2021-12-03 |
განათლებისა და კულტურის სამინისტრო
შშმ პირთა უფლებების დაცვის დღეს მიეძღვნა
შეზღუდული შესაძლებლობების მქონე პირთა უფლებების დაცვის საერთაშორისო დღესთან დაკავშირებით, აფხაზეთის ავტონომიური რესპუბლიკის განათლებისა და კულტურის სამინისტროში შშმ მოზარდებთან შეხვედრა გაიმართა.
მოზარდებს სიტყვით მიმართა აფხაზეთის ავტონომიური რესპუბლიკის განათლებისა და კულტურის მინისტრმა ეკა ხოფერიამ. შეხვედრას სტუმრობდა პარამოფარიკავე, მსოფლიო და ევროპის ჩემპიონი, საქართველოს პარაოლიმპიური ნაკრების წევრი ირმა ხეცურიანი, რომელმაც საკუთარ გამოცდილებაზე ისაუბრა.
აქვე სერტიფიკატები გადაეცათ ოკუპირებული გალის რაიონის საჯარო/საშუალო სკოლების სპეციალურ პედაგოგებს, რომლებმაც აფხაზეთის ა/რ განათლებისა და კულტურის სამინისტროს მიერ ორგანიზებული პროფესიული გადამზადება გაიარეს.
ბოლოს მოზარდებს საჩუქრები გადაეცათ. მათთვის მუსიკალური ნომრები შეასრულა გოგონათა ანსამბლმა „გუმბათმა“.
