აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა დავით ფაცაციამ, თანამშრომლებთან მორიგი ინტერნეტ-სამუშაო შეხვედრა გამართა

დღეს, 8 მაისს, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის მორიგი დისტანციური ინტერნეტ-სამუშაო შეხვედრა გაიმართა. არსებული სოციალური და მოქალაქეობრივი  პასუხისმგებლობიდან გამომდინარე, ონლაინ შეხვედრები, პირველ რიგში მინისტრის აპარატის მიერ დაგეგმილ და განსახორციელებელ სამუშაოების გაგრძელებას და ამავდროულად, თანამშრომლების ჯამრთელობაზე ზრუნვას ემსახურება.
ონლაინ-შეხვედრისას, ასევე განიხილეს პროექტი ,,მშვიდობის ლაბორატორია“, რომლის ფარგლებშიც 15 მაისს, აფხაზეთიდან იძულებით გადაადგილებული სტუდენტებისთვის ინგლისური ენის შემსწავლელი  6 თვიანი ონლაინ ლექციები დაიწყება. სწავლება 3 საფეხურიანია, რაც მოიცავს  ბიზნესისა და  გიდებისთვის სპეციფიური ინგლისური ენის შესწავლას. პროექტს ახორციელებს საერთასორისო კულტსაგანმანათლებლო ცენტრი ბრიტანეთის ST Giles კემბრიჯის განათლების სახლთან პარტიორობით და სამინისტროს ოფიციალური ფინანსური მხარდაჭერით.