აფხაზეთის ავტონომიური რესპუბლიკის განათლებისა და კულტურის მინისტრი დავით მორგოშია სამინისტროს სამსახურებისა და გალის საგანმანათლებლო რესურსცენტრის თანამშრომლებს შეხვდა.

შეხვედრაზე სამინისტროს სამსახურის უფროსებმა განათლების, კულტურისა და სპორტის მიმართულებებით არსებულ პრიორიტეტებზე, მნიშვნელოვან პროგრამებსა და პროექტებზე ისაუბრეს, რის შემდეგაც ახლადდანიშნულმა მინისტრმა ეფექტური გუნდური მუშაობის იმედი გამოთქვა.

აფხაზეთის ავტონომიური რესპუბლიკის უმაღლესი საბჭოს დეპუტატებმა მთავრობის ახალ თავმჯდომარესა და მინისტრთა კაბინეტის შემადგენლობას ნდობა 18 სექტემბერს გამოუცხადეს. აფხაზეთის ავტონომიური რესპუბლიკის მთავრობის თავმჯდომარედ ლევან მგალობლიშვილი დაინიშნა.