იუსტიციისა და სამოქალაქო ინტეგრაციის სამინისტრო
ახალი ამბები
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრმა ალიონა ჩხოტუამ სამინისტროს 2025 წლის საქმიანობის ანგარიში წარადგინა.
მინისტრმა ანგარიშში იმ ძირითად საქმიანობებზე ისაუბრა, რომელიც სამინისტრომ მიმდინარე წელს განახორციელა. ასევე სამომავლოდ, სამოქალაქო ინტეგრაციისა და სამშვიდობო პოლიტიკის მიმართულებით მთავრობის პრიორიტეტულ გეგმებზე გაამახვილა ყურადღება.
განსაკუთრებული აქცენტი გაკეთდა ახალგაზრდული პოლიტიკის გაძლიერებაზე და აღნიშნულ პროცესებში ახალგაზრდების აქტიური ჩართულობის მნიშვნელობაზე. დაანონსდა სამინისტროს ფარგლებში ახალგაზრდული მრჩეველთა საბჭოს შექმნა.
მოხსენების შემდეგ, მისასალმებელი სიტყვით აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე წარდგა. მთავრობის თავმჯდომარემ სამინისტროს მიერ წარმოდგენილი ანგარიში დადებითად შეაფასა და შერიგების პროცესში ახალგაზრდების ჩართულობის გაძლიერებაზე ისაუბრა.
ღონისძიების ფარგლებში, ასევე, აფხაზეთის ავტონომიური რესპუბლიკის მთავრობის ერთიანი ელექტრონული პორტალის პრეზენტაცია გაიმართა. პორტალი აფხაზეთის მთავრობის პროგრამებსა და სერვისებს "ერთი ფანჯრის" პრინციპით აერთიანებს და მიზნად ისახავს ინფორმაციის ხელმისაწვდომობის გამარტივებასა და სამთავრობო ინიციატივებში მოქალაქეთა ჩართულობის გაზრდას.
ღონისძიებას საქართველოს აღმასრულებელი ხელისუფლების წარმომადგენლები, აფხაზეთის მთავრობის წევრები და უმაღლესი საბჭოს დეპუტატები, ასევე არასამთავრობო ორგანიზაციების წარმომადგენლები ესწრებოდნენ.
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს ორგანიზებით, ბაკურიანში, საგანმანათლებლო პროექტის „საჯაროდ გამოსვლის ხელოვნება 2025” დასკვნითი ღონისძება გაიმართა.
შემაჯამებელ ღონისძიებაზე ახალგაზრდებმა პრეზენტაციები წარმოადგინეს და განვლილი სატრენინგო კურსი შეაფასეს.
პროექტის ფარგლებში, 6 დღის განმავლობაში, აფხაზეთიდან დევნილმა მოზარდებმა ისეთ მნიშვნელოვან საკითხებზე გაიღრმავეს ცოდნა, როგორებიცაა პიროვნული განვითარება, აუდიტორიასთან მუშაობა, სტრესის მართვა და გუნდური მუშაობის უნარების გაუმჯობესება.
დახურვის ღონისძიებას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის იუსტიციისა და სამოქალაქო ინტეგრაციის მინისტრი ალიონა ჩხოტუა და მინისტრის მოადგილე ელენე არდაზიშვილი დაესწრნენ.
აფხაზეთთის ავტონომიური რესპუბლიკის აღმასრულებელი ხელისუფლების წარმომადგენლებმა პროექტის მონაწილეებს სერთიფიკატები გადასცეს.
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს ინიციატივითა და მთავრობის თავმჯდომარის მხარდაჭერით , საქართველოს ინოვაციების და ტექნოლოგიების სააგენტოში საჯარო ლექცია : “ადამიანის უფლებები და ხელოვნური ინტელექტი-გამოწვევები და სამართლებრივი ასპექტები“ ჩატარდა.
აფხაზეთიდან დევნილის სტატუსის მქონე სტუდენტებისთვის ლექცია საქართველოს განათლების, მეცნიერებისა და ახალგაზრდობის მინისტრის მოადგილემ, ექსპერტმა ხელოვნური ინტელექტის მიმართულებით, პროფესორმა ზვიად გაბისონიამ წაიკითხა.
პროფესორმა ადამიანის უფლებების დაცვის საერთაშორისო სტანდარტი განიხილა და ყურადღება იმ გამოწვევებზე გაამახვილა, რომლებიც ხელოვნური ინტელექტის სწრაფ განვითარებას მოჰყვა. საჯარო ლექციის შემდგომ, ახალგაზრდების მონაწილეობთ დისკუსია გაიმართა.
ღონისძიებას აფხაზეთის ავტონომიური რესპუბლიკის თავმჯდომარე, გიორგი ჯინჭარაძე, აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრი, ალიონა ჩხოტუა და საქართველოს ინოვაციების და ტექნოლოგიების სააგენტოს თავმჯდომარე, ავთანდილ კასრაძე დაესწრნენ.
აფხაზეთის ავტონომიური რესპუბლიკის იუსტიციისა და სამოქალაქო ინეგრაციის მინისტრი ალიონა ჩხოტუა, გლდანში, პროექტ “ჯადოსნური დღეების” ფარგლებში გამართულ, შემეცნებით-გასართობ ღონისძიებას დაესწრო.
„კიდევ ერთი ლამაზი დღე ვაჩუქეთ დევნილ ბავშვებს. აფხაზეთის მთავრობა მსგავს ღონისძიებებს მომავალშიც აქტიურად განახორციელებს”-განაცხადა ალიონა ჩხოტუამ
პროექტი „ჯადოსნური დღეები“, აფხაზეთის ავტონომიური რესპუბლიკის მთავრობის თავმჯდომარის გადაწყვეტილებით, საქართველოს მასშტაბით დევნილთა 10 კომპაქტურ ჩასახლებაში განხორციელდა და მასში 3000- ზე მეტმა აფხაზეთიდან დევნილმა ბავშვმა მიიღო მონაწილეობა.
აფხაზეთის ა/რ იუსტიციისა და სამოქალაქო ინტეგრაციის მინისტრი, ალიონა ჩხოტუა, აფხაზეთის უმაღლესი საბჭოს წინაშე ინტერპელაციის ფორმატში წარდგა.
მინისტრმა დეპუტატებს უწყების საქმიანობის ძირითადი შედეგები, პროგრამების ეფექტიანობა, ბიუჯეტის ათვისების მიზნობრიობა და სამომავლო გეგმები გააცნო.
ალიონა ჩხოტუამ ყურადღება გაამახვილა ბენეფიციარებზე ორიენტირებულ მიდგომებზე, სამოქალაქო ინტეგრაციის მიმართულებით განხორციელებულ ინოვაციებზე და სამინისტროს საქმიანობის სამომავლო ხედვაზე.
უწყების ხელმძღვანელმა ხაზი გაუსვა ახალგაზრდულ მიმართულებასაც და აღნიშნა, რომ სამინისტროს პროექტების უმეტესობა ახალგაზრდების ფართო ჩართულობაზეა ორიენტირებული.
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტრო იწყებს საგანმანათლებლო პროექტს - ,,საჯაროდ გამოსვლის ხელოვნება 2025”, რომელიც მიზნად ისახავს მონაწილეებში ეფექტური კომუნიკაციისა და საჯარო გამოსვლის უნარების ჩამოყალიბებას, ინტეგრაციისა და სოციალიზაციის ხელშეწყობას, გუნდური მუშაობის უნარების გაძლიერებას.
პროექტის თემატიკა:
• საკუთარი თავის წარმოჩენა
• აუდიტორიასთან ურთიერთობა
• ხმის ტემბრი, სხეულის ენა
• სტრესის მართვა
• დამაჯერებელი კომუნიკაცია
• იდეის სტრუქტურირება და მისი ეფექტური გადმოცემა
• ვიზუალური მასალების გამოყენება
• გუნდური მუშაობა და თანამშრომლობა
უპირატესობა მიენიჭებათ:
• სოციალურად დაუცველის სტატუსის მქონე პირებს
• შეზღუდული შესაძლებლობების მქონე პირების ოჯახის წევრებს
განაცხადების მიღების ბოლო ვადა: 2025 წლის 8 დეკემბერი.
რეგისტრაციის ბმული:
დამატებითი ინფორმაციისთვის დაგვიკავშირდით:
justice@abkhazia.gov.ge
ცხელი ხაზი: 143
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტრო, აფხაზეთის მთავრობის თავმჯდომარის მხარდაჭერით, ატარებს საჯარო ლექციას თემაზე „ადამიანის უფლებები და ხელოვნური ინტელექტი: გამოწვევები და სამართლებრივი ასპექტები“.
ლექცია მიზნად ისახავს ხელოვნური ინტელექტის განვითარების პირობებში ადამიანის უფლებათა დაცვის საკითხებზე, ეთიკურ - სამართლებრივ გამოწვევებსა და საერთაშორისო სამართლებრივ რეგულაციებზე ახალგაზრდებში ცნობიერების ამაღლებას.
მონაწილეთა ტრანსპორტირება (თბილისი-ოქროყანა-თბილისი) განხორციელდება რესპუბლიკის მოედნიდან 16:00 საათზე.
განაცხადების მიღების ბოლო ვადა: 2025 წლის 7 დეკემბერი.
რეგისტრაციის ბმული:
დამატებითი ინფორმაციისთვის დაგვიკავშირდით:
justice@abkhazia.gov.ge
ცხელი ხაზი:143
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრს ახალი მოადგილეები ჰყავს.
მინისტრის პირველი მოადგილის თანამდებობაზე ბორის გაბუნია, ხოლო მოადგილის - ელენე არდაზიშვილი დაინიშნა. მოადგილეები უწყების თანამშრომლებს მინისტრმა დღეს წარუდგინა.
ბორის გაბუნიას განათლება მიღებული აქვს ივანე ჯავახიშვილის სახელობის თბილისის სახელმწიფო უნივერსიტეტის სოხუმის ფილიალში ეკონომიკის მიმართულებით. მინიჭებული აქვს დოქტორის ხარისხი.
მინისტრის ახლადდანიშნულ პირველ მოადგილეს საჯარო სექტორში, მათ შორის აფხაზეთის ავტონომიური რესპუბლიკის სტრუქტურებში, საქმიანობის მრავალწლიანი გამოცდილება აქვს. იგი ამ დრომდე აფხაზეთის ავტონომიური რესპუბლიკის ფინანსთა და ეკონომიკის სამინისტროს ქონებისა და პროგრამების მართვის დეპარტამენტის უფროსის თანამდებობას იკავებდა.
ელენე არდაზიშვილი პროფესიით იურისტია. მას დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტი. განათლება მიღებული აქვს გერმანიაშიც, ზაარლანდის უნივერსიტეტში. მას სასამართლო ხელისუფლებაში მუშაობის მრავალწლიანი გამოცდილება აქვს. დღემდე აფხაზეთის ავტონომიური რესპუბლიკის მთავრობის აპარატის უფროსის მოადგილის თანამდებობაზე მუშაობდა.
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრმა, ალიონა ჩხოტუამ და ილორის წმინდა გიორგის ტაძრის წინამძღვარმა, დეკანოზმა ლევანმა (ჯანაშია) თანამშრომლობის მემორანდუმს ხელი მოაწერეს.
დოკუმენტი ერთობლივი პროექტების განხორციელებას, ინტელექტუალური და საგანმანათლებლო რესურსების გაზიარებას, ასევე საერთო ინტერესის სფეროში არსებული აქტუალური საკითხების კოორდინირებულად გადაწყვეტას ითვალისწინებს.
შეხვედრის ფარგლებში, ალიონა ჩხოტუამ, დეკანოზს, სამინისტროს მიმდინარე და დაგეგმილი ინიციატივები, მათ შორის ახალგაზრდებზე, არაფორმალურ განათლებასა და სამოქალაქო ინტეგრაციის მხარდაჭერაზე მიმართული პროექტები გააცნო.
დეკანოზმა, ლევანმა (ჯანაშია) მინისტრს, აფხაზეთიდან დევნილი მოზარდებისთვის არაფორმალური განათლების მიღების შესაძლებლობის შექმნისა და მუდმივი მხარდაჭერისთვის, მადლობა გადაუხადა.
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრმა, ალიონა ჩხოტუამ აფხაზეთის ავტონომიური რესპუბლიკის უმაღლესი საბჭოს საფინანსო-საბიუჯეტო კომიტეტს 2024-2025 წლის რესპუბლიკური ბიუჯეტის შესრულების ანგარიში წარუდგინა.
კომიტეტის სხდომა აფხაზეთის ა/რ უმაღლესი საბჭოს თავმჯდომარის პირველმა მოადგილემ, თამაზ ხუბუამ გახსნა.
ალიონა ჩხოტუამ სამინისტროს პროგრამისა და ქვეპროგრამების ფარგლებში განხორციელებული პროექტებისა და ღონისძიებების ბიუჯეტი დეტალურად განიხილა.
მინისტრმა ყურადღება გაამახვილა მომავალი წლის პრიორიტეტებზე, რაც პროგრამული ბიუჯეტის გაზრდას გულისხმობს.
ანგარიშის წარდგენის შემდეგ სხდომა კითხვა-პასუხის რეჟიმში წარიმართა. კომიტეტის წევრებმა მინისტრს გამჭვირვალობისათვის მადლობა გადაუხადეს და იმედი გამოთქვეს, რომ სამინისტრო დევნილებზე ორიენტირებულ საქმიანობას, მომავალშიც გააგრძელებს.