აფხაზეთის ავტონომიური რესპუბლიკის მთავრობის წარმომადგენლობებში შექმნილია „აფხაზეთის ავტონომიური რესპუბლიკის ოკუპირებული ტერიტორიიდან იძულებით გადაადგილებულ პირთა-დევნილთა სოციალური დაცვის მიზნით ერთჯერადი დახმარების გამცემი კომისიები“, რომელთა უფლებამოსილებასაც განეკუთვნება აფხაზეთის ავტონომიური რესპუბლიკის 2017 წლის რესპუბლიკური ბიუჯეტით დადგენილი, სხვადასხვა სოციალურ კატეგორიას მიკუთვნებული აფხაზეთის ავტონომიური რესპუბლიკის ოკუპირებული ტერიტორიიდან დევნილთათვის ერთჯერადი მატერიალური დახმარების გაწევის ორგანიზება.
2017 წლის 9 თვის განმავლობაში ერთჯერადი დახმარების გამცემმა კომისიებმა 2 125 აფხაზეთიდან იგპ-ზე გასცეს 299 000 ლარის ოდენობის მატერიალური დახმარება.
აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის მიერ 1 027 ბენეფიციარზე გაიცა 148 500 ლარი;
იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობის მიერ 438 ბენეფიციარზე გაიცა 60 000 ლარი;
სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის მიერ 660 ბენეფიციარზე გაიცა 90 500 ლარი.
ასევე, აფხაზეთის ავტონომიური რესპუბლიკის 2017 წლის რესპუბლიკური ბიუჯეტით აფხაზეთის ავტონომიური რესპუბლიკის მთავრობის წარმომადგენლობებში არსებულმა – აფხაზეთის ავტონომიური რესპუბლიკის ოკუპირებული ტერიტორიიდან იძულებით გადაადგილებულ პირთა-დევნილთა საკუთრებაში/სარგებლობაში გადაცემულ საცხოვრებელ ობიექტებში მცირეფასიანი და გადაუდებელი სარემონტო სამუშაოების განმსაზღვრელმა კომისიებმა პროგრამის ფარგლებში განიხილეს და მოთხოვნათა სრული დაცვით, დევნილთა კომპაქტური ჩასახლების 32 ობიექტში მცირეფასიანი და გადაუდებელი სარემონტო სახის სამუშაოები დააფინანეს 21 331,57 ლარის ოდენობით.
იმერეთის, გურიის, წარმომადგენლობამ სარემონტო სამუშაოები ჩაატარა 9 ობიექტზე, სამუშაოების ღირებულებამ შეადგინა 6 061.44 ლარი.
სამეგრელო-ზემო სვანეთის რეგიონში წარმომადგენლობის მიერ 12 ობიექტზე ჩატარებული სარემონტო სამუშაოების ღირებულებამ შეადგიანა 7 253 ლარი.
აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობამ სარემონტო სამუშაოები ჩაატარა 11 ობიექტზე, სამუშაოების ღირებულებამ შეადგინა 8 017,13 ლარი.