2022-12-19 |
განათლებისა და კულტურის სამინისტრო
აფხაზეთის ა/რ განათლებისა და კულტურის სამინისტრომ ყოველწლიური დახურული მიღება გამართა
აფხაზეთის ავტონომიური რესპუბლიკის განათლებისა და კულტურის სამინისტრომ კავკასიის უნივერსიტეტში ყოველწლიური დახურული მიღება გამართა.
მიღების მიზანი სამთავრობო უწყებების, საერთაშორისო პარტნიორებისა და ბიზნეს სექტორის წარმომადგენლებისათვის სამინისტროს მიერ მთელი წლის განმავლობაში განათლების მიმართულებით გაწეული საქმიანობის ანგარიშის წარდგენა იყო.
აფხაზეთის ავტონომიური რესპუბლიკის განათლებისა და კულტურის მინისტრმა ეკა ხოფერიამ დამსწრეთ სამინისტროს 2022 წლის ინფრასტრუქტურულ და საგანმანათლებლო პროექტებთან ერთად სამომავლო გეგმები გააცნო.
სტუმრებს მიესალმნენ აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, ამერიკის ელჩი საქართველოში კელი დეგნანი, საქართველოს პარლამენტის ვიცესპიკერი გიორგი ვოლსკი, კავკასიის უნივერსიტეტის ვიცე-პრეზიდენტი ინტერნაციონალიზაციის დარგში ირენა მელუა, მასწავლებელთა სახლის დირექტორი ბერიკა შუკაკიძე და სხვ.
მიღებას საქართველოს პარლამენტის, საქართველოს მთავრობის, აფხაზეთის ა/რ მთავრობისა და აფხაზეთის ა/რ უმაღლესი საბჭოს, დიპლომატიური კორპუსის, საერთაშორისო ორგანიზაციების წარმომადგენლები ესწრებოდნენ.
