14 აპრილს დედაენის ძეგლთან აფხაზეთის ავტონომიური რესპუბლიკის განათლებისა და კულტურის სამინისტროს ინიციატივითა და სამინისტროს სახელოვნებო განათლების განყოფილების ორგანიზებით (ორგანიზატორი იზონერა ბერაია), ტრადიციულად აფხაზეთის მოსწავლეები და სტუდენტებიც შეიკრიბნენ. შეკრებილებს დედაენის დღე მიულოცეს მოწვეულმა სტუმრებმა: საქართველოს მწერალთა კავშირის თავმჯდომარემ თემურ ჩალაბაშვილმა, პოეტებმა ტარიელ მუმლაძემ და ბაღათერ არაბულმა.
აქვე მოეწყო აფხაზეთიდაან დევნილი მოზარდების ნახატების გამოფენა დევიზით „მამული, ენა, სარწმუნოება“. ვოვა ვეკუას სახელობის აფხაზეთის №3 საჯარო სკოლის აღსაზრდელებმა ლიტერატურული კომპოზიცია „ო, ენავ ჩემო, დედაო ენავ!“ წარმოადგინეს. აფხაზეთის ახალგაზრდობის შემოქმედებითი კავშირის „ახალგაზრდობა, მშვიდობა და განვითარება“ წევრებმა კი წაიკითხეს ლექსები სამშობლოზე, დედაენაზე.... შეასრულეს საგალობელი „წმინდაო ღმერთო“.
შეკრებას ესწრებოდნენ აფხაზეთის საჯარო სკოლების პედაგოგები, მოსწავლეები და მათი მშობლები