2021-11-03 |
განათლებისა და კულტურის სამინისტრო
აფხაზეთის ა/რ განათლებისა და კულტურის მინისტრს ეკა ხოფერიას აფხაზეთის ა/რ უმაღლესი საბჭოს პლენარულ სხდომაზე მოუსმინეს
აფხაზეთის ავტონომიური რესპუბლიკის განათლებისა და კულტურის მინისტრმა ეკა ხოფერიამ აფხაზეთის ავტონომიური რესპუბლიკის უმაღლესი საბჭოს პლენარულ სხდომაზე, დეპუტატების მიერ, ინტერპელაციის წესით, წერილობით დასმულ შეკითხვებს უპასუხა. სხდომას აფხაზეთის ა/რ უმაღლესი საბჭოს თავმჯდომარე ჯემალ გამახარია უძღვებოდა.
დეპუტატების შეკითხვების გათვალისწინებით, ეკა ხოფერიამ სამინისტროს მიერ განათლებისა და კულტურის სფეროებში გაწეულ საქმიანობაზე, შესაბამის სიახლეებსა და მიღწეულ შედეგებზე, პრობლემებსა და მათი დაძლევის გზებზე ისაუბრა.
განსაკუთრებული აქცენტი გააკეთა გალის რაიონის ოკუპირებულ ტერიტორიაზე ქართულ ენაზე სწავლების აკრძალვის გამო არსებულ გამოწვევებსა და მათ საპასუხოდ გადადგმულ კონკრეტულ ნაბიჯებზე.
მინისტრმა ასევე უპასუხა სამინისტროს დაქვემდებარებაში არსებული სიპებისა და ა(ა)იპების საქმიანობასთან დაკავშირებით დასმულ შეკითხვებზე.
საკანონმდებლო ორგანოს წარმომადგენლებმა საკმაოდ მაღალი შეფასება მისცეს აფხაზეთის ა/რ განათლებისა და კულტურის მინისტრის ინოვაციურ ხედვებსა და მიდგომებს და მას მხარდაჭერა აღუთქვეს.
