სიახლეები

აფხაზეთის ავტონომიური რესპუბლიკის განათლებისა და კულტურის სამინისტროს რგანიზებით სამინისტროს არტ-გალერეაში აფხაზეთის საჯარო სკოლებისა და ოკუპირებული ტერიტორიების მასწავლებელთა კონფერენცია გაიმართა.

კონფერენცია გახსნა და მასწავლებლებს მიმართა აფხაზეთის ავტონომიური რესპუბლიკის განათლებისა და კულტურის მინისტრმა დიმიტრი ჯაიანმა. მან მადლობა გადაუხადა პედაგოგებს გაწეული ნაყოფიერი საქმიანობისათვის და მომავალი კიდევ უფრო წარმატებული თანმშრომლობის იმედი გამოთქვა.

კონფერენციაზე ვრცლად ისაუბრეს განათლების მიმართულებით 2015 წელს გაწეული მუშაობის შესახებ, ამ კუთხით განხორციელებულ პროგრამებსა თუ პროექტებზე აფხაზური ენის სწავლების საკითხებზე, აფხაზური ენის სწავლებისთვის შექმნილ სატრენინგო პროგრამაზე, რეფლექსიასა და მასწავლებლების პროფესიულ განვითარებაზე და სხვა მნიშვნელოვან თემებზე.

კონფერენციაზე ისაუბრეს ოკუპირებულ ტერიტორიაზე განათლების სისტემაში არსებულ პოლიტიკასა და ამ მიმართულებით მოსალოდნელ ცვლილებებზე. გაიმართა პედაგოგებისთვის საინტერესო და აქტუალური საკითხების განხილვა, მსჯელობა სასწავლო პროცესში არსებულ პრობლემებსა და გამოწვევებზე. მასწავლებლებმა საკუთარ გამოცდილებაზე დაყრდნობით მოსაზრებები გამოთქვეს და სწავლების პროცესის შემდგომი სრულყოფის თვალსაზრისით წინადადებები წამოაყენეს.

ზუგდიდის „დემოკრატიული ჩართულობის ცენტრში" აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ აფხაზეთის ავტონომიური რესპუბლიკის მთავრობის 2015 წლის ანგარიში წარადგინა.

ანგარიშში წარმოდგენილი იყო ის ძირითადი პრიორიტეტები რომელი მიმართულებითაც აფხაზეთის მთავრობა 2015 წელს მუშაობდა. ანგარიშის წარდგენას ესწრებოდნენ აფხაზეთის ჯანდაცვის მინისტრი ქეთევან ბაკარაძე, აფხაზეთის სოფლის მეურნეობის დეპარტამენტის უფროსი ვალერი ბასარია, აფხაზეთის დევნილთა საქმეების დეპარტამენტის უფროსი კონსტანტინე კუჭუხიძე, აფხაზეთის მთავრობის წარმომადგენელი სამეგრელოში ალექსანდრე ჩიკვაიძე, ზუგდიდის საკრებულოს თავმჯდომარე მერაბ ქვარაია, ზუგდიდის საკრებულოსა და გამგეობის წარმომადგენლები. ასევე აფხაზეთიდან დევნილი საზოგადოება და არასამთავრობო ორგანიზაციების წარმომადგენლები.

ვახტანგ ყოლბაიამ ანგარიშის კითხვა-პასუხის რეჟიმით დაასრულა.

„დღეს ჩვენ ზუგდიდიში დავასრულეთ რეგიონებში აფხაზეთის მთავრობის ანგარიშის წარდგენის დიდი მარათონი, რომელიც საქართველოს პარლამენტში დავიწყეთ და ზუგდიდში დავასრულეთ. დიდი მადლობა მინდა გადავუხადო რეგიონული წარმომადგენლობის ხელმძღვანელებს. მათთან ერთად ჩვენმა კოორდინირებულმა მუშაობამ თვალსაჩინო შედეგები მოგვცა. ვამაყობ იმით, რომ დევნილი საზოგადოება ამას გრძნობს და რწმენით ეკიდება ჩვენს სამომავლო პროექტებს, რომელიც ძირითადად მათი სოციალური ყოფის გაუმჯობესებისკენ არის მიმართული. ეს წინასწარ გაცემული ავანსია დევნილი მოსახლეობის მხრიდან აფხაზეთის მთავრობის მისამართით. მათ იმედებს გამართლება უნდა, რომელიც მხოლოდ თავდაუზოგავი შრომით მიიღწევა. რა თქმა უნდა ჩვენთვის ყველასთვის დიდი სტიმულია ცენტრალური ხელისუფლების მხარდაჭერა და მასთან თანამშრომლობა, რომელმაც ბევრჯერ აგვინთქო მწვანე შუქი ჩვენი პროექტების განხორციელების გზაზე. ეს ძალიან დიდი სტიმულია იმისთვის, რომ მომავალი უკეთეს ფერებში დავინახოთ, ცდა არ დავაკლოთ იმ სამუშაოებს, რომელიც ახალი წლიდან გაასმაგებული ენერგიით უნდა წარვმართოთ. სასიამოვნოა, რომ დღეს ზუგდიდში ჩვენი ანგარიშის პრეზენტაციას თავის გუნდთან ერთად ესწრებოდა იმერეთის გუბერნატორი გივი ჭიჭინაძე. მინდა მადლობა გადავუხადო და დამდეგი ახალი წელი მივულოცო ჩვენს მოსახლეობას. ფეხბედნიერი, სიკეთისა და მშვიდობის მომტანი იყოს 2016 წელი ყოველი ჩვენგანისთვის. ღმერთმა დალოცოს ჩვენი ქვეყანა", - აღნიშნა ვახტანგ ყოლბაიამ.

შეგახსენებთ, რომ ვახტანგ ყოლბაიამ აფხაზეთის ავტონომიური რესპუბლიკის 2015 წლის ანგარიში უკვე წარადგინა საქართველოს პარლამენტში. ამჯერად, ანგარიშის წარდგენას ყოლბაია საქართველოს მასშტაბით მცხოვრები აფხაზეთიდან დევნილთათვის განაგრძობს.

გასული 2 დღის მანძილზე, აფხაზეთის ავტონომიური რესპუბლიკის მთავრობის თავმჯდომარის მოვალეობის შესრულებელი ვახტანგ ყოლბაია აჭარაში, იმერეთსა და სამეგრელოში მცხოვრებ აფხაზეთიდან დევნილებს შეხვდა. მთავრობის ხელმძღვანელმა დევნილებთან გასული წლის შედეგები შეაჯამა და სამომავლო გეგმებზე ისაუბრა. გარდა ამისა, მიაწოდა ინფორმაცია ჟენევის საერთაშორისო მოლაპარაკებების ბოლო რაუნდზე განხილული თემებისა და ოკუპირებულ აფხაზეთში მიმდინარე პროცესების შესახებ. ასევე, ყოლბაიამ დევნილებს აფხაზეთის მთავრობაში მიმდინარე სტრუქტურული რეორგანიზაციის დეტალებიც გააცნო.

იმერეთის რეგიონში შეხვედრებს ესწრებოდა იმერეთის გუბერნატორი გოგი ჭიჭინაძე და გუბერნატორის ადმინისტრაციის წარმომადგენლები, სამეგრელოში კი ზუგდიდის საკრებულოს მოადგილე მერაბ ქვარაია, არასამთავრობო ორგანიზაციებისა და საზოგადოების წარმომადგენლები.

შეხვედრები კითხვა-პასუხისა და ცოცხალი განხილვის რეჟიმში წარიმართა. განხილულ იქნა დევნილთა პრობლემები და სხვა საჭირბოროტო საკითხები. აფხაზეთის მთავრობის ხელმძღვანელს თან ახლდნენ აფხაზეთის ჯანდაცვის მინისტრი ქეთევან ბაკარაძე, დევნილთა საქმეების დეპარტამენტის ხელმძღვანელი კონსტანტინე კუჭუხიძე და სოფლის მეურნეობის დეპარტამენტის ხელმძღვანელი ვალერი ბასარია, რომელებიც დევნილებს მათ კომპეტენციაში შემავალი პრობლემების მოგვარებას შეპირდნენ. ბათუმში, დევნილთა ჯგუფთან გამართულ შეხვედრაზე საუბარი შეეხო სოციალურ პრობლემებს. ყოლბაია დევნილებს პრობლემების განხილვასა და მოგვარებას დაჰპირდა.

აჭარის შემდეგ, შეხვედრები ზუგდიდში გაგრძელდა. ვახტანგ ყოლბაიამ დაათვალიერა ზუგდიდში მშენებარე სოციალური და ეკონომიკური პროექტები. მისი განცხადებით, სოფელ რუხში მშენებარე სასათბურე მეურნეობა ვადებში ჯდება და 2016 წლის დასაწყისში, უკვე გაჩნდება პირველი ნათესები.

ქუთაისის აკაკი წერეთლის სახელობის უნივერსიტეტში, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ აფხაზეთის ავტონომიური რესპუბლიკის მთავრობის 2015 წლის ანგარიში წარადგინა.

ანგარიშში წარმოდგენილი იყო ის ძირითადი პრიორიტეტები, რა მიმართულებითაც აფხაზეთის მთავრობა 2015 წელს მუშაობდა. ანგარიშის წარდგენას ესწრებოდნენ აფხაზეთის ჯანდაცვის მინისტრი ქეთევან ბაკარაძე, აფხაზეთის სოფლის მეურნეობის დეპარტამენტის უფროსი ვალერი ბასარია, აფხაზეთის დევნილთა საქმეების დეპარტამენტის უფროსი კონსტანტინე კუჭუხიძე, აფხაზეთის მთავრობის წარმომადგენელი იმერეთსა და აჭარაში ზაზა ჩაჩავა, იმერეთის გუბერნატორი გივი ჭიჭნაძე, აფხაზეთიდან დევნილი საზოგადოება და არასამთავრობო ორგანიზაციების წარმომადგენლები. ვახტანგ ყოლბაიამ ანგარიშის წარდგენა კითხვა-პასუხის რეჟიმით დაასრულა.

შეგახსენებთ, რომ ვახტანგ ყოლბაიამ აფხაზეთის ავტონომიური რესპუბლიკის 2015 წლის ანგარიში უკვე წარადგინა საქართველოს პარლამენტში. ამჯერად, ანგარიშის წარდგენას ყოლბაია საქართველოს მასშტაბით მცხოვრები აფხაზეთიდან დევნილთათვის განაგრძობს.

ვალერი არქანიას არტ-გალერეაში აფხაზეთის ავტონომიური რესპუბლიკის განათლებისა და კულტურის სამინისტროს კულტურულ ფასეულობათა დაცვის სამსახურის ორგანიზებით სამეცნიერო კონფერენცია - „კულტურული მემკვიდრეობა ოკუპაციის პირობებში" გაიმართა.

კონფერენციის მიზანს წარმოადგენდა ოკუპირებული აფხაზეთის ტერიტორიაზე არსებული კულტურული მემკვიდრეობის ძეგლების (მოძრავი და უძრავი) წარსულისა და ამჟამინდელი მდგომარეობის შესახებ მსჯელობა და შესაბამისი ნაშრომების შექმნის წახალისება.

სამეცნიერო კონფერენციის მასალები გამოიცემა ბუკლეტის სახით და გავრცელდება სამეცნიერო წრეებში, დაეგზავნება საქართველოს მსხვილ ბიბლიოთეკებს, საუნივერსიტეტო და აფხაზეთის ა/რ საჯარო სკოლების სამკითხველოებსა და გალის რაიონში განთავსებულ საშუალო სკოლებს.

კონფერენციას ესწრებოდნენ სამთავრობო, საერთაშორისო და არასამთავრობო ორგანიზაციების, სამეცნიერო დაწესებულებების წარმომადგენლები და სხვა.

კონფერენციის მხარდამჭერი იყო გ. ჩუბინაშვილის სახელობის ქართული ხელოვნების ისტორიისა და ძეგლთა დაცვის კვლევის ეროვნული ცენტრი.

ბათუმის მუსიკალურ ცენტრში ქალთა საერთაშორისო ორგანიზაცია „სოროპტიმისტ ინტერნაციონალის" ბათუმის კლუბის, აჭარისა და აფხაზეთის მეცნიერებათა აკადემიების, აჭარის უმაღლესი საბჭოსა და ბათუმის მერიის ორგანიზებით, ქართველი და აფხაზი ახალგაზრდობის სოლიდარობის დღე მოეწყო.

ღონისძიება საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის ილია მეორეს ლოცვა-კურთხევით ჩატარდა.

პროგრამის ფარგლებში გამოიფინა აფხაზი ხელოვნების მიერ შექმნილი ტილოები, ხელნაკეთი ნამუშევრები და წიგნები.

აფხაზეთის უმაღლესი საბჭოს თავმჯდომარის მოადგილემ ჯემალ გამახარიამ აქსანა კვიწინია და ვანო პაპუნიძე აფხაზეთის უმაღლესი საბჭოს სიგელით დააჯილდოვა.

პროგრამას, სახელწოდებით „ქართულ-აფხაზური საგა", ესწრებოდნენ აფხაზეთის ავტონომიური რესპუბლიკის ჯანდაცვის მინისტრი ქეთევან ბაკარაძე, აფხაზეთის განათლებისა და კულტურის მინისტრის პპირველი მოადგილე მანანა ქვაჩახია, აფხაზეთის ა/რ მთავრობის თავმჯდომარის მრჩეველი ცენტრალურ ხელისუფლებასთან და თვითმმართველ ორგანოებთან მაყვალა ბერიანიძე, აფხაზეთის ავტონომიური რესპუბლიკის უმაღლესი საბჭოს თავმჯდომარის მოადგილე ჯემალ გამახარია, აფხაზეთის მეცნიერებათა აკადემიის პრეზიდენტი ზურაბ ლომთათიძე, აჭარის უმაღლესი საბჭოს თავმჯდომარე ავთანდილ ბერიძე, აფხაზეთის უმაღლესი საბჭოს და აჭარის უმაღლესი საბჭოს დეპუტატები. აჭარაში მცხოვრები აფხაზი საზოგადო მოღვაწეები და მეცნიერები.

პროგრამის შემდეგ აჭარის უმაღლეს საბჭოში შეხვედრა გაიმართა აფხაზეთის მთავრობის წევრებთან, აფხაზეთისა და აჭარის უმაღლესი საბჭოს დეპუტატებსა და აჭარაში მოღვაწე პროფესორებთან. შეხვედრაზე განხილული იქნა აჭარაში აფხაზური სკოლისა და ქართულ-აფხაზური კულტურული ცენტრის შექმნის საკითხი, ერთობლივი მიმდინარე და სამომავლო პროექტები, აჭარაში მცხოვრები აფხაზეთიდან დევნილი მოსახლეობის პრობლემები. გამოიკვეთა აფხაზეთისა და აჭარის ტელევიზიების დამოუკიდებელი მაუწყებლობის მნიშვნელობა.

სასტუმრო „ლაერტონ თბილის"- ში აფხაზეთის ავტონომიური რესპუბლიკის მთავრობამ, ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატმა, ასოციაცია „მშვიდობა და განათლება"-მ, ცხუმ-აფხაზეთის მეცნიერებათა აკადემიამ სამშვიდობო ინიციატივათა პროგრამის „ახალგაზრდები ნდობის აღდგენისა და შერიგების პროცესები"-ს ფარგლებში,  მასტერ კლასი მოაწყო, რომელშიც  ადგილობრივი და საერთაშორისო მიმართულების ექსპერტები მონაწილეობდნენ.

მასტერ კლასების მიზანია ახალგაზრდებში სამშვიდობო ხედვების, უნარების განვითარება, რომლებიც ხელს შეუწყობს საზოგადოებასთან ინტეგრაციას, მათში დემოკრატიული ღირებულებების განვითარებას, ახალგაზრდების ჩართულობას ნდობის აღდგენისა და შერიგების პროცესებში, ახალგაზრდებში სამშვიდობო ინიციატივათა ხელშეწყობას, ნდობის აღდგენისა და შერიგების პროცესებში ინოვაციური მიდგომების შემუშავებას.

პროგრამის პარტნიორებია საქართველოს საგარეო საქმეთა სამინისტრო, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი, საქართველოს სახალხო დამცველის აპარატი, ბერგჰოფის ფონდი, კავკასიური სახლი.

აფხაზეთის ავტონომიური რესპუბლიკის მთავრობისა და აფხაზეთის ავტონომიური რესპუბლიკის განათლებისა და კულტურის სამინისტროს ხელშეწყობით, ვალერი არქანიას სახელობის არტ-გალერეაში აფხაზეთიდან დევნილი და ამჟამად აშშ-ში მოღვაწე მწერლის ნანა ჯეჯეიას წიგნის „სადღაც გადარგული ბავშვობა“ პრეზენტაცია გაიმართა.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის განათლებისა და კულტურის მინისტრი დიმიტრი ჯაიანი და მწერლის ახლობლები და მეგობრები ესწრებოდნენ.

აფხაზეთის ავტონომიური რესპუბლიკის მთავრობასა და ვეტერანების საქმეთა სახელმწიფო სამსახურს შორის ურთიერთთანამშრომლობის მემორენდუმი გაფორმდა. მემორანდუმს ხელი აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და სსიპ ვეტერანების საქმეთა სახელმწიფო სამსახურის უფროსმა ირაკლი შიხიაშვილმა მოაწერეს.

მემორანდუმის თანახმად, ორი უწყება გამოთქვამს სრულ მზადყოფნას, ერთობლივი ღონისძიებებით ხელი შეუწყონ აფხაზეთიდან დევნილი ვეტერანების ჯანმრთელობის დაცვას, სამედიცინო მომსახურების ხელმისაწვდომობას, მათ სოციალურ-ეკონომიკური მდგომარეობის გაუმჯობესებას და კულტურულ-საგანმანათლებლო პროგრამების შემუშავებას, სამსახურსა და აფხაზეთის მთავრობის ერთობლივი საკანონმდებლო ინიციატივების შემუშავებას ვეტერანთა სამართლებრივი უფლებების განმტკიცების მიზნით.  

აფხაზეთიდან დევნილ ვეტერანთათვის ერთობლივი ჯანდაცვისა და სოციალურ-ეკონომიკური მდგომარეობის გაუმჯობესების მიზნით პროგრამების შემუშავებასა და განხორციელებას, აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს მეშვეობით რეგიონებში გასვლით სამედიცინო-პროფილაქტიკურ გამოკვლევებს და მედიკამენტებით უფასო უზრუნველყოფას, სპორტის ხელმისაწვდომობისათვის პირობების შექმნას, სპორტის სხვადასხვა სახეობებში ვეტერანთა ტურნირების ჩატარებას, მხარეების პარტნიორი არასამთავრობო ორგანიზაციების ერთობლივი შესაძლებლობებით ჰუმანიტარული, კულტურული, საგანმანათლებლო, ჯანდაცვითი, ეკონომიკური და სხვა სოციალურ ეკონომიკური დანიშნულების პროექტების შემუშავებას და განხორციელებას.

მხარეთა შეთანხმებით, საჭიროების შემთხვევაში, მონიტორინგის ჯგუფების ჩამოყალიბებას, რომელიც უზრუნველყოფს ამ მემორანდუმით გათვალისწინებული ღონისძიებებისა და პროგრამების მიმდინარეობის მონიტორინგსა და კოორდინაციას.

ღონისძიებაზე აფხაზეთის ავტონომიური რესპუბლიკის მთავრობის წევრები, ვეტერანების საქმეთა სახელმწიფო სამსახურის თანამშრომლები და აფხაზეთიდან დევნილი ვერეტანები იმყოფებოდნენ.

აბაშის მუნიციპალიტეტში იძულებით გადაადგილებულ პირთათვის უფასო სამედიცინო-პროფილაქტიკური გამოკვლევევები ჩატარდა. აქცია აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით მოეწყო და 500-მდე დევნილმა მიიღო მონაწილეობა.

დევნილებს დიაგნოსტიკური და ექოსკოპიური გამოკვლევები ჩაუტარდათ, ასევე მათ სხვადასხვა პროფილის ექიმები: ოჯახის ექიმი, პედიატრი, კარდიოლოგი, ნევროლოგი, გინეკოლოგი, ქირურგი, ოფთალმოლოგი, ოტორინოლარინგოლოგი, ენდოკრინოლოგი, დერმატოლოგი, ონკოლოგი, ინფექციონისტი და ულტრასონოგრაფიის აპარატურით აღჭურვილი სპეციალისტი მოემსახურნენ.

სამედიცინო გამოკვლევებს აფხაზეთის ავტონომიური რესპუბლიკის ჯანმრთელობისა და სოციალური დაცვის  მინისტრი ქეთევან ბაკარაძე და სამინისტროს თანამშრომლები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია მიწვეული იყო საზოგადოებრივი მაუწყებლის „მეორე არხის“ თოქ-შოუში „არგუმენტების დრო“. თემა – ჟენევის მოლაპარაკებების 34-ე რაუნდი. გთავაზობთ ამონარიდებს ყოლბაიას გამოსვლიდან.

„ქართული ენის სწავლების პრობლემა ჟენევაში ძალიან სერიოზულ დონეზე დაისვა. ამ თემაზე საუბრობდა პრემიერ-მინისტრი გაეროს ტრიბუნიდან, სხვადასხვა შეხვედრებზე საუბრობს საგარეო საქმეთა მინისტრი. რა თქმა უნდა, ეს საკითხი ჟენევის მოლაპარაკებების ამ რაუნდზეც დაისვა. აფხაზების მხრიდან, ხშირად არის საუბრის სხვა თემებზე გადატანის მცდელობა, რადგან სოხუმში თვლიან, რომ ეს ის თემა არაა, რომელზეც დრო უნდა დაიხარჯოს. მათვის მნიშვნელოვანია ის საკითხები, რომლითაც თავად არიან დაინტერესებულნი. ჩვენ მკაფიოდ გვაქვს განსაზღვრული პრიორიტეტები და ერთ-ერთი მათგანი არის დევნილთა საკითხი. საერთაშორისო ორგანიზაციები უკვე თამამად მიუთითებენ იმ საერთაშორისო კონვენციებზე, რომელთა მიხედვითაც, მშობელს უფლება აქვს მისმა შვილმა ისწავლოს იმ ენაზე, რომელიც მას სურს. ამ საკითხში საერთაშორისო თანამეგობრობის პოზიცია შეუვალია“.

„ჟენევის მოლაპარაკებების ფორმატი ჩვენი საბოლოო მიზნის მიღწევის საწინდარი უნდა გახდეს. ნაბიჯ-ნაბიჯ მივიწევთ იქამდე, რომ ოპონენტები არ დავაფრთხოთ. საერთაშორისო თანამეგობრიობისთვის ძალიან მნიშვნელოვანია ჩვენი კონსტრუქტივიზმი, მოწადინება. ვსაუბრობთ დევნილთა დაბრუნების საკითხზე, ეკოლოგიის საკითხებზე. მიმაჩნია, რომ ის გზა, რომელსაც ჩვენ ვადგავართ, საბოლოო მიზნამდე მიგვიყვანს, მე მას შემოვლით გზას ვუწოდებდი, სხვა გამოსავალი არ გვაქვს“.

„აფხაზეთში ძალიან მძიმე ეკონომიკური მდგომარეობაა. იზრდება უკმაყოფილება. ეს ჟენევაშიც იგრძნობა. აფხაზეთის ე. წ. ხელისუფლებისთვის ძალიან საშიშია აფხაზების თბილისისკენ შემობრუნების ტენდენცია. ალბათ გსმენიათ, რომ აფხაზები ხშირად კბილის ამოსაღებადაც კი თბილისში დადიან, ესწრებიან საფეხბურთო მატჩებს. ამ ყველაფერს, ე. წ. ხელისუფლების მხრიდან უკვე ისეთი პროტესტი აღარ მოსდევს, როგორც ეს ადრე ხდებოდა. ე. ი. აფხაზეთის საზოგადოებაში რაღაც იცვლება“.

„სოხუმის ე. წ. პარლამენტში, ეროვნებით სომეხ დეპუტატთა ჯგუფმა წამოწია რკინიგზის აღდგენის თემა, თუმცა აფხაზების მხრიდან სერიოზული პრობლემები შეექმნათ. ამიტომ ამ მარშრუტის აღდგენის საკითხი ერთგვაროვანი არაა. ეკონომიკური პრობლემების მოსაგვარებლად, საუბარი იყო ზღვის შელფის ამოქმედებაზეც, რასაც „როსნეფტი“ ძალიან ცდილობს. დასმულია მიწების პრივატიზაციის საკითხიც. რუსეთიდან პრაქტიკულად შეფერხებულია სოხუმისთვის ფულის ნაკადის მიწოდება. რკინიგზის თემა ნამდვილად არაა სერიოზული, მოსკოვი კარგად აცნობიერებს, რომ თბილისის გარეშე რკინიგზას ვერ გაიყვანს“.

„რა თქმა უნდა, ხაჯიმბა ვერ მიიღებდა მკვეთრ გადაწყვეტილებებს თავისი წინასაარჩევნო დაპირებების შესასრულებლად, რადგან ეს სოხუმზე აღარ არის დამოკიდებული. მათი შესრულების ბერკეტები არის არა სოხუმში, არამედ მოსკოვში. მოვლენების ამჟამინდელი განვითარებით მოსკოვი, როგორც ჩანს, ჯერჯერობით უკმაყოფილოა. სოხუმში ხაჯიმბა ვერ მისცემს თავის თავს იმის უფლებას, რომ ყველაფერი ზუსტად ისე გააკეთოს, როგორც მოსკოვს უნდა. გამორიცხული არაა მოსკოვმა კვლავ გამოიყენოს ხელების გადაგრეხის პოლიტიკა ხაჯიმბას წინააღმდეგ, ვგულისხმობ მის შეცვლას. ამის ინიციატორი კი შესაძლოა ისევ აფხაზეთის საზოგადოება იყოს. ძალიან ფრთხილი ოპტიმიზმით უნდა შევხედოთ იმ საკითხს, რომ აფხაზები ერთბაშად დაიძვრებაიან თბილისისკენ. საჭიროა დრო, რომ მათ გააცნობიერონ, მოსკოვის ნამდვილი დამოკიდებულება სოხუმის მიმართ. ეს პროცესი კი ნელ-ნელა მიმდინარეობს“.

„ევროპული მომავალი აფხაზებისათვის უცხო არაა. ისინი ძალიან კარგად აცნობიერებენ თუ რა სიკეთე მოაქვს ევროინტეგრაციას. ამაზე სოხუმში ხმამაღლა არ საუბრობენ. რუსეთის წნეხის შიშით ეს თემა პოლიტიკურ ელიტაში ჩახშობილია. ძალიან დიდი დაკვირვება არ არის საჭირო იმის დასანახად, თუ რამდენად უნდათ მათ ევროინტეგრაცია. ყველას აინტერესებს თავისი ოჯახის, თავისი შვილების ბედი, ჯანდაცვის სიკეთეები, ევროპაში განათლების მიღება. ვფიქრობ, ევროკავშირთან უვიზო მიმოსვლის შემოღება ძალიან სერიოზულ გავლენას მოახდენს აფხაზეთში“.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია მიწვეული იყო საზოგადოებრივი მაუწყებლის „მეორე არხის“ თოქ-შოუში „არგუმენტების დრო“. თემა – ჟენევის მოლაპარაკებების 34-ე რაუნდი. გთავაზობთ ამონარიდებს ყოლბაიას გამოსვლიდან.

„ქართული ენის სწავლების პრობლემა ჟენევაში ძალიან სერიოზულ დონეზე დაისვა. ამ თემაზე საუბრობდა პრემიერ-მინისტრი გაეროს ტრიბუნიდან, სხვადასხვა შეხვედრებზე საუბრობს საგარეო საქმეთა მინისტრი. რა თქმა უნდა, ეს საკითხი ჟენევის მოლაპარაკებების ამ რაუნდზეც დაისვა. აფხაზების მხრიდან, ხშირად არის საუბრის სხვა თემებზე გადატანის მცდელობა, რადგან სოხუმში თვლიან, რომ ეს ის თემა არაა, რომელზეც დრო უნდა დაიხარჯოს. მათვის მნიშვნელოვანია ის საკითხები, რომლითაც თავად არიან დაინტერესებულნი. ჩვენ მკაფიოდ გვაქვს განსაზღვრული პრიორიტეტები და ერთ-ერთი მათგანი არის დევნილთა საკითხი. საერთაშორისო ორგანიზაციები უკვე თამამად მიუთითებენ იმ საერთაშორისო კონვენციებზე, რომელთა მიხედვითაც, მშობელს უფლება აქვს მისმა შვილმა ისწავლოს იმ ენაზე, რომელიც მას სურს. ამ საკითხში საერთაშორისო თანამეგობრობის პოზიცია შეუვალია“.

„ჟენევის მოლაპარაკებების ფორმატი ჩვენი საბოლოო მიზნის მიღწევის საწინდარი უნდა გახდეს. ნაბიჯ-ნაბიჯ მივიწევთ იქამდე, რომ ოპონენტები არ დავაფრთხოთ. საერთაშორისო თანამეგობრიობისთვის ძალიან მნიშვნელოვანია ჩვენი კონსტრუქტივიზმი, მოწადინება. ვსაუბრობთ დევნილთა დაბრუნების საკითხზე, ეკოლოგიის საკითხებზე. მიმაჩნია, რომ ის გზა, რომელსაც ჩვენ ვადგავართ, საბოლოო მიზნამდე მიგვიყვანს, მე მას შემოვლით გზას ვუწოდებდი, სხვა გამოსავალი არ გვაქვს“.

„აფხაზეთში ძალიან მძიმე ეკონომიკური მდგომარეობაა. იზრდება უკმაყოფილება. ეს ჟენევაშიც იგრძნობა. აფხაზეთის ე. წ. ხელისუფლებისთვის ძალიან საშიშია აფხაზების თბილისისკენ შემობრუნების ტენდენცია. ალბათ გსმენიათ, რომ აფხაზები ხშირად კბილის ამოსაღებადაც კი თბილისში დადიან, ესწრებიან საფეხბურთო მატჩებს. ამ ყველაფერს, ე. წ. ხელისუფლების მხრიდან უკვე ისეთი პროტესტი აღარ მოსდევს, როგორც ეს ადრე ხდებოდა. ე. ი. აფხაზეთის საზოგადოებაში რაღაც იცვლება“.

„სოხუმის ე. წ. პარლამენტში, ეროვნებით სომეხ დეპუტატთა ჯგუფმა წამოწია რკინიგზის აღდგენის თემა, თუმცა აფხაზების მხრიდან სერიოზული პრობლემები შეექმნათ. ამიტომ ამ მარშრუტის აღდგენის საკითხი ერთგვაროვანი არაა. ეკონომიკური პრობლემების მოსაგვარებლად, საუბარი იყო ზღვის შელფის ამოქმედებაზეც, რასაც „როსნეფტი“ ძალიან ცდილობს. დასმულია მიწების პრივატიზაციის საკითხიც. რუსეთიდან პრაქტიკულად შეფერხებულია სოხუმისთვის ფულის ნაკადის მიწოდება. რკინიგზის თემა ნამდვილად არაა სერიოზული, მოსკოვი კარგად აცნობიერებს, რომ თბილისის გარეშე რკინიგზას ვერ გაიყვანს“.

„რა თქმა უნდა, ხაჯიმბა ვერ მიიღებდა მკვეთრ გადაწყვეტილებებს თავისი წინასაარჩევნო დაპირებების შესასრულებლად, რადგან ეს სოხუმზე აღარ არის დამოკიდებული. მათი შესრულების ბერკეტები არის არა სოხუმში, არამედ მოსკოვში. მოვლენების ამჟამინდელი განვითარებით მოსკოვი, როგორც ჩანს, ჯერჯერობით უკმაყოფილოა. სოხუმში ხაჯიმბა ვერ მისცემს თავის თავს იმის უფლებას, რომ ყველაფერი ზუსტად ისე გააკეთოს, როგორც მოსკოვს უნდა. გამორიცხული არაა მოსკოვმა კვლავ გამოიყენოს ხელების გადაგრეხის პოლიტიკა ხაჯიმბას წინააღმდეგ, ვგულისხმობ მის შეცვლას. ამის ინიციატორი კი შესაძლოა ისევ აფხაზეთის საზოგადოება იყოს. ძალიან ფრთხილი ოპტიმიზმით უნდა შევხედოთ იმ საკითხს, რომ აფხაზები ერთბაშად დაიძვრებაიან თბილისისკენ. საჭიროა დრო, რომ მათ გააცნობიერონ, მოსკოვის ნამდვილი დამოკიდებულება სოხუმის მიმართ. ეს პროცესი კი ნელ-ნელა მიმდინარეობს“.

„ევროპული მომავალი აფხაზებისათვის უცხო არაა. ისინი ძალიან კარგად აცნობიერებენ თუ რა სიკეთე მოაქვს ევროინტეგრაციას. ამაზე სოხუმში ხმამაღლა არ საუბრობენ. რუსეთის წნეხის შიშით ეს თემა პოლიტიკურ ელიტაში ჩახშობილია. ძალიან დიდი დაკვირვება არ არის საჭირო იმის დასანახად, თუ რამდენად უნდათ მათ ევროინტეგრაცია. ყველას აინტერესებს თავისი ოჯახის, თავისი შვილების ბედი, ჯანდაცვის სიკეთეები, ევროპაში განათლების მიღება. ვფიქრობ, ევროკავშირთან უვიზო მიმოსვლის შემოღება ძალიან სერიოზულ გავლენას მოახდენს აფხაზეთში“.

ვალერი არქანიას სახელობის არტ-გალერეაში აფხაზეთის ავტონომიური რესპუბლიკის მთავრობის თავმჯდომარესთან არსებული გიორგი შარვაშიძის  სახელობის პრემიის 2015 წლის ლაურეატთა დაჯილდოება გაიმართა.

2015 წელს გიორგი შარვაშიძის სახელობის პრემიის მოსაპოვებლად გამოცხადებული კონკურსის შედეგების შეჯამების შედეგად პრემიის ლაურეატები გახდნენ:

რობერტ  მესხი - ლექსების კრებულისათვის „მზის რაფსოდია“;

გურამ ყურაშვილი - აფხაზეთის სახელმწიფო საგუნდო კაპელის 2015 წლის საკონცერტო პროგრამისათვის;

ალექსეი  თარია - პუბლიცისტური წერილისათვის „გედის სიმღერა ანუ სამუდამო დევნილის მოგონებები და ფიქრები“;

ირაკლი გელენავა - დოკუმენტური კრებულისათვის „ქართული პერიოდული პრესის მასალები 1900-1921 წ.წ.“ (აფხაზეთი - რელიგია, განათლება, კულტურა).

ღონისძიებას აფხაზეთის ავტონომიური რესპუბლიკის განათლებისა და კულტურის მინისტრი დიმიტრი ჯაიანი, აფხაზეთის უმაღლესი საბჭოს დეპუტატები,  გიორგი შარვაშიძის  სახელობის პრემიის ლაურეატები და კულტურის სფეროს წარმომადგენლები.

ჟენევის მოლაპარაკებებში საქართველოს დელეგაციას საგარეო საქმეთა მინისტრის პირველი მოადგილე დავით დონდუა ხელმძღვანელობს. მოლაპარაკებებში მონაწილეობენ შერიგებისა და სამოქალაქო თანასწორობის საკითხებში სახელმწიფო მინისტრის პირველი მოადგილე ქეთევან ციხელაშვილი, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, ყოფილი სამხრეთ-ოსეთის დროებითი ადმინისტრაციის ხელმძღვანელი დიმიტრი სანაკოევი.

აფხაზეთის ავტონომიური რესპუბლიკის იუსტიციის დეპარტამენტის თანამშრომლები ვუერთდებით საერთაშორისო გლობალურ საინფორმაციო აქციას “16 დღიანი კამპანია–გენდერული ძალადობის წინააღმდეგ” და ხმამაღლა ვამბობთ “არა ძალადობას” 6 დეკემბერი – “მონრეალის ტრაგედიის დღე” თეთრი ლენტის კამპანიის თარიღია. ეს გლობალური ინიციატივა ქალთა მიმართ ძალადობის წინააღმდეგ მიმართული აქცია სათავეს იღებს კანადაში, სადაც ამ დღესთან დაკავშირებით 1991 წელს მამაკაცებმა გადაწყვიტეს გაერთიანებულიყვნენ თეთრი ლენტის სამოსზე ტარებით და წამოეწყოთ მოძრაობა, რომელიც მიზნად ისახავდა სხვა მამაკაცების დარწმუნებას, რათა ხმა აემაღლათ ქალთა მიმართ ძალადობის წინააღმდეგ. დღესდღეობით, თეთრი ლენტის კამპანია მსოფლიოს ხუთ კონტინენტის 50–ზე მეტ ქვეყანაში აღინიშნება. აქციის მიზანია გენდერული ძალადობის წინააღმდეგ საზოგადოებრივი ცნობიერების ამაღლება.