დავით ფაცაციამ განსაკუთრებული მადლიერებით მიულოცა 9 მაისი ომის ვეტერანებს და საქართველოს მოსახლეობას.
მეორე მსოფლიო ომში საქართველოდან 700 000 ადამიანი წავიდა, აქედან ნახევარი, უკან არ დაბრუნებულა. 1945 წლის 8 მაისს გერმანიის მიერ კაპიტულაციის გამოცხადების შემდეგ მეორე მსოფლიო ომი დასრულდა, 9 მაისი კი ფაშიზმზე გამარჯვების დღედ გამოცხადდა.
იუსტიციისა და სამოქალაქო ინტეგრაციის საკითხებში აფხაზეთის ა/რ მინისტრი დავით ფაცაცია ულოცავს საქართველოს მოსახლეობას და განსაკუთრებით ყველა ვეტერანს ნაციზმზე და ფაშიზმზე გამარჯვებას.