აფხაზეთის ავტონომიური რესპუბლიკის მთავრობისა და სამეგრელო-ზემო სვანეთის სამხარეო ადმინისტრაციის წარმომადგენლები ჩხოროწყუში მცხოვრებ აფხაზეთიდან დევნილ მოსახლეობას შეხვდნენ. შეხვედრას ესწრებოდნენ აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის უმაღლესი საბჭოს თავმჯდომარე გია გვაზავა, აფხაზეთის სოფლის მეურნეობის დეპარტამენტის უფროსი ვალერი ბასარია, სამეგრელო-ზემო სვანეთის რეგიონში აფხაზეთის მთავრობის წარმომადგენლობის ხელმძღვანელი ჯემალ გოგოხია და ჩხოროწყუს მუნიციპალიტეტის გამგებელი დავით გოგუა.

დევნილებთან შეხვედრა კითხვა-პასუხის რეჟიმში წარიმართა. აფხაზეთის მთავრობის წევრებმა დევნილ მოსახლეობას ის მიმდინარე პროექტები გააცნეს, რომლებსაც აფხაზეთის მთავრობა საქართველოს ცენტრალური მთავრობისა საერთაშორისო ორგანიზაციების ხელშეწყობით ახორციელებს.

დევნილთა ძირითადი მოთხოვნები შეეხებოდა სოციალური მდგომარეობის გაუმჯობესებას, საცხოვრებელი ფართებისა და ინფრასტრუქტურულ პრობლემებს. აფხაზეთის მთავრობის ხემლძღვანელობა დევნილებს მის ხელთ არსებული შესაძლებლობების ფარგლებში, პრობლემების მოგვარებას, გარკვეულ საკითხებში კი საქართველოს ცენტრალური მთავრობის შესაბამის სტრუქტურებთან შუამდგომლობას დაჰპირდნენ.

შეხვედრის ბოლოს აფხაზეთის მთავრობის ხელმძღვანელი ვახტანგ ყოლბაია დევნილებს ინდივიდუალურად გაესაუბრა.

გარდა ამისა, აფხაზეთის ხელისუფლებისა და სამეგრელო-ზემო სვანეთის სამხარეო ადმინისტრაციის წარმომადგენლებმა, შესაბამის მემორიალთან პატივი მიაგეს აფხაზეთის ომში დაღუპული ჩხოროწყუელი მებრძოლების ხსოვნას.

მსგავსი შეხვედრა დევნილებთან ხვალ მარტვილში გაიმართება.

აფხაზეთის გარემოს დაცვის სამმართველოს, აჭარის გარემოს დაცვის სამმართველოსთან ხანგრძლივი და შედეგზე ორიენტირებული თნამშრომლობა აკავშირებს.
2009 წლის 31 ოქტომბერს შავი ზღვის დაცვის დღესთან დაკავშირებით მოეწყო სემინარები ქ.ბათუმის საჯარო სკოლებში.
2010 წელს კლიმატის ცვლილებებთან დაკავშირებულ კვირეულის ფარგლებში ბათუმის სანაპიროზე ჩატარდა გამწვანების აქცია.
2011 წლის 30-31 ოქტომბერს ქ.ბათუმში შედგა არაფორმალური სამუშაო შეხვედრა საქართველოს სამეცნიერო წრეების, არასამთავრობო ორგანიზაციებისა და სამოქალაქო საზოგადოების წარმომადგენლებს შორის.
30 ოქტომბერს ჩატარდა მრგვალი მაგიდა, ხოლო 31 ოქტომბერს ქ.ბათუმის შ.რუსთაველის სახელმწიფო უნივერსიტეტის სააქტო დარბაზში გაიმართა შამეცნიერო კონფერენცია თემაზე “შავი ზღვის სანაპირო ზოლის გარემოსდაცვითი პრობლემები”.
2015 წლის 8 სექტემბერს შედგა სამუშაო შეხვედრა აფხაზეთის ა/რ მთავრობის წარმომადგენლობასთან ერთად აჭარელ აფხაზებთან და აჭარაში მცხოვრებ დევნილ მოსახლეობასთან ერთად შესაძლებელი ღონისძიებების შესახებ. როგორც ყოველთვის ჩვენმა აჭარელმა კოლეგებმა თანადგომა გამოთქვეს ჩვენ ინიციატივასთან დაკავშირებით.როგორც იტყვიან შეხვედრას ქმედება მოყვება და 19სექტემბერს ჩატარდება დასუფთავების აქცია შავი ზღვის სანაპიროზე. ეს შეხვედრა ძალიან ნაყოფიერი გამოდგა და დაიგეგმა საინტერესო ღონისძიებები.

ოკუპირებული აფხაზეთის დე ფაქტო ხელისუფლების მიერ საქართველოსთან ე.წ. საზღვრის ჩაკეტვასთან დაკავშირებით აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია განცხადებას ავრცელებს.

„ის შეზღუდვა, რომელიც სოხუმის დე ფაქტო ხელისუფლებამ ენგურის სასაზღვრო პუნქტზე თითქოს „უცხოეთის მოქალაქეთათვის" დააწესა, სრულიად უკანონოა. ეგრეთწოდებული აფხაზეთის საგარეო საქმეთა სამინისტრო იმასაც აღნიშნავს, რომ ეს დროებითი შეზღუდვაა და აფხაზეთში მომუშავე საერთაშორისო ორგანიზაციებს არ შეეხება.

გამოდის, რომ გალის მოსახლეობას შეეხება. ვინაიდან მათი მიერ შემოღებული პასპორტიზაციის თანახმად, გალელები „უცხოეთის მოქალაქეებად" უნდა მივიჩნიოთ. „უცხოეთის მოქალაქეებს" კი ოკუპირებულ ტერიტორიებზე მხოლოდ „ფსოუს" გავლით შეუძლიათ მოხვედრა. „ფსოუს" გავლით გადასვლა კი გალელებისთვის თავდაყირა სიარულის ტოლფასია. ხაჯიმბას ხელისუფლების მხრიდან გალელების მიმართ ასეთი უკანონო ქმედება არახალია. არც იმას გამოვრიცხავ, რომ ეს ნაბიჯი გალელების „მოთვინიერებისკენ" იყოს მიმართული.

მაგრამ, მეორე მხრივ, ხაჯიმბამ კარგად იცის, რომ გალელები ანგარიშგასაწევი ძალაა, მათი შრომისუნარიაონება კი საქვეყნოდ ცნობილია. ასეთი მოქმედება პოლიტიკურადაც გაუმართლებელია, არაჰუმანურია, პრაგმატული თვალსაზრისითაც არამომგებინია. მაგრამ ყველაფრის მიუხედავად, აფხაზეთი ცდილობს საერთაშორისო საზოგადოების დაინტერესებას, ინვესტიციების მოზიდვას სხვდასხვა ინფრასტრუქტურული პროექტების განხორციელებისათვის. როცა ამ ფორმით ადამიანის უფლებების სრულ უგულებელყოფასთან და მათი უფლებების ფეხქვეშ გათელვასთან გვაქვს საქმე, არავინ დათანხმდება იქ ინვესტიციის ჩადებას. ამიტომაც არა მგონია, ეს სცენარი დიდხანს შენარჩუნდეს, რასაც თავად „ტექნიკურ მიზეზებს" და „დროებით შეზღუდვას" უწოდებენ". - ნათქვამია ვახტანგ ყოლბაიას განცხადებაში.

აფხაზეთის ავტონომიური რესპუბლიკის მთავრობისა და ესპანური ინტეგრაციისა და სოლიდარობის ფონდ ,,FINSOL"-ის ერთობილივი პროექტის ფარგლებში,  2015 წლის ივლის-აგვისტოს თვეებში, აფხაზეთიდან იძულებით გადაადგილებული, სოციალურად დაუცველ ოჯახებში მცხოვრები 18 ბავშვი, მოხალისე ოჯახების მიწვევით, ესპანეთის სამეფოში დასასვენებლად იმყოფებოდა.

მოზარდები ორი თვის განმავლობაში ესპანურ მოხალისე ოჯახებში ისვენებდნენ, სადაც მათ ესპანელი ხალხის კულტურის გაზიარების, ესპანური ენის შესწავლის, ტოლერანტული, მშვიდობიანი და ჯანსაღი წესით ცხოვრების შესაძლებლობა მიეცათ. ესპანეთიდან დაბრუნებულ ბავშვებს, გუშინ, გამთენიისას, თბილისის საერთაშორისო აეროპორტში, აფხაზეთის ავტონომიური რესპუბლიკის დევნილთა საქმეების დეპარტამენტის თანამშრომლები და ახლობლები დახვდნენ.

აფხაზეთის ავტონომიური რესპუბლიკის მთავრობა და ფონდი ,,FINSOL" 2008 წლიდან თანამშრომლობენ. ფონდის ორგანიზებითა და დაფინანსებით, აფხაზეთიდან იძულებით გადაადგილებული, სოციალურად დაუცველი ოჯახების ბავშვები საზაფხულო არდადეგებს ესპანეთში ყოველწლიურად ატარებენ. პროექტი აფხაზეთის მთავრობის დევნილთა საქმეების დეპარტამენტის ხელშეწყობით განხორციელდა.

ფონდ „მოლოდინის" და უგზო-უკვლოდ დაკარგულ პირთა ოჯახებისა და წითელი ჯვრის საერთაშორისო კომიტეტის მხარდაჭერით, საქართველოს საპატრიარქოსთან არსებულ ახალგაზრდობის სულიერი და ინტელეტუალური განვითარებიც ცენტრში, უგზო-უკვლოდ დაკარგულთა საერთაშორისო დღისადმი მიძღვნილი ღონისძიება გაიმართა.

უგზო-უკვლოდ დაკარგულთა საერთაშორისო დღე, მსოფლიოში 1983 წლიდან აღინიშნება.

ღონისძიებას ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე გია გვაზავა, საქართველოს პარლამენტის წევრი გია ვოლსკი და უგზო-უკვლოდ დაკარგულთა ახლობლები.

ვახტანგ ყოლბაიას თქმით, ამჟამად, ქართული სახელმწიფო ძალიან ბევრს მუშაობს უგზო-უკვლოდ დაკარგულთა საფლავების მოსაძიებლად.

„უგზო-უკვლოდ დაკარგულთა საერთაშორისო დღე მთელ მსოფლიოში აღინიშნება, საქართველოში კი ეს დღე პირველად 2014 წელს აღინიშნა. ძალიან ბევრია ისეთი დედა, რომელიც ჭიშკართან დგას და  შვილს ელოდება.  რას უნდა გრძნობდეს დედა, რომელმაც შვილის საფლავიც კი არ იცის. მრავალი ორმხრივი ქართულ-აფხაზური შეხვედრა ტარდება, სადაც ამ საკითხებზე მიმდინარეობს მოლაპარაკებები. პროცესი თავისებურია და  პროცედურა ბევრი ნიუანსის გათვალისწინებას მოითხოვს. მხოლოდ იდენტიფიცირების შემდეგ ხდება მათი ძმათა სასაფლაოზე  დაკრძალვა. ჩვენი ვალია ყველა ჩვენი ვაჟკაცი მეომრის საფლავი ვიცოდეთ. სახელწიფო  ძალიან ბევრს აკეთებს თითოეული  მეომრის ადგილსამყოფელის აღმოსაჩენად  და გადმოსასვენებლად, მათი ოჯახების მხარდასაჭერად". - განაცხადა ვახტანგ ყოლბაიამ.

აფხაზეთის ავტონომიური რესპუბლიკის მთავრობისა და ესპანური ინტეგრაციისა და სოლიდარობის ფონდ ,,FINSOL"-ის ერთობილივი პროექტის ფარგლებში,  2015 წლის ივლის-აგვისტოს თვეებში, აფხაზეთიდან იძულებით გადაადგილებული, სოციალურად დაუცველ ოჯახებში მცხოვრები 18 ბავშვი, მოხალისე ოჯახების მიწვევით, ესპანეთის სამეფოში დასასვენებლად იმყოფებოდა.

მოზარდები ორი თვის განმავლობაში ესპანურ მოხალისე ოჯახებში ისვენებდნენ, სადაც მათ ესპანელი ხალხის კულტურის გაზიარების, ესპანური ენის შესწავლის, ტოლერანტული, მშვიდობიანი და ჯანსაღი წესით ცხოვრების შესაძლებლობა მიეცათ. ესპანეთიდან დაბრუნებულ ბავშვებს, გუშინ, გამთენიისას, თბილისის საერთაშორისო აეროპორტში, აფხაზეთის ავტონომიური რესპუბლიკის დევნილთა საქმეების დეპარტამენტის თანამშრომლები და ახლობლები დახვდნენ.

აფხაზეთის ავტონომიური რესპუბლიკის მთავრობა და ფონდი ,,FINSOL" 2008 წლიდან თანამშრომლობენ. ფონდის ორგანიზებითა და დაფინანსებით, აფხაზეთიდან იძულებით გადაადგილებული, სოციალურად დაუცველი ოჯახების ბავშვები საზაფხულო არდადეგებს ესპანეთში ყოველწლიურად ატარებენ. პროექტი აფხაზეთის მთავრობის დევნილთა საქმეების დეპარტამენტის ხელშეწყობით განხორციელდა.

ფონდ „მოლოდინის" და უგზო-უკვლოდ დაკარგულ პირთა ოჯახებისა და წითელი ჯვრის საერთაშორისო კომიტეტის მხარდაჭერით, საქართველოს საპატრიარქოსთან არსებულ ახალგაზრდობის სულიერი და ინტელეტუალური განვითარებიც ცენტრში, უგზო-უკვლოდ დაკარგულთა საერთაშორისო დღისადმი მიძღვნილი ღონისძიება გაიმართა.

უგზო-უკვლოდ დაკარგულთა საერთაშორისო დღე, მსოფლიოში 1983 წლიდან აღინიშნება.

ღონისძიებას ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე გია გვაზავა, საქართველოს პარლამენტის წევრი გია ვოლსკი და უგზო-უკვლოდ დაკარგულთა ახლობლები.

ვახტანგ ყოლბაიას თქმით, ამჟამად, ქართული სახელმწიფო ძალიან ბევრს მუშაობს უგზო-უკვლოდ დაკარგულთა საფლავების მოსაძიებლად.

„უგზო-უკვლოდ დაკარგულთა საერთაშორისო დღე მთელ მსოფლიოში აღინიშნება, საქართველოში კი ეს დღე პირველად 2014 წელს აღინიშნა. ძალიან ბევრია ისეთი დედა, რომელიც ჭიშკართან დგას და  შვილს ელოდება.  რას უნდა გრძნობდეს დედა, რომელმაც შვილის საფლავიც კი არ იცის. მრავალი ორმხრივი ქართულ-აფხაზური შეხვედრა ტარდება, სადაც ამ საკითხებზე მიმდინარეობს მოლაპარაკებები. პროცესი თავისებურია და  პროცედურა ბევრი ნიუანსის გათვალისწინებას მოითხოვს. მხოლოდ იდენტიფიცირების შემდეგ ხდება მათი ძმათა სასაფლაოზე  დაკრძალვა. ჩვენი ვალია ყველა ჩვენი ვაჟკაცი მეომრის საფლავი ვიცოდეთ. სახელწიფო  ძალიან ბევრს აკეთებს თითოეული  მეომრის ადგილსამყოფელის აღმოსაჩენად  და გადმოსასვენებლად, მათი ოჯახების მხარდასაჭერად". - განაცხადა ვახტანგ ყოლბაიამ.

დღეს, ომში უგზო-უკვლოდ დაკარგულ მებრძოლთა საერთაშორისო დღე აღინიშნება. საქართველოს ტერიტორიული მთლიანობისათვის ბრძოლებში დაკარგულ მებრძოლთა პატივსაცემად, ვაშლიჯვარში ძმათა სასაფლაო „გმირთა სავანეზე“ იმყოფებოდნენ აფხაზეთის ავტონომიური რესპუბლიკის მთავრობის აპარატის უფროსი ოთარ გარმელია და ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრი დავით გვაძაბია. მათ საქართველოს ტერიტორიული მთლიანობისთვის ბრძოლებში დაკარგულ მებრძოლთა საფლავები ყვავილებით შეამკეს.

ვაშლიჯვრის ძმათა სასაფლაოზე ასევე იმყოფებოდნენ შერიგებისა და თანასწორობის საკითხებში სახელმწიფო მინისტრი პაატა ზაქარეიშვილი და ვეტერანთა საქმეების დეპარტამენტის უფროსი გიორგი ფერაძე, ასევე საქართველოს ტერიტორიული მთლიანობისათვის ბრძოლებში დაკარგულ მებრძოლთა ოჯახის წევრები და თანამებრძოლები.

ბოლო პერიოდში, განსაკუთრებით კი, რუსეთის ფედერაციასა და ოკუპირებული აფხაზეთის დე-ფაქტო მთავრობას შორის "მოკავშირეობისა და სტრატეგიული პარტნიორობის შესახებ" ხელშეკრულების გაფორმების შემდეგ, აშკარად გამოიკვეთა აფხაზეთის მარიონეტული დე-ფაქტო მთავრობის მხრიდან რუსეთის ინტერესებზე მორგებული ქმედებების გააქტიურება, რაც აშკარად მიუთითებს მოსკოვის პირდაპირი მმართველობის დამყარებაზე ოკუპირებული აფხაზეთის ტერიტორიაზე.

აფხაზეთის მთავრობის უკანონო ქმედებების ბოლოდროინდელი გააქტიურება არ არის უნებლიე დამთხვევა, ოჩამჩირე-ენგურის ხიდის რკინიგზის მონაკვეთის აღსადგენად აფხაზეთის ავტონომიური რესპუბლიკის ტერიტორიაზე სარკინიგზო ჯარების 500 კაციანი კონტინგენტისა და 50 სამხედრო ტექნიკის შემოყვანასთან, რომლის ძირითადი მიზანი აფხაზეთის ტერიტორიაზე ყოფილი და ახალი რუსული სამხედრო ბაზების მშნებელობა-აღჭურვაა. ყველაფერი ეს ერთობიობაში გახლავთ რუსეთის  მიერ საქართველოს წინააღმდეგ მიმართული სტრატეგიული გეგმის ნაწილი, რისი შემსრულებელიც კრემლის ბრმა იარაღად ქცეული აფხაზეთის მარიონეტული მთავრობა ხდება, რაც ძალზედ სახიფათოა როგორც რეგიონში არსებული მყიფე მშვიდობისთვის, ისე აფხაზი ხალხის მომავლისთვის.

დარწმუნებული ვართ, საერთაშორისო საზოგადოება სათანადოდ შეაფასებს საქართველოს კონფლიქტურ რეგიონებში რუსეთის მიერ წარმოებულ დესტრუქციულ ქმედებებს და მიიღებს ადეკვატურ ზომებს ამ პროცესების შესაჩერებლად.

აფხაზეთის ავტონომიური რესპუბლიკის უმაღლესი საბჭოს
საინფორმაციო-ანალიტიკური დეპარტამენტი

მოგზაურობა დაასრულა აფხაზეთის მთავრობის მიერ შეწირულმა ხატმა „ყოველთა მწუხარეთა სიხარული“, რომელიც უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტ ილია II-ის ლოცვა-კურთხევით დაიწერა ქართველთა და აფხაზთა შორის დაკარგული ძმობის, ერთობის, მშვიდობის, თანხმობის, ერთსულოვნების აღდგენისა და ძმათამკვლელ ომში დაღუპულთა სულების საოხად.

ხატი, პატრიარქის ლოცვა-კურთხევით, დაახლოებით ერთი წელია, მოგზაურობს საქართველოს სამოციქულო ავტოკეფალური ეკლესიის ეპარქიებში, განსაკუთრებით იმ რეგიონებში, სადაც დიდი რაოდენობით არიან აფხაზეთიდან დევნილები.

ნიშანდობლივია, რომ ეს მოგზაურობა ხატმა 2014 წლის 27 სექტემბერს, ჯვართამაღლების  დღესასწაულზე, სოხუმის დაცემის დღეს დაიწყო.

ეს დღე იმითაც იყო მნიშვნელოვანი, რომ გმირთა მოედანზე, აფხაზეთში დაღუპულ მეომართა სულების მოსახსენებელი პანაშვიდის გადახდის შემდეგ, უწმინდესმა და უნეტარესმა ილია II-მ აფხაზეთის ხელისუფლებას იერუსალიმიდან ჩამობრძანებული სადაფის ქვისგან თლილი ჯვარი გადასცა ყოველგვარ ბოროტებაზე გამარჯვების ნიშნად.

ბოროტებაზე გამარჯვებას, მტრის მზაკვრობათა განქარვებას, წილხვედრი ერის გამთლიანებას, ქართველთა და აფხაზთა გულებში ჭეშმარიტი სინანულისა და ურთიერთმიტევების დანერგვას შესთხოვდა დედა ღვთისას ამ ერთი წლის მანძილზე სრულიად საქართველოს ეკლესიის მრევლი და, განსაკუთრებით დევნილი მოსახლეობა ქუთაის-გაენათის, ზუგდიდისა და ცაიშის, ფოთისა და ხობის, ბათუმისა და ქობულეთის, ურბნისისა და რუისის, ბორჯომისა და ბაკურიანის, სამთავისისა და გორის, ალავერდის, ჭყონდიდის ეპარქიების სხვადასხვა ტაძრებში.

დღეს, 27 აგვისტოს, ღვთისმშობლის მიძინების წინადღესასწაულზე, ქართველთა და აფხაზთა მშვიდობისა და ერთობისათვის დაწერილი  ხატი „ყოველთა მწუხარეთა სიხარული“ თბილისში მშენებარე ილორის წმიდა გიორგის სახელობის ტაძარში დაივანებს (ელიავას ბაზრობის მიმდებარე ტერიტორია).

ხატის ტაძარში დაბრძანების პროცესს ესწრებოდა აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, რომელმაც ქართველებსა და აფხაზებს მარიამობის დღესასწაული მიულოცა.

„დღეს ილორის ტაძარში დავანებულია ხატი, რომლის საქართველოში მოგზაურობის ინიციატორი უწმინდესი და უნეტარესი ილია მეორე გახლდათ. ღვთისმშობლის ხატი „ყოველთა მწუხარეთა სიხარული“ ორი წლის წინ დაიწერა და ეძღვნება აფხაზეთის ომში დაღუპულ აფხაზებსა და ქართველებს. ხატი, რომელსაც საოცარი ძალა აქვს, უნეტარესის ლოცვა-კურთხევით, წინ გაგვიძღვება აფხაზეთში დაბრუნების დროს. ის იქნება ჩვენი მეგზური აფხაზებისა და ქართველების შერიგების გზაზე. დადგება დღე, როცა ღვთისმშობლის წილხვედრი ქვეყანა, მოიკრებს ძალას და გაყვება გზას, რომელიც ნდობის აღდგენისა და ერთიანობისკენ გაგვიძღვება. ჩვენს შორის ღვარძლი გაქრება, ომის შედეგებს შევიწყნარებთ, აფხაზები და ქართველები ერთად შეუდგებიან ერთიანი ქვეყნის მშენებლობას. აი, რაზე მეტყველებს ეს სოცარი ძალის მქონე ღვთისმშობლის ხატი. მე მინდა დღევანდელი დღე მივულოცო მთელ საქართველოს, ვუსურვო ბედნიერება, ჯანსაღი და ხანგრძლივი ცხოვრება“. – განაცხადა ვახტანგ ყოლბაიამ.

აქვე გთავაზობთ სახელდახელოდ ამ ხატისთვის დაწერილ ლოცვას, რომელიც პატრიარქის კურთხევით, განსაკუთრებით  ყველა დევნილმა ზეპირად უნდა იცოდეს:

ლოცვა ღვთისმშობლის ხატისა

„ყოველთა მწუხარეთა სიხარული“

ჰოი, ყოვლადწმიდაო დედოფალო ღვთისმშობელო,

შუამდგომელო ჩვენო, მოჰხედე წილხვდომილსა ერსა შენსა და

განაქარვე მზაკვრობანი მტერთა ჩვენთანი. ქართველთა და

აფხაზთა, შეგვინდე კაცისკვლანი და ყოველნი საქმენი ბოროტნი.

მოგვმადლე მშვიდობა, თანხმობა და ერთსულოვნება, განანათლე

დაბნელებული გონება ჩვენი, ყოვლადუბიწოო და დაჰნერგე

გულთა შინა ჩვენთა ჭეშმარიტი სინანული და

ურთიერთმიტევება.

დალოცე ღვთისმშობელო ქალწულო ძმობა ქართველთა და

აფხაზთა, რათა ღვთისა და მოყვასის სიყვარულით აღვსილნი

ერთობით ვადიდებდეთ ყოვლადწმიდასა სახელსა ძისა შენისასა,

რომელსა შუენის დიდება, პატივი და თაყვანისცემა, თანა მამით

და სულით წმიდითურთ, აწ და მარადის და უკუნითი

უკუნისამდე, ამინ!

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია აფხაზეთის ომში დაღუპულ მეომართა დედებს შეხვდა და მარიამობის დღესასწაული მიულოცა.

მთავრობის თავმჯდომარე ყველას ინდივიდუალურად გაესაუბრა, მათი პრობლემები მოისმინა და სამახსოვრო საჩუქრები გადასცა.

ღონისძიებას აფხაზეთის ავტონომიური რესპუბლიკის ჯანმრთელობის და სოცილაური დაცვის მინისტრი ქეთევან ბაკარაძე, დევნილთა საქმეების დეპარტამენტის ხელმძღვანელი კონსტანტინე კუჭუხიძე, აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი დემურ კეკელია დაესწრნენ.

ქართულ-გერმანული პროექტის ფარგლებში, ზუგდიდის მუნიციპალიტეტში, ბრინჯაოსა და ადრერკინის ხანის კოლხური კულტურის ხელოვნურ ნამოსახლარზე, ბორცვ „ტაბაკონზე“, არქეოლოგიური გათხრები მიმდინარეობს. არქეოლოგიურ სამუშაოებში სოხუმის სახელმწიფო უნივერსიტეტის სტუდენტები მონაწილეობენ, სწავლობენ გათხრებისა და მონაპოვარი მასალების დამუშავების თანამედროვე ტექნოლოგიას.

აღნიშნული სამუშაოების წარმოებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და სოხუმის სახელმწიფო უნივერსიტეტის რექტორი ჯონი აფაქიძე დაესწრნენ.

სტუდენტებს არქეოლოგიის საგანმანათლებლო პროგრამის ფარგლებში აქვთ უნიკალური შესაძლებლობა დაეუფლონ პროფესიულ-პრაკტიკულ უნარებს.

ვახტანგ ყოლბაიამ გათხრების პროცესში სოხუმის სახელმწიფო უნივერსიტეტის სტუდენტთა ჩართულობის მნიშვნელობაზე ისაუბრა და აღნიშნა, რომ სამომავლოდ, პროცესში შესაძლოა აფხაზეთის საჯარო სკოლების მოსწავლეებიც ჩაერთონ.

„თორსაში აღმოჩენილი არქეოლოგიური ნიმუშები, თავისი შემადგენლობით   80-იან წლებში,  ნაბაკევში, თაგილონში, აფხაზი და ქართველი არქეოლოგების მიერ წარმოებული გათხრების შედეგად   განძის მსგავსია. არქეოლოგების აზრით, ეს იმაზეც მეტყველებს, რომ  აღმოჩენილი ნამოსახლარები ერთ შრეში, ერთ ხაზზე მდებარეობს და ეს კოლხური კულტურის გაგრძელებაა. ამიტომაც  ვიმეორებთ გამუდმებით, რომ  ხელოვნური საზღვარი სამეგრელოსა და აფხაზეთს შორის ძალიან პირობითია.  ეს განუყოფელი ტერიტორიაა, როგორც ისტორიული, ისე არქეოლოგიური თვალსაზრისით.  სამეგრელოს ამ კუთხეში, თორსაში მიმდინარე  არქეოლოგიურ  გათხრებს  გერმანიის მთავრობა, გერმანიის არქეოლოგიის ინსტიტუტი აფინანსებს, რომელიც ამავე დროს, თავადც მონაწილეობს  მიმდინარე გათხრების პროცესში. ყველაზე მეტად მახარებს, რომ გათხრებში  სოხუმის სახელმწიფო უნივერსიტეტის სტუდენტები მონაწილეობენ. ეს ძალიან დიდი სტიმულია მათთვის, არა მარტო პროფესიის საბოლოოდ არჩევის თვალსაზრისით, არამედ  საქართველოს ისტორიული და უმდიდრესი კულტურული მემკვიდრეობის ასე ახლოს გაცნობის მხრივაც. უნივერსიტეტის რექტორ ჯონი აფაქიძესთან ერთად დეტალურად გავეცანი ჩვენი ახალგაზრდობის   მიერ წარმოებულ სამუშაოებსაც. უკვე გამოვლენილია რამდენიმე ახალგაზრდა, რომელთაც შეიძლება ითქვას, არჩეული აქვთ არქეოლოგის სპეციალობა. მახარებს ისიც, რომ ეს არ არის მხოლოდ ერთჯერადი არქეოლოგიური ექსპედიცია ამ მონაკვეთზე.  მსგავსი ექსპედიციები  კვლავაც გაგრძელდება და მასში კვლავ მიიღებენ  ახალგაზრდები მონაწილეობას. წელს ეს პრაქტიკა სულ 50-მა სტუდენტმა გაიარა. ვფიქრობთ მათი რიცხვი თანდათან გაიზრდება.  როგორც წეღან გითხარით გამოირჩნენ ახალგაზრდები, რომლებიც არქეოლოგიას გაყვებიან. იმედი მაქვს, რომ ისინი თავის აფხაზ თანატოლ არქეოლოგებთან ერთად გააგრძელებენ  ამ სამუშაოებს და თავად მოიძიებენ  ქართულ-აფხაზურ  ისტორიულ ძეგლებს.  მადლობა მინდა გადავუხადო საქართველოს არქეოლოგიის საზოგადოებას, არქეოლოგიის ინსტიტუტის დირექტორს – ბატონ ვახტანგ ჯაფარიძეს ახალგაზრდებზე გაწეული ზრუნვისა და გარჯისათვის.

გამოითქვა ინიციატივა, რომ კარგი იქნება ამ არქეოლოგიურ გათხრებში მონაწილეობა მიიღონ აფხაზეთის საჯარო სკოლების მე-11, მე-12 კლასის მოსწავლეებმაც. ეს ბავშვებისთვის სერიოზული მოტივაცია იქნება და მათ სკოლის დამთავრებამდე გაუჩნდებათ გარკვეული ინტერესი პროფესიის შერჩევაში.

ძალიან ნიშანდობლივია, რომ ადგილობრივი ხელისუფლების ორგანოები, სოფლისა და რაიონის გამგეობები განსაკუთრებულ ყურადღებას უთმობენ ამ გათხრებს და მხარში უდგანან მეცნიერებსა და უნივერსიტეტის თანამშრომლებს.

მადლობა მინდა გადავუხადო  გერმანიის საელჩოს, გერმანიის მთავრობას და გერმანიის არქეოლოგიის ინსტიტუტს, რომელთა  უშუალო ფინანსური მხარდაჭერითაც ეს გათხრები მიმდინარეობს“. – განაცხადა ვახტანგ ყოლბაიამ.

აფხაზეთის ავტონომიური რესპუბლიკის მთავრობის ორგანიზებით აფხაზეთიდან დევნილ ბავშვებს „GINO-Paradise"-მა უმასპინძლა. საქველმოქმედო აქციის ფარგლებში აკვა პარკს აფხაზეთიდან დევნილი 40 მოზარდი სტუმრობდა.

ბავშვებმა „GINO-Paradise"-ის მომსახურებით ისარგებლეს და მთელი დღე წყლის სხვადასხვა ატრაქციონებზე ხალისიანად გაატარეს.

ყოვლადწმინდა ღვთისმშობლის ხატი - „ყოველთა მწუხარეთა სიხარული" ჭყონდიდის ეპარქიის მარტვილის ღვთისმშობლის მიძინების სახელობის მონასტრიდან ცაიშის ყოვლადწმიდა ღვთისმშობლის მიძინების სახელობის საკათედრო ტაძარში გადაბრძანდა.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის ავტონომიური რესპუბლიკის უმაღლესი საბჭოს თავმჯდომარემ გია (ელგუჯა) გვაზავამ 3X3 კალათბურთში საქართველოს ჩემპიონი გუნდის, „სოხუმის" წევრებს შეხვდნენ, საპატიო სიგელები და სიმბოლური საჩუქრები გადასცეს.

3X3 კალათბურთში საქართველოს ჩემპიონმა გუნდმა „სოხუმმა" ბექა გოლეთიანის, ბუბა ბერიშვილის, ვახტანგ ქადარიასა და დავით ბარბაქაძის შემადგენლობით რუმინეთში, წარმომადგენლობით ტურნირზე ღირსეულად იასპარეზა. სოხუმელებმა აღნიშნულ საერთაშორისო ტურნირზე თამაშის უფლება სწორედ საქართველოს ჩემპიონატის მოგებით დაიმსახურეს.

გუნდი „სოხუმის" წევრი ვახტანგ ქადარია სტამბოლში მიემგზავრება, სადაც მონაწილეობას მიიღებს კალათბურთის მსოფლიო ჩემპიონატზე 1X1. შარშან ვახტანგ ქადარიამ მსოფლიო ჩემპიონატზე მესამე ადგილი დაიკავა.

შეხვედრაზე გუნდ „სოხუმის" მთავარი მწვრთნელი ვაჟა კვარაცხელია, გუნდის პრეს-ატაშე თენგიზ პაჭკორია და აფხაზეთის მთავრობის წევრები იმყოფებოდნენ.