აფხაზეთის ავტონომიური რესპუბლიკის მთავრობა ღრმა მწუხარებას გამოთქვამს 2016 წლის 13 მარტს ქ. ანკარას ცენტრში მომხდარი მორიგი ტერორისტული აქტის გამო და თანაგრძნობას უცხადებს გარდაცვლილთა და დაშავებულთა ოჯახის წევრებს.

„შეუძლებელია გულგრილი დარჩე თურქეთში დატრიალებული ტრაგედიის გამო. სამწუხაროა, რომ ამ მოვლენებს კვლავ შეეწირა უდანაშაულო ადამიანების სიცოცხლე" - აცხადებს აფხაზეთის მთავრობა.

ამ მძიმე წუთებში, აფხაზეთის ავტონომიური რესპუბლიკის მთავრობა თურქეთის ხელისუფლებისა და თურქი ხალხის გვერდით დგას.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის მთავრობის წევრებმა დასავლეთ საქართველოს სხვადასხვა რაიონში, კერძოდ სამტრედიაში, ზესტაფონში, აბაშაში, სენაკში, ფოთში, ქობულეთსა და ბათუმში კომპაქტურად ჩასახლებული აფხაზეთიდან იძულებით გადაადგილებულ პირებთან შეხვედრები გამართეს. აფხაზეთის ავტონომიური რესპუბლიკის მთავრობის წევრებმა და ადგილობრივი ხელისუფლების წარმომადგენლებმა ქალაქების სხვადასხვა ჩასახლებებში დევნილთა პრობლემები მოისმინეს.

პრობლემები ძირითადად შეეხებოდა  სოციალურ სფეროს, ბინების დაკანონებას, ახლად აშენებულ კორპუსებზე უხარისხოდ შესრულებულ სამუშაოებს. აფხაზეთის მთავრობის წევრები  დევნილებს შეძლებისდაგვარად დახმარებას შეჰპირდნენ, რაც ერთჯერად დახმარებებს, კორპუსების გამაგრებასა და სოციალური პირობების გაუმჯობესებას გულისხმობს.

ვახტანგ ყოლბაიას განცხადებით, აფხაზეთის მთავრობა აუცილებლად უშუამდგომლებს ყველა დევნილს ცენტრალურ სახელმწიფო სტრუქტურებთან მჭიდრო და საქმიანი ურთიერთობის დასამყარებლად.

მთავრობის წევრებმა დევნილებს გააცნეს განხორციელებული, მიმდინარე და სამომავლო პროექტები, რომელიც აფხაზეთის მთავრობამ წამოიწყო აღნიშნულ რეგიონებში. კერძოდ, აფხაზეთის ჯანდაცვის სამინისტროს მიერ დაწყებული მრავალპროფილური სამედიცინო გამოკვლევები, მედიკამენტური და სარეაბილიტაციო პროექტები. მნიშვნელოვნად მიიჩნევა ასევე სოფლის მეურნეობის დეპარტამენტის მიერ დაწყებული დევნილთა დასაქმების პროექტები სასათბურე და კოლექტიური საქმიანოის ხელშეწყობის მიმართულებით, განათლების სამინისტროს პროექტები სტუდენტთა დაფინანსების, მათთვის პრემიების გაცემისა და სხვა კულტურულ საგანმანათლებლო მიმართულების პროექტები.

აფხაზეთის ჯანდაცვის მინისტრი ქეთევან ბაკარაძე და მთავრობის ხელმძღვანელი ვახტანგ ყოლბაია ფოთში აფხაზეთის მთავრობის პოლიკლინიკის მუშაობის სპეციფიკას  გაეცნენ, დაათვალიერეს სამედიცინო აპარატურა, გაეცნენ მის ეფექტიანობას დიაგნოსტიკისა და მკურნალობი სფეროში.

შეხვედრების დასრულების შემდეგ,  მიმდინარეობდა დევნილებთან კერძო გასაუბრებებიც. ბათუმში გამართულ დევნილებთან შეხვედრის შემდეგ, აფხაზეთის მთავრობის წევრები დაესწრნენ ევროკავშირის ხელშეწყობით საქველმოქმედო ჰუმანიტარულ ცენტრ CHCA -ს გახსნას. ცენტრი ბათუმში, ე.წ. „ახალი რაიონის" დასახლებაში ფუნქციონირებს და მისი დევიზია „დამოკიდებულებიდან თვითკმარობამდე". აღსანიშნავია ასევე, ლტოლვილთა და განსახლების სამინისტროს მიერ მცირე და საშუალო ბიზნესის ხელშემწყობი ცენტრის ფუნქციონირება, რომელიც 200-მდე გრანტს გასცემს.

შეხვედრები შეაფასა აფხაზეთის მთავრობის ხელმძღვანელმა ვახტანგ ყოლბაიამ. მისი თქმით, დევნილები მათდამი სამართლიანად კრიტიკულნი და მომთხოვნი არიან. ყოლბაია დევნილებს დაპირდა, რომ აფხაზეთის მთავრობა თვე-ნახევარში ამ რაიონებს კვლავ ეწვევა და მათთან ერთად შეაჯამებს დანაპირებთა შესრულებას.

„რამდენიმე დღეა, აფხაზეთის მთავრობის წევრები დასავლეთ საქართველოში ვიმყოფებით. შეხვედრები დევნილ მოსახლეობასთან კომპაქტურად ჩასახლებული ადგილებიდან დავიწყეთ. საინტერესო და საქმიანი შეხვედრები გვქონდა სამტრედიაში, ზესტაფონში, აბაშაში, სენაკში, ფოთში, ქობულეთსა და ბათუმში. ვერ ვიტყვი, რომ ყველგან ტაშით გვხვდებოდნენ. იყო სერიოზული კრიტიკა ჩვენ მიმართ, იყო თხოვნები და იყო მოთხოვნებიც. გამოიკვეთა თხოვნები ბევრი უწყების მიმართ, მათ შორის, ეკონომიკის სამინისტროსადმი, ქალაქების მერიებისადმი, ადგილობრივი მმართველობის სტრუქტურებისადმი. ასეთი შეხვედრები ეფექტიანი გამოდგა იმ მხრივაც, რომ ყველგან სადაც ვიხილავდით დევნილთა მდგომარეობას და ვსახავდით მათი გამოსწორების გზებს, ყველგან გვახლდნენ ადგილობრივი ორგანოების, ადმინისტრაციული უწყებების წარმომადგენლები, მერების მოადგილეები. ადგილზევე იხილებოდა და წყდებოდა მოთხოვნების შესრულების მექანიზმები, რისი ბერკეტებიც სამწუხაროდ ჩვენ ხელისუფლებას არ გააჩნია. დაპირება დაპირებად რომ არ დარჩეს, თვე ნახევარში ჩვენ კვლავ ჩამოვალთ და მონიტორინგს გაუწევთ იმ დაპირებებს, რომელიც დღეს გაიცა. არ შემიძლია არ აღვნიშნო რამდენად წარმატებულად აფასებს ჩვენი მოსახლეობა ლტოლვილთა და განსახლების სამინისტროს მუშაობას, მათი ბინებით უზრუნველყოფის საქმეში. ჩვენი მოსახლეობა მიიჩნევს, რომ ეს ყველაზე დიდი გარღვევაა საქართველოს მთავრობის მხრიდან, დევნილთა სოციალური პირობების გაუმჯობესების საკითხში", - განაცხადა ვახტანგ ყოლბაიამ.

აფხაზეთის ავტონომიური რესპუბლიკის განათლებისა და კულტურის სამინისტროს, სამინისტროს სპორტისა და ახალგაზრდობის საქმეთა სამსახურის ორგანიზებით და აფხაზეთის ჭიდაობის ფედერაციის მხარდაჭერით, ოლიმპიური მომზადების ცენტრში ჩატარდა საქართველოს დამსახურებული მწვრთნელის ამირან მაისურაძის სახელობის ტურნირი თავისუფალ ჭიდაობაში. ტურნირი გაიმართა 2000-2006 წ.წ. დაბადებულ სპორტსმენთა შორის 9 წონით კატეგორიაში.

ტურნირში მონაწილეობდა 313 სპორტსმენი. საქართველოს სხვადასხვა რეგიონიდან ჩამოსულ გუნდებს შორის იყვნენ აზერბაიჯანისა და რუსეთის ფედერაციის გუნდები. აფხაზეთიდან წარმოდგენილი იყო ზემო აფხაზეთის გუნდი ოთხი სპორტსმენით და დაბა წყნეთის საჭიდაო ბაზაში არსებული გუნდი 14 სპორტსმენით. აფხაზეთის სახელით სულ 18 სპორტსმენი ასპარეზობდა.

ტურნირის შედეგების მიხედვით აფხაზეთიდან დევნილ სპორტსმენთა შორის შვიდმა სხვადასხვა საპრიზო ადგილი დაიკავა, კერძოდ: მათიაშვილი ნიკა - მე-2 ადგილი 58 წონით კატეგორიაში; წიფიანი ლუკა - პირველი ადგილი 63 წონით კატეგორიაში; კანტიძე ბაკო - პირველი ადგილი 69 წონით კატეგორიაში; ჩიქოვანი გიორგი - მე-3 ადგილი 76 წონით კატეგორიაში; გურჩიანი ლუკა - მე-2 ადგილი 29 წონით კატეგორიაში; წიკლაური გიგა - მე-3 ადგილი 38 წონით კატეგორიაში; ჩიქოვანი დაჩი - მე-3 ადგილი 46 წონით კატეგორიაში.

საპრიზო ადგილზე გასული ყველა სპორტსმენი დაჯილდოვდა შესაბამისი კატეგორიის დიპლომით, მედლითა და თასით.

გამარჯვებულებს ჯილდოები გადასცეს ოლიმპიურმა ჩემპიონმა ოთარ ბლაგიძემ, აფხაზეთის ა/რ განათლებისა და კულტურის სამინისტროს სპორტისა და ახალგაზრდობის საქმეთა სამსახურის უფროსმა ვიტალი ბენდელიანმა, საქართველოს დამსახურებული მწვრთნელის ამირან მაისურაძის ოჯახის წევრებმა, აფხაზეთის ჭიდაობის ფედერაციის პრეზიდენტმა გია ყურაშვილმა და სხვ.

ბათუმში, საკალათბურთოდარბაზ „ბასკოში" საქართველოს სუპერლიგის ნახევარფინალური მატჩი გაიმართა. ერთმანეთს ბათუმისა და სოხუმის გუნდები დაუპირისპირდნენ. დაძაბულ ბრძოლაში ანგარიში 87:82 დასრულდა სოხუმის გუნდის სასარგებლოდ.

შეხვედრას ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის განათლებისა და კულტურის მინისტრი დიმიტრი ჯაიანი.

12 მარტს ქ. ზესტაფონში, საერთაშორისო ფონდ ,,თანადგომა XXI საუკუნე"-ს ინიციატივით, განათლების სამინისტრსოს, აფხაზეთის მთავრობის ხელშეწყობით და „ჯორჯიან მანგანეზი"-ს ფინანსური მხარდაჭერით, ეროვნული გამოცდების მოსამზადებელი ცენტრის პრეზენტაცია გაიმართა.

აღნიშნულ ცენტრში იძულებით გადაადგილებული და სოციალურად დაუცველი პირები უფასოდ სწავლას შეძლებენ.

ფონდის მიზანია სოციალურ-ფსიქოლოგიური და საგანმანათლებლო სამსახურის გაწევა სოციალურად დაუცველი პირებისათვის, სამოქალაქო ინტეგრაციის ხელშეწყობა დევნილი პედაგოგებისა და მოსწავლეებისათვის.

აბიტურიენტებს შესაძლებლობა აქვთ ეროვნული გამოცდებისთვის მოემზადონ და ჯგუფური მეცადინეობის მეთოდით შეისწავლონ შემდეგი საგნები: ქართული ენა და ლიტერატურა, ისტორია, უნარები და ინგლისური. თითოეულ საგანს კვირის მანძილზე დაეთმობა ორი დღე და 90 წუთი.

ღონისძებას ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის განათლებისა და კულტურის მინისტრი დიმიტრი ჯაიანი, ზესტაფონის მუნიციპალიტეტის გამგებელი ტარიელ თუთარაშვილი, განათლების სამინისტროსა და „ჯორჯიან მანგანეზის" წარმომადგენლები.

აფხაზეთის ავტონომიური რესპუბლიკის მთავრობამ თბილისში მცხოვრებ აფხაზ ქალთა ჯგუფთან ქალთა დღისადმი მიძღვნილი შეხვედრა გამართა. მილოცვებისა და საზეიმო ნაწილის შემდეგ გაიმართა საუბარი ქართულ-აფხაზურ კონფლიქტთან დაკავშირებულ საკითხებზე, მისი მოგვარების ეფექტიანი გზების ძიებაზე. შეხვედრისას აფხაზი ქალების მხრიდან საკითხი შეეხო ჟენევის მოლაპარაკებების პროცესსაც, თემებს, რომლის გადაწყვეტაც, მათი აზრით აუცილებელია.

განსაკუთრებით აღინიშნა კულტურული მემკვიდრეობის კუთხით მისაღებ გადაწყვეტილებებზე. ვახტანგ ყოლბაიამ განაცხადა, რომ მომავალ შეხვედრებზე ეს საკითხები კვლავ გააქტიურდება და იმედია, ორივე მხარისთვის მისაღებ ვარიანტზე შეჯერდებიან. მოწვეულმა სტუმრებმა დიდი მნიშვნელობა მიანიჭეს სოფელ რუხში გახსნილ სავაჭრო ობიექტებს და იქ მშენებარე ჯანდაცვის ცენტრს.

ვახტანგ ყოლბაიმა აღნიშნა, რომ სამუშაო ადგილები დევნილი მოსახლეობისათვის დღეს ყველაზე მეტად ჭირს. ამიტომ ყოველი ობიექტი, რომელიც ამ საკითხს ოდნავ მაინც წაადგება, ყველაზე მნიშვნელოვანია. ამიტომაც დგილობრივი მოსახლეობა და აფხაზეთის მთავრობა დიდ იმედებს ამყარებენ რუხის მშენებლობაზე და იქ გახსნილ სავაჭრო ობიექტებზე. აფხაზმა ქალებმა აღნიშნეს ისიც, რომ სამშვიდობო რიტორიკა აფხაზეთის საკითხის მიმართ, რომელიც საქართველოს ხელისუფლების წარმომადგენლების ყველა გამოსვლაში გამოსჭვივის, ურთიერთობის და ნდობის აღდგენის პროცესს აძლიერებს.

„შეცდომების დაშვების უფლება ამ მეტად გაწელილ და რთულ სიტუაციაში არავის აქვს. არც ქართველებს და არც აფხაზებს. დადგება დრო, როცა სკეპტიკოსებს და პოლიტიკურად ხელმოცარულ ადამიანებს ყავლი გაუვათ და შერიგების პროცესს ვეღარაფერი შეაკავებს",-განაცხადა ვახტანგ ყოლბაიამ.

აფხაზეთის ავტონომიური რესპუბლიკის მთავრობის, აფხაზეთის სულიერებისა და კულტურის ცენტრისა და საქველმოქმედო ფონდ „მომავლის გზის" ინიციატივით, ქალაქ რუსთავში მდებარე №5 პენიტენციალურ დაწესებულებაში ქალთა საერთაშორისო დღისადმი მიძღვნილი ღონისძიება სახელწოდებით „ქალი მომავლის რწმენით" გაიმართა.

ღონისძიებას ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის განათლებისა და კულტურის მინისტრი დიმიტრი ჯაიანი, ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის პირველი მოადგილე ბელა კოპალიანი, საქველმოქმედო ფონდ ''მომავლის გზის'' დირექტორი ბატონი დავით კინწურაშვილი, საქართველოს სახალხო არტისტი მედეა ამირანაშვილი, საქართველოს სახალხო არტისტი ელდარ გეწაძე, თბილისის ვანო სარაჯიშვილის სახელობის სახელმწიფო კონსერვატორიის პროფესორი თეიმურაზ ელიავა, თბილისის ვანო სარაჯიშვილის სახელობის სახელმწიფო კონსერვატორიის პროფესორი დარეჯან მახაშვილი.

შეხვედრისას, აფხაზეთის ავტონომიური რესპუბლიკის მთავრობამ და აფხაზეთის სულიერებისა და კულტურის ცენტრმა პენიტენციალურ დაწესებულებას ბიბლიოთეკისათვის საჩუქრად წიგნები გადასცა.

ღონისძიების მხარდამჭერები იყვნენ აფხაზეთის ავტონომიური რესპუბლიკის განათლებისა და კულტურის სამინისტრო და ნდობის აღდგენისა და შერიგების საკითხებში აფხაზეთის ავტონომიური რესპუბლიკის სამინისტრო.

დღეს ვეტერანების საქმეთა სახელმწიფო სამსახურის უფროსმა ირაკლი შიხიაშვილმა, აფხაზეთის ავტონომიური რესპუბლიკის უმაღლესი საბჭოს თავმჯდომარემ ელგუჯა გვაზავამ, აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრმა ქეთევან ბაკარაძემ, ვეტერანთა საქმეების სახელმწიფო სამსახურის აფხაზეთის სამმართველოს უფროსმა დავით ღვინჯილიამ და აფხაზეთის მთავრობის აპარატის წევრებმა გენო ადამიას 80 წლისთავთან დაკავშირებით ქართველი გენერალ-მაიორის საფლავი გვირგვინით შეამკეს და პატივი მიაგეს მის ხსოვნას.

ქართველი გენერალ-მაიორი გენო ადამია საქართველოს შეიარაღებული ძალების 23-ე მექანიზებული ბრიგადის მეთაური იყო. ის ვახტანგ გორგასლის I ხარისხის ორდენის მფლობელია.

ღონისძიება ვეტერანთა სახელმწიფო სამსახურის აფხაზეთის სამმართველოსა და აფხაზეთის მეომართა კავშირის ორგანიზებით ჩატარდა.

დღეს, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის უმაღლესი საბჭოს თავმჯდომარემ ელგუჯა გვაზავამ, აფხაზეთის ავტონომიური რესპუბლიკის მთავრობისა და უმაღლესი საბჭოს წევრებმა ჟიული შარტავას დაბადებიდან 72 წლისთავთან დაკავშირებით საქართველოს ეროვნული გმირის საფლავი გვირგვინით შეამკეს და კიდევ ერთხელ პატივი მიაგეს მის ხსოვნას.

აფხაზეთის ომის დროს ბაბუშერის აეროპორტში თვითმფრინავის აფეთქებისას დაღუპული კიდევ 10 მეომრის იდენტიფიცირება მოხდა. იდენტიფიცირების შემდეგ ნეშტები სამების საკათედრო ტაძარში გადაასვენეს, სადაც სამოქალაქო პანაშვიდი გაიმართა. პანაშვიდს საქართველოს ცენტრალური ხელისუფლების წარმომადგენლებთან ერთად აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ა/რ მთავრობისა და უმაღლესი საბჭოს წევრები დაესწრნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია სამების საკათედრო ტაძარში ბაბუშერის სამარხიდან გადმოსვენებული 10 მებრძოლის ნეშტის სამოქალაქო პანაშვიდს დაესწრო და გარდაცვლილთა ხსოვნას პატივი მიაგო.

„მადლობას ვწირავთ ყველას, ვინც დღევანდელი გადმოსვენების საკითხში მონაწილეობა მიიღო. მნიშნელოვანია, რომ დედების ერთ ნაწილს საკუთარი შვილის ამოცნობის საშუალება მიეცა. მინდა კიდევ ერთხელ ვანუგეშო ჩვენი დედები და მადლობა გადავუხადო ჩვენს დიდებულ ქალბატონებს, მათ მეუღლეებს იმისათვის, რომ მათ ბრწყინვალე ჭაბუკები აღზარდეს. ამ ბიჭებმა ხომ საკუთარი სიცოცხლე უშურველად გაიღეს სამშობლოსთვის, თავისუფლებისთვის, ხვალინდელი დღისთვის. კიდევ ერთხელ მუხლს ვიყრით ამ ბიჭების სულების წინაშე. მადლობა მათ დედებს, რომლებიც დღესაც იბრძვიან სიცოცხლისათვის თავისი შვილებისა და შვილიშვილების საკეთილდღეოდ. ღმერთი იყოს მათი შემწე და მფარველი. არ შემიძლია არ აღვნიშნო ლტოლვილთა და განსახლების სამინისტროს უდიდესი წვლილი მეომრების გადმოსვენების საკითხში. მადლობა მათ ამისთვის", - განაცხადა ვახტანგ ყოლბაიამ.

სამოქალაქო პანაშვიდს აგრეთვე ესწრებოდნენ აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები.

აფხაზეთის ომის დროს ბაბუშერის აეროპორტში თვითმფრინავის აფეთქებისას დაღუპული 10 მებრძოლის ნეშტი დიღმის ძმათა სასაფლაოზე  სამხედრო პატივით დაკრძალეს.

აფხაზეთის ავტონომიური რესპუბლიკის მთავრობის, აფხაზეთის სულიერებისა და კულტურის ცენტრისა და საქართველოს მოსწავლე ახალგაზრდობის ეროვნული სასახლის ორგანიზებით, მოსწავლე ახალგაზრდობის ეროვნულ სასახლეში დედის დღისადმი მიძღვნილ საღამო სახელწოდებით „მადლობა უკვდავებაში გარდასულ შვილთა დედებს" გაიმართა.

საღამოზე შეკრებილ დედებს სიტყვით მიმართეს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის ავტონომიური რესპუბლიკის უმაღლესი საბჭოს თავმჯდომარემ ელგუჯა გვაზავამ, შერიგებისა და სამოქალაქო თანასწორობის საკითხებში სახელმწიფო მინისტრის პირველმა მოადგილემ ქეთევან ციხელაშვილმა, აფხაზეთის ავტონომიური რესპუბლიკის განათლებისა და კულტურის მინისტრმა დიმიტრი ჯაიანმა,აფხაზეთის სულიერებისა და კულტურის ცენტრის თავმჯდომარე სვეტლანა ქეცბამ, აფხაზეთის მეომართა კავშირის თავმჯდომარე ზურაბ შამუგიამ და აფხაზეთის ომში დაღუპული გმირების დედებმა. ღონისძიებას აგრეთვე ესწრებოდნენ აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები.

საღამოს ბოლოს მეომართა დედებისათვის დედის დღესთან დაკავშირებით კონცერტი გაიმართა, რომელშიც მონაწილეობა მიიღეს ბავშვთა სიმღერისა და ცეკვის ანსამბლებმა.

დედის დღესთან დაკავშირებით აფხაზეთის ჯანმრთელობისა და სოციალური დაცვის სამინისტროსა და აკადემიკოს ვაჟა ივერიელის სახელობის ენდოკრინოლოგია-მეტაბოლოგია დიეტოლოგიის კლინიკას „ენმედიცი" შორის გაფორმებული მემორანდუმის ფარგლებში სამედიცინო აქცია გაიმართა. გამოკვლევები აფხაზეთიდან იძულებით გადაადგილებული მრავალშვილიანი ოჯახებისთვის ჩატარდა.

პროცესს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე და სამედიცინო ცენტრ „ენმედიცის" გენერალური დირექტორი კობა ბურნაძე ესწრებოდნენ.

სამედიცინო გამოკვლევების ფარგლებში მრავალშვილიანმა დედებმა ოჯახის ექიმისა და ენდოკრინოლოგის კონსულტაცია მიიღეს. ასევე, ფარისებური ჯირკვლის ექოსკოპია, თირეოტროპული ჰორმონის კვლევა და სისხლის საერთო ანალიზი ჩაუტარდათ.

გამოკვლევები აფხაზეთის ჯანმრთელობისა და სოციალური დაცვის სამინიტროს ორგანიზებით გაიმართა.

დღეს, აფხაზეთის ავტონომიური რესპუბლიკის მთავრობის ადმინისტრაციაში, აფხაზეთის ავტონომიური რესპუბლიკის იუსტიციის დეპარტამენტსა და სოხუმის სახელმწიფო უნივერსიტეტის იურიდიულ ფაკულტეტს შორის ურთიერთთანამშრომლობის მემორანდუმი გაფორმდა.

აფხაზეთის ავტონომიური რესპუბლიკის იუსტიციის დეპარტამენტის თავმჯდომარის, იგორ კოპალიანისა და სოხუმის სახელმწიფო უნივერსიტეტის იურიდიული ფაკულტეტის დეკანის,ვეფხია გვარამიას მიერ ხელმოწერილი დოკუმენტი შეიცავს აფხაზეთის ავტონომიური რესპუბლიკის მთავრობისა და სოხუმის სახელმწიფო უნივერსიტეტს შორის 2013 წლის 15 ნოემბერს დადებული ურთიერთთანამშრომლობის შესახებ მემორანდუმის ფარგლებში ურთიერთობის განვითარებასა და განმტკიცებას და ახალგაზრდა თაობების განათლების, მაღალ კვალიფიციური, კონკურენტუნარიანი კადრების მომზადებას.

მემორანდუმის გაფორმებას ესწრებოდნენ აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია, სოხუმის სახელმწიფო უნივერსიტეტის წარმომადგენლები და უნივერსიტეტის წარმატებული სტუდენტები.

დღეს, აფხაზეთის ავტონომიური რესპუბლიკის მთავრობის ადმინისტრაციაში, აფხაზეთის ავტონომიური რესპუბლიკის იუსტიციის დეპარტამენტსა და სოხუმის სახელმწიფო უნივერსიტეტის იურიდიულ ფაკულტეტს შორის ურთიერთთანამშრომლობის მემორანდუმი გაფორმდა. აფხაზეთის ავტონომიური რესპუბლიკის იუსტიციის დეპარტამენტის თავმჯდომარის, იგორ კოპალიანისა და სოხუმის სახელმწიფო უნივერსიტეტის იურიდიული ფაკულტეტის დეკანის, ვეფხია გვარამიას მიერ ხელმოწერილი დოკუმენტი შეიცავს აფხაზეთის ავტონომიური რესპუბლიკის მთავრობისა და სოხუმის სახელმწიფო უნივერსიტეტს შორის 2013 წლის 15 ნოემბერს დადებული ურთიერთთანამშრომლობის შესახებ მემორანდუმის ფარგლებში ურთიერთობის განვითარებასა და განმტკიცებას და ახალგაზრდა თაობების განათლების, მაღალ კვალიფიციური, კონკურენტუნარიანი კადრების მომზადებას.
მემორანდუმის გაფორმებას ესწრებოდნენ აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია, სოხუმის სახელმწიფო უნივერსიტეტის წარმომადგენლები და უნივერსიტეტის წარმატებული სტუდენტები.