5 მაისს თბილისში, მთაწმინდის პარკში გაიმართა ყოველწლიური ჩაისა და თაფლის ფესტივალი, რომლის ორგანიზატორია საქართველოს ჩაის მწარმოებელთა ასოციაცია და საქართველოს გარემოს დაცვისა და სოფლის მეურნეობის სამინისტრო. მიმდინარე წელს ფესტივალის ფარგლებში საქართველოს პრემიერ-მინისტრმა მამუკა ბახტაძემ წარმოადგინა ხარისხის ნიშნის მინიჭების ახალი რეგულაციები, რომლის მიზანია აგრარულ სექტორის ბიზნეს-სუბიექტების მიერ წარმოებული პროდუქციის ხარისხისა და საექსპორტო პოტენციალის გაზრდა. საქართველოს გარემოს დაცვისა და სოფლის მეურნეობის მინისტრმა ლევან დავითაშვილმა 13 კომპანიის წარმოდგენლებს გადასცა ხარსხის სხვადასხვა ნიშნები.
ჩაისა და თაფლის ფესტივალში მონაწილეობას ღებულობენ აფხაზეთიდან დევნილი მეფუტკრეები, კერძოდ კოოპერატივმა „კოდორი-20015“ წარმოადგინა თაფლისა და მეფუტკრეობის სხვა პროდუქციის ფართო არჩევანი, რომელმაც მაღალი შეფასება მიიღო ფესტივალის სტუმრებისა და სპეციალისტების მხრიდან.
