სიახლეები

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ საქართველოში ისრაელის სახელმწიფოს საგანგებო და სრულუფლებიან ელჩთან, ჰადას ესთერ მეიცადთან გაცნობითი ხასიათის შეხვედრა გამართა.

მთავრობის თავმჯდომარემ ისრაელელ დიპლომატს აფხაზეთის ავტონომიური რესპუბლიკის ლეგიტიმური მთავრობისა და მისი სტრუქტურული ერთეულების საქმიანობის შესახებ ინფორმაცია მიაწოდა. გააცნო ოკუპირებულ ტერიტორიაზე არსებული ვითარება, განსაკუთრებული ყურადღება გაამახვილა აფხაზეთში საოკუპაციო რეჟიმის მხრიდან ადამიანის ფუნდამენტური უფლებების დარღვევის ფაქტებზე.

ისრაელის ელჩმა კიდევ ერთხელ დაადასტურა მისი ქვეყნის მთავრობის მტკიცე მხარდაჭერა საქართველოს სუვერენიტეტის და ტერიტორიული მთლიანობის პოლიტიკის მიმართ.

შეხვედრაზე მხარეებმა სხვადასხვა მიმართულებით  სამომავლო თანამშმრომლობის შესაძლებლობები განიხილეს.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ მთავრობის თავმჯდომარის მოადგილე ანზორ მარგიანთან და აფხაზეთის მთავრობის წევრებთან ერთად, კოჯორში, 1921 წლის 25 თებერვალს საქართველოს დამოუკიდებლობისთვის ბრძოლაში დაღუპული იუნკერების მემორიალი გვირგვინით შეამკო და მათ ხსოვნას პატივი მიაგო.

„ჩვენი ქვეყნის უახლესი ისტორიისთვის 1921 წლის 25 თებერვალი ერთ-ერთი ყველაზე ტრაგიკული დღეა, რადგან მრავალმა ქართველმა თავი შესწირა სამშობლოს თავისუფლებას. მათმა ღირსეულმა ბრძოლამ შედეგი გამოიღო და წლების შემდეგ ჩვენ მოვიპოვეთ დამოუკიდებლობა.

ჩვენი ბრძოლა თავისუფლებისთვის არ დასრულდება, ვიდრე ჩვენი ქვეყნის ტერიტორიები ოკუპირებულია. ჩვენ ამ ბრძოლას ვაგრძელებთ მშვიდობიანად, პროგრესით და განვითარებით. ჩვენ მას აუცილებლად გამარჯვებით დავასრულებთ.

დღეს ჩვენ ვაშენებთ ევროპულ სახელმწიფოს, სადაც მშვიდობა და სტაბილური განვითარება უზრუნველყოფილია“, - განაცხადა რუსლან აბაშიძემ.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე თბილისის საკრებულოში მშობლიური ენის საერთაშორისო დღისადმი მიძღვნილ საღამოს დაესწრო.

ღონისძიება თბილისის საკრებულოს თავმჯდომარემ, გიორგი ტყემალაძემ გახსნა, რომელმაც დამსწრე საზოგადოებას მშობლიური ენის საერთაშორისო დღე მიულოცა. სიტყვით გამოვიდნენ და მშობლიური ენის მნიშვნელობაზე ისაუბრეს განათლებისა და კულტურის კომისიის თავმჯდომარე კახა ლაბუჩიძემ, საქართველოს განათლებისა და მეცნიერების მინისტრის მოადგილე ნუნუ მიცკევიჩმა, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის პირველმა მოადგილე ლია გიგაურმა, სახელმწიფო ენის დეპარტამენტის თავმჯდომარე გიორგი ალიბეგაშვილმა და თბილისის სახელმწიფო უნივერსიტეტის რექტორმა ჯაბა სამუშიამ.

მშობლიური ენის საერთაშორისო დღისადმი მიძღვნილი ღონისძიების ფარგლებში 15 მეცნიერი და ხელოვანი დააჯილდოვეს.

საღამო თბილისის საკრებულოს თამარ მეფის სახელობის დარბაზში საკრებულოს განათლებისა და კულტურის კომისიის, სახელმწიფო ენის დეპარტამენტისა და კორნელი კეკელიძის სახელობის საქართველოს ხელნაწერთა ეროვნული ცენტრის ერთობლივი ინიციატივით გაიმართა.

მშობლიური ენის საერთაშორისო დღე იუნესკომ ენობრივი და კულტურული მრავალფეროვნების შენარჩუნების, განვითარებისა და წარმოჩენის მიზნით 1999 წელს დააწესა. საქართველოს განათლების სამინისტროს გადაწყვეტილებით, 2015-2016 წლებში შესაძლებელი გახდა საქართველოს ზოგიერთ სკოლაში მცირერიცხოვანი ეროვნული უმცირესობების მშობლიური ენების სწავლება. აღსანიშნავია, რომ საქართველოში 1978 წელს განვითარებული მოვლენების შემდეგ ჩვენს ქვეყანაში დედაენის დღედ 14 აპრილი გამოცხადდა.

ფუტსალში ქალთა შორის საქართველოს ჩემპიონატის (ზამთრის თასი) მატჩი გაიმართა, სადაც ერთმანეთს „დინამო“ სოხუმი და „კვარტალი“ თბილისი შეხვდნენ. შეხვედრა აფხაზეთის ქალთა გუნდის გამარჯვებით 6 : 5 დასრულდა და მიღწეული შედეგით სოხუმის ქალთა გუნდი ჩემპიონატის 1/2 ფინალში იასპარეზებს.

მატჩს აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის განათლებისა და კულტურის მინისტრის მოადგილე მარიამ კუჭავა და სამინისტროს წარმომადგენლები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ფინანსთა და ეკონომიკის მინისტრ ლევან თევზაიასთან ერთად,  საერთაშორისო ვაჭრობისა და ინვესტიციების კვლევითი ინსტიტუტის (RIITI) პრეზენტაციას დაესწრო.

ღონისძიება მისასალმებელი სიტყვით საქართველოს ფინანსთა მინისტრმა, ლაშა ხუციშვილმა და აზიისა და სპარსეთის ყურის ქვეყნების ბიზნესპალატის პირველმა ვიცე-პრეზიდენტმა დავით ცირდავამ გახსნეს. პრეზენტაცია საერთაშორისო ვაჭრობისა და ინვესტიციების კვლევითი ინსტიტუტის (RIITI) პრეზიდენტმა, პროფესორმა თამარ კერძაიამ წარადგინა.

გამოსვლისას ფინანსთა მინისტრმა ყურადღება გაამახვილა ქვეყნებს შორის ურთიერთობების განვითარების პროცესში საერთაშორისო ვაჭრობისა და ინვესტიციების მნიშვნელობაზე. კვლევითი ინსტიტუტის საერთაშორისო ექსპერტებმა, პანელური დისკუსიების ფორმატში, უახლესი საერთაშორისო სავაჭრო და საინვესტიციო ტრენდები შეაფასეს. ღონისძიების ბოლოს ექსპერტთა ინაუგურაციის ცერემონია გაიმართა.

ღონისძიებას საქართველოს მთავრობის, საქართველოში აკრედიტებული დიპლომატიური კორპუსის, არასამთავრობო და კერძო ორგანიზაციების წარმომადგენლები და საერთაშორისო ექპერტები ესწრებოდნენ.

 პორტალი ევროკავშირის, დანიისა და გაეროს განვითარების პროგრამის (UNDP) მიერ მხარდაჭერილი პროექტის ფარგლებში მომზადდა და მისი მიზანია მუნიციპალურ დონეზე სტატისტიკური შესაძლებლობების განვითარება, სტატისტიკის წარმოების გაუმჯობესება და ინფორმაციის ხელმისაწვდომობის გაზრდა.

 პორტალზე არსებული 80-მდე მაჩვენებელი მოიცავს ისეთ სფეროებს, როგორიცაა: მოსახლეობა და დემოგრაფია, ჯანდაცვა და სოციალური უზრუნველყოფა, განათლება, კულტურა, მშენებლობა, ტურიზმი, ბიზნეს რეგისტრი, ბიზნეს სექტორი და სხვა.

 მუნიციპალიტეტების დონეზე სტატისტიკური მონაცემების წარმოების შესაძლებლობების ზრდა საქართველოს ოფიციალური სტატისტიკის ეროვნული სისტემის განვითარების 2020-2023 წლებისა და დეცენტრალიზაციის 2020-2025 წლების სტრატეგიებით განსაზღვრული ერთ-ერთი პრიორიტეტია.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ საქართველოში დანიის სამეფოს საგანგებო და სრულუფლებიან ელჩთან, ანე ტოფტ სორენსენთან გაცნობითი ხასიათის შეხვედრა გამართა.

რუსლან აბაშიძემ დანიელ დიპლომატს ელჩად დანიშვნა მიულოცა და საქმიანობაში წარმატება უსურვა.

მთავრობის თავმჯდომარემ ანე ტოფტ სორენსენს აფხაზეთის ავტონომიური რესპუბლიკის მთავრობისა და მისი სტრუქტურული ერთეულების საქმიანობის შესახებ მიაწოდა ინფორმაცია. ასევე გააცნო ოკუპირებულ აფხაზეთში არსებული ვითარება. განსაკუთრებული ყურადღება გაამახვილა ადამიანის ფუნდამენტური უფლებების დარღვევის ფაქტებზე და ოკუპირებულ ტერიტორიაზე მცხოვრები მოსახლეობის სოციალურ-ეკონომიკურ მდგომარეობაზე.

მხარეებმა შეხვედრაზე სხვადასხვა მიმართულებით სამომავლო თანამშმრომლობის პერსპექტივები განიხილეს.

შეხვედრას დანიის ელჩის თანაშემწე სებასტიან რასმუსენი და აფხაზეთის ავტონომიური რესპუბლიკის მთავრობის აპარატის სტრატეგიული კომუნიკაციებისა და საერთაშორისო ურთიერთობების დეპარტამენტის უფროსის მოადგილე დავით გახარია ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ, მოადგილე ანზორ მარგიანთან ერთად, აფხაზეთის მეომართა კავშირის წარმომადგენლებთან პირველი სამუშაო შეხვედრა გამართა.

შეხვედრაზე მთავრობის თავმჯდომარემ ქვეყნის სამშვიდობო პოლიტიკაზე გაამახვილა ყურადღება და ორმხრივი თანამშრომლობის მნიშვნელობაზე, პერსპექტივებსა და ინიციატივების განხორციელებაში სამომავლო მხარდაჭერაზე ისაუბრა.

შეხვედრის მონაწილეებმა, ასევე, ომის ვეტერანების პრობლემებზე, მათ წინაშე არსებულ გამოწვევებსა და აფხაზეთის ავტონომიური რესპუბლიკის მთავრობასთან თანამშრომლობის გზებზე ერთობლივად იმსჯელეს.

აღსანიშნავია, რომ მიმდინარე წლის 27 იანვარს აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი აფხაზეთის მეომართა კავშირის ყრილობაზე თავმჯდომარედ ერთხმად აირჩიეს.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე დევნილთა, ეკომიგრანტთა და საარსებო წყაროებით უზრუნველყოფის სააგენტოს 2022 წელს გაწეული საქმიანობის ანგარიშს დაესწრო. სააგენტოს ანგარიში ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე ილია ღუდუშაურმა გახსნა.

დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა ირაკლი მხეიძემ, ღონისძიებაზე, სააგენტოს მიერ მთელი ქვეყნის მასშტაბით განხორციელებულ და სამომავლოდ დაგეგმილ პროექტებზე ისაუბრა.

აღსანიშნავია, რომ 2022 წელს, სხვადასხვა პროგრამის ფარგლებში, ახალი საცხოვრებელი 3 530 დევნილ ოჯახს გადაეცა. 2023 წლიდან კი, მასშტაბური სამშენებლო სამუშაოები 5 ქალაქში – თბილისში, ზუგდიდში, ქუთაისში, რუსთავსა და ბორჯომში დაიწყება.

ღონისძიებას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ზურაბ აზარაშვილი, საქართველოს პარლამენტის წევრები და ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს წარმომადგენლები ესწრებოდნენ.

პროგრამის მიზანია აფხაზეთიდან დევნილი მეცნიერების მხარდაჭერა და მათთვის სამეცნიერო კვლევებში ხელშეწყობა.

პროგრამის ფარგლებში შესაძლებელია დაფინანსდეს:  

 ა)  სამეცნიერო ლიტერატურის/კვლევის გამოცემა;

 ბ) სამგზავრო ხარჯები მეცნიერების, ბაკალავრიატის, მაგისტრატურის, დოქტორანტურის სტუდენტებისთვის;

  გ) აფხაზეთის მკვიდრი მეცნიერები, რომლებიც წარმოადგენენ კვლევებს მეცნიერების სხვადასხვა დარგში;

  დ) მეცნიერი, რომელიც არაა აფხაზეთის მკვიდრი, მაგრამ მისი კვლევა თემატურად დაკავშირებულია საქართველოს ამ კუთხესთან;

  ე) უპირატესობა მიენიჭება თანადაფინანსებით წარმოდგენილ და თემატურად აფხაზეთთან დაკავშირებულ პროექტებს;

   ვ) არ დაფინანსდება ზედიზედ 2 წლის განმავლობაში სამეცნიერო ნაშრომის ბეჭდვის თაობაზე ერთი და იგივე ავტორის მიერ შემოტანილი პროექტი.

პროგრამის გამოცხადებიდან 2023 წლის 1 ნოემბრამდე მიიღება ბეჭდვასთან დაკავშირებლი პროექტები; მეცნიერებისთვის და ასევე ბაკალავრიატის, მაგისტრატურის, დოქტორანტურის პროგრამების სტუდენტებისთვის  სამგზავრო ხარჯები დაფინანსდება 2023 წლის 30 ნოემბრამდე.

დაწვრილებითი ინფორმაციისთვის იხ.

პროგრამა: https://bit.ly/3jHgXlL

ანკეტა:  https://bit.ly/3YtLt18

დღეს საქართველოს პარლამენტში პლენარული სხდომა გაიმართა, სადაც პარლამენტის თავმჯდომარე შალვა პაპუაშვილმა პარლამენტის საქმიანობის ყოველწლიური ანგარიში და 2023 წლის სამოქმედო გეგმა წარადგინა. პარლამენტის თავმჯდომარის მოხსენება ქვეყნის საგარეო და საშინაო პოლიტიკის პრიორიტეტებს, პარლამენტის ინსტიტუციურ გაძლიერებას და ევროინტეგრაციის მიმართულებით გადადგმულ ნაბიჯებს შეეხო.

პლენარულ სხდომას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე დაესწრო. სხდომას ასევე  საქართველოს მთავრობის და დიპლომატიური კორპუსის წარმომადგენლები ესწრებოდნენ.

დღეს აფხაზეთის უმაღლესმა საბჭომ საგაზაფხულო სესიის ფორმატით მუშაობა განაახლა. სხდომას აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია უძღვებოდა.

სესიაზე დეპუტატებს სიტყვით აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ მიმართა. მთავრობის თავმჯდომარემ სხდომის მონაწილეებს საგაზაფხულო სესიის გახსნა მიულოცა და აფხაზეთის უმაღლეს საკანონმდებლო ორგანოსთან ურთიერთთანამშრომლობის საკითხებზე ისაუბრა.

,დევნილთა სამეწარმეო საქმიანობის გაძლიერება“;

პროგრამის ფარგლებში 19 გამარჯვებულ ბენეფიციარს გადაეცა შესაბამისი ტექნიკა და დანადგარები.

,, სასოფლო-სამეურნეო და ენდემური კულტურების წარმოების მხარდაჭერა“;

42 გამარჯვებულ ბენეფიციარს, პროგრამის ფარგლებში გადაეცა მრავალწლოვანი ნერგები (კაკალი, ქლიავი ტყემალი).

მეფუტკრეების საქმიანობის გაძლიერება“

პროგრამის გამარჯვებული დევნილებისთვის მოხდა შესაბამისი რაოდენების სკით უზრუნველყოფა.

,,დასაქმების ხელშეწყობა“;

24 გამარჯვებულ ბენეფიციარს გადაეცა შესაბამიისი დანადგარები და ტექნიკა.

,,ეკონომიკური საქმიანობის მომსახურეობა“;

რუხის საინფორმაციო-საკონსულტაციო ცენტრში 400-მდე დევნილმა მიიღო კონსულტაცია/დახმარება ადგილობრივ თუ საერთაშორისო პროგრამებში ჩასართავად, ბიზნეს-პროექტების შედგენასა და შესაძლო დაფინანსების მოძიებაში.

,,ეკონომიკური მომსახურეობა აფხაზეთის ოკუპირებულ ტერიტორიაზე“;

პროგრამის ფარგლებში ჩაერთო 3304 ოჯახი;

ქვეყანაში აზიური ფაროსანას წინააღმდეგ ბრძოლის სახელმწიფო პროგრამის ფარგლებში ჩაერთო 7600 ოჯახი;

,,ინფრასტრუქტურული პროექტების მომზადების მომსახურეობა“ ;

50 ობიექტისთვის მომზადდა სამშენებლო-სარემონტო სამუშაოებთან დაკავშირებული დოკუმენტაცია.

,,ოკუპირებული აფხაზეთის ტერიტორიაზე განთავსებული სახელმწიფო უძრავი ქონების საკადასტრო აღწერა“;

48 სხვადასხვა სახელმწიფო უძრავ ქონებაზე მომზადდა პირველადი სარეგისტრაციო დოკუმენტაცია. აქედან, 21 ობიექტი დამუშავებულია ArcMap პროგრამაში შესაბამისი წესით.

დევნილთა პოლიკლინიკების სერვისების მიწოდების მხარდაჭერა;

თითოეული პოლიკლინიკისათვის შეიქმნა სოციალური გვერდი, მიზნობრივ ჯგუფებს სამედიცინო სერვისებთან და აქციებთან დაკავშირებით მიეწოდათ შესაბამისი ინფორმაცია.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, თავმჯდომარის მოადგილე ანზორ მარგიანთან და აფხაზეთის იძულებით გადაადგილებულ პირთა მინისტრ დავით ფაცაციასთან ერთად, აფხაზეთიდან დევნილ ვეტერანებს და ვეტერანების საქმეთა სახელმწიფო სამსახურის წარმომადგენლებს შეხვდა.

შეხვედრის მონაწილეებმა ისაუბრეს აფხაზეთიდან დევნილი ვეტერანების პრობლემებზე, იმსჯელეს ერთობლივ სამომავლო სამოქმედო გეგმასა და მხარეებს შორის მჭიდრო თანამშრომლობის საკითხებზე.

შეხვედრაზე დევნილ ვეტერანებს „ადამიანის უფლებათა დაცვის საერთაშორისო კომისიისგან“ (IHRC) ჰუმანიტარული დახმარების სახით მიღებული სათვალეები და სამედიცინო პირბადეები გადაეცათ.

ასევე, ღონისძიების ფარგლებში, აფხაზეთის მთავრობის წარმომადგენლებმა, ვეტერანების საქმეთა სახელმწიფო სამსახურის ხელმძღვანელობასთან ერთად, დევნილი ვეტერანების ოჯახის წევრ ბავშვებს საჩუქრად სათამაშოები პირადად გადასცეს.

ღონისძიებას საქართველოს პარლამენტის წევრი ბექა ოდიშარია, აფხაზეთის იძულებით გადაადგილებულ პირთა მინისტრის პირველი მოადგილე გურამ მისაბიშვილი და ვეტერანების საქმეთა სახელმწიფო სამსახურის წარმომადგენლები ესწრებოდნენ.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია საგარეჯოს მუნიციპალიტეტის დევნილთა განსახლების ადგილებში მცხოვრებ აფხაზეთიდან დევნილ მოსახლეობას შეხვდა და მათ წინაშე არსებულ საჭიროებებს ადგილზე გაეცნო.

შეხვედრის მიმდინარეობისას, აფხაზეთიდან იძულებით გადაადგილებულმა პირებმა, სამინისტროს წარმომადგენლებს მიაწოდეს ინფორმაცია საგარეჯოს დევნილთა განსახლების ადგილებში არსებული მდგომარეობის შესახებ და ერთობლივად იმსჯელეს მათი საჭიროებების მოგვარების გზებზე.

აფხაზეთიდან დევნილი მოსახლეობისგან მიღებული ინფორმაციების გათვალისწინებით, აფხაზეთის ავტონომიური რესპუბლიკის იძულებით გადაადგილებულ პირთა სამინისტრო და ადგილობრივი ხელისუფლება საგარეჯოს დევნილთა განსახლების ობიექტების ინფრასტრუქტურის ერთობლივად გაუმჯობესებაზე შეთანხმდნენ.

შეხვედრას, აფხაზეთის ავტონომიური რესპუბლიკის იძულებით გადაადგილებულ პირთა მინისტრის პირველი მოადგილე გურამ მისაბიშვილი, საგარეჯოს მუნიციპალიტეტის მერი ავთანდილ გულიკაშვილი, სამინისტროსა და ადგილობრივი ხელისუფლების წარმომადგენლები ესწრებოდნენ.