ქ. თბილისში 25-26 სექტემბერს „იმედის“ სპორტულ მოედანზე ჩატარდა აფხაზეთის ომში დაღუპულ მეომართა ხსოვნის ტურნირი აფხაზეთის თასზე ამპუტანტ ფეხბურთელთა შორის მინი-ფეხბურთში. ტურნირში საქართველოს სხვადასხვა რეგიონის ამპუტანტ ფეხბურთელთა გუნდები მონაწილეობდნენ.
ტურნირის ჩემპიონი და აფხაზეთის გარდამავალი თასის მფლობელი გახდა თბილისის „თბილისი“, მეორე ადგილზე გავიდა ზუგდიდის გუნდი, მესამე ადგილს დაეუფლა გორის გუნდი.
ტურნირის მხარდამჭერები იყვნენ: აფხაზეთის ავტონომიური რესპუბლიკის მთავრობა, ვეტერანთა საქმეების სახელმწიფო სამსახური, ამპუტანტ ფეხბურთელთა ასოციაცია ბატონ ავთანდილ ჩიხლაძის ხელმძღვანელობით.
თბილისის „თბილისი“ მესამედ გახდა ტურნირის გამარჯვებული და მოპოვებული გარდამავალი თასის მუდმივი მფლობელი.
პირველ ადგილზე გასულ თბილისის გუნდს აფხაზეთის გარდამავალი თასი და მედლები გადასცა აფხაზეთის ავტონომიური რესპუბლიკის განათლებისა და კულტურის სამინისტროს სპორტისა და ახალგაზრდულ საქმეთა სამსახურის უფროსმა ვიტალი ბენდელიანმა, ხოლო საპრიზო ადგილებზე გასულ გუნდებს თასები და მედლები გადასცა ამპუტანტ ფეხბურთელთა ასოციაციის უფროსმა ავთანდილ ჩიხრაძემ.
