აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრმა სამინისტროს 2025 წლის საქმიანობის ანგარიში წარადგინა.

ბესიკ კუსიდიმ მოხსენებაში ყურადღება გაამახვილა იმ პროგრამებსა და პროექტებზე, რომელიც აფხაზეთიდან დევნილი და ოკუპირებულ ტერიტორიაზე მცხოვრები მოსახლეობის საჭიროებებიდან გამომდინარე მიმდინარე წელს განხორციელდა. მოხსენების ფარგლებში, მინისტრმა ასევე სამინისტროს 2026 წლის გეგმები წარადგინა.

ღონისძიებაზე მისასალმებელი სიტყვით აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე წარდგა, რომელმაც სამინისტროს პროგრამული ნაწილის დაფინანსების უპრეცედენტო ზრდასა და საქართველოს მთავრობის ხელშეწყობით ჯანდაცვის მიმართულებით სამომავლოდ დაგეგმილ სიახლეებზე ისაუბრა.

ღონისძიების ბოლოს აფხაზეთის მთავრობის თავმჯდომარემ და ჯანდაცვის მინისტრმა აფხაზეთიდან დევნილი და ოკუპირებულ ტერიტორიაზე მცხოვრები მოქალაქეების ჯანმრთელობაზე ზრუნვის საქმეში შეტანილი განსაკუთრებული და უანგარო წვლილისთვის პარტნიორი კლინიკებისა და ორგანიზაციების წარმომადგენლები მადლობის სიგელებით დააჯილდოვეს.

ანგარიშს საქართველოს პარლამენტის პირველი ვიცე-სპიკერი გიორგი ვოლსკი, აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ნინო ნიჟარაძე, საქართველოს საკანონმდებლო და აღმასრულებელი ხელისუფლების წარმომადგენლები, აფხაზეთის მთავრობის წევრები, უმაღლესი საბჭოს დეპუტატები და ჯანდაცვის სფეროს წარმომადგენლები ესწრებოდნენ.

აფხაზეთის ავტონომიური რესპუბლიკის განათლებისა და კულტურის მინისტრმა ბექა ღავჩლიანმა, ნიკოლოზ თაბუკაშვილის სახელობის პრემიის ლაურეატები დააჯილდოვა.

მინისტრმა ღონისძებაზე მოწვეულ სტუმრებს სიტყვით მიმართა და ნიკოლოზ თაბუკაშვილის მოღვაწეობასა და პრემიის მნიშვნელობაზე ისაუბრა.

ღონისძიებაზე ნიკოლოზ თაბუკაშვილის პრემიის სამი გამარჯვებული გამოვლინდა: I ადგილი - ელდარ ქევშბაია, II ადგილი - ავთანდილ შენგელია, III ადგილი - არჩილ ბლუაშვილი. მათ სახვითი ხელოვნების დარგში შეტანილი განსაკუთრებული წვლილისთვის, გამარჯვებულის დიპლომი და ფულადი ჯილდო გადაეცათ.

ღონისძიებას აფხაზეთის მთავრობის, აფხაზეთის უმაღლესი საბჭოს, მხატვართა კავშირისა და კულტურის სფეროს წარმომადგენლები ესწრებოდნენ.

აფხაზეთის ავტონომიური რესპუბლიკის უმაღლესი საბჭოს ორგანიზებით, სოხუმის დრამატულ თეატრში ცნობილი სახელმწიფო და საზოგადო მოღვაწის ოთარ ზუხბაიას 85 წლისთავისადმი მიძღვნილი ხსოვნის საღამო გაიმართა.

ღონისძიებას აფხაზეთის ავტონომიური რესპუბლიკის უმაღლესი საბჭოს დეპუტატი ვახტანგ ყოლბაია უძღვებოდა.

საღამოზე სიტყვით აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის უმაღლესი საბჭოს თავმჯდომარე ჯემალ გამახარია და საქართველოს პარლამენტის თავმჯდომარის პირველი მოადგილე გიორგი ვოლსკი წარდგნენ, რომლებმაც ოთარ ზუხბაიას მოღვაწეობასა და მის დამსახურებებზე ისაუბრეს.

საღამოზე ნაჩვენები იყო ოთარ ზუხბაიას ცხოვრებისა და მოღვაწეობის ამსახველი დოკუმენტური ფილმები.

ღონისძიებას აფხაზეთის ავტონომიური რესპუბლიკის მთავრობის წევრები, უმაღლესი საბჭოს დეპუტატები, აკადემიური წრეების წარმომადგენლები და ოთარ ზუხბაიას ოჯახის წევრები ესწრებოდნენ.

ოთარ ზუხბაია 1987-1989 წლებში იყო აფხაზეთის ავტონომიური რესპუბლიკის მინისტრთა საბჭოს თავმჯდომარე. 1991-1995 წლებში იკავებდა საქართველოს მეცნიერებათა აკადემიის პრეზიდენტის მოადგილის თანამდებობას, ხოლო 1992-1995 წლებში იყო საქართველოს მე-3 მოწვევის პარლამენტის წევრი.

აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი თავისუფალ ჭიდაობაში დამსახურებული მწვრთნელის ზური ქალდანის სახელობის თასის გათამაშებას დაესწრო და გამარჯვებულები დააჯილდოვა.

ტურნირში საქართველოს სხვადასხვა რეგიონიდან მოწვეულმა 250-მდე ახალგაზრდამ მიიღო მონაწილეობა, მათ შორის აფხაზეთიდან დევნილმა სპორტსმენებმა.

აფხაზეთის ღია პირველობა თავისუფალ ჭიდაობაში სხვადასხვა წონით კატეგორიაში გაიმართა, სადაც პრიზიორები და ჩემპიონები გამოვლინდნენ.

ღონისძიება აფხაზეთის კულტურის სპორტის და ახალგაზრდულ საქმეთა სააგენტოს ორგანიზებით და აფხაზეთის მთავრობის  მხარდაჭერით, თბილისის მერიის მრავალფუნქციურ სპორტულ ცენტრში გაიმართა, რომელიც მიზნად ისახავს ახალგაზრდა სპორტსმენების განვითარებას და ჯანსაღი ცხოვრების წესის პოპულარიზაციას.

სპორტულ ღონისძიებას აფხაზეთის განათლებისა და კულტურის სამინისტროს, თბილისის მერიის, აფხაზეთის კულტურის სპორტის და ახალგაზრდულ საქმეთა სააგენტოს და სპორტის სფეროს წარმომადგენლები ესწრებოდნენ.

აფხაზეთის ავტონომიური რესპუბლიკის უმაღლესი საბჭოს ორგანიზებით, სოხუმის დრამატული თეატრში ცნობილი სახელმწიფო და საზოგადო მოღვაწის ოთარ ზუხბაიას 85 წლისთავისადმი მიძღვნილი ხსოვნის საღამო გაიმართა.

ღონისძიებას აფხაზეთის ავტონომიური რესპუბლიკის უმაღლესი საბჭოს დეპუტატი ვახტანგ ყოლბაია უძღვებოდა.

საღამოზე სიტყვით აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის უმაღლესი საბჭოს თავმჯდომარე ჯემალ გამახარია და საქართველოს პარლამენტის თავმჯდომარის პირველი მოადგილე გიორგი ვოლსკი წარდგნენ, რომლებმაც ოთარ ზუხბაიას მოღვაწეობასა და მის დამსახურებებზე ისაუბრეს.

საღამოზე ნაჩვენები იყო ოთარ ზუხბაიას ცხოვრებისა და მოღვაწეობის ამსახველი დოკუმენტური ფილმები.

ღონისძიებას აფხაზეთის ავტონომიური რესპუბლიკის მთავრობის წევრები, უმაღლესი საბჭოს დეპუტატები, აკადემიური წრეების წარმომადგენლები და ოთარ ზუხბაიას ოჯახის წევრები ესწრებოდნენ.

ოთარ ზუხბაია 1987-1989 წლებში იყო აფხაზეთის ავტონომიური რესპუბლიკის მინისტრთა საბჭოს თავმჯდომარე. 1991-1995 წლებში იკავებდა საქართველოს მეცნიერებათა აკადემიის პრეზიდენტის მოადგილის თანამდებობას, ხოლო 1992-1995 წლებში იყო საქართველოს მე-3 მოწვევის პარლამენტის წევრი.

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის იუსტიციისა და სამოქალაქო ინტეგრაციის მინისტრ ალიონა ჩხოტუასთან ერთად, თბილისის ტექნოპარკში, საჯარო ლექციას „ადამიანის უფლებები და ხელოვნური ინტელექტი: გამოწვევები და სამართლებრივი ასპექტები“ დაესწრო.

აფხაზეთიდან დევნილი სტუდენტებისთვის ლექცია საქართველოს განათლების, მეცნიერებისა და ახალგაზრდობის მინისტრის მოადგილემ, ხელოვნური ინტელექტის მიმართულებით ექსპერტმა, პროფესორმა ზვიად გაბისონიამ წაიკითხა.

ლექციის ფარგლებში, ყურადღება გამახვილდა ადამიანის უფლებების დაცვის საერთაშორისო სტანდარტებსა და იმ გამოწვევებზე, რომლებიც ხელოვნური ინტელექტის სწრაფ განვითარებას მოჰყვა. მოხსენების შემდეგ თემის ირგვლივ, ახალგაზრდების მონაწილეობით დისკუსია გაიმართა.

შეხვედრას საქართველოს ინოვაციების და ტექნოლოგიების სააგენტოს თავმჯდომარე ავთანდილ კასრაძე ესწრებოდა.

ღონისძიება აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს ინიციატივითა და აფხაზეთის მთავრობის თავმჯდომარის მხარდაჭერით გაიმართა.

სოხუმის კონსტანტინე გამსახურდიას სახელობის სახელმწიფო დრამატული თეატრის სცენაზე გურამ ოდიშარიას სცენარით შექმნილი სპექტაკლი „სასწაულის მოლოდინში“ დაიდგა.

საპრემიერო წარმოდგენას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის უმაღლესი საბჭოს თავმჯდომარე ჯემალ გამახარიასთან, აფხაზეთის მთავრობის წევრებთან და უმაღლესი საბჭოს დეპუტატებთან ერთად დაესწრო.

„ეს სპექტაკლი კიდევ ერთხელ აღწერს და ადასტურებს იმას, რომ ქართულ-აფხაზური კულტურა არის ერთიანი. მე ძალიან დიდი იმედი მაქვს და მჯერა, რომ ის ერთობა და ურთიერთპატივისცემა, რაც წლების მანძილზე იყო ქართველებსა და აფხაზებს შორის აუცილებლად მშვიდობით იქნება მიღწეული“, - განაცხადა გიორგი ჯინჭარაძემ.

რეჟისორ გიორგი კაშიას სპექტაკლში წარმოდგენილია ორი, 80 წელს მიღწეული ქართველი და აფხაზი მეგობრის ამბავი, რომლებიც ხანგრძლივი განშორების შემდეგ კვლავ სოხუმში ხვდებიან. ისინი იხსენებენ განვლილ წლებს, ახალგაზრდობასა და კონფლიქტამდე ცხოვრებას.

სპექტაკლი წარმოადგენს ერთგვარ შემოქმედებით ზრუნვას, რომელიც მიზნად ისახავს ქართველებსა და აფხაზებს შორის შეიარაღებული კონფლიქტის შედეგად გაწყვეტილი კავშირების აღდგენას.