2019 წლის 8 ნოემბერს ქუთაისში სამუშაო ვიზიტით იმყოფებოდნენ ზემო აფხაზეთში აფხაზეთის ა/რ მთავრობის წარმომადგენლობის ხელმძღვანელი მევლუდ ჯაჭვლიანი და კოდორის (აჟარის მუნიციპალიტეტი) გამგებელი ლაშა მარგიანი. ისინი ადგილზე გაეცნენ ხარებავას #52-ში განთავსებულ ობიექტზე (ყოფილი სამხედრო ლიცეუმი) არსებულ პრობლემას, რაც კორპუსის სარდაფში საკანალიზაციო სისტემის მოწესრიგებას და ფეკალური მასების ამოტუმბვას გულისხმობს. მათ იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ა/რ ში აფხაზეთის ა/რ მთავრობის წარმომადგენლობასთან ერთად პრობლემის ერთობლივად მოგვარებისა და გადაჭრის გზები დასახეს.