აფხაზეთის ავტონომიური რესპუბლიკის განათლებისა და კულტურის სამინისტროს მხარდაჭერით, თბილისში ფარიკაობის ტურნირი ,,აფხაზეთის თასი“ გაიმართა. შეჯიბრი აფხაზეთის ფარიკაობის ფედერაციის ორგანიზებით, საქართველოს ფარიკაობის ფედერაციის დარბაზში ჩატარდა.
გამარჯვებულები გოგონებსა და ვაჟებს შორის სამ ასაკობრივ კატეგორიაში - U9, U11, U13, და გუნდურ ასპარეზობაში გამოვლინდნენ. დაჯილდოების ღონისძიებას აფხაზეთის ავტონომიური რესპუბლიკის განათლებისა და კულტურის მინისტრის მოადგილე ანა გიორგობიანი, სამინისტროს სპორტისა და ახალგაზრდობის საქმეთა დეპარტამენტის წარმომადგენლებთან ერთად დაესწრო.
მონაწილეები ერთმანეთს დაუპირისპირდნენ სამ დისციპლინაში - ხმალი, დაშნა და რაპირა. ტურნირში საქართველოს სხვადასხვა კუთხის წარმომადგენლები, მათ შორის აფხაზეთის სახელით 12 სპორტსმენი ასპარეზობდა.
შეჯიბრი 2012 წლიდან ტარდება და მიზნად ჯანსაღი ცხორების წესისა და ფარიკაობის პოპულარიზაციას ისახავს.