2020 წლის 8 სექტემბერს, აფხაზეთის ავტონომიური რესპუბლიკის მთვრობის თავმჯდომარის მოადგილე ანზორ მარგიანი, აფხაზეთიდან იძულებით გადაადგილებულ პირთა-დევნილთა მინისტრის პირველი მოადგილე - გურამ მისაბიშვილი და ფოთის მუნიციპალიტეტის მერი - გოჩა კურდღელია, ფოთის მუნიციპალიტეტში, ნატო ვაჩნაძის ქ. N24-ში (ყოფილი საბავშვო ბაგა-ბაღი) მცხოვრებ აფხაზეთიდან დევნილებს შეხვდნენ. შეხვვედრაზე მოსახლეობას მიეწოდა ინფორმაცია, აფხაზეთიდან იძულებით გადაადგილებულ პირთა-დევნილთა სამინისტროს მიერ მიღებული გადაწყვეტილების შესახებ, რომლის თანახმადაც,  აღნიშნულ შენობას ჩაუტარდება სარეაბილიტაციო სამუშაოები.

შეხვედრაზე ასევე მოსმენილ და განხილულ იქნა დევნილთა მიერ დასმული ყოფითი საკითხები, რის შესახებაც მათ  მიეწოდათ ინფორმაცია და გაეწიათ  შესაბამისი კონსულტაციები.

აფხაზეთის ავტონომიური რესპუბლიკის განათლებისა და კულტურის მინისტრის მოადგილე მარინა შენგელია  სამინისტროს თანამშრომლებთან ერთად, სამეგრელოს რეგიონში მოქმედ აფხაზეთის რამდენიმე საჯარო სკოლას ეწვია, ახალი სასწავლო წლისთვის მათ მზადებას გაეცნო და აღნიშნა: მოსწავლეები უზრუნველყოფილნი არიან საგანმანათლებლო რესურსებით.

გარდა ამისა, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ შემუშავებული სავალდებულო რეკომენდაციების გათვალისწინებით, კორონავირუსის პრევენციის მიზნით, ახალი სასწავლო წლისთვის სკოლები აღჭურვილია პირბადეებით, დისტანციური, უკონტაქტო თერმომეტრებით, დეზობარიერისა და ზედაპირების სადეზინფექციო სანიტარულ-ჰიგიენური საშუალებები.

აფხაზეთის ავტონომიური რესპუბლიკის მთავრობის თავმჯდომარე  რუსლან აბაშიძემ საქართველოში გაეროს განვითარების პროგრამის (UNDP) ხელმძღვანელ ლუიზა ვინტონთან სამუშაო შეხვდრა გამართა.

შეხვედრაზე საუბარი შეეხო აფხაზეთის ოკუპირებულ ტერიტორიაზე ამჟამად  არსებულ ვითარებას, მათ შორის ჰუმანიტარულ საკითხებს. განსაკუთრებული ყურადღება გამახვილდა აფხაზეთში  COVID-19 -ით ინფიცირებულ პაციენტთა მზარდ დინამიკაზე და ზოგადად COVID-19 -ით გამოწვეულ ჰუმანიტარულ გამოწვევებზე.

რუსლან აბაშიძემ და ლუიზა ვინტონმა ასევე ისაუბრეს სამომავლო გეგმებსა  და  საერთო მიზნებზე, სხვადასხვა მიმართულებით, მათ შორის დევნილთა საკითხებზე.

შეხვედრას იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, UNDP-ის კრიზისების პრევენციის და რეაბილიტაციის მიმართულების ხელმძღვანელი გიორგი ვარდიშვილი და მთავრობის აპარატის საერთაშორისო ურთიერთობათა და პროტოკოლის დეპარტამენტის უფროსი დავით გახარია ესწრებოდნენ.

აფხაზეთის ავტონომიური რესპუბლიკის მთავრობის ინიციატივითა და იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის ორგანიზებით მზიურის პარკში ღონისძიება „აფხაზეთი ფერებში“-მოეწყო. ღონისძიებაზე ონლაინ კონკურსების მხატვრებისთვის „აფხაზეთი ფერებში“ და ფოტოკონკურსი „საერთო ტრადიციებით, საერთო მომავლისკენ“. გამრჯვებულების დაჯილდოება გაიმართა .

ღონისძიების ფარგლებში კონკურსებში გამარჯვებულებს სიგელები, სპეციალური პრიზები და ფულადი ჯილდო გადაცათ, ასევე მზიურის პარკში საკონკურსო ნამუშევრების გამოფენა და კატალოგის „აფხაზეთი ფერებში“ პრეზენტაცია გაიმართა.

გამარჯვებულ კონკურასნტებს ჯილდოები აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ და იუსტიციისა და სამოქალაქო ინტეგრაციის საკითხებში მინისტრმა დავით ფაცაციამ გადასცეს.

2020 წლის 31 აგვისტოს აფხაზეთის ავტონომიური რესპუბლიკიდან იძულებით გადაადგილებულ პირთა დევნილთა სამინისტროს სამეგრელო-ზემო სვანეთის ტერიტორიულ ორგანოში გაიმართა სამუშაო შეხვედრა ,,ერთი სამუშაო დღე ტერიტორიულ ორგანოში“.

აფხაზეთის ავტონომიური რესპუბლიკიდან იძულებით გადაადგილებულ პირთა- დევნილთა მინისტრის პირველი მოადგილე ბატონი გურამ მისაბიშვილი გაეცნო სამეგრელო-ზემო სვანეთის ტერიტორიული ორგანოს სტრუქტურული ერთეულების მიერ გაწეულ მუშაობას, ტერიტორიული ორგანოს ხელმძღვანელობისა და თანამშრომლებისგან მიეწოდა ინფორმაცია მიმდინარე პროექტებისა და სამომავლო გეგმების შესახებ.

დღის ბოლოს ჩატარდა შემაჯამებელი სხდომა სადაც განხილული იქნა რიგი საკითხები, კერძოდ:

1. ბინათმესაკუთრეთა ამხანაგობების ჩამოყალიბების პროცესის მიმდინარეობისა და შექმნილ ბინათმესაკუთრეთა ამხანაგობებთან ურთიერთობის შესახებ;
2. დევნილი მოსახლეობის სოციალური საკითხების შესაწავლისა და ბენეფიციართათვის ერთჯერადი მატერიალური დახმარების გაწევის შესახებ;
3. დევნილთა საცხოვრებელი შენობებში მცირეფასიანი და გადაუდებელი და სარემონტო-აღდგენითი სამუშაოების მიმდინარეობისა და სამომავლო გეგმების შესახებ;
4. ტერიტორიული ორგანოს წვევამდელთა აღრიცხვის, გაწვევისა და მობილიზაციის სამსახურის საქმიანობისა და 2020 წლის საშემოდგომო გაწვევის ფარგლებში გასატარებელი ღონისძიებების შესახებ;
5. ტერიტირიული ორგანოს ახალ ოფისში მიმდინარე და დაგეგმილი სარემონტო სამუშაოების შესახებ.

შემაჯამებელ შეხვედრაზე ინფორმაციები წარადგინეს სამეგრელო-ზემო სვანეთის ტერიტორიული ორგანოს ხელმძღვანელმა კოტე ბასარიამ, ტერიტორიული ორგნოს ხელმძღვანელის მოადგილე თეიმურაზ ბოკუჩავამ, ტერიტორიული ორგანოს დევნილებთან ურთიერთობის, სოციალური პროგრამებისა და რეგიონული მართვის სამსახურის უფროსმა ბესიკ გეგიამ, სამსახურის უფორისის მოადგილე რამაზ აბლოთიამ, ამავე სამსახურის სოციალური პროგრამების განყოფილების უფროსმა გიორგი რიგვავამ და ტერიტორიული ორგანოს წვევამდელთა აღრიცხვის, გაწვევისა და მობილიზაციის სამსახურის უფროსმა გელა ბეჭვაიამ.

შეხვედრაზე გამოითქვა მოსაზრება და არსებობს მზაობა სამეგრელო-ზემო სვანეთის რეგიონის მუნიციპალიტეტებში დევნილი მოსახლეობისთვის გასვლითი მიღებების ჩატარებასთან დაკავშირებით, რომლის ფარგლებში ადგილზე განხორციელდება დევნილებისათვის სხვადასხვა სახის დახმარებისა და კონსულტაციების გაწევა.

შეხვედრის ბოლოს გაანალიზდა ზემოთ ხსენებულ სფეროებში გაწეული მუშაობა და დაისახა სამომავლო გეგმები, რის შემდგომაც გურამ მისაბიშვილი გაეცნო ტერიტორიული ორგანოს ოფისში მიმდინარე და დაგეგმილ სარემონტო სამუშაოებს.

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის ინიციატივითა და სსიპ - "კულტურის, სპორტისა და ახალგაზრდულ საქმეთა სააგენტოს" მხარდაჭერით, მიმდინარე წლის 31 აგვისტოსა და 2 სექტემბერს ქალაქ ფოთსა და ზუგდიდში ჩატარდა ღონისძიება - "ჯანსაღი ცხოვრების წესი და ბუნებაზე ზრუნვა - ჩვენი არჩევანია".

ღონისძიების ფარგლებში 10-14 წლამდე ასაკის, აფხაზეთიდან  დევნილი ბავშვების მონაწილეობით გაიმართა მინი ფეხბურთის ტურნირები და მოეწყო დასუფთავების აქციები.

პროექტის -  "ჯანსაღი ცხოვრების წესი და ბუნებაზე ზრუნვა - ჩვენი არჩევანია" მიზანია  აფხაზეთიდან დევნილ ბავშვებში ჯანსაღი ცხოვრების წესის პოპულარიზაცია, მათი ფიზიკური უნარ-ჩვევების განვითარება და გარემოს დაცვით აქტივობებში მონაწილეობით, ბუნების მიმართ პასუხისმგებლობის გაცნობიერების ხელშეწყობა.

სენაკის მოსწავლე-ახალგაზრდობისა და კულტურის ცენტრის ისტორიულ შენობას, ცნობილი ქართველი მსახიობისა და საზოგადო მოღვაწის, საქართველოსა და აფხაზეთის სახალხო არტისტის, კოტე მარჯანიშვილისა და გიორგი შერვაშიძის პრემიების ლაურეატის, ღირსების ორდენის კავალერის, უკრაინის სახელმწიფო ორდენის კავალერის, სენაკის საპატიო მოქალაქის დიმიტრი ჯაიანის სახელი მიენიჭა. ასევე, შენობაში განთავსდა დიმიტრი ჯაიანის მემორიალური დაფა, რომელიც ხელოვანის ვაჟმა და შვილიშვილმა - ჯაბა და გიორგი ჯაიანებმა გახსნეს. ღონისძიების ფარგლებში დიმიტრი ჯაიანის ცხოვრებისა და მოღვაწეობის ამსახველი დოკუმენტური ფილმის ჩვენება გაიმართა.

საზეიმო ცერემონიალს აფხაზეთის ავტონომიური რესპუბლიკის განათლებისა და კულტურის მინისტრი როლანდ ნიჟარაძე, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრის პირველი მოადგილე გურამ მისაბიშვილი, სენაკის მუნიციპალიტეტის მერი ლევან კუპრეიშვილი, რეგიონული თეატრების მეექვსე საერთაშორისო ფესტივალის მხატვრული ხელმძღვანელი, მსახიობი ნინელი ჭანკვეტაძე, აფხაზეთის მთავრობის წევრები და ადგილობრივი ხელისუფლების წარმომადგენლები, დიმიტრი ჯაიანის ოჯახის წევრები, და თეატრალური სფეროს წარმომადგენლები ესწრებოდნენ.

2020 წლის 3 სექტემბერს გაერო-ს გენერალურმა ასამბლეამ, 74-ე სესიის ფარგლებში, 84 სახელმწიფოს მხარდაჭერით მიიღო რეზოლუცია „აფხაზეთიდან, საქართველო და ცხინვალის რეგიონიდან/სამხრეთ ოსეთიდან, საქართველო იძულებით გადაადგილებულ პირთა და ლტოლვილთა სტატუსის შესახებ“. ეს არის საერთაშორისო საზოგადოებრიობის მიერ საქართველოს ტერიტორიული მთლიანობის, სახელმწიფოებრივი სუვერენიტეტისა და იძულებით ადგილნაცვალ პირთა მხარდაჭერის მორიგი ძლიერი დადასტურება.

რეზოლუცია წარმოადგენს არა მხოლოდ საქართველოს, არამედ უკვე 54 ქვეყნის ერთობლივ ინიციატივას, რაც ნათლად მეტყველებს,  რომ საერთაშორისო საზოგადოებრიობა ქართულ სახელმწიფოსთან ერთად აგრძელებს ძალისხმევას საერთაშორისო სამართლის პრინციპების შესაბამისად საქართველოს ტერიტორიული მთლიაობის აღდგენის, კონფლიქტის სრულმასშტაბიანი მშვიდობიანი მოგვარებისა და იძულებით ადგილნაცვალ პირთა უსაფრთხო, ღირსეული, ნებაყოფლობითი და უპირობო დაბრუნებისათვისათვის.

აფხაზეთის ავტონომიური რესპუბლიკის მთავრობის,  დევნილი საზოგადოების  სახელით, მადლობას ვუხდი  ყველა იმ სახელმწიფოს, რომელმაც მხარი დაუჭირა რეზოლუციას და გახდა ინიციატივის თანაავტორი და იმედს გამოთქვამ, რომ ჩვენი ერთობლივი ძალისხმევა ახლო მომავალში გამოიღებს სასურველ შედეგს და დაასრულებს საქართველოს ტერიტორიების ოკუპაციას.

 იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის ტერიტორიულ ორგანოსთან არსებული მუდმივმოქმედი მცირე სარემონტო და აღდგენითი სამუშაოების კომისიის მიერ, პროგრამის ფარგლებში ქობულეთში, 9 აპრილის ქუჩა #109, ყოფილი მე-7 სკოლის პირველ კორპუსში, სადაც აფხაზეთიდან კომპაქტურად განსახლებული დევნილები ცხოვრობენ, მიმდინარეობს შენობის საკანალიზაციო სისტემის მოსაწესრიგებელი სამუშაოები;
პროექტის ფარგლებში განხორციელდება შენობის საერთო მოხმარების საკანალიზაციო სისტემაზე არსებული დაზიანებული მილების დემონტაჟი და ახალი მილების მონტაჟი.

აფხაზეთის ავტონომიური რესპუბლიკის მთავრობის ინიციატივით ფოთისა და ზუგდიდის მუნიციპალიტეტებში აფხაზეთიდან დევნილი მოზარდების მონაწილეობით სპორტული ღონისძიებები და დასუფთავების აქცია მოეწყო.

ღონისძიებები იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის ორგანიზებით, კულტურის, სპორტისა და ახალგაზრდულ საქმეთა სააგენტოს მხარდაჭერით, სპორტისა და ახალგაზრდულ საქმეთა სამსახურის მონაწილეობით გაიმართა და მასში სხვადასხვა კომპაქტური ჩასახლებებიდან აფხაზეთიდან დევნილი 10-14 წლის ასაკის ბავშვი მონაწილეობდა.

ორივე მუნიციპალიტეტში სამი დღის განმავლობაში საფეხბურთო ტურნირები ჩატარდა, სადაც 12 გუნდი ასპარეზობდა. მატჩების დასრულების შემდეგ გამარჯვებული გუნდები თასებით, მედლებით, სიგელებით და სპორტული ინვენტარით დაჯილდოვდა, ხოლო ტურნირის ყველა მონაწილეს საჩუქრად სპორტული ფორმები  გადაეცა.

ღონისძიებებს იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, სპორტისა და ახალგაზრდულ საქმეთა სააგენტოს და აფხაზეთის მთავრობის წარმომადგენლები ესწრებოდნენ.

ღონისძიებები იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის პროგრამის "ჯანსაღი ცხოვრების წესი და ბუნების დაცვა" ფარგლებში გაიმართა. პროექტის მიზანია აფხაზეთიდან დევნილ ბავშვებში ჯანსაღი ცხოვრების წესის პოპულარიზაცია, მათი ფუზიკური უნარ-ჩვევების განვითარება და გარემოს დაცვით აქტივობებში მონაწილეობით, ბუნების მიმართ პასუხისმგებლობის გაცნობიერების ხელშეწყობა.

სენაკის მუნიციპალიტეტში, ნოქალაქევის ისტორიულ ციხე-ქალაქში, რეგიონული თეატრების მეექვსე საერთაშორისო ფესტივალი სოხუმის კონსტანტინე გამსახურდიას სახელობის სახელმწიფო დრამატული თეატრის სპექტაკლით „მთვარის მოტაცება“ (რეჟისორი გოჩა კაპანაძე) გაიხსნა.

ფესტივალის გახსნას ესწრებოდნენ საქართველოს განათლების, მეცნიერების, კულტურისა და სპორტის მინისტრი მიხეილ ჩხენკელი, სამეგრელო-ზემო სვანეთის სახელმწიფო რწმუნებულის მოვალეობის შემსრულებელი მალხაზ თორია, აფხაზეთის ავტონომიური რესპუბლიკის განათლებისა და კულტურის მინისტრი როლანდ ნიჟარაძე, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, სენაკის მუნიციპალიტეტის მერი ლევან კუპრეიშვილი, ფესტივალის მხატვრული ხელმძღვანელი, მსახიობი ნინელი ჭანკვეტაძე, აფხაზეთის მთავრობის წევრები და უმაღლესი საბჭოს დეპუტატები და სხვ.

სენაკის მუნიციპალიტეტში, ნოქალაქევის ისტორიულ ციხე-ქალაქში, რეგიონული თეატრების საერთაშორისო ფესტივალი სოხუმის კონსტანტინე გამსახურდიას სახელობის პროფესიული სახელმწიფო დრამატული თეატრის სპექტაკლით გაიხსნა. სოხუმის თეატრი მაყურებლის წინაშე გოჩა კაპანაძის სპექტაკლით „მთვარის მოტაცება“ წარსდგა.

ფესტივალის გახსნას საქართველოს განათლების, მეცნიერების, კულტურისა და სპორტის მინისტრი მიხეილ ჩხენკელი, სამეგრელო-ზემო სვანეთის სახელმწიფო რწმუნებულის მოვალეობის შემსრულებელი მალხაზ თორია, აფხაზეთის ავტონომიური რესპუბლიკის განათლებისა და კულტურის მინისტრი როლანდ ნიჟარაძე, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრის პირველი მოადგილე გურამ მისაბიშვილი, სენაკის მუნიციპალიტეტის მერი ლევან კუპრეიშვილი, ფესტივალის მხატვრული ხელმძღვანელი, მსახიობი ნინელი ჭანკვეტაძე, აფხაზეთის მთავრობის წევრები და უმაღლესი საბჭოს დეპუტატები, ადგილობრივი ხელისუფლების და თეატრალური სფეროს წარმომადგენლები ესწრებოდნენ.

რეგიონული თეატრების საერთაშორისო ფესტივალი წელს მეექვსედ იმართება. კორონავირუსის პანდემიის გამო ფესტივალი განსხვავებული ფორმატით ტარდება, საფესტივალო სპექტაკლები სპეციალურად შერჩეულ ლოკაციებზე, ღია ცის ქვეშ, რეკომენდაციების სრული დაცვით მიმდინარეობს.

სენაკის მუნიციპალიტეტში მოსწავლე-ახალგაზრდობისა და კულტურის ცენტრის ისტორიულ შენობას, ცნობილი ქართველი მსახიობისა და საზოგადო მოღვაწის, საქართველოსა და აფხაზეთის სახალხო არტისტის, კოტე მარჯანიშვილისა და გიორგი შერვაშიძის პრემიების ლაურეატის, ღირსების ორდენის კავალერის, უკრაინის სახელმწიფო ორდენის კავალერის, სენაკის საპატიო მოქალაქის დიმიტრი ჯაიანის სახელი მიენიჭა. ასევე, შენობაში განთავსდა დიმიტრი ჯაიანის მემორიალური დაფა, რომელიც ხელოვანის ვაჟმა და შვილიშვილმა -  ჯაბა და გიორგი ჯაიანებმა გახსნეს. ღონისძიების ფარგლებში დიმიტრი ჯაიანის ცხოვრებისა და მოღვაწეობის ამსახველი დოკუმენტური ფილმის ჩვენება გაიმართა.

საზეიმო ცერემონიალს აფხაზეთის ავტონომიური რესპუბლიკის განათლებისა და კულტურის მინისტრი როლანდ ნიჟარაძე, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრის პირველი მოადგილე გურამ მისაბიშვილი, სენაკის მუნიციპალიტეტის მერი ლევან კუპრეიშვილი, აფხაზეთის მთავრობის წევრები და ადგილობრივი ხელისუფლების წარმომადგენლები, დიმიტრი ჯაიანის ოჯახის წევრები, რეგიონული თეატრების მეექვსე საერთაშორისო ფესტივალის მხატვრული ხელმძღვანელი, მსახიობი ნინელი ჭანკვეტაძე და თეატრალური სფეროს წარმომადგენლები ესწრებოდნენ.

სენაკის მოსწავლე-ახალგაზრდობისა და კულტურის ცენტრის ისტორიულ შენობას, ცნობილი ქართველი მსახიობისა და საზოგადო მოღვაწის, საქართველოსა და აფხაზეთის სახალხო არტისტის, კოტე მარჯანიშვილისა და გიორგი შერვაშიძის პრემიების ლაურეატის, ღირსების ორდენის კავალერის, უკრაინის სახელმწიფო ორდენის კავალერის, სენაკის საპატიო მოქალაქის დიმიტრი ჯაიანის სახელი მიენიჭა. ასევე, შენობაში განთავსდა დიმიტრი ჯაიანის მემორიალური დაფა, რომელიც ხელოვანის ვაჟმა და შვილიშვილმა - ჯაბა და გიორგი ჯაიანებმა გახსნეს. ღონისძიების ფარგლებში დიმიტრი ჯაიანის ცხოვრებისა და მოღვაწეობის ამსახველი დოკუმენტური ფილმის ჩვენება გაიმართა.

მიმდინარე წლის 2 სექტემბერს სამინისტროში ჩატარდა „აფხაზეთის ავტონომიური რესპუბლიკის ოკუპირებული ტერიტორიიდან იძულებით გადაადგილებულ პირთა-დევნილთა საკუთრებაში/სარგებლობაში გადაცემულ საცხოვრებელ ობიექტებში სარემონტო-აღდგენითი სახის სამუშაოების განმსაზღვრელი კომისიის“ მორიგი სხდომა. სამუშაო პროცესში, ონლაინ-რეჟიმის ფარგლებში მონაწილეობდნენ სამინისტროს ტერიტორიული ორგანოების ხელმძღვანელები.

სხდომის თავმჯდომარემ ბატონმა კონსტანტინე კუჭუხიძემ დღის წესრიგით გათვალისწინებული საკითხების განხილვამდე, ყურადღება გაამახვილა ქვეყანაში COVID 19-ის კუთხით არსებულ ვითარებაზე და ტერიტორიული ორგანოების ხელმძღვანელებს მოუწოდა, ინფექციის გავრცელების თავიდან აცილებისა და პრევენციის მიზნით, უზრუნველყონ შემუშავებული რეკომენდაციების დაცვა, ასევე, სამოქმედო რეგიონებში მოქალაქეთა ინფორმირებულობა.

დღის წესრიგით გათვალისწინებული საკითხების განხილვისა და აზრთა შეჯერების შედეგად, კომისიამ დადებითი გადაწყვეტილება მიიღო ხუთი (5) ობიექტთან დაკავშირებით.

• ქ. რუსთავი, ბოსტან ქალაქის ქუჩა N1
• ქ. რუსთავი, კოსტავას ქ.N35
• ზუგდიდის მუნიციპალიტეტი, სოფ. ახალსოფელი (ყოფილი ჩაის ფაბრიკის ბინები),
• ფოთის მუნიციპალიტეტი, ნ. ვაჩნაძის ქ. N24 (ყოფილი საბავშვო ბაღის შენობა);
• ქუთაისის მუნიციპალიტეტი, ყოფილი კომაროვის სახ. ფიზიკა-მათემატიკური სკოლის შენობა.

კომისიის გადაწყვეტილებით, უმოკლეს ვადებში, განხორციელდება სამუშაოების შესყიდვის მიზნით საჭირო დოკუმენტაციის მომზადება და ელექტრონული ტენდერის გამოცხადება.