უწყებები
-
მთავრობის აპარატი
-
განათლებისა და კულტურის სამინისტრო
-
ჯანმრთელობისა და სოციალური დაცვის სამინისტრო
-
ფინანსთა და ეკონომიკის სამინისტრო
-
იძულებით გადაადგილებულ პირთა სამინისტრო
-
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
-
წარმომადგენლობა ზემო აფხაზეთში
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
ახალი ამბები
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2022-02-28
მინისტრის აპარატის ბაზაზე ახალგაზრდული მრჩეველთა საბჭო შეიქმნება.
საბჭო იქნება წარმომადგენლობითი, საკონსულტაციო ორგანო და ახალგაზრდული პროგრამების შემუშავებასა და განხორციელებასთან დაკავშირებით მინისტრის აპარატს წარუდგენს რეკომენდაციებს.
მრჩეველთა საბჭო დაკომპლექტდება აფხაზეთიდან დევნილი 11 ახალგაზრდისგან და ერთი წლის განმავლობაში ახალგაზრდული პოლიტიკის შემუშავებას უზრუნველყოფს.
საბჭოს წევრები ღია კონკურსის წესით შეირჩევიან.
შესაბამისი კრიტერიუმებით შეფასების საფუძველზე შერჩეული პროექტის ორი წარმომადგენელი საქართველოს ფარგლებს გარეთ დაგეგმილ ქართულ-აფხაზური სამშვიდობო დიალოგის პროგრამაში მიიღებს მონაწილეობას.
განაცხადის წარდგენის ბოლო ვადაა 10.03.2022.
დაინტერესებულმა პირებმა, გთხოვთ, შეავსოთ სარეგისტრაციო ფორმა ქვემოთ მითითებულ ბმულზე
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2022-02-22
ნანა გაბელიამ ერთიანი ქართულ-აფხაზური ეთნოგრაფიული სივრცე გახსნა.
იუსტიციისა და სამოქალაქო ინტეგრაციის საკითხებში აფხაზეთის მინისტრმა თბილისში, ილორის წმ. გიორგის სახელობის ტაძრის ტერიტორიაზე ეთნოგრაფიული სივრცე გახსნა.
„აფხაზური ისტორიის სახლში“ განთავსდა ქართულ-აფხაზური ტრადიციული სამოსი, ხალხური საკრავები. აფხაზეთიდან დევნილი და აფხაზეთის ოკუპირებულ ტერიტორიაზე მცხოვრები ახალგაზრდები აქ შეისწავლიან ქართულ ხალხურ საკრავებზე დაკვრას. აქვე უნიკალური ხელნაწერების, ისტორიული დოკუმენტების და ფოტომასალის საფუძველზე ფუნქციონირებს მუდმივმოქმედი გამოფენა.
„აღნიშნული ეთნოგრაფიული სივრცის მოწყობის მიზანია ქართველებისა და აფხაზების თანაცხოვრების მრავალსაუკუნოვანი ისტორიის, საერთო ტრადიციების, რელიგიური წეს-ჩვეულებების, ისტორიულ-კულტურული მემკვიდრეობის გაცნობა, მათი შესწავლა და პოპულარიზაცია“-განაცხადა ნანა გაბელიამ.
ღონისძიებას მინისტრის პირველი მოადგილე გიორგი გაბედავა და მინისტრის აპარატის წარმომადგენლები ესწრებოდნენ.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2022-02-17
იუსტიციისა და სამოქალაქო ინტეგრაციის საკითხებში აფხაზეთის მინისტრის პირველი მოადგილე გიორგი გაბედავა საქართველოს უნივერსიტეტების სტუდენტური თვითმმართველობის პრეზიდენტებსა და წარმომადგენლებს შეხვდა.
შეხვედრაზე განიხილეს სამოქალაქო ინტეგრაციის მიმართულებით სამომავლო თანამშრომლობის გეგმები, პერსპექტივები და ერთობლივი პროექტები.
უახლოეს პერიოდში, მინისტრის აპარატის ბაზაზე შეიქმნება და იმუშავებს ახალგაზრდული მრჩეველთა საბჭო, რომელიც იქნება მნიშვნელოვანი პლატფორმა, ახალგაზრდების საჭიროებებისა და ინტერესების გათვალისწინებით, დღის წესრიგში არსებული საკითხების გადასაწყვეტად.
შეხვედრას ივ. ჯავახიშვილის სახელობის თბილისის სახელმწიფო უნივერსიტეტის, სოხუმის სახელმწიფო უნივერსიტეტის , საქართველოს ტექნიკური უნივერსიტეტისა და აღმოსავლეთ ევროპის უნივერსიტეტის სტუდენტური თვითმმართველობის ხელმძღვანელები და წარმომადგენლები ესწრებოდნენ.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2022-01-24
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი ,,თბილისის მოზარდთა სახლი“ ფონდთან ერთად ახორციელებს პროექტს ,,ქალთა გაძლიერების პროგრამა“, რომლის მიზანია ქალების, მათ შორის დევნილი ქალების პროფესიული გადამზადება მათი შემდგომი დასაქმების, ასევე საკუთარი ბიზნესის დაწყება/მართვის მიზნით.
პროექტი ითვალისწინებს დამწყები ინგლისური ენისა და დამწყები ბუღალტერიის 7 თვიან (3.5 თვე ინგლისური ენა, 3.5 თვე-ბუღალტერია) ინტენსიურ უფასო 40 წუთიან კურსებს კვირაში 2-ჯერ. პროექტში მონაწილეობა შეუძლიათ 18 წლის ზემოთ ასაკის
დაინტერესებულ ქალბატონებს. კურსები დაიწყება თებერვლიდან და განხორციელდება ონლაინ რეჟიმში Zoom-ის პლატფორმით.
დაინტერესებულმა პირებმა, რეგისტრაცია ქვემოთ მითითებული ბმულის მეშვეობით, 2022 წლის 30 იანვრამდე უნდა გაიაროთ.
საკონტაქტო პირი: თეა ამურველაშვილი 599 369 383
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2021-12-30
ნანა გაბელია იუსტიციის მინისტრს რატი ბრეგაძეს „სოხუმში“ შეხვდა.
შეხვედრა იუსტიციის სამინისტროს შეხვედრების ოთახში გაიმართა, რომელსაც რატი ბრეგაძის ინიციატივით „სოხუმის“ სახელი მიენიჭა.
ნანა გაბელიამ და იუსტიციის მინისტრმა დევნილებისათვის აქტუალური საკითხები განიხილეს და ორ უწყებას შორის თანამშრომლობის კიდევ უფრო გაღრმავებაზე შეთანხმდნენ.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2021-12-29
მინისტრი ქ. თბილისში პოლიტკოვსკაიას ქუჩაზე დევნილთა კომპაქტური ჩასახლების ობიექტს სტუმრობდა და აფხაზეთის ომის I ჯგუფის ინვალიდებს, დაბადებიდან შშმ. პირებს და მრავალშვილიან ოჯახებს ახალი წელი მიულოცა და საჩუქრები გადასცა.
,,ვეცადეთ, დევნილი საზოგადოების განსაკუთრებით შეჭირვებული ნაწილისთვის, დამდეგი შობა-ახალიწელი მცირედი საჩუქრით მიგველოცა. ჩვენი საქმიანობის ერთერთი პრიორიტეტი ასეთი ადამიანების და ოჯახებისთვის უკეთესი პირობების შექმნა და მათზე ზრუნვაა, კიდევ ერთხელ ვულაცავ მათ და წარმატებულ 2022 წელს ვუსურვებ“ - განაცხადა ნანა გაბელიამ.
წინასაახალწლო ნობათი აფხაზეთის ავტონომიური რესპუბლიკის მთავრობის ინიციატივით, აფხაზეთიდან დევნილმა 1000-მდე ოჯახმა მიიღო.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2021-12-24
ნანა გაბელია - ორი წელია მსოფლიო კორონა ვირუსს ებრძვის. ჩვენს ქვეყანაში კი მდგომარეობას ვაქცინაციის დაბალი მაჩვენებელი ამძიმებს. ყოველდღიურად ინფიცირებულთა რიცხვი ათასებს სცდება, ახალი შტამები და მათი გავრცელება კი სულ უფრო დიდ მასშტაბებს იძენს. ომიკრონი საქართველოში უკვე გამოვლინდა. სწორედ ამიტომ, ანტირეკორდული ჯაჭვის გასაწყვეტად ერთადერთი გამოსავალი ვაქცინაციაა. უნდა ვეცადოთ გავუფრთხილდეთ ერთმანეთის სიცოცხლეს.
არიან ადამიანები, რომლებსაც ვაქცინის უსაფრთხოებასთან დაკავშირებით კითხვის ნიშნები აქვთ და ყოველთვის ვცდილობ, მათ მივაწოდო ის ინფორმაციები, რაც თავად მივიღე იმ კვლევებზე დაყრდნობით, რაც დღემდე არსებობს. ამიტომ ვფიქრობ, არგუმენტირებულად შემიძლია, დავარწმუნო ყველა, რომ ვაქცინაცია უსაფრთხოა და რაც მთავარია, ყველაზე ეფექტური იარაღია პანდემიის დასამარცხებლად. უნდა გავუფრთხილდეთ ერთმანეთს, სხვა გამოსავალი რეალურად არ არსებობს.
პირადად მე აცრილი ვარ ორი დოზით, ცოტა ხანში მიწევს „ბუსტერის“ გაკეთებაც და, რა თქმა უნდა, გავიკეთებ, ჩემი აზრით, ეპიდვითარებას პირდაპირი კავშირი აქვს ქვეყნის განვითარებასთან, ეს პროცესი აფერხებს ქვეყანას. სხვა სოციალური პასუხისმგებლობით უნდა მოვეკიდოთ ამ საქმეს. უნდა ავიცრათ ჩვენი შვილებისთვის, ჩვენი მშობლებისა და თითოეული ადამიანისთვის.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2021-12-22
სოფელ ფოცხოეწერში, „დევნილ მოზარდთა სამოქალაქო ჩართულობის სივრცე” საპილოტე რეჟიმში ფუნქციონირებას განაგრძობს.
ბავშვები შემეცნებით-საგანმანათლებლო აქტივობებში არიან ჩართულები.
მინისტრის აპარატმა, მათთვის შესაბამისი ინვენტარით აღჭურვილი გარემო შექმნა, სადაც შაბათ-კვირას, ნაყოფიერად ატარებენ და პედაგოგებისა და ტრენერების დახმარებით სხვადასხვა უნარ-ჩვევებს ეუფლებიან.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2021-12-21
ნანა გაბელია ვაქცინაციის კამპანიის ფარგლებში - ავიცრათ ერთმანეთისთვის თბილისის საუნივერსიტეტო კლინიკაში აფხაზეთიდან დევნილების იმუნიზაციის პროცესს დაესწრო და დევნილ საზოგადოებას ვაქცინაციისკენ მოუწოდა.
,,ორი წელია მსოფლიო კორონა ვირუსს ებრძვის. ჩვენს ქვეყანაში კი მდგომარეობას ვაქცინაციის დაბალი მაჩვენებელი ამძიმებს. ყოველდღიურად ინფიცირებული ადამიანების რიცხვი ათასებს სცდება. ანტირეკორდების ჯაჭვის გაწყვეტის ერთადერთი გზა ვაქცინაციაზე გადის. ჩვენი მინისტრის აპარატი აქტიურად ჩაერთო კამპანიაში ავიცრათ ერთმანეთისთვის და დღევანდელი დღეც ამის მაგალითია. აფხაზეთიდან დევნილი საზოგადოება მაღალი სოციალური პასუხისმგებლობით უერთდება ვაქცინირებული ადამიანების რიგებს. საჭიროა ერთიანი ძალისხმევა და მონდომება და ეს არის ვაქცინაცია - ავიცრათ ერთმანეთისთვის''- განაცხადა ნანა გაბელიამ.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2021-12-18
იუსტიციისა და სამოქალაქო ინტეგრაციის საკითხებში აფხაზეთის მინისტრის აპარატის ორგანიზებით „ინტეგრაციისა და ჩართულობის ახალგაზრდული ფორუმი“ გაიმართა.
ღონისძიება მისასალმებელი სიტყვით იუსტიციისა და სამოქალაქო ინტეგრაციის საკითხებში აფხაზეთის მინისტრმა ნანა გაბელიამ გახსნა. ფორუმის მონაწილეებს სიტყვით აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ მიმართა.
როგორც ნანა გაბელიამ სიტყვით გამოსვლისას აღნიშნა, ფორუმის მიზანი აფხაზეთიდან დევნილების გამოწვევებისა და პერსპექტივების იდენტიფიკაციაა, რათა სამომავლოდ დაიგეგმოს შესაბამისი ღინისძიებები დევნილთა ინტეგრაციის ხელშეწყობისთვის.
,,სამშვიდობო პროცესების ხელშეწყობისათვის, აუცილებელია ახალგაზრდებთან ერთად სახვადასხვა სექტორის ინტეგრირებული მუშაობა, სადაც შესაძლებელია შემუშავდეს ისეთი იდეები და რეკომენდაციები, რომლებიც საფუძვლად დაედება იუსტიციისა და სამოქალაქო ინტეგრაციის საკითხებში აფხაზეთის მინისტრის აპარატის სტრატეგიული დოკუმენტების შექმნას, ამასთანავე ფორუმის შედეგად შექმნილი დოკუმენტი შესაძლოა საფუძვლად დაედოს აფხაზეთის მთავრობის მომავალ სამშვიდობო საქმიანობას.’’- განაცხადა იუსტიციისა დ სამოქალაქო ინტეგრაციის საკითხებში აფხაზეთის მინისტრმა.
ფორუმის ფარგლებში მინისტრის აპარატის საქმიანობისა და სამოქალაქო ინტეგრაციის აკადემიის კლიპის, ასევე სამუშაო ფოკუს ჯგუფების მიერ იდენტიფიცირებული პრობლემების, მომზადებული რეკომენდაციებისა და ინიციატივების პრეზენტაციები გაიმართა.
ღონისძიება ახალგაზრდების, ექსპერტების, სამთავრობო და არასამთავრობო ორგანიზაციების მონაწილეობით ჩატარდა.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2021-12-09
დღეს, ნანა გაბელიამ პარლამენტის თავმჯდომარის პირველ მოადგილესთან, გიორგი ვოლსკისთან სამუშაო შეხვედრა გამართა.
შეხვედრაზე მინისტრმა, გიორგი ვოლსკის მიმდინარე პროექტები გააცნო და უწყების სამომავლო გეგმებზე ისაუბრა. მათ შორის, ყურადღება გაამახვილა 17 დეკემბერს დაგეგმილ ინტეგრაციისა და ჩართულობის ახალგაზრდული ფორუმის შესახებ.
შეხვედრის დასასრულს, მხარეები თანამშრომლობაზე შეთახმდნენ. პარლამენტის თავჯდომარის მოადგილემ სამომავლო თანამშრომლობისთვის მზადყოფნა გამოთქვა და მინისტრს მხარდაჭერა აღუთქვა.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2021-11-28
ნანა გაბელია იტალიის რესპუბლიკაში მოღვაწე პირველი ქართველი დიპლომატისა და მხატვრის
გიორგი აფხაზის ნამუშევრების გამოფენას დაესწრო.
სამუშაო ვიზიტის ფარგლებში მინისტრი, აფხაზეთის მთავრობის თავმჯდომარე რუსლან აბაშიძესთან ერთად, პირველი ქართველი დიპლომატისა და მხატვრის ფერწერული ნამუშევრების, გრაფიკისა და სასცენო ილუსტრაციების გამოფენას დაეწსრო.
გამოფენის შემდეგ, გიორგი აფხაზის ახლადაღმოჩენილი საფლავი, რომის წმინდა ანდრია პირველწოდებულის სახელობის სამრევლოს წინამძღვართან მამა იოანესთან, იტალიის რესპუბლიკაში საქართველოს საგანგებო და სრულუფლებიან ელჩთან კონსტანტინე სურგულაძესთან და დიასპორის წარმომადგენლებთან ერთად მოინახულეს.
ღონისძიება, იტალიაში მცხოვრები ქართველი მკვლევარის, ნენო გაბელიას ორგანიზებით ჩატარდა.
საფლავი ისტორიკოსმა გიორგი კალანდიამ და 2018-2019 წლის პროგრამის „იყავი შენი ქვეყნის ახალგაზრდა ელჩი“ და საგრანტო პროგრამის „დიასპორული ინიციატივების ხელშეწყობა“ გამარჯვებულმა ნენო გაბელიამ მოიძიეს.
გიორგი აფხაზის საფლავის განახლება იტალიაში საქართველოს საელჩოს ჩართულობით და ინიციატივით განხორციელდა.
ქართული დელეგაციის შემადგენლობაში შედიოდნენ საგარეო საქმეთა მინისტრის მოადგილე ვლადიმერ კონსტანტინიდი, საქართველოს პარლამენტის დიასპორისა და კავკასიის კომიტეტის თავმჯდომარე ბექა ოდიშარია, მიგრაციის საერთაშორისო ორგანიზაციის და საგარეო საქმეთა სამინისტროს წარმომადგენლები.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2021-11-25
სოფელ ფოცხოეწერში, ახლახანს გახსნილ „დევნილ მოზარდთა სამოქალაქო ჩართულობის სივრცე”-ში ბავშვები შემეცნებით-საგანმანათლებლო აქტივობებში ჩაერთნენ.
მინისტრის აპარატმა, მათთვის შესაბამისი ინვენტარით აღჭურვილი გარემო შექმნა, სადაც ბავშვები შაბათ-კვირებს, ნაყოფიერად ატარებენ და პედაგოგებისა და ტრენერების დახმარებით სხვადასხვა უნარ-ჩვევებს ეუფლებიან.
„დევნილ მოზარდთა სამოქალაქო ჩართულობის სივრცე” საპილოტე რეჟიმში ორი თვის განმავლობაში იფუნქციონირებს.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2021-11-15
აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ და იუსტიციისა და სამოქალაქო ინტეგრაციის საკითხებში აფხაზეთის მინისტრმა ნანა გაბელიამ პროგრამის მონაწილეებს კურსის დასრულება მიულოცეს და წარმატებები უსურვეს.
პროგრამის მონაწილეებს გამოცდილება საქართველოს ახალგაზრდობის წარმომადგენელმა გაეროში ნინო გოგოხიამ გაუზიარა და მათ სხვადასხვა საერთაშორისო პროექტებში მიღებული პრაქტიკა გააცნო.
კონკურსის შედეგად შერჩეულ, აფხაზეთიდან დევნილ 20 ახალგაზრდას სამოქალაქო ინტეგრაციის მიმართულებით ხუთ დღიანი სასწავლო კურსი ჩაუტარდათ. პროგრამის დასასრულს ახალგაზრდებმა კურსის ფარგლებში, მომზადებული პრეზენტაციები წარადგინეს.
„სამოქალაქო ინტეგრაციის აკადემია აფხაზეთიდან დევნილი ახალგაზრდებისთვის“ მინისტრის აპარატის მიერ ახლახანს შეიქმნა, რომლის მიზანია ახალგაზრდებში სამოქალაქო ინტეგრაციის საკითხებზე ცოდნის მიღება, აქტიურ მოქალაქეებად ჩამოყალიბების ხელშეწყობა და ახალი უნარების განვითარება, ადგილობრივ და ცენტრალურ დონეზე მნიშვნელოვანი საკითხების გადაწყვეტის პროცესში ჩართულობა, თავიანთი თემის საჭიროებების იდენტიფიცირება და გადაწყვეტილების მიმღებ პირებამდე მიტანა.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
2021-11-13
სამოქალაქო ინტეგრაციის აკადემიამ ახალგაზრდების პირველი ნაკადი მიიღო. პროექტის ფარგლებში, კონკურსის შედეგად შერჩეულ, აფხაზეთიდან დევნილ 20 ახალგაზრდას სამოქალაქო ინტეგრაციის მიმართულებით ხუთ დღიანი სასწავლო კურსი ჩაუტარდებათ.
მონაწილეებს, დარგის ექსპერტები თავიანთ გამოცდილებას და პრაქტიკას გაუზიარებენ. ასევე, ახალგაზრდებს შესაძლებლობა ექნებათ ისწავლონ პროექტის წერა და შემდგომ, მათი პრაქტიკაში განხორცილება, მოსახლეობასთან კომუნიკაციის, პრობლემის იდენტიფიცირებისა და რესურსების მოძიების მიმართულებით.
პროექტის მნიშვნელოვანი ეტაპი დაეთმობა მონაწილე ახალგაზრდების შეხვედრების ორგანიზებას დევნილთა ჩასახლებებში, პრობლემებისა და რესურსების იდენტიფიცირების მიზნით, რის საფუძველზეც მომზადდება პროექტები და საუკეთესო იდეა განხორციელდება.
სასწავლო კურსის დასასრულს პროგრამის მონაწილეებს სერთიფიკატები გადაეცემათ, ხოლო, ის მონაწილეები, რომლებიც აღნიშნულ კურსს წარმატებით გაივლიან აკადემიის დიპლომებს მიიღებენ.
„სამოქალაქო ინტეგრაციის აკადემია აფხაზეთიდან დევნილი ახალგაზრდებისთვის“ მინისტრის აპარატის მიერ ახლახანს შეიქმნა, რომელის მიზანია ახალგაზრდებში სამოქალაქო ინტეგრაციის საკითხებზე ცოდნის მიღება, აქტიურ მოქალაქეებად ჩამოყალიბების ხელშეწყობა და ახალი უნარების განვითარება, ადგილობრივ და ცენტრალურ დონეზე მნიშვნელოვანი საკითხების გადაწყვეტის პროცესში ჩართულობა, თავიანთი თემის საჭიროებების იდენტიფიცირება და გადაწყვეტილების მიმღებ პირებამდე მიტანა.