2021-02-03 |
განათლებისა და კულტურის სამინისტრო
ეკა ხოფერია აფხაზეთის საჯარო სკოლების გაცნობას შეუდგა
ეკა ხოფერია, აფხაზეთის საჯარო სკოლების გაცნობის მიზნით, ბორჯომში განთავსებულ აფხაზეთის 22-ე საჯარო (დაწყებითი I-VI კლასები) სკოლას ეწვია.
სწავლა აქ საკლასო ოთახებში მიმდინარეობს და მინისტრმა სათითაოდ ყველა მოსწავლეს „ბიბლუსის“ მიერ შერჩეული წიგნები გადასცა. შეხვედრაზე მოსწავლეებმა პირობა დადეს, რომ აუცილებლად წაიკითხავენ ნაჩუქარ წიგნებს და შთაბეჭდილებებს მოგვიანებით თვითონ მას გაუზიარებენ.
ეკა ხოფერია სკოლის საჭიროებებს გაეცნო და აღნიშნა, რომ სამინისტრო უახლოეს მომავალში სპორტული დარბაზის აუცილებელი ინვენტარით აღჭურვაზე იზრუნებს.
