აფხაზეთის ავტონომიური რესპუბლიკის განათლებისა და კულტურის სამინისტრომ, სპორტისა და ახალგაზრდულ საქმეთა სამსახურის ორგანიზებით, 2019 წლის 8 ნოემბერს აფხაზეთის ომში დაღუპულ მეომართა ხსოვნის ტურნირი ქართულ ჭიდაობაში გამართა.
ტურნირი ჩატარდა ღია პირველობის სახით და მასში საქართველოს სხვადასხვა კუთხის 2005-2006 წ.წ. დაბადებული სპორტსმენები მონაწილეობდნენ. ტურნირი ძიუდოს სპორტულ კლუბ „მართვეში“ გაიმართა.
სხვადასხვა წონით კატეგორიებში გამოვლინდნენ გამარჯვებულები, რომლებიც აფხაზეთის ავტონომიური რესპუბლიკის განათლებისა და კულტურის მინისტრის მთავარმა მრჩეველმა მალხაზ კორძახიამ და ამავე სამინისტროს, სპორტისა და ახალგაზრდულ საქმეთა სამსახურის უფროსმა ვიტალი ბენდელიანმა შესაბამისი სიგელებით, მედლებითა და თასებით დააჯილდოვეს.
