სოხუმის სახელმწიფო უნივერსიტეტში მის ახლად არჩეულ რექტორ ზურაბ ხონელიძესთან შეხვედრა გაიმართა. უნივერსიტეტის ადმინისტრაციულ კორპუსში ახალ რექტორს მისმა წინამორბედმა რექტორმა ჯონი აფაქიძემ უფლებამოსილება ოფიციალურად გადასცა. გორისა და ატენის მიტროპოლიტმა მეუფე ანდრიამ ზურაბ ხონელიძეს სიმხნევე და წარმატებები უსურვა და საჩუქრად ღვთისმშობლის ხატი გადასცა.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე გია გვაზავა, გორისა და ატენის მიტროპოლიტი მეუფე ანდრია გვაზავა, ჟურნალისტი ნუგზარ რუხაძე, მწერალი გურამ ოდიშარია და უნივერსიტეტის თანამშრომლები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საქართველოს პარლამენტში გამართულ „ამბასადორიალი 2017"-ს დაესწრო.

„ამბასადორიალი 2017" დღეს ოფიციალურად საქართველოს საგარეო საქმეთა მინისტრმა მიხეილ ჯანელიძემ გახსნა. დამსწრე საზოგადოებას მისასალმებელი სიტყვით საქართველოს პრეზიდენტმა გიორგი მარგველაშვილმა, საქართველოს პრემიერ-მინისტრმა გიორგი კვირიკაშვილმა და საქართველოს პარლამენტის თავმჯდომარე ირაკლი კობახიძემ მიმართეს.

ამბასადორიალის ფარგლებში საქართველოს მინისტრთა კაბინეტისა და პარლამენტის წევრების მონაწილეობით სამუშაო სესიები გაიმართება. სამუშაო სესიები მოიცავს თემატურ შეხვედრებს ქვეყნის დემოკრატიულ განვითარებაზე, სუვერენიტეტსა და ტერიტორიულ მთლიანობაზე, ევროპულ და ევროატლანტიკურ ინტეგრაციაზე, საზღვარგარეთ ქვეყნის იმიჯის პოპულარიზაციის საკითხზე, ქვეყნის ეკონომიკურ განვითარებაზე და სხვა.

„ამბასადორიალი 2017" სამ დღეს გაგრძელდება და 21 ივლისს დასრულდება.

აფხაზეთის ავტონომიური რესპუბლიკის მთავრობის წარმომადგენლობებში შექმნილია „აფხაზეთის ავტონომიური რესპუბლიკის ოკუპირებული ტერიტორიიდან იძულებით გადაადგილებულ პირთა-დევნილთა სოციალური დაცვის მიზნით, ერთჯერადი დახმარების გამცემი კომისიები“, რომელთა უფლებამოსილებასაც განეკუთვნება აფხაზეთის ავტონომიური რესპუბლიკის რესპუბლიკური ბიუჯეტით დადგენილი, სხვადასხვა სოციალურ კატეგორიას მიკუთვნებული აფხაზეთის ავტონომიური რესპუბლიკის ოკუპირებული ტერიტორიიდან დევნილთათვის, ერთჯერადი მატერიალური დახმარების გაწევის ორგანიზება. აფხაზეთის ავტონომიური რესპუბლიკის 2017 წლის რესპუბლიკური ბიუჯეტით, ბენეფიციართათვის სოციალური დახმარების მოცულობა გაიზარდა.

აფხაზეთის ავტონომიური რესპუბლიკის 2017 წლის რესპუბლიკური ბიუჯეტით, იძულებით გადაადგილებულ პირთა მართლზომიერ მფლობელობაში გადაცემულ საცხოვრებელ ფართებში მცირე სარემონტო სამუშაოების დაფინანსების პროგრამა წინა წელთან შედარებით გაიზარდა და 2017 წელს 29 400 ლარი შეადგინა.
2017 წლის 30 ივნისის მდგომარეობით:
სამეგრელო-ზემო სვანეთის წარმომადგენლობის შესაბამისმა კომისიამ განიხილა და მოთხოვნათა სრული დაცვით, დევნილთა კომპაქტური ჩასახლების 6 ობიექტში ჩაატარა მცირე ზომის სარემონტო სამუშაოები, კერძოდ:
ა) ზუგდიდის რაიონის სოფელ რუხში, კოლექტიურ ჩასახლება „რესტორან“-ში მოხდა შენობის ნაწილობრივი გადახურვა, სამუშაოების ღირებულებამ შეადგინა 495 ლარი.
ბ) ჩხოროწყუს რაიონის სოფელ ქვედა ჩხოროწყუში, დევნილთა კომპაქტურ ჩასახლება ყოფილი „ბაგა-ბაღის“ შენობაში მოხდა საკანალიზაციო სისტემის გაწმენდა, რისთვისაც გამოყოფილი იქნა 420 ლარი.
გ) ზუგდიდის რაიონის სოფელ ინგირში, დევნილთა კომპაქტურ ჩასახლება ყოფილი „საწარმოო კომბინატში“ პირველ კვარტალში მოხდა სახურავის ნაწილობრივ გამოცვლა (60 კვ.მ.), სამუშაოების ღირეულებამ შეადგინა 535 ლარი. სახურავის დარჩენილი ნაწილის გამოცვლა მოხდა მეორე კვარტალში, რისთვისაც გამოყოფილი იქნა 263 ლარი.
დ) ქ. ზუგდიდის მექაღალდეთა ქუჩა №26-ში, დევნილთა კომპაქტური ჩასახლების ობიექტის „ვექტორის“ შენობაში მოხდა ქარიშხლის შედეგად დაზიანებული კარ-ფანჯრისა და სახურავის გამოცვლა, რისთვისაც გამოყოფილი იქნა 745 ლარი.
ე) ქ. ზუგდიდის კოსტავას ქუჩა №30-ში, დევნილთა კომპაქტური ჩასახლების ობიექტის „რაიონული საავადმყოფოს“ შენობაში მოხდა 30 ტონიანი წყლის ავზის დამონტაჟება, სამუშაოების ღირებულებამ შეადგინდა 795 ლარი.
ვ) ზუგდიდის მუნიციპალიტეტის სოფელ განმუხურში მდებარე დევნილთა საერთო საცხოვრებელში მოხდა ქარიშხლის შედეგად დაზიანებული სახურავის გამოცვლა, სამუშაოების ღრებულებამ შეადგინა 260 ლარი.
იმერეთის წარმომადგენლობის შესაბამისმა კომისიამ განიხილა და მოთხოვნათა სრული დაცვით, დევნილთა კომპაქტური ჩასახლების 6 ობიექტში ჩაატარა მცირე ზომის სარემონტო სამუშაოები, კერძოდ:
ა) ქ. ქუთაისში, ავტომშენებლის ქუჩა №41-ში, ყოფილი აეროპორტის ადმინისტრაციის შენობაში, მე-4 სართულზე ალაგ-ალაგ ჩამონგრეული იყო აივანი. მოხდა აღნიშნული აივნის (3,72 კვ.მ.) რეაბილიტაცია, რისთვისაც გამოყოფილი იქნა 793,80 ლარი.
ბ) ქ. ქუთაისში, სულხან-საბას ქუჩა №27-ში, დევნილთა კომპაქტურ ჩასახლება ბაგა-ბაღში მოხდა არსებული გატეხილი წყლის რეზერვუარის დემონტაჟი და ახალი ავზის მონტაჟი, არსებული წყლის რეზერვუარის დსადგამის დემონტაჟი და ახალი დასადგამის მონტაჟი, აღნიშნული სამუშაოების ღრებულებამ შადგინა 797,68 ლარი.
გ) ქ. წყალტუბოში, წითლანაძის ქუჩა №2-ში მდებარე დევნილთა ჩასახლება სანატორიუმ „სამგურალში“ საჭირო იყო ახალი საკანალიზაციო მილების მონტაჟი. შეძენილ იქნა შემდეგი სამშენებლო მასალები: მილი (100*3 მმ) – 8 ცალი, მილი (100*1 მმ) – 4 ცალი, ქურო 100 (მმ) – 4 ცალი, მუხლი 100 (მმ) – 4 ცალი, სილიკონი – 1 ცალი.
აღნიშნული სარემონტო სამუშაოები დაფინანსდა 792,40 ლარით.
დ) ქ. თერჯოლაში, შ.რუსთაველის ქუჩა №69-ში დევნილთა კომპატქურ ჩასახლება ყოფილი საავადმყოფოს შენობის სარდაფში წვიმის დროს გროვდებოდა ნაწვიმარი წყალი, რის გამოც საჭირო გახდა წყლის ტუმბოს დამონტაჟება. სამუშაოების ღირებულებამ შეადგინა 487,27 ლარი.
ე) ქ. ქუთაისში, ნიკეას ქუჩა №26-ში, ყოფილი ნიკეას მუნიციპალიტეტის შენობაში დევნილთა კომპაქტური ჩასახლების ობიექტის სარდაფიდან ფეკალური მასის ამოტუმბვა-გატანისა და საკანალიზაციო ჭის შეკეთების დასაფინანსებლად გამოყოფილი იქნა 450 ლარი.
ვ) სამტრედიის მუნიციპალიტეტის დიდი ჯიხაიშის თემის აგრარული ტექნიკუმის საერთო საცხოვრებლის, დევნილთა კომპაქტურად ჩასახლების ობიექტის ფოიეს ფანჯრებში მინის ჩასმის მომსახურეობის დასაფინანსებლად გამოყოფილი იქნა 426,80 ლარი.
აღმოსავლეთ საქართველოს წარმომადგენლობის შესაბამისმა კომისიამ განიხილა და მოთხოვნათა სრული დაცვით, დევნილთა კომპაქტური ჩასახლების 5 ობიექტში ჩაატარა მცირე ზომის სარემონტო სამუშაოები, კერძოდ:
ა) ქალაქ თბილისში, კონსტიტუციის ქუჩა №3-ში მდებარე დევნილთა კომპაქტურ ჩასახლება ამხანაგობა „აფხაზეთში“ მოხდა კიბის უჯრედში ხის ფანჯრის ჩასმა და მეტალოპლასტმასის ფანჯრების მონტაჟი, რისთვისაც გამოიყო 500 ლარი.
ბ) ქ. თბილისში, გელოვანის ქუჩა №4-ში, დევნილთა კომპაქტურ ჩასახლება „ტურიზმის მრავალდარგოვან კოლეჯში“ მოხდა ქარის შედეგად დაზიანებული სახურავის შცვლა, სამუშაოების ღირებულებამ შეადგინა 750 ლარი.
გ) ქ. ხაშურში, ლომოურის ქუჩა II ჩიხი, №31-ში მდებარე დევნილთა კომპაქტურ ჩასახლებაში მოხდა კიბის უჯრედში 2 ხის ფანჯრის გამოცვლა და მეტალოპლასტმასის ფანჯრების დამონტაჟება, რისთისაც გამოყოფილ იქნა 400 ლარი.
დ) ქ. თბილისში, გლდანის I მ/რ-ის კ. 2 „ბ“-ში მდებარე დევნილთა კომპაქტურ ჩასახლება, ყოფილი ბაგა-ბაღის შენობაში მოხდა სახურავის წყალსაწრეტი მილებისა და ღარების მონტაჟი, რისთვისაც გამოყოფილი იქნა 794,08 ლარი.
ე) ქ. თბილისში, გლდანის მე-7 მ/რ-ის კ. 10 „ა“-ში მდებარე დევნილთა კომპაქტურ ჩასახლება ყოფილი ბაგა-ბაღის შენობაში მოხდა დაზიანებული სახურავის წყალსაწრეტი მილების დემონტაჟი/მონტაჟი.

სამეგრელო ზემო-სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობაში აფხაზეთის ავტონომიური რესპუბლიკის დევნილთა საქმეების დეპარტამენტის თავმჯდომარის მოადგილეებმა დავით მიქავამ და გიორგი ბულისკერიამ და წამომადგენლობების მართვის, კოორდინაციისა და მონიტორინგის სამმართველოს უფროსმა გიორგი კოკაიამ აფხაზეთის ავტონომიური რესპუბლიკის მთავრობის სხდომის წინამოსამზადებელი სამუშაოების ჩასატარებლად გასვლითი სამუშაო შეხვედრა გაიმართეს. შეხვედრაზე აგრეთვე მიმოიხილეს რეგიონში არსებული ვითარება და განიხილეს კომპაქტურად ჩასახლებული დევნილების ბინათმესაკუთრეთა ამხანაგობის ჩამოყალიბებაში დახმარების გზები.

მიმდინარე წლის 17 ივლისს  აფხაზეთის ა/რ დევნილთა საქმეების დეპარტამენტის თავმჯდომარის მოადგილეებმა  გიორგი ბულისკერიამ და დავით მიქავამ, წარმომადგენლობების მართვის, კოორდინაციისა და მონიტორინგის სამმართველოს უფროსმა რომან კოკაიამ   იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობაში  გამართეს სამუშაო შეხვედრა.  სამუშაო შეხვედრაზე მოხდა წარმომადგენლობის 6 თვის მუშაობის შეჯამება და   საანგარიშო პერიოდში წარმომადგენლობაში გაწეული საქმიანობა შეფასდა დადებითად . აღნიშნულის გარდა გარკვეული მითითებები მიეცა წარმომადგენლობების მუდმივმოქმედ კომისიებს სათანადო ინფორმაციების მიწოდების ვადებთან და სიზუსტესთან დაკავშირებით.

ბათუმში, აფხაზეთის ავტონომიური რესპუბლიკის მთავრობის წარმომადგენლობაში აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია აფხაზეთიდან დევნილებსა და ომის ვეტერანებს შეხვდა. მთავრობის თავმჯდომარემ დევნილებისაგან მოისმინა იქ არსებული პრობლემები და მათ გადაჭრის გზებზე იმსჯელეს.

ასევე ვახტანგ ყოლბაია აჭარის ავტონომიური რესპუბლიკის ხელისუფლების წარმომადგენლებთან ერთად შინდისის პარკში უკრაინაში დაღუპული მეომრების ოჯახის წევრებსა და ომის ვეტერანებს შეხვდა. მათ პატივი მიაგეს დაღუპულების ხსოვნას და პარკში სიმბოლურადი ხეები დარგეს.

ღონისძიებას აჭარის უმაღლესის საბჭოს ყოფილი თავმჯდომარე ავთანდილ ბერიძე და აჭარის განათლების, კულტურისა და სპორტის მინისტრი ინგა შამილიშვილი ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია ბათუმში გამართულ მე-14 საერთაშორისო კონფერენციას - „საქართველოს ევროპული გზა - რეგიონული სტაბილურობის უზრუნველყოფა" დაესწრო.

კონფერენციაზე მნიშვნელოვანი ყურადღება გამახვილდა ევროპული დღის წესრიგის მთავარ საკითხებზე, მათ შორის, ევროპის უსაფრთხოების თანამედროვე არქიტექტურაზე, ასევე, ევროკავშირსა და მის ასოცირებულ პარტნიორ ქვეყნებს შორის თანამშრომლობის ახალ ფორმებზე და საქართველოს როლის მნიშვნელობაზე რეგიონალური სტაბილურობის უზრუნველყოფაში.

„ძალიან მნიშვნელოვანი ფორუმი ტარდება ყოველწლიურად და ამ ფორუმის ჩატარება შემთხვევითი არ არის ქ. ბათუმში, რამეთუ აჭარა არის საქართველის ის ნაწილი, რომელიც ავტონომიას წარმოადგენს და ეს ნიშანია იმისა, რომ სოხუმსაც შეეძლო ამდაგვარი სტატუსით მიეღო მონაწილეობა ყველა იმ ღონისძიებებში და პრაქტიკულ პროექტებში, რომელსაც ევროკავშირი ახორციელებს საქართველოში.

მოხარული ვარ, რომ ეს ფორუმი არის ძალიან წარმომადგენლობითი. ბევრი მნიშვნელოვანი პერსონაა წარმოდგენილი ევროკავშირიდან, ადამიანები, რომლებიც წყვეტენ მნიშვნელოვან საკითხებს. ხალხი, რომელსაც აქვს გაცნობიერებული ის პრობლემები, რომლებიც დღეს არსებობს უსაფრთხოების თვალსაზრისით.

საქართველოსა და ევროკავშირს შორის ასოცირების შეთანხმების ხელმოწერის შემდეგ მრავალი ეკონომიკური პროექტი განხორციელდა. ეს საინტერესოა ჩემთვის, როგორც აფხაზეთის წარმომადგენლისათვის.

სწორი იყო საქართველოს პრემიერ-მინისტრის მოწოდება იმასთან დაკავშირებით, რომ აფხაზებს ჩვენ ვუწვდით ხელს, ღია არის მათთვის ევროპის კარი და მათ შეუძლიათ ისარგებლონ ყველა იმ სიკეთით, რომელიც ევროპას გააჩნია და რომელსაც იღებს საქართველო.

სამწუხაროდ ამ ეტაპზე ოკუპირებული აფხაზეთის მოსახლეობას არ შეუძლია ისარგებლოს იმ სიკეთით, რომელსაც ევროკავშირი იძლევა. დარწმუნებული ვარ ეს დრო მალე დადგება, რადგან ყოველივე რაც კეთდება, კეთდება იმისათვის, რომ ხალხმა იცხოვროს უსაფრთხო გარემოში, იყოს დაცული ყველა სახის საფრთხისაგან, რომელსაც მოიცავს ის ჩაკეტილობა, რომელშიც დღეს ჩემი აფხაზეთი იმყოფება," - განაცხადა ვახტანგ ყოლბაიამ.

2017 წლის 11-13 ივლისს ქ. თბილისში აფხაზეთის ავტონომიური რესპუბლიკის განათლებისა და კულტურის სამინისტროს სპორტისა და ახალგაზრდობის საქმეთა სამსახურის ინიციატივით და აფხაზეთის ფეხბურთის ფედერაციის მხარდაჭერით ჩატარდა აფხაზეთის აღმასრულებელი ხელისუფლების დაწესებულებებს შორის ტურნირი მინი-ფეხბურთში.

I და II ადგილებისათვის მატჩში ერთმანეთს შეხვდნენ აფხაზეთის ა/რ ფინანსთა სამინისტროსა და აფხაზეთის დევნილთა საქმეების დეპარტამენტის გუნდები. დაძაბულ ორთაბრძოლაში, პენალტების სერიით გაიმარჯვა აფხაზეთის ა/რ ფინანსთა სამინისტროს გუნდმა და პირველი ადგილი მოიპოვა. მეორე ადგილზე გავიდა აფხაზეთის დევნილთა საქმეების დეპარტამენტის გუნდი, მესამე საპრიზო ადგილის მფლობელი კი აფხაზეთის ა/რ განათლებისა და კულტურის სამინისტროს გუნდი გახდა. 

პირველი ადგილზე გასულ გუნდს გადაეცა თასი, მედლები და დიპლომები. ასევე მედლებით და თასებით დაჯილდოვდნენ მეორე-მესამე საპრიზო ადგილებზე გასული გუნდები. გარდა ამისა, სამივე გუნდს საჩუქრად ფეხბურთის ბურთები გადაეცა.

აფხაზეთის ფეხბურთის ფედერაციის წარმომადგენელმა დიმიტრი ჭანტურიამ ფედერაციის მიერ დაწესებული სპეციალური პრიზით დააჯილდოვა აფხაზეთის მთავრობის აღმოსავლეთ საქართველოში წარმომადგენლობის გუნდის მოთამაშე და ტურნირის უხუცესი მონაწილე კარლო სართანია. აფხაზეთის სპორტული მომზადების ცენტრის დირექტორმა ენვერ თოლორდავამ სპრეციალური პრიზი „ტურნირის საუკეთესო მოთამაშე“ აფხაზეთის განათლებისა და კულტურის სამინისტროს გუნდის სპორტსმენს დათა კიკალიშვილს გადასცა.

ტურნირს ესწრებოდნენ აფხაზეთის აღმასრულებელი ხელისუფლების წარმომადგენლები.

დღეს, 13.00 საათზე  აფხაზეთის ავტონომიური რესპუბლიკის დევნილთა საქმეების დეპარტამენტის თავმჯდომარესთან აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი პირების მონაწილეობით გაიმართა თათბირი.  თათბირზე განიხილეს მთავრობის წარმომადგენლობის წვევამდელთა აღრიცხვის, გაწვევისა და მობილიზაციის სამსახურის საქმიანობასთან დაკავშირებული სხვადასხვა  საკითხები და დასახეს პრობლემების გადაჭრის მიზნით გასატარებელი ღონისძიებები.

დიმიტრი (არზაყან) ემუხვარისა და ჟიული შარტავას სახელობის სტიპენდიები, აფხაზეთის საკითხის პოპულარიზაციის მიზნით, აფხაზეთის ა/რ მთვრობამ 2016 წლის 25 თებერვლის დადგენილებით დააწესა. დიმიტრი (არზაყან) ემუხვარის სტიპენდია გამიზნულია პოლიტიკის მეცნიერების დარგში განსაკუთრებული მიღწევებითა და წარმატებებით წარმოჩენილი აფხაზეთის თემატიკაზე მომუშავე ბაკალავრიატისა და მაგისტრატურის აკრედიტირებული უმაღლესი საგანმანათლებლო პროგრამის იმ სტუდენტებისათვის, რომლებსაც აქვთ 80% და მეტი აკადემიური მოსწრება, გამოქვეყნებული აქვთ სამეცნიერო ნაშრომები, მონაწილეობდნენ სამეცნიერო კონფერენციებში და საზოგადოებრივად აქტიურები არიან.

სტიპენდიის ოდენობა მაგისტრატურის სტუდენტისათვის შეადგენს თვეში150 ლარს, ხოლო ბაკალავრიატის სტუდენტისათვის- თვეში100/150 ლარს. სტიპენდიანტებს სტიპენდია მიეცემათ დანიშვნის დღიდან ყოველთვიურად, ერთი სასწავლო წლის განმავლობაში(ათი თვე). სტიპენდიანტობის კანდიდატთა მეირ საბუთების წარდგენის ვადაა 2017 წლის 04 ივლისიდან 2017 წლის 31 ივლისის ჩათვლით.

დაინტერესებულ პირებს შეუძლიათ დარეკონ ტელეფონის ნომერზე: 595 34-33-20, ნინო ლობჟანიძე, აფხაზეთის ა/რ განათლებისა და კულტურის სამინისტრო. დაწვრილებითი ინფორმაციისთვის იხ. ბმული: meca.gov.ge

დიმიტრი (არზაყან) ემუხვარისა და ჟიული შარტავას სახელობის სტიპენდიები, აფხაზეთის საკითხის პოპულარიზაციის მიზნით, აფხაზეთის ა/რ მთვრობამ 2016 წლის 25 თებერვლის დადგენილებით დააწესა. დიმიტრი (არზაყან) ემუხვარის სტიპენდია გამიზნულია პოლიტიკის მეცნიერების დარგში განსაკუთრებული მიღწევებითა და წარმატებებით წარმოჩენილი აფხაზეთის თემატიკაზე მომუშავე ბაკალავრიატისა და მაგისტრატურის აკრედიტირებული უმაღლესი საგანმანათლებლო პროგრამის იმ სტუდენტებისათვის, რომლებსაც აქვთ 80% და მეტი აკადემიური მოსწრება, გამოქვეყნებული აქვთ სამეცნიერო ნაშრომები, მონაწილეობდნენ სამეცნიერო კონფერენციებში და საზოგადოებრივად აქტიურები არიან. სტიპენდიის ოდენობა მაგისტრატურის სტუდენტისათვის შეადგენს თვეში150 ლარს, ხოლო ბაკალავრიატის სტუდენტისათვის- თვეში100/150 ლარს. სტიპენდიანტებს სტიპენდია მიეცემათ დანიშვნის დღიდან ყოველთვიურად, ერთი სასწავლო წლის განმავლობაში(ათი თვე). სტიპენდიანტობის კანდიდატთა მეირ საბუთების წარდგენის ვადაა 2017 წლის 04 ივლისიდან 2017 წლის 31 ივლისის ჩათვლით. დაინტერესებულ პირებს შეუძლიათ დარეკონ ტელეფონის ნომერზე: 595 34-33-20, ნინო ლობჟანიძე, აფხაზეთის ა/რ განათლებისა და კულტურის სამინისტრო. 

აფხაზეთის ავტონომიური რესპუბლიკის განათლებისა და კულტურის სამინისტროს განათლებისა და საგანმანათლებლო პროგრამების სამსახურის ქვეპროგრამის „შემეცნებით-საგანმანათლებლო პროგრამები შეზღუდული შესაძლებლობების მქონე მოზარდებისათვის“ პრაქტიკული კურსი დასრულდა. ქვეპროგრამა კულტურული ცენტრი უნარშეზღუდულთათვის „თანადგომასთან“ ერთად განხორციელდა.

მსოფლიო სტატისტიკის მიხედვით, შეზღუდული შესაძლებლობის მქონე პირები დედამიწის მოსახლეობის თითქმის მეათედ ნაწილს შეადგენენ. საქართველოში 150 000–ზე მეტი მოქალაქე შშმპ-ია, მათი დიდი ნაწილი გარიყულია საზოგადოებისაგან. ამ კატეგორიის მოზარდების მთავარი პრობლემა არის სოციალური აქტივობის დაბალი ხარისხი, რაც იწვევს ზოგადად სხვადასხვა ფსიქიკურ და სოციალურ პრობლემას.

მნიშვნელოვანია, რომ შშმპ-მა იგრძნონ, რომ ისინი საზოგადოების თანასწორუფლებიანი წევრები არიან. ამისთვის კი აუცილებელია მათთვის თანაბარი შესაძლებლობების შექმნა. ზემოთ ხსენებული ქვეპროგრამა სწორედ შშმ მოზარდებისა და ახალგაზრდების სოციალური ინტეგრაციის პროცესის, მათი გონებრივი და ფიზიკური აქტივობის ზრდის ხელშეწყობას, შშმ მოზარდებისა და ახალგაზრდების მიმართ საზოგადოების მხრიდან ინტერესისა და მზრუნველობის გაძლიერებას ისახავდა მიზნად. 

ამ ქვეპროგრამის ფარგლებში ამჯერად 10 შშმ მოზარდს კულტურული ცენტრი უნარშეზღუდულთათვის „თანადგომასთან“ ერთად ჩაუტარდა შრომითი უნარ-ჩვევების განვითარების პრაქტიკული კურსი. კურსი მოიცავდა 8 გაკვეთილს და შედგებოდა როგორც გონების (ყურადღების, შემოქმედებითი აზროვნებისა და მეხსიერების) გასააქტიურებელი სავარჯიშოების, ასევე არტთერაპიის ნაწილისგან. ყოველი გაკვეთილი იწყებოდა წინა მასალის გამეორებით. პირველი ნაწილი ეთმობოდა თეორიულ მასალას, მეორე - პრაქტიკულ სამუშაოებს (ხატვა, ბისერებით მძივებისა და სამაჯურების დამზადება, აკვარელის საღებავებით ღია ბარათების შექმნა და სხვ). განხორციელებული აქტივობები ეხმარებოდა მოზარდებს ტექსტზე ყურადღების კონცენტრაციაში, რაც საბოლოოდ ხელს უწყობს თავის ტვინის ნეირონების გააქტიურებასა და დამახსოვრების პროცესის გაძლიერებას. 

კურსის ბოლოს შშმ მოზარდებთან და მშობლებთნ შემაჯამებელი შეხვედრა გაიმართა.

აფხაზეთის მთავრობაში აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საერთაშორისო სისხლის სამართლის იმიტირებული პროცესის ჩემპიონატში მონაწილე სტუდენტებს შეხვდა. მთავრობის თავმჯდომარემ მიულოცა მათ საერთაშორისო ასპარეზზე წარმატებული გამოსვლა და სამახსოვრო საჩუქრები გადასცა.

შეხვედრას სოხუმის სახელმწიფო უნივერსიტეტის იურიდიული ფაკულტეტის პროფესორი ოთარ ბენიძე და აფხაზეთის ავტონომიური რესპუბლიკის მთავრობის აპარატის აღმასრულებელი ხელისუფლების დაწერებულებებთან ურთიერთობისა და სოციალურ საკითხთა დეპარტამენტის უფროსის მოადგილე მარინა შენგელია ესწრებოდნენ.

ქალაქ ჰააგაში გამართულ ჩემპიონატში 46 ქვეყნის 64 უნივერსიტეტი მონაწილეობდა. სოხუმის სახელმწიფო უნივერსიტეტის იურიდიული ფაკულტეტის გუნდი მწვრთნელითა (პროფესორი ვეფხია გვარამია) და სამი სტუდენტით (ოთარ უბილავა, თინათინ სხირტლაძე, მიხეილ ლაზგინიანი) იყო წარმოდგენილი. სოხუმის უნივერსიტეტის იურიდიული ფაკულტეტის გუნდმა 6 პროცესში მიიღო მონაწილეობა და მათმა გამოსვლამ მაღალი შეფასებები დაიმსახურა.

აფხაზეთის ავტონომიური რესპუბლიკის მთავრობა, საქართველოში ამერიკის შეერთებული შტატების ელჩს იან კელის და სრულიად ამერიკელ ხალხს ულოცავს 4 ივლისს - ამერიკის შეერთებული შტატების დამოუკიდებლობის დღეს!

ვუსურვებთ რა მათ ქვეყანას მშვიდობას, წარმატებებს და შემდგომ განვითარებას, მადლიერების გრძნობით ავღნიშნავთ ამერიკელი ხალხის თანადგომას საქართველოსადმი და განსაკუთრებით აფხაზეთიდან იძულებით გადაადგილებულ პირთა მიმართ.

ამერიკის შეერთებული შტატები საქართველოს უმნიშვნელოვანესი პარტნიორია და დიდად ვაფასებთ მის  ძალისხმევას აფხაზეთის კონფლიქტის მშვიდობიანი და სამართლიანი მოგვარების საკითხში.

გიდასტურებთ თქვენდამი ჩემს ღრმა პატივისცემას.

აფხაზეთის ავტონომიური რესპუბლიკის მთავრობა