აფხაზეთის კულტურის, სპორტის და ახალგაზრდულ საქმეთა სააგენტოს ორგანიზებით და აფხაზეთის ფეხბურთის ფედერაციის მხარდაჭერით, სპორტულ ცენტრ „იმედში“, აფხაზეთის ავტონომიური რესპუბლიკის აღმასრულებელი ხელისუფლების დაწესებულებებს შორის, ტურნირი მინი-ფეხბურთში გამართა.

შეჯიბრებაში აფხაზეთის ავტონომიური რესპუბლიკის აღმასრულებელი ხელისუფლების დაწესებულებების თანამშრომლებისგან შემდგარი გუნდები მონაწილეობდნენ. პირველი ადგილი აფხაზეთის ფინანსთა და ეკონომიკის სამინისტროს გუნდმა დაიკავა, ხოლო მეორე ადგილზე აფხაზეთის განათლებისა და კულტურის სამინისტროს გუნდი გავიდა - გამოვლინდნენ სხვადასხვა ნომინაციებში გამარჯვებული მონაწილეები.

გამარჯვებულს და პრიზიორებს აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ, აფხაზეთის განათლებისა და კულტურის მინისტრმა ნანა გაბელიამ და აფხაზეთის ფინანსთა და ეკონომიკის მინისტრის მოადგილე ელისო გვასალიამ თასები, მედლები და დიპლომები გადასცეს.

საფეხბურთო ტურნირი აფხაზეთის კულტურის, სპორტის და ახალგაზრდულ საქმეთა სააგენტოს ქვეპროგრამა „აფხაზეთის სპორტული ტურნირების“ ფარგლებში გაიმართა.

აფხაზეთის ავტონომიური რესპუბლიკის მთავრობის ორგანიზებით, თბილისის ვანო სარაჯიშვილის სახელობის სახელმწიფო კონსერვატორიის დიდ დარბაზში ზვიად ბოლქვაძის მონოდრამა „THE PASSION OF MEDEA“ შესრულდა, რომელშიც აფხაზეთის გურამ ყურაშვილის სახელმწიფო საგუნდო კაპელა მონაწილეობდა.  

მონოდრამა ოთარ ჭილაძის რომანის „გზაზე ერთი კაცი მიდიოდა“-ს მიხედვითაა დაწერილი. მუსიკა მითოლოგიურ მედეაზეა, მის გრძნობებსა და განცდებზე.

ღონისძიებას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ავტონომიური რესპუბლიკის განათლებისა და კულტურის მინისტრი ნანა გაბელია, სამინისტროს წარმომადგენლები და დევნილი საზოგადოება ესწრებოდა.

პროექტი საქართველოს კულტურის, სპორტისა და ახალგაზრდობის სამინისტროს მხარდაჭერით ხორციელდება.

აფხაზეთის ა/რ ფინანსთა და ეკონომიკის სამინისტრო და გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრი  იწყებენ ნაშრომების მიღებას შავი ზღვის დაცვის დღისადმი მიძღვნილი სტუდენტური კონფერენციის ფარგლებში. კონფერენცია მიზნად ისახავს სტუდენტების ცნობიერების დონის ამაღლებას შავი ზღვის ეკოსისტემისა და ბიომრავალფეროვნების მდგრად განვითარებაზე, მათ ხელისშემშლელ ფაქტორებსა და მართვის გზებზე.

სტუდენტურ კონფერენციაში „შავი ზღვა და ბიომრავალფეროვნება“ მონაწილეობის მიღება შეუძლიათ შავი ზღვის ეკოლოგიური მდგომარეობით დაინტერესებულ სტუდენტებს.

კონფერენციის მონაწილეებს შესაძლებლობა ექნებათ წარადგინონ ნამუშევრები შემდეგ საკითხებზე:

• ბიომრავალფეროვნების შენარჩუნება: გამოწვევები და სტრატეგიები შავი ზღვის ეკოსისტემაში;
• დაბინძურებასთან ბრძოლა: შავი ზღვის რეგიონში გარემოსდაცვითი საფრთხეების მოგვარება;
• კლიმატის ცვლილების გავლენა შავ ზღვასა და მის სანაპიროზე;
• მდგრადი მეთევზეობა და კონსერვაცია შავ ზღვაში;
• შავი ზღვის წყალქვეშა სიცოცხლე;
• შავი ზღვის სანაპირო ზონის მართვა და მდგრადი განვითარება;
• ინვაზიური სახეობების მართვა: შავი ზღვის ეკოსისტემის დაცვა და მასთან დაკავშირებული გამოწვევები;
• სამართლებრივი ჩარჩოები და პოლიტიკის ინიციატივები შავი ზღვის გარემოს დაცვისთვის;
• საზოგადოების ჩართულობა და განათლება შავი ზღვის დაცვისთვის;
• შავი ზღვის რეგიონული ეკონომიკური თანამშრომლობა და პოლიტიკა;
• შავი ზღვის რეგიონული დინამიკა და გარემოსდაცვითი უსაფრთხოება;
• კლიმატის ცვლილება და შავი ზღვის ეკოლოგიური მდგომარეობა: იზოლირებული ზღვა და მასთან დაკავშირებული გამოწვევები;
• ექსტრემალური მოვლენები და კლიმატის ცვლილების გავლენა შავი ზღვის რეგიონში;
• განახლებადი ენერგია და მდგრადი გადაწყვეტილებები, კლიმატის ცვლილების ეფექტების შესამცირებლად შავ ზღვაში;
• სანაპირო ქალაქები და მათი განვითარება შავი ზღვის რეგიონში: ეკოლოგიური მდგომარეობა და სანაპირო გარემოსდაცვითი პოლიტიკა.

  მონაწილეების მოხსენება და პრეზენტაცია უნდა აკმაყოფილებდეს ჩამოთვლილ კრიტერიუმებს:

  • ნაშრომი წარმოდგენილი უნდა იყოს Word-ის ფაილის სახით. შრიფტი - Sylfaen, შრიფტის ზომა - 11, ინტერვალი - 1.15;
  • სამუშაო ენა - ქართული;
  • ნაშრომის მოცულობა - მაქსიმუმ 5 გვერდიანი მოხსენება კონფერენციის სათაურის ქვეშ, არსებობის შემთხვევაში კონკრეტული ქვე-სათაურით;
  • ნაშრომში მითითებული უნდა იყოს ავტორის სახელი, გვარი, უნივერსიტეტის დასახელება, ფაკულტეტი, კურსი, იურიდიული მისამართი, ტელეფონის ნომერი და ელ-ფოსტის მისამართი;
  • ნაშრომი უნდა მოიცავდეს გამოყენებული ლიტერატურის ჩამონათვალს;
  • ნაშრომის პრეზენტაცია უნდა იყოს წარმოდგენილი Power Point Presentation-ის ფორმატში, სადაც აღნიშნული იქნება ავტორის სახელი, გვარი და მოხსენების სათაური.

ნამუშევრების წარდგენის წესი:

ნაშრომისა და პრეზენტაციის ელექტრონული ვერსიები გამოგზავნილი უნდა იყოს Word და Power Point Presentation დოკუმენტების სახით, 27 ოქტომბრის ჩათვლით, შემდეგ მისამართზე: mariamgabunia.afsm@gmail.com სათაურის ველში მითითებული უნდა იყოს „სტუდენტური კონფერენცია“.

პრეზენტაციის დრო არ უნდა აღემატებოდეს 10 წუთს (კითხვა-პასუხის სესიის ჩათვლით). მოხსენება უნდა იყოს წარდგენილი ინდივიდუალურად. პრეზენტაციისას განსაკუთრებული ყურადღება უნდა მიექცეს შერჩეული საკითხის სპეციფიკიდან გამომდინარე არსებულ გამოწვევებსა და მათი გადაჭრისათვის აუცილებელ რესურსებსა და  შესაძლებლობებს.

მონაწილეების ნამუშევრებსა და პრეზენტაციას, წინასწარ შემუშავებული კრიტერიუმების საფუძველზე შეაფასებს სპეციალურად დაკომპლექტებული კომისია. შედეგად, კომისია გამოავლენს გამარჯვებულებს (სამი საპრიზო ადგილი). გამარჯვებულ სტუდენტებს გადაეცემათ პრიზები. ყველა მომხსენებელი მიიღებს კონფერენციაში მონაწილეობის დამადასტურებელ სერტიფიკატს.  

კონფერენცია გაიმართება ქალაქ თბილისში, მარშალ გელოვანის გამზირი №32–ში.

სტუდენტური კონფერენციის შესახებ საკონტაქტო პირია: მარიამ გაბუნია 597877957.

მემორანდუმს ხელი აფხაზეთის განათლებისა და კულტურის მინისტრმა ნანა გაბელიამ და კავკასიის საერთაშორისო უნივერსიტეტის რექტორმა, პროფესორმა კახაბერ კორძაიამ მოაწერეს.

მემორანდუმის მიზანია მხარეთა საერთო ინტერესების სფეროში შემავალ საკითხებზე თანამშრომლობა, ერთობლივი პროექტების, კვლევების, სასწავლო-საგანმანათლებლო, სამეცნიერო ღონისძიებებისა და ინიციატივების განხორციელება.

შეხვედრაზე CIU-ს სტუდენტებისთვის, აფხაზეთის განათლებისა და კულტურის მინისტრმა ნანა გაბელიამ და მინისტრის მოადგილე ნინო ლობჟანიძემ სამინისტროს პროექტები, სასტიპენდიო პროგრამები და თანამშრომლობის ფარგლებში არსებული შესაძლებლობები განიხილეს.

მისასალმებელი სიტყვით აუდიტორიას მიმართა - კავკასიის საერთაშორისო უნივერისტეტის პროფესორმა, აკადემიკოსმა მინდია უგრეხელიძემ, სამართლის ფაკულტეტის დეკანმა, პროფესორმა გიორგი ხატიძემ. შეხვედრაზე სიტყვით წარდგა CIU-ს სამეცნიერო დეპარტამენტის ხელმძღვანელი - სესილი გოგიბერიძე.

მემორანდუმის ფარგლებში კავკასიის საერთაშორისო უნივერსიტეტში დაარსდა იძულებით გადაადგილებულ სტუდენტთა საუნივერსიტეტო კლუბი ,, ახალი თაობის ხიდი“. კლუბის საქმიანობის ფარგლებში განხორციელდება ისეთი საგანმანათლებლო პროექტები, როგორებიცაა: საჯარო ლექციები, სტუდენტური საერთაშორისო კონფერენციები, სადისკუსიო ფორმატის შეხვედრები.

კლუბის შექმნის მიზანია საქართველოს ოკუპირებული ტერიტორიებიდან დევნილი სტუდენტების სოციალიზაციისა და ინტეგრაციის პროცესის ხელშეწყობა, აფხაზეთის საჯარო სკოლებში ახალგაზრდების გაძლიერება და მხარდაჭერა.

შეხვედრას სამინისტროს, კავკასიის საერთაშორისო უნივერსიტეტის ადმინისტრაციის წარმომადგენლები და სტუდენტები ესწრებოდნენ.

პრემია გაიცემა სახვითი და გამოყენებითი ხელოვნების დარგში შეტანილი განსაკუთრებული წვლილისა და ნაყოფიერი შემოქმედებითი მოღვაწეობისათვის.

პრემია წესდება სახვითი და გამოყენებითი ხელოვნების დარგში შექმნილ ნამუშევრებზე, რომლებმაც ტექნიკური, შინაარსობრივი და სხვა ღირებულებათა გამო აღიარება მოიპოვეს ქართული და აფხაზური სახვითი ხელოვნების დარგში.

კონკურსში მონაწილეობის მსურველებმა საკონკურსო ნამუშევარი უნდა წარმოადგინონ აფხაზეთის განათლებისა და კულტურის სამინისტროში, მიმდინარე წლის 20 ოქტომბრიდან 20 ნოემბრამდე თანდართულ დოკუმენტაციასთან ერთად:

ა) საკონკურსო განაცხადი; ბ) ავტობიოგრაფია; გ) პირადობის მოწმობის ასლი.

პრემიის მოსაპოვებლად ნამუშევრის წარდგენის უფლება აქვთ როგორც ფიზიკურ პირებს, ასევე სასწავლო დაწესებულებებს, შემოქმედებით და სხვა საზოგადოებრივ ორგანიზაციებს, რომლებიც საქმიანობენ სახვითი და გამოყენებითი ხელოვნების დარგში.

სახვითი და გამოყენებითი ხელოვნების ნამუშევრების საკონკურსოდ წარდგენა დასაშვებია მხოლოდ მისი დასრულებული, საბოლოო სახით.

კონკურსის გამარჯვებულს გამოავლენს ნიკოლოზ თაბუკაშვილის სახელობის პრემიის მიმნიჭებელი კომისია.

ცენტრალური ხელისუფლების, აფხაზეთის ავტონომიური რესპუბლიკის მთავრობისა და ადგილობრივი მუნიციპალიტეტებისთვის, ასევე, დონორი და საერთაშორისო, ეროვნული ორგანიზაციებისთვის, რომლებიც მუშაობენ კონფლიქტით დაზარალებული თემების საკითხებზე, ქალთა ასოციაცია „თანხმობამ“ ჩაატარა კონფერენცია თემაზე: „ადვოკატირების გაფართოებული შეხვედრა იძულებით გადაადგილებული და კონფლიქტის შედეგად დაზარალებული ქალებისა და ახალგაზრდების გადაუდებელი საჭიროებების მოგვარებისთვის“. ღონისძიებაში მონაწილეობა მიიღო აფხაზეთის ავტონომიური რესპუბლიკის იძულებით გადაადგილებულ პირთა მინისტრის მოადგილე იგორ კოპალიანმა.

კონფერენციაზე კონფლიქტით დაზარალებულმა ქალებმა - თემის ლიდერებმა - თავად წარმოადგინეს კონკრეტული გამოწვევები. დისკუსიები გაიმართა სამი ძირითადი მიმართულებით: ინფრასტრუქტურა, სერვისებზე ხელმისაწვდომობა, ადამიანის უსაფრთხოება და კრიზისების მართვა.

ღონისძიების მიზანი იყო სხვადასხვა პასუხისმგებელი უწყების ერთმანეთთან შეხვედრა თანამშრომლობის, ცოდნის გაზიარებისა და შესაბამისი რეაგირების ხელშეწყობისთვის, რათა გაუმჯობესდეს ქალებზე, მშვიდობასა და უსაფრთხოებაზე გაეროს უშიშროების საბჭოს რეზოლუციების განხორციელების 2020-2024 წლების საქართველოს ეროვნული სამოქმედო გეგმის აღსრულება.

ქალთა ასოციაცია „თანხმობის“ კონფერენციის ორგანიზატორები იყვნენ ქალთა საინფორმაციო ცენტრი, ქალთა ფონდი „სოხუმი“, გაეროს ქალთა ორგანიზაცია და არასამთავრობო ორგანიზაციების კოალიციის სხვა წევრები.

5 ოქტომბერს, მასწავლებლის საერთაშორისო დღესთან დაკავშირებით, აფხაზეთის ავტონომიური რესპუბლიკის განათლებისა და კულტურის სამინისტროში ღვაწლმოსილი და წლის საუკეთესო პედაგოგები, აფხაზეთის საჯარო სკოლების მედალოსანი კურსდამთავრებულები და აფხაზეთიდან დევნილი, წარჩინებული სტუდენტები დაჯილდოვდნენ.

ღონისძიება მისასალმებელი სიტყვით აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ გახსნა.

შეხვედრის მონაწილეებს, ასევე, სიტყვით მიმართა აფხაზეთის განათლებისა და კულტურის მინისტრმა ნანა გაბელიამ.

„ჩემთვის პატივია მოგილოცოთ პროფესიული დღე, თქვენ ემსახურებით რთულ და საპასუხისმგებლო საქმეს. ნებისმიერი ღირსეული პედაგოგის შეგნებული ცხოვრება და საქმიანობა ქვეყნის მომავალი თაობის აღზრდას და განვითარებას ემსახურება. მასწავლებლის პროფესიის მხარდაჭერა და პოპულარიზაცია სამინისტროს საქმიანობის პრიორიტეტია და მომავალშიც აქტიურად ვიდგებით თქვენს გვერდით ჩვენი მომავალი თაობების საკეთილდღეოდ. ასევე, ჩვენი სკოლების მედალოსან კუსდამთავრებულებს და აფხაზეთიდან დევნილ, წარმატებულ, სტუდენტებს-ჟიული შარტავას, ილია ვეკუას, თამაზ ნადარეიშვილის, ლორიკ მარშანიას, გურამ გაბესკირიასა და მიხეილ ჯინჭარაძის სახელობის სტიპენდიატებს გილოცავთ და წარმატებებს გისურვებთ“- განაცხადა მინისტრმა.

ღონისძიების ფარგლებში ღვაწლმოსილ პედაგოგებსა და წლის საუკეთესო მასწავლებლებს სიგელები და ფასიანი საჩუქრები, მედალოსან კურსდამთავრებულებსა და სტიპენდიატებს დიპლომები, სერტიფიკატები და წიგნები გადაეცათ.

აფხაზეთის განათლებისა და კულტურის სამინისტროს განათლების ხელშეწყობის პროგრამის ფარგლებში შეხვედრები აფხაზეთიდან დევნილ პედაგოგებთან, აფხაზეთის საჯარო სკოლების კურსდამთავრებულებთან და აფხაზეთიდან დევნილ წარჩინებულ სტუდენტებთან ყოველწლიურად იმართება.

აფხაზეთის ავტონომიური რესპუბლიკის მთავრობის ორგანიზებით, მასწავლებლის საერთაშორისო დღესთან დაკავშირებით, აფხაზეთის განათლებისა და კულტურის სამინისტროში ღვაწლმოსილი პედაგოგები, აფხაზეთის საჯარო სკოლების მედალოსანი კურსდამთავრებულები და აფხაზეთიდან დევნილი, წარჩინებული სტუდენტები დაჯილდოვდნენ.

ღონისძიება მისასალმებელი სიტყვით აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ და აფხაზეთის ავტონომიური რესპუბლიკის განათლებისა და კულტურის მინისტრმა ნანა გაბელიამ გახსნეს, რომლებიც პედაგოგებს მიესალმნენ, პროფესიული დღე მიულოცეს და სიგელები და საჩუქრები პირადად გადასცეს.

ღონისძიების ფარგლებში, ასევე მედალოსანი კურსდამთავრებულები და სამინისტროს სტიპენდიატები დაჯილდოვდნენ, რომელთაც დიპლომები, წიგნები და შესაბამისი სერტიფიკატები გადაეცათ.

აფხაზეთის განათლებისა და კულტურის სამინისტროს განათლების ხელშეწყობის პროგრამის ფარგლებში შეხვედრები აფხაზეთიდან დევნილ ღვაწლმოსილ პედაგოგებთან, აფხაზეთის საჯარო სკოლების კურსდამთავრებულებთან და აფხაზეთიდან დევნილ წარჩინებულ სტუდენტებთან ყოველწლიურად იმართება.

აფხაზეთის ავტონომიური რესპუბლიკის ფინანსთა და ეკონომიკის სამინისტრო

სსიპ „ეკონომიკური პროგრამების სააგენტო“ აცხადებს კონკურსს და განაცხადების მიღებას „სასათბურე კონსტრუქციის მოწყობასთან“ დაკავშირებით, რომლის მეშვეობით განხორციელდება აფხაზეთიდან დევნილთა ჯგუფის ხელშეწყობა სასათბურე მეურნეობის პროცესში, შესაბამისი სასათბურე კონსტრუქციის უზრუნველყოფის გზით.

1. კონკურსში მონაწილეობა შეუძლია მიიღონ აფხაზეთიდან დევნილთა ჯგუფს, რომლის წარმომადგენლები გააკეთებენ ერთობლივ განაცხადს სასათბურე კონსტრუქციის მოწყობასთან დაკავშირებით.
2. ინფორმაცია ქვეპროგრამის ხსენებული ნაწილის შესახებ და კონკურსის პირობები, ეტაპები, კრიტერიუმები და შესავსები განაცხადის ფორმა იხილეთ ლინკზე: ბმული
3. განაცხადების მიღება ელექტრონული ან მატერიალური ფორმით ხორციელდება 2023 წლის 5 ოქტომბრის 12:00 საათიდან 2023 წლის 22 ოქტომბრის 17:00 საათამდე, მისამართზე: ქ. თბილისი, თამარაშვილის ქ. N15ა, სსიპ „ეკონომიკური პროგრამების სააგენტო“  ან ელ. ფოსტაზე ek@gmail.com

4. საკონტაქტო პირები: ნუგზარ ბასლანძე - 577092373; ჯანო ქირთბაია - 599855369; ნიკა ჯანგირაშვილი - 599040403

თბილისის ილორის წმინდა გიორგის სახელობის ეკლესიაში ტაძრის წინამძღვარმა, დეკანოზმა ლევან ჯანაშიამ 1992 წელს გაგრაში განვითარებული ტრაგიკული მოვლენების დროს დაღუპულთა სულების მოსახსენებელი პანაშვიდი გადაიხადა.

პანაშვიდს აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის მთავრობის წევრები, უმაღლესი საბჭოს დეპუტატები და დევნილი საზოგადოება ესწრებოდნენ.

აფხაზეთის ავტონომიური რესპუბლიკის ფინანსთა და ეკონომიკის სამინისტრო

სსიპ „ეკონომიკური პროგრამების სააგენტო“ აცხადებს კონკურსს და განაცხადების მიღებას „სასოფლო-სამეურნეო და ენდემური კულტურების წარმოების მხარდაჭერის“ ქვეპროგრამის ჭრილში, რომლის მეშვეობით განხორციელდება აფხაზეთიდან დევნილთა და აფხაზეთის ოკუპირებულ ტერიტორიაზე ლეგიტიმურად მცხოვრები პირების ხელშეწყობა სასოფლო-სამეურნეო კულტურების წარმოების პროცესში, გარკვეული მრავალწლიანი ნერგებით უზრუნველყოფის გზით, კერძოდ: კაკლის/ნიგოზის; ტყემლის; ქლიავისა და მანდარინის ახალი ჯიშის ნერგებით.

1.      ნერგების კონკურსში მონაწილეობა შეუძლია მიიღონ:

• კაკლის/ნიგოზის ნაწილში, როგორც აფხაზეთიდან იგპ-ს, ასევე გალის ოკუპირებულ ტერიტორიაზე ლეგიტიმურად მცხოვრებ პირებს;
• ხოლო ტყემლის, ქლიავისა და მანდარინის ნერგების კონკურსში - მხოლოდ კონტროლირებად ტერიტორიაზე მცხოვრებ აფხაზეთიდან დევნილებს. შენიშვნა: ამასთან, მანდარინთან დაკავშირებით, წარმოდგენილ უნდა იქნას საქმიანი წინადადება მანდარინის ახალი ჯიშის პლანტაციის გაშენებასთან დაკავშირებით, 200-დე შესაბამისი ნერგის მეშვეობით.

2.    ინფორმაცია ქვეპროგრამის ხსენებული ნაწილის შესახებ და კონკურსის პირობები, ეტაპები, კრიტერიუმები და შესავსები განაცხადის ფორმა იხილეთ ლინკზე: abkhazia.gov.ge/saministro/MINISTRY-OF-FINANCE-AND-ECONOMY

3.  განაცხადების მიღება ელექტრონული ან მატერიალური ფორმით ხორციელდება 2023 წლის 2 ოქტომბრის 12:00 საათიდან 2023 წლის 22 ოქტომბრის 17:00 საათამდე, მისამართზე: ქ. თბილისი, მ. თამარაშვილის ქ. N15ა, სსიპ „ეკონომიკური პროგრამების სააგენტო“  ან ელ. ფოსტაზე Saagento.ek@gmail.com

საკონტაქტო პირები: მაია ცანავა -  599903372; თეა კვარაცხელია - 579113897; ირმა ფირცხელიანი - 599756775; ნუგზარ ბასლანძე - 577092373; ჯანო ქირთბაია - 599855369; ნიკა ჯანგირაშვილი - 599040403

შეხვედრაზე მხარეებმა თბილისში, ვაკის რაიონში მდებარე დევნილთა განსახლების ადგილებში მცხოვრებთა საჭიროებები და ინფრასტრუქტურული პროექტების განხორციელების საკითხები განიხილეს.

იძულებით გადაადგილებულ პირთა წინაშე მდგარი გამოწვევების ადგილზე შესწავლისა და შემდგომი რეაგირების მიზნით, მხარებმა დევნილთა განსახლების ადგილებში ერთობლივი შეხვედრები დაგეგმეს.

შეხვედრას სამინისტროსა და ვაკის რაიონის გამგეობის წარმომადგენლები ესწრებოდნენ.

”ნაყოფიერი შეხვედრა გვქონდა ვაკის რაიონის გამგებელთან დავით კვინიკაძესთან.

შეხვედრაზე ვაკის რაიონში მცხოვრები დევნილი მოსახლეობის წინაშე მდგარი გამოწვევები და მათ განსახლების ადგილებში ინფრასტრუქტურული პროექტების განხორციელების საკითხები განვიხილეთ.

მხარეებმა მზადყოფნა გამოვხატეთ დევნილი მოსახლეობის საჭიროებებზე ორიენტირებული პროექტების ერთობლივად განხორციელების თაობაზე და ამ მიზნით მათთან შეხვედრები დავგეგმეთ.

ჩვენ აქტიურად ვმუშაობთ ცენტრალურ ხელისუფლებასთან და ადგილობრივ მუნიციპალიტეტებთან ერთად, ყველა იმ პრობლემატური, კრიტიკულად მნიშვნელოვანი საკითხების მოსაგვარებლად, რაც დევნილებს ეხება.

მნიშვნელოვანია, ისიც, რომ ეტაპობრივად ვახორციელებთ დევნილთა წინაშე მდგარი პრობლემური საკითხების მოგვარებას.“ - დავით ფაცაცია

აფხაზეთის განათლებისა და კულტურის მინისტრი ნანა გაბელია მოადგილეებთან ერთად დემოკრატიული სკოლების წლიურ კონფერენცია-გამოფენას დაესწრო.

კონფერენციაზე კონკურსის „წლის დემოკრატიული სკოლა“ ერთ-ერთი გამარჯვებული, ჩხოროწყუში განთავსებული აფხაზეთის N10 საჯარო სკოლა გახდა.

ამერიკის საერთაშორისო განვითარების სააგენტოს (USAID) სამოქალაქო განათლების პროგრამის ფარგლებში, სპეციალურმა ჟიურიმ 2022-2023 აკადემიური წლის მანძილზე გაწეული საქმიანობის მიხედვით, საქართველოს მასშტაბით წლის ყველაზე დემოკრატიული ხუთი სკოლა გამოავლინა.

სკოლები წინასწარ განსაზღვრული კრიტერიუმებით შეირჩა, მათ შორის: სკოლის ადმინისტრაციის მხრიდან მოსწავლეთა ისეთი საქმიანობის ხელშეწყობა, რომელიც მიზნად ისახავს სკოლისათვის აქტუალური პრობლემების გადაჭრას, სკოლის შიდა რეგულაციებისა და გამჭვირვალობის მექანიზმების არსებობა, რომელიც ხელს უწყობს სკოლაში დემოკრატიული პროცესების წარმართვას და სხვ.

აფხაზეთის N10 საჯარო სკოლას აფხაზეთის განათლებისა და კულტურის სამინისტროს სახელით წიგნების ვაუჩერი და მადლობის სიგელი გადაეცა.

თბილისობის დღესასწაულთან დაკავშირებით, ეთნოგრაფიულ მუზეუმში, აფხაზეთის ავტონომიური რესპუბლიკის მთავრობის ორგანიზებით, „აფხაზური ეზო“ მოეწყო.

ღონისძიება მისასალმებელი სიტყვით აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ გახსნა.

ღონისძიების ფარგლებში, ეთნოგრაფიულ მუზეუმში დევნილი მეწარმეების პროდუქციის გამოფენა-გაყიდვა გაიმართა, მოეწყო ტრადიციული კერძების დეგუსტაცია, გასტრონომიული და კალიგრაფიის მასტერკლასები. „აფხაზურ ეზოში“ ასევე წარმოდგენილი იყო აფხაზური ტრადიციული სამოსის, ფოტო მასალისა და ბეჭდური გამოცემების გამოფენა.

თბილისობაზე მოსულ სტუმრებს საშუალება ჰქონდათ სოხუმურად ქვიშაზე მოდუღებული ყავა დაეგემოვნებინათ და საკუთარი სურვილები და ოცნებები გზავნილის სახით, სიმბოლურად აფხაზეთში გაეგზავნათ.

თბილისობის დღესასწაულზე სტუმრების წინაშე აფხაზეთის სიმღერისა და ცეკვის სახელმწიფო აკადემიური ანსამბლი „აფხაზეთი“, აფხაზეთის სიმღერის სახელმწიფო ანსამბლი „შავნაბადა“, გოგონათა ფოლკლორული ანსამბლი „გუმბათი“ და ბავშვთა ანსამბლი „ოტობაია“ წარდგნენ, რომლებმაც აფხაზური და ქართული ფოლკლორული ნაწარმოებები შეასრულეს.

ღონისძიებას საქართველოს პარლამენტის თავმჯდომარის პირველი მოადგილე და ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარე გიორგი ვოლსკი, საქართველოს კულტურის, სპორტისა და ახალგაზრდობის მინისტრის მოადგილე იოსებ ბაღათურია, აფხაზეთის მთავრობის წევრები და უმაღლესი საბჭოს დეპუტატები ესწრებოდნენ.

„თბილისობის“ დღესასწაულის ფარგლებში თბილისის ეთნოგრაფიულ მუზეუმში საქართველოს რეგიონების მონაწილებით მრავალფეროვანი ღონისძიებები გაიმართა. ღონისძიებებს აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და თავმჯდომარის მოადგილე ანზორ მარგიანი დაესწრნენ.

მთავრობის თავმჯდომარემ გურიის რეგიონისა და სამხრეთ ოსეთის ადმინისტრაციის მიერ მოწყობილი კუთხეები დაათვალიერა და სხვადასხვა თეატრალიზებულ სანახაობებს დაესწრო.

ღონისძიების ფარგლებში ადგილობრივი ფოლკლორული ანსამბლების მონაწილეობით ჩატარდა კონცერტები, გაიმართა კერძებისა და ღვინის დეგუსტაცია, მოეწყო ხელნაკეთი ნივთების გამოფენები და ტრადიციული სამზარეულოს მასტერკლასები.