სტაჟირება უმაღლესი სახელოვნებო სასწავლებლების სტუდენტებისათვის

აფხაზეთიდან დევნილი, ხელოვნების ნიჭით გამორჩეული უმაღლესი საგანმანათლებლო დაწესებულების სტუდენტებისა და კურსდამთავრებულების პროფესიული უნარების განვითარების, პრაქტიკული გამოცდილების მიღებისა და მათი შემოქმედებითი პოტენციალის გამოვლენის ხელშეწყობის მიზნით ცხადდება 4 (ოთხი) თვიანი, ანაზღაურების გარეშე სტაჟირება აფხაზეთის შემოქმედებით კოლექტივებში:

• სსიპ აფხაზეთის სიმღერისა და ცეკვის სახელმწიფო აკადემიური ანსამბლი ,,აფხაზეთი“;
• სსიპ გურამ ყურაშვილის სახელობის აფხაზეთის სახელმწიფო საგუნდო კაპელა;
• სსიპ სოხუმის კონსტანტინე გამსახურდიას სახელობის პროფესიული სახელმწიფო დრამატული თეატრი;
• სსიპ გიორგი რატიანის სახელობის სოხუმის მოზარდ-მაყურებელთა პროფესიული სახელმწიფო თეატრი;
• ა(ა)იპ აფხაზეთის სიმღერის სახელმწიფო ანსამბლი „შავნაბადა“.

ქვეპროგრამით განსაზღვრული სამიზნე ჯგუფი

ხელოვნების სფეროში გამორჩეული ნიჭისა და მიღწევების მქონე:

• აფხაზეთიდან დევნილი, ავტორიზებული უმაღლესი საგანმანათლებლო დაწესებულებების აკრედიტებული საბაკალავრო, სამაგისტრო სახელოვნებო პროგრამების სტუდენტები;
• აფხაზეთიდან დევნილი, სახელოვნებო უმაღლესი სასწავლებლის კურსდამთავრებულები, სწავლის დასრულებიდან 1 წლის განმავლობაში.

ქვეპროგრამით განსაზღვრული საჭირო დოკუმენტაცია:

• განცხადება;
• პირადობისა და აფხაზეთიდან იძულებით გადაადგილებული პირის მოწმობის ასლი;
• რეკომენდაცია უმაღლესი სახელოვნებო დაწესებულებიდან (თუ განმცხადებელს დასრულებული აქვს სწავლა 1 წლის განმავლობაში რეკომენდაციის ნაცვლად საჭიროა შესაბამისი დიპლომის ასლი);
• სამოტივაციო წერილი;
• ფესტივალებში, კონკურსებში, ვოქშოფებსა და სხვადასხვა სახელოვნებო პროექტებში მონაწილეობის დამადასტურებელი დოკუმენტები, დიპლომები, ჯილდოები ან/და ნებისმიერი სახის ინფორმაცია/დოკუმენტაცია ან და სხვა მასალა, რომელიც წარმოაჩენს განმცხადებლის უნარებსა და შესაძლებლობებს სახელოვნებო/შემოქმედებითი მიმართულებით (ასეთის არსებობის შემთხვევაში).

განაცხადების მიღება 2026  წლის 30 ივლისიდან 15 სექტემბრის ჩათვლით გაგრძელდება. 

მისამართი: ქ. თბილისი, დ. უზნაძის ქ. №68; სამუშაო საათები: 10:00 საათიდან 18:00 საათამდე, შაბათ-კვირის გარდა.

ელექტრონული ფორმით განაცხადის შევსება შესაძლებელია აფხაზეთის ავტონომიური რესპუბლიკის მთავრობის ერთიან ელექტრონულ პორტალზე. 

დამატებითი კითხვების შემთხვევაში დაუკავშირდით საკონტაქტო პირს, სალომე თორიას ნომერზე: 577 34 85 34