2020 წლის 20 იანვარს, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროში,დევნილთა საქმეების დეპარტამენტის სამართლებრივი დახმარების განყოფილების უფროსის ვაკანტურ თანამდებობაზე მოხელეთა შერჩევის მიზნით, სამინისტროს საკონკურსო კომისიის სხდომა გაიმართა.

აფხაზეთის ავტონომიური რესპუბლიკის მთავრობის მხარდაჭერით, აფხაზეთის ა/რ მთავრობის განათლებსა და კულტურის სამინისტროს და იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობის  ორგანიზებით ქუთაისში, ლადო მესხიშვილის სახელობის თეატრში აფხაზეთიდან დევნილი ბავშვებისათვის სპექტაკლის "ბრემენელი მუსიკოსები" ჩვენება გაიმართა. ღონისძიებას ესწრებოდნენ წარმომადგენლობის ხელმძღვანელი ზაზა ჩაჩავა და წარმომადგენლობის თანამშრომლები. სპექტაკლის ბოლოს 500 - მდე მოზარდს საჩუქრად ტკბილეული გადაეცა.

აფხაზეთის ავტონომიური რესპუბლიკის მთავრობის მხარდაჭერითა და აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით ქუთაისში, ფოთსა და ზუგდიდში აფხაზეთიდან დევნილი ბავშვებისათვის მუსიკალური სპექტაკლების  „ბრემენელი მუსიკოსები“ და  „თოვლის დედოფალი“ ჩვენება გაიმართა. ღონისძიების ბოლოს აფხაზეთიდან დევნილ 1000-მდე მოზარდს საჩუქრად ტკბილეული გადაეცა.

საახალწლო ზეიმი აფხაზეთიდან დევნილი ბავშვებისათვის ქუთაისში, ფოთსა და ზუგდიდში ჩატარდა

აფხაზეთის ავტონომიური რესპუბლიკის მთავრობის მხარდაჭერით, აფხაზეთის ავტონომიური რესპუბლიკის განათლებისა და კულტურის სამინისტრომ, ხელოვნებისა და მიმდინარე ღონისძიებების სამსახურის ორგანიზებით, აფხაზეთიდან დევნილი ბავშვებისათვის საახალწლო ზეიმი თბილისის შემდეგ ქუთაისში, ფოთსა და ზუგდიდში გამართა.

დევნილ მოზარდებს უჩვენეს: ქ. ქუთაისში ლადო მესხიშვილის სახელობის ქუთაისის სახელმწიფო დრამატულმა თეატრმა მუსიკალური ზღაპარი „ბრემენელი მუსიკოსები“; ქ. ზუგდიდში, სოხუმის მოზარდ-მაყურებელთა თეატრმა „თეთრი ტალღა“ „ბრემენელი მუსიკოსები“; ხოლო ქ. ფოთში კი ვალერიან გუნიას სახელობის ფოთის სახელმწიფო თეატრმა ჰანს კრისტიან ანდერსენის ზღაპარი „თოვლის დედოფალი“.

საქართველოს პარლამენტის საგარეო ურთიერთობათა კომიტეტისა და ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის გაერთიენებულ სხდომაზე ოკუპირებულ აფხაზეთში ბოლო პერიოდში განვითარებულ პროცესებზე იმსჯელეს. ინფორმაცია საკანონმდებლო ორგანოს წარმომადგენლებს, სახელმწიფო უსაფრთხოების სამსახურის წარმომადგენლებმა წარუდგინეს. სხდომას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ესწრებოდა.

სხდომაზე საუბარი შეეხო ოკუპირებულ ტერიტორიაზე უსაფრთხოების კუთხით არსებულ მძიმე ვითარებას, ასევე იქ არსებულ მძიმე სოციალურ-ეკონომიკურ მდგომარეობას, ადგილზე არსებულ დაძაბულობასა და რთულ კრიმინოგენულ ვითარებას, რაზეც პირდაპირი პასუხისმგებლობა რუსეთის ფედერაციას ეკისრება.

მოხსენების შემდეგ საკითხის სენსიტიურობიდან გამომდინარე კომისიის და კომიტეტის ერთობლივი სხდომა დახურულ რეჟიმში გაგრძელდა.

სხდომას აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია და უმაღლესი საბჭოს დეპუტატები ესწრებოდნენ.

10 იანვარს აფხაზეთის ავტონომიური რესპუბლიკიდან იძულებით გადაადგილებულ პირთა- დევნილთა სამინისტროში სამუშაო შეხვედრა გაიმართა.

შეხვედრაზე განხილულ იქნა აფხაზეთის ა/რ იძულებით გადაადგილებულ პირთა- დევნილთა სამინისტროსა და წარმომადგენლობების გაერთიანებასთან დაკავშირებული და სხვა მიმდინარე საკითხები.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე უკრაინის საელჩოში მივიდა და სამძიმრის წიგნში ჩანაწერი დატოვა. მან ირანში „უკრაინის საერთაშორისო ავიახაზების“ თვითმფრინავის კატასტროფის შედეგად დაღუპულთა ხსოვნას პატივი მიაგო და გარდაცვლილთა ოჯახებს და მათ ახლობლებს მიუსამძიმრა.  

მიმდინარე წლის 8 იანვარს გამთენიისას, ქ. წყალტუბოს სანატორიუმ „მეგობრობის“ ერთ-ერთ ოთახში, სავარაუდოდ გაუფრთხილებლობით, გაჩნდა ხანძარი, რომელსაც ემსხვერპლა ორი დევნილი მოქალაქე  ლეილა ზაქარაია და ვალენტინა პერევერზევა. ამჟამად, მიმდინარეობს გამოძიება ხანძრის გამომწვევი და მოქალაქეების გარდაცვალების ზუსტი მიზეზების დასადგენად. გარდაცვლილები იყვნენ სოციალურად დაუცველები, მათ შორის ვ. პერევერზევა მარტოხელა მოხუცებული, ხოლო ლეილა ზაქარაიას დარჩა ორი შვილიშვილი. ზაქარაიას ოჯახისათვის შესაძლებლობის ფარგლებში მატერიალური დახმარების გასაწევად შუამდგომლობა აღიძრა აფხაზეთის ა/რ მთავრობის მიმართ. ხოლო, ვინაიდან ქ-ნ ვ. პერევერზევას არ გააჩნია ნათესავები, მისი დაკრძალვის ხარჯებს გაიღებს ქ. წყალტუბოს მერია.

აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრი კონსტანტინე კუჭუხიძე და იმერეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ზაზა ჩაჩავა ქალაქ წყალტუბოში იმყოფებოდნენ, სადაც ყოფილ სანატორიუმ „მეგობრობაში“ გაჩენილი ხანძრის შედეგად ორი ადამიანი დაიღუპა და დაიწვა საცხოვრებელი ფართი. მთავრობის წარმომადგენლებმა ხანძრის დროს  დაღუპულთა ოჯახის წევრებს მიუსამძიმრეს.

ხანძარი 8 იანვარს, წყალტუბოში, რუსთაველის ქუჩაზე მდებარე დევნილთა კომპაქტურ ჩასახლებაში (ყოფილი სანატორიუმი „მეგობრობა“) გაჩნდა. ხანძრის შედეგად დაიწვა დევნილთა საცხოვრებელი ფართობი და ინციდენტს აფხაზეთიდან დევნილი 65 წლამდე ასაკის ორი ქალბატონი ემსხვერპლა. შემთხვევის ადგილზე ადგილობრივი მუნიციპალიტეტის მიერ დაუყოვნებლივ იქნა მიღებული სათანადო ღონისძიებები.

აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრი კონსტანტინე კუჭუხიძე ქალაქ წყალტუბოში იმყოფებოდნენ, სადაც ყოფილ სანატორიუმ „მეგობრობაში“ გაჩენილი ხანძრის შედეგად ორი ადამიანი დაიღუპა და დაიწვა საცხოვრებელი ფართი. მთავრობის წარმომადგენლებმა ხანძრის დროს  დაღუპულთა ოჯახის წევრებს მიუსამძიმრეს. აფხაზეთის ავტონომიური რესპუბლიკის მთავრობა დაღუპულთა ოჯახებს მატერიალურ დახმარებას გაუწევს.

შემთხვევის ადგილზე აფხაზეთის ავტონომიური რესპუბლიკის მთავრობის წარმომადგენლებთან ერთად  იმერეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ზაზა ჩაჩავა იმყოფებოდა.

ხანძარი 8 იანვარს, წყალტუბოში, რუსთაველის ქუჩაზე მდებარე დევნილთა კომპაქტურ ჩასახლებაში (ყოფილი სანატორიუმი „მეგობრობა“) გაჩნდა. ხანძრის შედეგად დაიწვა დევნილთა საცხოვრებელი ფართობი და ინციდენტს აფხაზეთიდან დევნილი 65 წლამდე ასაკის ორი ქალბატონი ემსხვერპლა.

აფხაზეთის ავტონომიური რესპუბლიკიდან იძულებით გადაადგილებულ-პირთა დევნილთა სამინისტროს წარმომადგენლებმა ალილოს სადღესასწაულო მსვლელობაში მონაწილეობა მიიღეს.

ალილოს მსვლელობაში ასევე, აფხაზეთის ავტონომიური რესპუბლიკის მთავრობის თავმჯდომარე რუსლან აბიაშიძე, უმაღლესი საბჭოს თავმჯდომარე ჯემალ გამახარია, აფხაზეთის ავტონომიური რესპუბლიკის სტრუქტურების წარმომადგენლები და აფხაზეთის №2 და №3 საჯარო სკოლების მოსწავლეები მონაწილეობდნენ.

თეატრალიზებული სადღესასწაულო მსვლელობა პირველი რესპუბლიკის მოედნიდან დაიწყო და წმინდა სამების საკათედრო ტაძარში დასრულდა.

მართლმადიდებელი სამყაროს ნაწილი 7 იანვარს მაცხოვრის შობის დღესასწაულს აღნიშნავს. ალილოს ტრადიცია საქართველოში სათავეს V-VI საუკუნეებიდან იღებს, მისი აღნიშვნის ტრადიცია სრულიად საქართველოს კათოლიკოს–პატრიარქის ილია II-ის კურთხევით 2001 წელს ისევ აღდგა.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ აფხაზეთის ავტონომიური რესპუბლიკის მთავრობის წევრებთან ერთად ალილოს სადღესასწაულო მსვლელობაში მიიღო მონაწილეობა.

მთავრობის თავმჯდომარემ ოჯახთან ერთად ტრადიციული საშობაო ალილოს მსვლელობის პატარა მონაწილეებს საშობაო ნობათი გადასცა.

ალილოს მსვლელობაში, ასევე, აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, აფხაზეთის ავტონომიური რესპუბლიკის სტრუქტურების წარმომადგენლები და აფხაზეთის №2 და №3 საჯარო სკოლების მოსწავლეები მონაწილეობდნენ.

თეატრალიზებული სადღესასწაულო მსვლელობა პირველი რესპუბლიკის მოედნიდან დაიწყო და წმინდა სამების საკათედრო ტაძარში დასრულდა.  დღესასწაულზე მიღებული შემოწირულობა ტრადიციულად ბავშვთა სახლებს და უმწეოთა თავშესაფრებს გადაუნაწილდება.

მართლმადიდებელი სამყაროს ნაწილი 7 იანვარს მაცხოვრის შობის დღესასწაულს აღნიშნავს. ალილოს ტრადიცია საქართველოში სათავეს V-VI საუკუნეებიდან იღებს, მისი აღნიშვნის ტრადიცია სრულიად საქართველოს კათოლიკოს–პატრიარქის ილია II-ის კურთხევით 2001 წელს ისევ აღდგა.

იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელის თანამდებობაზე ბესიკ ჭანტურია დაინიშნა. თანამშრომელთა წინაშე ახალი ხელმძღვანელი წარადგინეს აფხაზეთის ავტონომიური რესპუბლიკის მთავრობის თავმჯდომარის მოადგილემ ანზორ მარგიანმა, აფხაზეთის ავტონომიური რესპუბლიკიდან იძულებით გადაადგილებულ პირთა - დევნილთა მინისტრმა კონსტანტინე კუჭუხიძემ და მინისტრის მოადგილეებმა დავით მიქავამ და გურამ მისაბიშვილმა. ბესიკ ჭანტურია წარმომადგენლობაში სხვადასხვა წლებში მუშაობდა  ახალგაზრდობის საკითხებში სახელმწიფო მრჩევლად,  დევნილებთან ურთიერთობის, სოციალურ საკითხთა და  რეგიონული მართვის სამსახურის უფროსად,  აპარატის უფროსად, ბოლოს კი, ადმინისტრაციული სამსახურის უფროსის თანამდებობაზე.

ბესიკ ჭანტურიას ჰყავს მეუღლე და სამი შვილი.

წარმომადგენლობის რეგიონალური მართვის სამსახურის ხელშეწყობით და შესაბამისი საინფორმაციო-საკონსულტაციო სამართლებრივი ხასიათის დახმარების აღმოჩენის შედეგად, მიმდინარეობს: ქ. გარდაბანის მუნიციპალიტეტში ექვსი ბინათმესაკუთრეთა ამხანაგობების დაფუძნებისათვის( აღრიცხვისათვის ) საჭირო ხელშემწყობი ღონისძიებების წარმოება:

 1️⃣აღმაშენებლის ქუჩა-6: ბ.მ.ა ,,სოხუმი"

 2️⃣აღმაშენებლის ქუჩა-83: ბ.მ.ა ,,ოჩამჩირე"

 3️⃣ლესელიძის ქუჩა-1 ყოფილი პროფტექნიკუმის ს/ს: ბ.მ.ა ,, შრომა"

 4️⃣ ლესელიძის ქუჩა-1 ყოფილი პროფტექნიკუმის სასწავლებელი: ბ.მ.ა ,, ელბრუსი"

 5️⃣ჭავჭავაძის ქუჩა-3, კორპუსი-3: ბ.მ.ა ,,უჩკუდუ"

 6️⃣ჭავჭავაძის ქუჩა-3, კორპუსი-1: ბ.მ.ა ,, მუხბე".