აფხაზეთის მთავრობის თავმჯდომარემ გიორგი ბარამიამ აფხაზეთიდან დევნილ, მეორე მსოფლიო ომის ვეტერანებს ფაშიმზე გამარჯვების 66-ე წლისთავი მიულოცა.

აფხაზეთის მთავრობის თავმჯდომარე აფხაზეთიდან დევნილ ვეტერანს, საქართველოს დამსახურებულ ბუღალტერს, 93 წლის ციქორი მარღანიას ოჯახში ეწვია. გიორგი ბარამიამ ქვეყნის წინაშე დამსახურებისთვის მას მადლობა გადაუხადა, ფაშიზმზე გამარჯვების დღე მიულოცა და საჩუქარი გადასცა.
,,მე მინდა მეორე მსოფლიო ომის ყველა ვეტერანს გამარჯვების დღე მივულოცო. მათ ხანგრძლივი სიცოცხლე, ხოლო აფხაზეთიდან დევნილ ვეტერანებს ჩვენთან ერთად აფხაზეთში დაბრუნება ვუსურვო," - განაცხადა გიორგი ბარამიამ.

აფხაზეთის მთავრობის თავმჯდომარისგან საჩუქრები და მისალოცი ბარათები აფხაზეთიდან დევნილმა 100-ზე მეტმა ვეტერანმა მთელი საქართველოს მასშტაბით მიიღო.

აფხაზეთის მთავრობის თავმჯდომარემ გიორგი ბარამიამ აფხაზეთიდან დევნილ, მეორე მსოფლიო ომის ვეტერანებს ფაშიმზე გამარჯვების 66-ე წლისთავი მიულოცა.

აფხაზეთის მთავრობის თავმჯდომარე აფხაზეთიდან დევნილ ვეტერანს, საქართველოს დამსახურებულ ბუღალტერს, 93 წლის ციქორი მარღანიას ოჯახში ეწვია. გიორგი ბარამიამ ქვეყნის წინაშე დამსახურებისთვის მას მადლობა გადაუხადა, ფაშიზმზე გამარჯვების დღე მიულოცა და საჩუქარი გადასცა.
,,მე მინდა მეორე მსოფლიო ომის ყველა ვეტერანს გამარჯვების დღე მივულოცო. მათ ხანგრძლივი სიცოცხლე, ხოლო აფხაზეთიდან დევნილ ვეტერანებს ჩვენთან ერთად აფხაზეთში დაბრუნება ვუსურვო," - განაცხადა გიორგი ბარამიამ.

აფხაზეთის მთავრობის თავმჯდომარისგან საჩუქრები და მისალოცი ბარათები აფხაზეთიდან დევნილმა 100-ზე მეტმა ვეტერანმა მთელი საქართველოს მასშტაბით მიიღო.

საქართველოს პრეზიდენტის ადმინისტრაციის მიწვევით, 9 აფხაზი ბავშვი პრეზიდენტის სასახლეს სტუმრობდა. ბავშვებს  ადმინისტრაციის წარმომადგენლობამ თბილი დახვედრა მოუწყო. მათთვის სპეციალური ექსკურსია ჩატარდა. აფხაზმა ბავშვებმა საქართველოს პრეზიდენტის სასახლე და კაბინეტი დაათვალიერეს. მოზარდებს  ფურშეტით გაუმასპინძლდნენ და სამახსოვრო საჩუქრები გადასცეს.

აფხაზი ბავშვები ოკუპირებული აფხაზეთიდან ოჯახებთან ერთად 2009 წელს გადმოვიდნენ და თბილისში დასახლდნენ.

საქართველოს პრეზიდენტის ადმინისტრაციის მიწვევით, 9 აფხაზი ბავშვი პრეზიდენტის სასახლეს სტუმრობდა. ბავშვებს  ადმინისტრაციის წარმომადგენლობამ თბილი დახვედრა მოუწყო. მათთვის სპეციალური ექსკურსია ჩატარდა. აფხაზმა ბავშვებმა საქართველოს პრეზიდენტის სასახლე და კაბინეტი დაათვალიერეს. მოზარდებს  ფურშეტით გაუმასპინძლდნენ და სამახსოვრო საჩუქრები გადასცეს.

აფხაზი ბავშვები ოკუპირებული აფხაზეთიდან ოჯახებთან ერთად 2009 წელს გადმოვიდნენ და თბილისში დასახლდნენ.

აფხაზეთის მთავრობის თავმჯდომარე გიორგი ბარამია გერმანიის ფედერაციული რესპუბლიკის ელჩს საქართველოში ორთვინ ჰენიგს შეხვდა.

აფხაზეთის მთავრობის თავმჯდომარე გერმანიის ელჩს ოკუპირებულ აფხაზეთში არსებულ მდგომარეობასა და იქ მიმდინარე პროცესებზე ესაუბრა. ყურადღება გაამახვილა ადამიანის უფლებების დარღვევის ფაქტებზე, ოკუპირებულ ტერიტორიაზე შექმნილ მძიმე სოციალურ-ეკონომიკურ ვითარებასა და აფხაზეთში მიმდინარე მილიტარიზაციის პროცესებზე.
შეხვედრაზე, მთავრობის თავმჯდომარემ უცხოელ დიპლომატს აფხაზეთის მთავრობის საქმიანობის შესახებ, კერძოდ, ჯანდაცვისა და განათლების სფეროში განხორციელებულ პროექტებზე ინფორმაცია მიაწოდა.

გიორგი ბარამიამ ორთვინ ჰენიგს აფხაზეთის მთავრობის ხედვა გააცნო და ისაუბრა კონფლიქტის დარეგულირების სამ ძირითად მიმართულებაზე, როგორიცაა სახალხო დიპლომატია, უსაფრთხოების  ახალი მექანიზმების შემუშავება და ინფორმაციული ვაკუუმის გარღვევა.

გერმანიის ელჩმა კიდევ ერთხელ  გამოხატა გერმანიის ფედერაციული რესპუბლიკის მხარდაჭერა საქართველოს ტერიტორიული მთლიანობისადმი.
,,მე მქონდა ძალიან ხანგრძლივი და საინტერესო შეხვედრა გიორგი ბარამიასთან. ჩვენ ვისაუბრეთ აფხაზეთში არსებულ ვითარებაზე. მე ვიტყვი ერთს, რომ საქართველოსა და გერმანიას შორის შეიძლება პარალელების გავლება. ქვეყანა ხელოვნურად არ შეიძლება  იყოს გაყოფილი. ჩემი სურვილია კონფლიქტი სწრაფად დარეგულირდეს და   ქართველმა და აფხაზმა ხალხმა კვლავ შესძლონ  თანაცხოვრება", - განაცხადა შეხვედრის დასასრულს გერმანიის ელჩმა.

გიორგი ბარამიამ ორთვინ ჰენიგს აფხაზეთში არსებული ვითარებით დაინტერესებისათვის მადლობა გადაუხადა.

აფხაზეთის მთავრობის თავმჯდომარე გიორგი ბარამია გერმანიის ფედერაციული რესპუბლიკის ელჩს საქართველოში ორთვინ ჰენიგს შეხვდა.

აფხაზეთის მთავრობის თავმჯდომარე გერმანიის ელჩს ოკუპირებულ აფხაზეთში არსებულ მდგომარეობასა და იქ მიმდინარე პროცესებზე ესაუბრა. ყურადღება გაამახვილა ადამიანის უფლებების დარღვევის ფაქტებზე, ოკუპირებულ ტერიტორიაზე შექმნილ მძიმე სოციალურ-ეკონომიკურ ვითარებასა და აფხაზეთში მიმდინარე მილიტარიზაციის პროცესებზე.
შეხვედრაზე, მთავრობის თავმჯდომარემ უცხოელ დიპლომატს აფხაზეთის მთავრობის საქმიანობის შესახებ, კერძოდ, ჯანდაცვისა და განათლების სფეროში განხორციელებულ პროექტებზე ინფორმაცია მიაწოდა.

გიორგი ბარამიამ ორთვინ ჰენიგს აფხაზეთის მთავრობის ხედვა გააცნო და ისაუბრა კონფლიქტის დარეგულირების სამ ძირითად მიმართულებაზე, როგორიცაა სახალხო დიპლომატია, უსაფრთხოების  ახალი მექანიზმების შემუშავება და ინფორმაციული ვაკუუმის გარღვევა.

გერმანიის ელჩმა კიდევ ერთხელ  გამოხატა გერმანიის ფედერაციული რესპუბლიკის მხარდაჭერა საქართველოს ტერიტორიული მთლიანობისადმი.
,,მე მქონდა ძალიან ხანგრძლივი და საინტერესო შეხვედრა გიორგი ბარამიასთან. ჩვენ ვისაუბრეთ აფხაზეთში არსებულ ვითარებაზე. მე ვიტყვი ერთს, რომ საქართველოსა და გერმანიას შორის შეიძლება პარალელების გავლება. ქვეყანა ხელოვნურად არ შეიძლება  იყოს გაყოფილი. ჩემი სურვილია კონფლიქტი სწრაფად დარეგულირდეს და   ქართველმა და აფხაზმა ხალხმა კვლავ შესძლონ  თანაცხოვრება", - განაცხადა შეხვედრის დასასრულს გერმანიის ელჩმა.

გიორგი ბარამიამ ორთვინ ჰენიგს აფხაზეთში არსებული ვითარებით დაინტერესებისათვის მადლობა გადაუხადა.

28 აპრილს, ბრწყინვალე შვიდეულის ხუთშაბათს, აფხაზეთის მთავრობის თავმჯდომარემ გიორგი ბარამიამ საქართველოში ჩამოაბრძანა ათონის წმინდა მთაზე დაწერილი ივერიის  ყოვლადწმინდა ღვთისმშობლის (პორტაიტისას) ახალი ხატი, როგორც მფარველი აფხაზთა და ქართველთა ერთობისა. ხატის დაწერის სურვილი, რომელიც გასულ წელს გაჩნდა, უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა ილია II-მ აკურთხა.

საქართველოში ხატის ჩამობრძანებასთან დაკავშირებით თბილისის აეროპორტში შეკრებილი მრევლი, აფხაზეთიდან დევნილი მოსახლეობა ბორჯომისა და ბაკურიანის მიტროპოლიტმა სერაფიმემ ასეთი სიტყვებით ანუგეშა: ,,ღვთისმშობელმა მოგვცა ასეთი კურთხევა და იმედი, რომ ნუ გეშინიათ ქართველნო, ნუ გეშინიათ აფხაზებო, მე მალე გაგაერთიანებთ.... ღვთისმშობლის სიყვარული კიდევ ერთხელ მფარველობს ჩვენს ცოდვილ ერს, კურნავს მას, პატიებს ბევრ შეცდომას და ამიერიდან ამ ხატის ჩამობრძანება კონკრეტულად აფხაზეთისთვის, ნიშნავს პირველ მერცხალს".

აფხაზეთის მთავრობის თავმჯდომარის გიორგი ბარამიას თქმით, ქართველებსა და აფხაზებს ბოლო ოცი წლის განმავლობაში ერთობლივად არაფერი არ შეუქმნიათ.

,,ეს იდეა, ერთად დაგვეწერა ივერიის ყოვლადწმინდა ღვთისმშობლის ხატი, ჩვენ განვახორციელეთ ათონის წმინდა მთაზე. დღეს ჩვენ ვიმყოფებით საქართველოს დედაქალაქში, თბილისში და მე დარწმუნებული ვარ, რომ უახლოეს მომავალში ეს ხატი თავის ადგილსამყოფელს აფხაზეთში ჰპოვებს. დადგება  დრო, როცა ქართველები და აფხაზები ამ ხატთან ერთად ვილოცებთ", - აღნიშნა გიორგი ბარამიამ.

ათონელი ბერების უდიდესი მადლითა და სიყვარულით შექმნილი ეს სიწმინდე მრევლმა აეროპორტიდან სამების წმინდა საკათედრო ტაძარში წააბრძანა, სადაც ღვთისმშობლისადმი პარაკლისი აღავლინა უწმინდესმა და უნეტარესმა, სრულიდ საქართველოს კათოლიკოს-პატრიარქმა, ბიჭვინთისა და ცხუმ-აფხაზეთის მიტროპოლიტმა ილია II-მ.

,,დღეს ჩვენთვის დიდი სიხარულია, - ბრძანა პატრიარქმა, - ბატონმა გია ბარამიამ ჩამოგვიბრძანა ახალი ხატი, რომელიც არის მფარველი სრულიად საქართველოსი და აფხაზეთის ­­­­- ამ საქართველოში შემავალი, მე ვფიქრობ, რომ ისტორიის მანძილზე არ ყოფილა ისეთი პერიოდი, რომ ამდენი მშენებლობა ყოფილიყო ტაძრების და ამდენი ხატწერა ყოფილიყო. ეს  ნიშნავს, რომ ღმერთი მოწყალეა და ჩვენთან არს და ჩვენი მწყალობელია . უფალმა შეისმინოს ქართველთა და აფხაზთა ლოცვები და შეარიგოს ეს ორი ერი ერთმანეთს. გფარავდეთ ბიჭვინთის ღვთისმშობელი ''.

28 აპრილს, ბრწყინვალე შვიდეულის ხუთშაბათს, აფხაზეთის მთავრობის თავმჯდომარემ გიორგი ბარამიამ საქართველოში ჩამოაბრძანა ათონის წმინდა მთაზე დაწერილი ივერიის  ყოვლადწმინდა ღვთისმშობლის (პორტაიტისას) ახალი ხატი, როგორც მფარველი აფხაზთა და ქართველთა ერთობისა. ხატის დაწერის სურვილი, რომელიც გასულ წელს გაჩნდა, უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა ილია II-მ აკურთხა.

საქართველოში ხატის ჩამობრძანებასთან დაკავშირებით თბილისის აეროპორტში შეკრებილი მრევლი, აფხაზეთიდან დევნილი მოსახლეობა ბორჯომისა და ბაკურიანის მიტროპოლიტმა სერაფიმემ ასეთი სიტყვებით ანუგეშა: ,,ღვთისმშობელმა მოგვცა ასეთი კურთხევა და იმედი, რომ ნუ გეშინიათ ქართველნო, ნუ გეშინიათ აფხაზებო, მე მალე გაგაერთიანებთ.... ღვთისმშობლის სიყვარული კიდევ ერთხელ მფარველობს ჩვენს ცოდვილ ერს, კურნავს მას, პატიებს ბევრ შეცდომას და ამიერიდან ამ ხატის ჩამობრძანება კონკრეტულად აფხაზეთისთვის, ნიშნავს პირველ მერცხალს".

აფხაზეთის მთავრობის თავმჯდომარის გიორგი ბარამიას თქმით, ქართველებსა და აფხაზებს ბოლო ოცი წლის განმავლობაში ერთობლივად არაფერი არ შეუქმნიათ.

,,ეს იდეა, ერთად დაგვეწერა ივერიის ყოვლადწმინდა ღვთისმშობლის ხატი, ჩვენ განვახორციელეთ ათონის წმინდა მთაზე. დღეს ჩვენ ვიმყოფებით საქართველოს დედაქალაქში, თბილისში და მე დარწმუნებული ვარ, რომ უახლოეს მომავალში ეს ხატი თავის ადგილსამყოფელს აფხაზეთში ჰპოვებს. დადგება  დრო, როცა ქართველები და აფხაზები ამ ხატთან ერთად ვილოცებთ", - აღნიშნა გიორგი ბარამიამ.

ათონელი ბერების უდიდესი მადლითა და სიყვარულით შექმნილი ეს სიწმინდე მრევლმა აეროპორტიდან სამების წმინდა საკათედრო ტაძარში წააბრძანა, სადაც ღვთისმშობლისადმი პარაკლისი აღავლინა უწმინდესმა და უნეტარესმა, სრულიდ საქართველოს კათოლიკოს-პატრიარქმა, ბიჭვინთისა და ცხუმ-აფხაზეთის მიტროპოლიტმა ილია II-მ.

,,დღეს ჩვენთვის დიდი სიხარულია, - ბრძანა პატრიარქმა, - ბატონმა გია ბარამიამ ჩამოგვიბრძანა ახალი ხატი, რომელიც არის მფარველი სრულიად საქართველოსი და აფხაზეთის ­­­­- ამ საქართველოში შემავალი, მე ვფიქრობ, რომ ისტორიის მანძილზე არ ყოფილა ისეთი პერიოდი, რომ ამდენი მშენებლობა ყოფილიყო ტაძრების და ამდენი ხატწერა ყოფილიყო. ეს  ნიშნავს, რომ ღმერთი მოწყალეა და ჩვენთან არს და ჩვენი მწყალობელია . უფალმა შეისმინოს ქართველთა და აფხაზთა ლოცვები და შეარიგოს ეს ორი ერი ერთმანეთს. გფარავდეთ ბიჭვინთის ღვთისმშობელი ''.

აფხაზეთის ავტონომიური რესპუბლიკის მთავრობის თავმჯდომარე გიორგი ბარამია აფხაზეთის კარატე ფედერაციის თავმჯდომარედ აირჩიეს. გადაწყვეტილება საქართველოს საბრძოლო ხელოვნებათა კონფედერაციის მიერ იქნა მიღებული. აფხაზეთის ლეგიტიმური კარატე ფედერაცია ოფიციალურად 20 აპრილს დაფუძნდა.

მსოფლიოს კარატეს ფედერაციის (WKF) გადაწყვეტილებით, გიორგი ბარამიას საპატიო მესამე დანი მიენიჭა. შესაბამისი დიპლომი და ,,შავი ქამარი"  აფხაზეთის მთავრობის თავმჯდომარეს, საქართველოს საბრძოლო ხელოვნებათა კონფედერაციის პრეზიდენტმა კახა ბასილიამ გადასცა. გიორგი ბარამია ჯერ კიდევ სოხუმში აქტიურად ვარჯიშობდა კარატეში. აფხაზეთის მთავრობის თავმჯდომარე დარწმუნებულია, რომ სპორტი ქართველებისა და აფხაზების გასაერთიანებლად ერთ-ერთი საუკუთესო საშუალება იქნება.

უახლოს პერიოდში კარატეში აფხაზეთის თასის გათამაშება იგეგმება.

აფხაზეთის ავტონომიური რესპუბლიკის მთავრობის თავმჯდომარე გიორგი ბარამია აფხაზეთის კარატე ფედერაციის თავმჯდომარედ აირჩიეს. გადაწყვეტილება საქართველოს საბრძოლო ხელოვნებათა კონფედერაციის მიერ იქნა მიღებული. აფხაზეთის ლეგიტიმური კარატე ფედერაცია ოფიციალურად 20 აპრილს დაფუძნდა.

მსოფლიოს კარატეს ფედერაციის (WKF) გადაწყვეტილებით, გიორგი ბარამიას საპატიო მესამე დანი მიენიჭა. შესაბამისი დიპლომი და ,,შავი ქამარი"  აფხაზეთის მთავრობის თავმჯდომარეს, საქართველოს საბრძოლო ხელოვნებათა კონფედერაციის პრეზიდენტმა კახა ბასილიამ გადასცა. გიორგი ბარამია ჯერ კიდევ სოხუმში აქტიურად ვარჯიშობდა კარატეში. აფხაზეთის მთავრობის თავმჯდომარე დარწმუნებულია, რომ სპორტი ქართველებისა და აფხაზების გასაერთიანებლად ერთ-ერთი საუკუთესო საშუალება იქნება.

უახლოს პერიოდში კარატეში აფხაზეთის თასის გათამაშება იგეგმება.

აფხაზეთის მთავრობის თავმჯდომარემ გიორგი ბარამიამ სასტუმრო "Courtyard Marriott" - ში საქართველოში აკრედიტირებული დიპლომატიური კორპუსისა და საერთაშორისო ორგანიზაციებისთვის გამართა პრეზენტაცია თემაზე: ,,ოკუპირებული აფხაზეთი, საქართველო: წარსული და არსებული მდგომარეობა". აფხაზეთის ისტორიულ წარსულზე, ამ რეგიონის ოკუპაციასა და იქ ამჟამად არსებული ვითარების შესახებ საუბრისას გიორგი ბარამიამ აღნიშნა : ,,ჩვენს მთავარ მიზანს საქართველოს საბოლოო დეოკუპაციისათვის ეფექტური მექანიზმების შემუშავება და საერთაშორისო ორგანიზაციებთან თანამშრომლობის გაღრმავება წარმოადგენს".

პრეზენტაციაზე აფხაზეთის მთავრობის თავმჯდომარემ აფხაზეთში ეთნიკური წმენდის შედეგად შექმნილ რთულ დემოგრაფიულ ვითარებაზე, რეგიონის მილიტარიზაციაზე, ადამიანის უფლებების დარღვევებზე, კრიმინოგენულ სიტუაციასა და მძიმე სოციალურ-ეკონომიკურ მდგომარეობაზე გაამახვილა ყურადღება და შეეხო ოკუპირებულ ტერიტორიაზე არსებული კულტურული მემკვიდრეობის საკითხს: ,,აფხაზეთში ქართული ისტორიულ-კულტურული მემკვიდრეობის ძეგლების უკანონო რესტავრაცია მიზანმიმართულად დაიწყო, რაც აშკარად ქართული კვალის წაშლისკენაა მიმართული და რუსიფიკატორული პოლიტიკის ნაწილია". ამის ერთ-ერთ მაგალითად გიორგი ბარამიამ ილორის წმინდა გიორგის სახელობის ტაძარი დაასახელა.

აფხაზეთის მთავრობის თავმჯდომარემ აფხაზეთში მიმდინარე რთულ ეკოლოგიურ პროცესებზე საუბრისას აღნიშნა, რომ შექმნილი სიტუაცია ოკუპირებული ტერიტორიიდან ინერტული მასალებისა და უნიკალური ჯიშის ხე-ტყის უკანონო გატანით არის  გამოწვეული. გიორგი ბარამიამ დამსწრე საზოგადოებას მთავრობის საქმიანობის პრიორიტეტული მიმართულებების: ჯანდაცვის, განათლებისა და სახალხო დიპლომატიის სფეროში განხორციელებულ პროექტებზეც მიაწოდა ინფორმაცია.

ღონისძიების პარალელურად, სასტუმრო ,,Courtyard Marriott"-ის ფოიეში აფხაზეთის ომამდელი და ომისშემდგომი პერიოდის ამსახველი ფოტო-გამოფენა და ვიდეო ინსტალაცია მოეწყო. პრეზენტაციას საქართველოს პირველი ლედი სანდრა ელისაბედ რულოვსი, საქართველოს აღმასრულებელი და საკანონმდებლო ხელისუფლების წარმომადგენლები ესწრებოდნენ.

აფხაზეთის მთავრობის თავმჯდომარემ გიორგი ბარამიამ სასტუმრო "Courtyard Marriott" - ში საქართველოში აკრედიტირებული დიპლომატიური კორპუსისა და საერთაშორისო ორგანიზაციებისთვის გამართა პრეზენტაცია თემაზე: ,,ოკუპირებული აფხაზეთი, საქართველო: წარსული და არსებული მდგომარეობა". აფხაზეთის ისტორიულ წარსულზე, ამ რეგიონის ოკუპაციასა და იქ ამჟამად არსებული ვითარების შესახებ საუბრისას გიორგი ბარამიამ აღნიშნა : ,,ჩვენს მთავარ მიზანს საქართველოს საბოლოო დეოკუპაციისათვის ეფექტური მექანიზმების შემუშავება და საერთაშორისო ორგანიზაციებთან თანამშრომლობის გაღრმავება წარმოადგენს".

პრეზენტაციაზე აფხაზეთის მთავრობის თავმჯდომარემ აფხაზეთში ეთნიკური წმენდის შედეგად შექმნილ რთულ დემოგრაფიულ ვითარებაზე, რეგიონის მილიტარიზაციაზე, ადამიანის უფლებების დარღვევებზე, კრიმინოგენულ სიტუაციასა და მძიმე სოციალურ-ეკონომიკურ მდგომარეობაზე გაამახვილა ყურადღება და შეეხო ოკუპირებულ ტერიტორიაზე არსებული კულტურული მემკვიდრეობის საკითხს: ,,აფხაზეთში ქართული ისტორიულ-კულტურული მემკვიდრეობის ძეგლების უკანონო რესტავრაცია მიზანმიმართულად დაიწყო, რაც აშკარად ქართული კვალის წაშლისკენაა მიმართული და რუსიფიკატორული პოლიტიკის ნაწილია". ამის ერთ-ერთ მაგალითად გიორგი ბარამიამ ილორის წმინდა გიორგის სახელობის ტაძარი დაასახელა.

აფხაზეთის მთავრობის თავმჯდომარემ აფხაზეთში მიმდინარე რთულ ეკოლოგიურ პროცესებზე საუბრისას აღნიშნა, რომ შექმნილი სიტუაცია ოკუპირებული ტერიტორიიდან ინერტული მასალებისა და უნიკალური ჯიშის ხე-ტყის უკანონო გატანით არის  გამოწვეული. გიორგი ბარამიამ დამსწრე საზოგადოებას მთავრობის საქმიანობის პრიორიტეტული მიმართულებების: ჯანდაცვის, განათლებისა და სახალხო დიპლომატიის სფეროში განხორციელებულ პროექტებზეც მიაწოდა ინფორმაცია.

ღონისძიების პარალელურად, სასტუმრო ,,Courtyard Marriott"-ის ფოიეში აფხაზეთის ომამდელი და ომისშემდგომი პერიოდის ამსახველი ფოტო-გამოფენა და ვიდეო ინსტალაცია მოეწყო. პრეზენტაციას საქართველოს პირველი ლედი სანდრა ელისაბედ რულოვსი, საქართველოს აღმასრულებელი და საკანონმდებლო ხელისუფლების წარმომადგენლები ესწრებოდნენ.

აფხაზეთის ავტონომიური რესპუბლიკის მთავრობამ გიორგი შარვაშიძის სახელობის პრემიის მოსაპოვებლად კონკურსი გამოაცხადა. 
აფხაზეთის მთავრობის თავმჯდომარესთან არსებული გიორგი შარვაშიძის პრემია ენიჭება 2009-2011 წლებში ლიტერატურის, მეცნიერების, პუბლიცისტიკის, ხელოვნებისა და არქიტექტურის დარგებში შექმნილ ნაწარმოებებს, რომლებმაც საერთო ეროვნული აღიარება მოიპოვეს.
აფხაზეთის მთავრობის თავმჯდომარის განცხადებით, გიორგი შარვაშიძის სახელობის პრემია  აფხაზეთის მთავრობის უმაღლესი ჯილდოა. კონკურსში გამარჯვებულებს მიენიჭებათ ,,გიორგი შარვაშიძის სახელობის პრემიის ლაურეატის" წოდება, გადაეცემათ ლაურეატის დიპლომი და ფულადი ჯილდო.
,,გიორგი შარვაშიძე, ეროვნებით აფხაზი, აფხაზეთის უკანასკნელი მთავრის, მიხეილ შარვაშიძის შვილია. იგი 1846-1918 წლებში მოღვაწეობდა, ბრწყინვალედ იცნობდა საქართველოს კულტურულ მემკვიდრეობას, აფხაზეთის ისტორიასა და ფოლკლორს, იღწვოდა ეროვნული თვითმყოფადობისა და საერთო ეროვნული ფასეულობების განვითარებისათვის. თავის პუბლიცისტურ ნაწარმოებებში, ილია ჭავჭავაძისა და აკაკი წერეთლის თანამოაზრე, რუსული იმპერიალიზმის წინააღმდეგ ილაშქრებდა და ქართველებისა და აფხაზების ერთობას ქადაგებდა,''- განაცხადა გიორგი ბარამიამ.
კონკურსში გამარჯვებულებს სპეციალური კომისია 2011 წლის 23 ნოემბერს გამოავლენს. განცხადებები მიიღება აფხაზეთის განათლებისა და კულტურის სამინისტროში 1 ივნისამდე. კონკურსის პირობები შეგიძლიათ იხილოთ სამინისტროს ვებ-გვერდზე.

აფხაზეთის ავტონომიური რესპუბლიკის მთავრობამ გიორგი შარვაშიძის სახელობის პრემიის მოსაპოვებლად კონკურსი გამოაცხადა. 
აფხაზეთის მთავრობის თავმჯდომარესთან არსებული გიორგი შარვაშიძის პრემია ენიჭება 2009-2011 წლებში ლიტერატურის, მეცნიერების, პუბლიცისტიკის, ხელოვნებისა და არქიტექტურის დარგებში შექმნილ ნაწარმოებებს, რომლებმაც საერთო ეროვნული აღიარება მოიპოვეს.
აფხაზეთის მთავრობის თავმჯდომარის განცხადებით, გიორგი შარვაშიძის სახელობის პრემია  აფხაზეთის მთავრობის უმაღლესი ჯილდოა. კონკურსში გამარჯვებულებს მიენიჭებათ ,,გიორგი შარვაშიძის სახელობის პრემიის ლაურეატის" წოდება, გადაეცემათ ლაურეატის დიპლომი და ფულადი ჯილდო.
,,გიორგი შარვაშიძე, ეროვნებით აფხაზი, აფხაზეთის უკანასკნელი მთავრის, მიხეილ შარვაშიძის შვილია. იგი 1846-1918 წლებში მოღვაწეობდა, ბრწყინვალედ იცნობდა საქართველოს კულტურულ მემკვიდრეობას, აფხაზეთის ისტორიასა და ფოლკლორს, იღწვოდა ეროვნული თვითმყოფადობისა და საერთო ეროვნული ფასეულობების განვითარებისათვის. თავის პუბლიცისტურ ნაწარმოებებში, ილია ჭავჭავაძისა და აკაკი წერეთლის თანამოაზრე, რუსული იმპერიალიზმის წინააღმდეგ ილაშქრებდა და ქართველებისა და აფხაზების ერთობას ქადაგებდა,''- განაცხადა გიორგი ბარამიამ.
კონკურსში გამარჯვებულებს სპეციალური კომისია 2011 წლის 23 ნოემბერს გამოავლენს. განცხადებები მიიღება აფხაზეთის განათლებისა და კულტურის სამინისტროში 1 ივნისამდე. კონკურსის პირობები შეგიძლიათ იხილოთ სამინისტროს ვებ-გვერდზე.

საქართველოს სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში, ვიცე-პრემიერი  გიორგი ბარამიძე აფხაზეთის მთავრობის თავმჯდომარეს, გიორგი ბარამიას და უმაღლესი საბჭოს წარმომადგენლებს შეხვდა. ვიცე-პრემიერმა ისაუბრა რუსეთ-საქართველოს ურთიერთობებზე, ქვეყნის მშვიდობიანი გზით დეოკუპაციისა და გამთლიანების პერსპექტივებზე.  ასევე, საქართველოს ნატო-ში ინტეგრაციასა და  ევროკავშირის სამეზობლო პოლიტიკის სამოქმედო გეგმის წარმატებით შესრულებაზე.
,,რუსეთთან თანამშრომლობა შესაძლებელია მხოლოდ იმ შემთხვევაში, თუ კრემლი საქართველოს სუვერენიტეტს, ტერიტორიულ მთლიანობასა და  არჩევანის თავისუფლებას აღიარებს. რაც იმას ნიშნავს, რომ საქართველო თავად ირჩევს საშინაო და საგარეო პოლიტიკურ კურსს.  პოლიტიკური დიალოგი ორივე სახელმწიფოსათვის უაღრესად მნიშვნელოვანია, რადგან ორივე ქვეყანას საერთო ინტერესები გააჩნია,"- აღნიშნა გიორგი ბარამიძემ.
შეხვედრაზე, აფხაზეთის მთავრობის თავმჯდომარემ გიორგი ბარამიამ  საქართველოს ნატო-ში გაწევრიანების მნიშვნელობაზეც ისაუბრა და აღნიშნა, რომ ოკუპირებულ აფხაზეთში მცხოვრები მოსახლეობა ინფორმაციულ ვაკუუმს განიცდის. 
„აუცილებელია ამ მიმართულებით საზოგადოების ინფორმირება, რათა მათ ჩრდილოატლანტიკური ალიანსის შესახებ რეალური წარმოდგენა შეექმნათ. ცენტრალურ მთავრობასთან ინტენსიურად უნდა იმართებოდეს მსგავსი შეხვედრები. ჩვენ ყოველთვის მზად ვართ თანამშრომლობისათვის. ოკუპირებულ ტერიტორიაზე მცხოვრები ქართული მოსახლეობა აქტიურად უნდა ჩავრთოთ საქართველოში მიმდინარე პროცესებში.  ნათელი გახდა, რომ რუსეთს აფხაზეთში მცხოვრებთა  ბედი არ აღელვებს და ამ რეგიონში მას  მხოლოდ  გეოპოლიტიკური  ინტერესი ამოძრავებს," - განაცხადა გიორგი ბარამიამ.
დასასრულს შეხვედრა კითხვა-პასუხის რეჟიმში წარიმართა. აფხაზეთის მთავრობის წარმომადგენლების მიერ დასმულ შეკითხვებს, საქართველოს ვიცე-პრემიერმა  ამომწურავად უპასუხა.