ სასკოლო ასაკის 6-დან 9-წლამდე მოსწავლეებს საჩუქრები გადასცა.
სამოქალაქო ინტეგრაციის მხარდაჭერის პროგრამის ფარგლებში სასწავლო ნივთები საჩუქრად 300-მდე ბავშვმა მიიღო.
