აფხაზეთის ფინანსთა და დარგობრივი ეკონომიკის მინისტრმა ლევან თევზაიამ , აფხაზეთის მთავრობის თავმჯდომარესთან რუსლან აბაშიძესთან და მთავრობის სხვა წევრებთან ერთად ტერიტორიული მთლიანობისთვის დაღუპულთა ხსოვნას პატივი მიაგო. მინისტრი, სამების საკათედრო ტაძარში აფხაზეთის შეიარაღებული კონფლიქტის დროს დაღუპულთა სულების მოსახსენიებელ პანაშვიდსაც დაესწრო. დღესვე, ლევან თევზაიამ ეროვნული გმირების მამია ალასანიასა და მიხეილ ჯინჭარაძის საფლავები ყვავილებით შეამკო.