გამოფენას საქართველოს მხატვართა კავშირის თავმჯდომარე გურამ ცერცვაძე უძღვებოდა, რომელმაც დავით ბაძაღუა, საქართველოს მხატვართა კავშირის სახელით, გიორგი შარვაშიძის სახელობის სახელმწიფო პრემიაზე წარადგინა.

გამოფენაზე სიტყვით გამოვიდნენ და დავით ბაძაღუას გამოფენაზე წარმოდგენილ ნამუშევრებსა და საერთოდაც, მის შემოქმედებაზე ისაუბრეს საქართველოს სახალხო მხატვარმა, სამხატვრო აკადემიის პროფესორმა რადიშ თორდიამ, ხელოვნებათმცოდნემ ქეთევან ახობაძემ, აფხაზეთის ავტონომიური რესპუბლიკის უმაღლესი საბჭოს თავმჯდომარის მოადგილემ დავით გვაძაბიამ, აფხაზეთის ა/რ უმაღლესი საბჭოს დეპუტატმა გია გვაზავამ, აფხაზეთის კულტურისა და ხელოვნების ცენტრის დირექტორმა ირმა ირემაძემ, მწერალმა ნანა ქარდავამ და სხვ.

გამოფენას აფხაზეთის ავტონომიური რესპუბლიკის განათლებისა და კულტურის მინისტრი როლანდ ნიჟარაძე, აფხაზეთის ავტონომიური რესპუბლიკის უმაღლესი საბჭოს დეპუტატი ვახტანგ ყოლბაია, გიორგი შარვაშიძის სახელობის სახელმწიფო პრემიის კომისიის წევრები, კულტურისა და ხელოვნების სფეროს წარმომადგენლები ესწრებოდნენ.

ტრენინგის ბოლოს მისი მონაწილეები აფხაზეთის ავტონომიური რესპუბლიკის განათლებისა და კულტურის მინისტრის მთავარმა მრჩეველმა მალხაზ კორძახიამ და ამავე სამინისტროს, სპორტისა და ახალგაზრდულ საქმეთა სამსახურის უფროსმა ვიტალი ბენდელიანმა სერტიფიკატებით დააჯილდოვეს.

წლეულს ქვეპროგრამის პროფესიათა ჩამონათვალი გაფართოვდა. კერძოდ, აფხაზეთის №5 და №11 საჯარო სკოლებში დაემატა ახალი მიმართულება - აკრილის საღებავის ტილოზე დასხმით აბსტრაქციული ხატვის სწავლება და ქართული ხალხური ხალიჩის ქსოვის ტექნიკის პირველადი უნარ-ჩვევების დაუფლება. ამ სიახლემ მოზარდებში დიდი პოპულარობა და ინტერესი გამოიწვია.

პროგრამის ფარგლებში დაფინანსდა ოთხი ინიციატივა, კერძოდ:

აფხაზეთის №7 საჯარო სკოლაში - „ადამიანის უფლებები არაფორმალური განათლებით“. ამ ინიციატივის ფარგლებში ჩამოყალიბდა სამოქალაქო განათლების კლუბი „ამრა“, რომელიც მოსწავლეების საზოგადოებრივ ცხოვრებაში აქტიურად ჩართვას ემსახურება. ამ მიზნით თემსა და სკოლაში ჩატარდა ტრენინგები, გაიმართა საინტერესო დისკუსიები სხვადასხვა თემაზე, მოეწყო ფილმების ჩვენება-განხილვა და ა.შ.

აფხაზეთის №10 საჯარო სკოლაში - „მოხეტიალე წიგნები“, რომლის მიზანია წიგნიერების დონის ამაღლების ხელშეწყობა და პოპულარიზაცია. პროექტის ფარგლებში გაიმართა სოციალური ქსელის გამოწვევა - „ჩემთვის საინტერესო ჟანრის წიგნები“, რომელშიც მოსწავლეები და თემში დაინტერესებული პირები მონაწილეობდნენ. გამოწვევა ერთი კვირა გაგრძელდა. დასახელდნენ საინტერესო ავტორები და გაიმართა დისკუსია. მკითხველები წიგნებს წაკითხვის შემდეგ საზოგადოებრივი თავშეყრის ადგილას აბრუნებდნენ, საიდანაც სხვა დაინტერესებულ პირებს მიჰქონდათ, კითხულობდნენ და ისევ აბრუნებდნენ. გაიმართა წაკითხული წიგნების პრეზენტაცია, ლიტერატურულ- შემეცნებითი ვიქტორინა, სალონური საუბრები და დისკუსიები.

აფხაზეთის №11 საჯარო სკოლის პროექტი - ,,სასმელი წყალი ზამთარ-ზაფხულ“ ჯანსაღი გარემოს შექმნას ემსახურება. სუფთა და უსაფრთხო წყლის მნიშვნელობაზე სკოლაში ჩატარდა საინფორმაციო-საგანმანათლებლო კამპანია. სკოლა ჭით სარგებლობდა, კამპანიის შემდეგ კი ბავშვების ინიციატივით სკოლამ წყლის ორი დისპენსერი შეიძინა. ამის შემდეგ მოსწავლეებს მუდმივად განახლებული, უსაფრთხო სასმელი წყალი მიეწოდებათ.

აფხაზეთის №12 საჯარო სკოლის ინიციატივა - ,,ჩემი, შენი, ჩვენი წიგნი“ წიგნის პოპულარიზაციისა და საბიბლიოთეკო კულტურის დანერგვას ითვალისწინებს. პროექტის ფარგლებში სკოლაში არსებული წიგნის ფონდი შეივსო, მოსწავლეებმა საყვარელი ლიტერატურული გმირები გააცოცხლეს, ბავშვებმა თემში წიგნიერების დონის შესახებ კვლევა ჩაატარეს. გამართეს მშვიდობიანი აქცია „დავუბრუნოთ სიცოცხლე წიგნებს“ და სკოლის ბიბლიოთეკაში არსებულ დახეულ, თითქმის მაკულატურად ქცეულ წიგნებს ახალი სიცოცხლე შესძინეს. პროექტის შედეგად, მოსწავლეები და თემში მცხოვრები ადამიანები ბიბლიოთეკით სარგებლობის წესებს გაეცნენ. ყოველივე აქედან გამომდინარე, მოსწავლეებს კვლევითი, სოციალური, შემოქმედებითი, სააზროვნო და საპრეზენტაციო უნარ-ჩვევები განუვითარდათ.

კონცერტს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი რუსლან აბაშიძე, აფხაზეთის ავტონომიური რესპუბლიკის განათლებისა და კულტურის მინისტრი როლანდ ნიჟარაძე, თბილისის პოლიტიკური სწავლების სკოლისა და კულტურისა და ხელოვნების წარმომადგენლები ესწრებოდნენ. კონცერტს ასევე დაესწრნენ აფხაზეთის ავტონომიური რესპუბლიკის მთავრობის თავმჯდომარესთან არსებული გიორგი შარვაშიძის სახელობის ლიტერატურისა და ხელოვნების პრემიის მიმნიჭებელი კომისიის წევრები. აფხაზეთის სახელმწიფო კაპელა გიორგი შარვაშიძის პრემიაზეა წარდგენილი.

აფხაზეთის გურამ ყურაშვილის სახელობის სახელმწიფო საგუნდო კაპელა და ჯგუფი The Georgian Six 2019 წლის 6 ნოემბერს სტრასბურგში, ევროპის საბჭოს სასახლეში დემოკრატიის მერვე მსოფლიო ფორუმს საზეიმოდ გახსნიან.

აფხაზეთის კაპელა მისი სამხატვრო ხელმძღვანელის, ზვიად ბოლქვაძის მიერ საგანგებოდ ამ კონცერტისთვის არანჟირებულ ქართულ და უცხოურ კომპოზიციებს შეასრულებს.

დემოკრატიის მერვე მსოფლიო ფორუმში 100-ზე მეტი ქვეყნის (მათ შორის ევროპის საბჭოს 47 წევრი და ექვსი დამკვირვებელი ქვეყნის) 2000-ზე მეტი წარმომადგენელი მიიღებს მონაწილეობას. წარმოდგენა პირდაპირი ეთერით გადაიცემა მსოფლიოს 100-ზე მეტ ქვეყანაში.

7 ნოემბერს კი აფხაზეთის კაპელა სოლო კონცერტს გამართავს Respire Temple Neuf-ის ტაძარში, რომელსაც ქართული დიასპორის, ადგილობრივი ხელისუფლებისა და დიპლომატიური კორპუსის წარმომადგენლები დაესწრებიან.

საქართველოს ეროვნული მუზეუმის საგანმანათლებლო პროგრამის „არქეოლოგია ყველასათვის" მხარდამჭერია ბრიტანეთის ,,ექსტერის“ უნივერსიტეტი და იგი მიზნად ისახავს, მოსწავლეებს გააცნოს არქეოლოგიური ნიმუშის გზა გათხრებიდან საგამოფენო დარბაზამდე.

კომპაქტურ ჩასახლებებში მცხოვრებმა აფხაზეთიდან დევნილმა მოსწავლეებმა მცხეთის მიმდებარე არქეოლოგიური ბაზა, წილკნის ღვთისმშობლის ტაძრის კომპლექსი და ძალისის ნაქალაქევი მოინახულეს. მოსწავლეებს არმაზის არქეოლოგიურ ბაზაზე ნივთების კონსერვაციისა და რესტავრაციის გაკვეთილები ჩაუტარდათ. მოზარდებმა დაათვალიერეს ფონდები და ახლადშექმნილი სამეცნიერო ლაბორატორია. ბოლოს თავადვე აღადგინეს დაზიანებული ნივთები, რომლებიც მათ საჩუქრად გადაეცათ.

სკოლის მოსწავლეებს მეგზურობას უწევდა საქართველოს ერონული მუზეუმის საგანმანათლებლო დეპარტამენტის ხელმძღვანელი დარეჯან ძოწენიძე. აგრეთვე, მათ ახლდნენ აფხაზეთის ავტონომიური რესპუბლიკის განათლებისა და კულტურის მინისტრის მთავარი მრჩეველი მალხაზ კორძახია და ვ. ვეკუას სახელობის აფხაზეთის №3 საჯარო სკოლის დირექტორი სვეტა რურუა. დასასრულ, საქართველოს ეროვნული მუზეუმის ადმინისტრაციამ დევნილ მოსწავლეებს უმასპინძლა.

აფხაზეთის ავტონომიური რესპუბლიკის განათლებისა და კულტურის სამინისტრო თანადგომისათვის მადლობას უხდის პროგრამის ხელმძღვანელს, ეროვნული მუზეუმის გენერალურ დირექტორსა და საქართველოს მეცნიერებათა ეროვნული აკადემიის წევრ-კორესპონდენტს დავით ლორთქიფანიძეს.

თეატრალური დასი „ნიღბები“ ხუთი წლისაა. დასის ხელმძღვანელის, რეჟისორ თამარ იმნაიშვილი-ბრეგვაძისა და დამწყები თეატრალების ტანდემი წარმატებული აღმოჩნდა. მათ ერთობლივად დადგეს არაერთი ლიტერატურული კომპოზიცია და სპექტაკლი, რომელთა შორის გამორჩეულია: „წუთისოფელი“ (ხალხური ზეპირსიტყვიერების მიხედვით), „ჩვენ დავბრუნდებით“ (აფხაზეთის ომისა და სოხუმის დაცემის თემაზე), „ვინ მოკლა ილია?!“ (პატრიოტულ და ისტორიულ-შემეცნებით თემაზე), „ახალი წელი“ (პანტომიმა) და ა. შ.

ამ დღის აღსანიშნავად, აფხაზური ლიტერატურისა და ისტორიოგრაფიის ფუძემდებლის, აფხაზი საზოგადო მოღვაწის დიმიტრი გულიას ძეგლი ყვავილებით შეამკეს და მის ხსოვნას პატივი მიაგეს აფხაზეთის ავტონომიური რესპუბლიკის უმაღლესი საბჭოს თავმჯდომარემ ჯემალ გამახარიამ, აფხაზეთის ავტონომიური რესპუბლიკის განათლებისა და კულტურის მინისტრის მოადგილეებმა ირმა კეკელიძემ და ჯაბა ჯაიანმა, აფხაზეთის ა/რ მთავრობის წევრებმა, აფხაზეთის ა/რ უმაღლესი საბჭოს დეპუტატებმა და სხვ.

აფხაზური ენის დღის აღნიშვნა ხვალ დიმიტრი ჯაიანის სახელობის დარბაზში დიმიტრი გულიას 145 წლისთავისადმი მიძღვნილ საიუბილეო საღამოზე გაგრძელდება.

ირინა ბოკუჩავა არის დამდგმელი რეჟისორი და სცენარის ავტორი აფხაზეთის ომის თემაზე შექმნილი დოკუმენტური ფილმებისა: „ტყის ძმები“, „საუკუნის დანაშაული“ და „როცა კარიბჭე გაიღება“. მას აფხაზეთის თემაზე ასევე გადაღებული აქვს მუსიკალური კლიპები: „გამარჯობა, აფხაზეთო შენი!“, „ქართულ-აფხაზური შერიგების ჰიმნი“ და „ვარადა". რეჟისორისთვის „ომის პატარძალი“ პირველი მხატვრული მძაფრსიუჟეტიანი ფილმი იქნება, რომელიც აფხაზეთის ომში მტრის მიერ სასტიკად ნაწამები ქართველი ქალის ისტორიაზე მოგვითხრობს. სცენარის ავტორი და რეჟისორია ირინა ბოკუჩავა, ოპერატორი - ბექა ფარჯიანი.

პრეზენტაცია აფხაზეთის ავტონომიური რესპუბლიკის განათლებისა და კულტურის მინისტრმა როლანდ ნიჟარაძემ გახსნა. სიტყვით გამოვიდნენ: საქართველოს პრემიერ-მინისტრის მრჩეველი, მწერალი გურამ ოდიშარია, საქართველოს პარლამენტის წევრი, დეპუტატი ადა მარშანია, აფხაზეთის ავტონომიური რესპუბლიკის უმაღლესი საბჭოს თავმჯდომარის მოადგილე თამაზ ხუბუა და სხვ. პრეზენტაციას აფხაზეთის ა/რ უმაღლესი საბჭოს დეპუტატები, აფხაზეთის ა/რ მთავრობის წევრები, აფხაზეთის ომის ვეტერანები, ხელოვნების სფეროს წარმომადგენლები ესწრებოდნენ.

ნიშანდობლივი იყო, რომ დიმიტრი ჯაიანის დარბაზის მონიტორზე გავიდა ჩანაწერი, რომელზეც თავად დიმიტრი ჯაიანი შოთა ნიშნიანიძის აფხაზეთისადმი მიძღვნილ, აფხაზურ-ქართული ოდინდელი ნათესაური ურთიერთობის ამსახველ ლექსს „აფხაზურ კანტატას“ დიდი ემოციითა და სითბოთი კითხულობს. საიუბილეო საღამო გახსნა და შოთა ნიშნიანიძის პოეზიაზე ისაუბრა პოეტმა, შოთა ნიშნიანიძის ახალი პოეტური კრებულის ერთ-ერთმა შემდგენელ-რედაქტორმა მაყვალა გონაშვილმა. მან აღნიშნა, რომ შოთა ნიშნიანიძე დღესაც განსაკუთრებით უყვარს ახალგაზრდობას, რაც პოეტის უკვდავების დასტურია. „შოთა ნიშნიანიძის, აფხაზეთზე განსაკუთრებულად შეყვარებული და მისადმი მიძღვნილი არაერთი შესანიშნავი ლექსის ავტორის საიუბილეო საღამოს ჩვენი სამინისტროს თანადგომით გამართვა ჩვენთვის განსაკუთრებით პატივია“, - აღნიშნა გამოსვლისას აფხაზეთის ავტონომიური რესპუბლიკის განათლებისა და კულტურის მინისტრმა როლანდ ნიჟარაძემ.

საღამოს უძღვებოდნენ სოხუმის მოზარდ მაყურებელთა თეატრის მსახიობები. შოთა ნიშნიანიძის ლექსები ჩვეული ოსტატობით წაიკითხა მსახიობმა მურმან ჯინორიამ. შოთა ნიშნიანიძეზე, როგორც შესანიშნავ პოეტსა და პიროვნებაზე, ისაუბრეს მისმა კოლეგებმა, მეგობრებმა, ცნობილმა მწერლებმა და პოეტებმა. საღამოს მუსიკალურ თანხლებას უწევდა აფხაზეთის სიმღერისა და ცეკვის სახელმწიფო აკადემიური ანსამბლი „აფხაზეთი“.

საიუბილეო საღამოს ესწრებოდნენ შოთა ნიშნიანიძის ოჯახის წევრები, რომლებმაც ბოლოს დიდი მადლობა გადაიხადეს პოეტის ასე ლამაზად გახსენებისთვის.