11 თებერვალს, ქ. ზუგდიდში, საქართველოს თხილის მწარმოებელთა ასოციაციის მესამე ყოველწლიური კონფერენცია- „სახელმწიფოს ხედვა თხილის კულტურის დაცვისა და დარგის განვითარების შესახებ“ გაიმართა, სადაც განხილულ იქნა თხილის სექტორში არსებული გამოწვევები და მათი გადაჭრის გზები. აღსანიშნავია, რომ მომხსენებლთა შორის იყვნენ უცხოელი, მოწვეული ექსპერტები და დარგის ადგილბრივი მკვლევარებიც.
კონფერენცია მოიცავდა ინფორმაციას თხილის სექტორის ხელშემწყობი ფინანსური და სადაზღვევო ინსტრუმენტების, მიმდინარე გამოწვევებისა და მავნებელ-დაავადებების შესახებ. ღონისძიებას ესწრებოდა აფხაზეთის ა/რ სოფლის მეურნეობის, გარემოს დაცვისა და ბუნებრივი რესურსების დეპარტამენტის თავმჯდომარე- ვალერი ბასარია და ამავე დეპარტამენტის მცენარეთა დაცვის განყოფილების თანამშრომლები.
ღონისძიების ბოლო ნაწილი დაეთმო ფერმერთა ჯგუფებისა და წარმატებული ფერმერების ინტერაქტიულ გათამაშებას, გაიმართა აქტიური კითხვა-პასუხი და დისკუსია პრობლემატურ საკითხებზე.
კონფერენციას მცირე და საშუალო ფერმერები, თხილის მსხვილი მწარმოებლები, კომპანია „აგრიჯორჯია/ფერერო“, ექსპორტიორები, საჯარო და კერძო/არასამთავრობო სექტორის წარმომადგენლები დაესწრნენ.