იმერეთის, გურიის, რაჭა - ლეჩხუმისა და ქვემო სვანეთის რეგიონებისა და აჭარის ა.რ. ტერიტორიული ორგანოს დევნილებთან ურთიერთობის, სოციალური პროგრამებისა და რეგიონული მართვის სამსახურის უფროსი გიორგი ლეკვეიშვილი, უფროსი სპეციალისტები თეიმურაზ წულაია და აბესალომ ჩარქსელიანი ქუთაისში, შერვაშიძის #3-ში (ჩვილ ბავშვთა სახლი) მცხოვრებ დევნილებს შეხვდნენ. ჩასახლებაში მცხოვრები დევნილები ითხოვენ ცენტრალურის გზიდან ობიექტამდე მისასვლელი, დაახლოებით 300 მეტრ გზაზე ასფალტის საფარის დაგებას. ასევე, ობიექტზე ჩასატარებელია სადეზინფექციო სამუშაოები, რადგან ძალიან მომრავლებულია მწერები და ქვეწარმავლები.
ტერიტორიული ორგანო კომპეტენციის ფარგლებში მოახდენს რეაგირებას აღნიშნული საკითხების მოგვარებისათვის.

შეხვედრის ბოლოს ითქვა, რომ ტერიტორიული ორგანო გარკვეული პერიოდულობით შეხვდება დევნილ მოსახლეობას და გაცვლიან ინფორმაციებს.

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა დავით ფაცაციამ, აფხაზეთის ავტონომიური რესპუბლიკის თავმჯდომარე - რუსლან აბაშიძესთან, აფხაზეთის ავტონომიური რესპუბლიკის უმაღლესი საბჭოს თავმჯდომარე - ჯემალ გამახარიასთან და მთავრობის წევრებთან ერთად, აფხაზეთის შეიარაღებული კონფლიქტის დროს დაღუპულთა ხსოვნას პატივი მიაგო.

„27 წლის წინ 27 სექტემბერს სოხუმი დაეცა. რუსეთის ოკუპაციურმა ძალებმა და ბანდ-ფორმირებებმა დაიკავეს ქალაქი. მტრის მიერ თავს მოხვეულ ომში 13 თვის და 13 დღის განმავლობაში დაიღუპა ათასობით მეომარი და მშვიდობიანი მოქალაქე, როგორც ქართული ისე აფხაზური მხრიდან. ეს არის ჩვენი საერთო ტრაგედია და დროის ამ გადმოსახედიდან ყველანი დავრწმუნდით, რომ ამ ძმათამკვლელ ომში დამარცხდა ყველა.

მინდა ქედი მოვიხარო უახლესი ისტორიის დიდებული გმირების წინაშე, რომლებმაც თავი შესწირეს საქართველოს ტერიტორიული მთლიანობისათვის ბრძოლას - ჟიული შარტავა, რაულ ეშბა, გურამ გაბესკირია, ჯუმბერ ბეთაშვილი, არშაველ შენგელია, სუმბათ სააკიანი, მიხეილ კოკაია, მამია ალასანია, ვახტანგ გეგელაშვილი, ალექსანდრე ბერულავა და მთავრობის დაცვის წევრები. ამ ადამიანების სახელები მუდამ იქნება თაობებისათვის დიდებული გმირობისა და ღირსების მაგალითი.

საქართველოს ხელისუფლება არასდროს შეეგუება ოკუპაციას და ყველა ხერხს მიმართავს იმისთვის, რომ აფხაზებსა და ქართველებს შორის აღდგეს მშვიდობა, ნდობა და სიყვარული. უწმინდესის ლოცვა-კურთხევით  გავერთიანდებით ჩვენი საერთო მომავლის გადასარჩენად.

უდიდესი ტრაგედიის მიუხედავად დარწმუნებული ვარ, რომ კონფლიქტის მშვიდობიანი მოგვარება არის ერთადერთი და უალტერნატივო გზა საერთო კეთილდღეობისა და დევნილების საკუთარ სახლებში ღირსეული დაბრუნების.“ - განაცხადა დავით ფაცაციამ.

დღეს სამების საკათედრო ტაძარში სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ ჯვართამაღლების დღესთან დაკავშირებით წირვა-ლოცვა აღავლინა და აფხაზეთში საქართველოს ტერიტორიული მთლიანობისთვის ბრძოლაში დაღუპულთა სულების მოსახსენებელი პანაშვიდი გადაიხადა.

სამების ტაძარში აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, აფხაზეთის ავტონომიური რესპუბლიკის მთავრობის წევრები და დევნილი საზოგადოება იმყოფებოდნენ.

27 სექტემბრის აღსანიშნავად აჭარის ა/რ-ის მთავრობის თავმჯდომარემ თორნიკე რიჟვაძემ, სსიპ - ვეტერანების საქმეთა სახელმწიფო სამსახურის უფროსმა შოთა ყიფიანმა, აჭარის აღმასრულებელი და საკანონმდებლო ორგანოების წარმომადგენლებმა ბათუმში აფხაზეთის ომში დაღუპულთა ხსოვნას პატივი მიაგეს და ჟიული შარტავას ძეგლი გვირგვინით შეამკეს.

პატვივგების ღონისძიებაში მონაწილეობდნენ აფხაზეთის ავტონომიური რესპუბლიკიდან იძულებით გადაადგილებულ პირთა - დევნილთა სამინისტროს იმერეთის, გურიის, რაჭა-ლეჩხუმისა და ქვემო სვანეთის რეგიონებისა და აჭარის ავტონომიური რესპუბლიკის ტერიტორიული ორგანოს რეგიონული განყოფილების უფროსი ნანა ჭანტურია, სამთავრობო და არასამთავრობო სექტორის წარმომადგენლები, აფხაზეთის ომის ვეტერანები, ადგილობრივი და აფხაზეთიდან დევნილი საზოგადოება.

წყალტუბოში საქართველოს ტერიტორიული მთლინობისათვის ბრძოლაში დაღუპულთა ხსოვნის მემორიალზე 27 სექტემბრის ღონისძიებასთან დაკავშირებით აფხაზეთის ავტონომიური რესპუბლიკიდან იძულებით გადაადგილებულ პირთა - დევნილთა სამინისტროს იმერეთის, გურიის, რაჭა-ლეჩხუმისა და ქვემო სვანეთის რეგიონებისა და აჭარის ავტონომიური რესპუბლიკის ტერიტორიული ორგანოს ხელმძღვანელის მოადგილემ ნათია კოპალიანმა და ტერიტორიული ორგანოს თანამშრომლებმა გვირგვინით შეამკეს მემორიალი და პატივი მიაგეს დაღუპულთა ხსოვნას.
წყალტუბოს მუნიციპალიტეტის მერმა გრიგოლ იოსელიანმა, მაჟორიტარმა დეპუტატმა ცოტნე ზურაბიანმა და საკრებულოს თავმჯდომარის მოვალეობის შემსრულებელმა პაატა ახალაძემ პატივი მიაგეს საქართველოს ტერიტორიული მთლიანობისთვის დაღუპული გმირების ხსოვნას და გვირგვინით შეამკეს დიდების მემორიალი. ღონისძიებაში მონაწილეობა მიიღეს წყალტუბოს სკოლების აღსაზრდელებმა, რომლებმაც წაიკითხეს ლექსები აფხაზეთზე და წარმოადგინეს მხატვრული ინსცენირება აფხაზეთის თემაზე.
წყალტუბოს წმინდა ბარბარეს სახელობის ეკლესიის წინამძღვარმა მამა გიორგიმ და ამბროსი ხელაიას ტაძრის წინამძღვარმა, გელათის მონასტრის დეკანოზმა მამა იოანემ გადაიხადეს აფხაზეთის ომში დაღუპული გმირების პანაშვიდი.

1993 წლის 27 სექტემბრიდან 27 წელი გავიდა. ამ დღის აღსანიშნავად აფხაზეთის ავტონომიური რესპუბლიკიდან იძულებით გადაადგილებულ პირთა - დევნილთა სამინისტროს იმერეთის, გურიის, რაჭა-ლეჩხუმისა და ქვემო სვანეთის რეგიონებისა და აჭარის ავტონომიური რესპუბლიკის ტერიტორიული ორგანომ დაღუპულთა ხსოვნის პატივგების ღონისძიება გამართა. ტერიტორიული ორგანოს ხელმძღვანელმა ბესიკ ჭანტურიამ, ხელმძღვანელის მოადგილემ ნათია კოპალიანმა და ტერიტორიული ორგანოს თანამშრომლებმა გვირგვინით შეამკეს მემორიალი და პატივი მიაგეს დაღუპულთა ხსოვნას. მემორიალზე დაღუპულთა ხსოვნის პატივსაცემად ქუთაისის წმინდა სვიმონ კანანელის სახელობის ტაძრის წინამძღვარმა მამა ზურაბმა (სუბელიანმა) პანაშვიდი გადაიხადა.
ღონისძიებაში მონაწილეობდნენ სსიპ ვეტერანების საქმეთა სახელმწიფო სამსახურის იმერეთის სამმართველოს უფროსი გელა ცინაძე და ვეტერანები, ქუთაისში მოქმედი დევნილთა სკოლების, ასევე არასამთავრობო სექტორის წარმომადგენლები, აფხაზეთის ომის ვეტერანები, აფხაზეთიდან დევნილი და ადგილობრივი საზოგადოების წარმომადგენლები.

აფხაზეთში 1993 წლის 27 სექტემბერს განვითარებული ტრაგიკული მოვლენებიდან 27 წელი გავიდა. ამ თარიღთან დაკავშირებით, საქართველოს პრემიერ-მინისტრმა გიორგი გახარიამ, აფხაზეთის ავტონომიური რესპუბლიკის მთავრობის თავმჯდომარემ  რუსლან აბაშიძემ, საქართველოს მთავრობის წევრებმა და თბილისის მერმა კახა კალაძემ პატივი მიაგეს აფხაზეთის შეიარაღებული კონფლიქტის დროს დაღუპულთა ხსოვნას და გმირთა მემორიალი გვირგვინით შეამკეს.

„27 სექტემბერი ერთ-ერთი ყველაზე ტრაგიკული დღეა საქართველოს უახლეს ისტორიაში  -  სოხუმის დაცემიდან  27 წელი გავიდა. დღეს ჩვენ პატივს მივაგებთ  აფხაზეთში დატრიალებული ტრაგედიის ყველა მსხვერპლს,  საქართველოს ტერიტორიული მთლიანობისთვის  დაღუპულ გმირებს. მიმდინარე ოკუპაციის,  არსებული  სირთულეების და გამოწვევების მიუხედავად,  ჩვენს უმთავრესს პრიორიტეტს კონსენსუსზე დამყარებული სამშვიდობო პოლიტიკა წარმოადგენს,    ვინაიდან  მშვიდობიანი გზებით უთანხმოების მოგვარებას ალტერნატივა არ გააჩნია. ჩვენ მზად ვართ და ყველაფერს გავაკეთებთ აფხაზეთის დაშორიშორებული საზოგადოების გაერთიანებისთვის, რათა ერთად გავაგრძელოთ ცხოვრება ერთიან, ძლიერ საქართველოში,” -  განაცხადა რუსლან აბაშიძემ.

მემორიალთან ასევე აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები იმყოფებოდნენ.

დღესვე, აფხაზეთის ავტონომიური რესპუბლიკის მთავრობის წევრებმა  საქართველოს ეროვნული გმირების, ჟიული შარტავას, მამია ალასანიასა და გურამ გაბესკირიას საფლავები მოინახულეს და ყვავილებით შეამკეს, ასევე, ვაშლიჯვრის ძმათა სასაფლაოზე საქართველოს ტერიტორიული მთლიანობისათვის დაღუპული გმირების ხსოვნას პატივი მიაგეს.

აფხაზეთში 1993 წლის 27 სექტემბერს განვითარებული ტრაგიკული მოვლენებიდან 27 წელი გავიდა. ამ თარიღთან დაკავშირებით, საქართველოს პრემიერ-მინისტრმა გიორგი გახარიამ, აფხაზეთის ავტონომიური რესპუბლიკის მთავრობის თავმჯდომარემ  რუსლან აბაშიძემ, საქართველოს მთავრობის წევრებმა და თბილისის მერმა კახა კალაძემ პატივი მიაგეს აფხაზეთის შეიარაღებული კონფლიქტის დროს დაღუპულთა ხსოვნას და გმირთა მემორიალი გვირგვინით შეამკეს.

„27 სექტემბერი ერთ-ერთი ყველაზე ტრაგიკული დღეა საქართველოს უახლეს ისტორიაში  -  სოხუმის დაცემიდან  27 წელი გავიდა. დღეს ჩვენ პატივს მივაგებთ  აფხაზეთში დატრიალებული ტრაგედიის ყველა მსხვერპლს,  საქართველოს ტერიტორიული მთლიანობისთვის  დაღუპულ გმირებს. მიმდინარე ოკუპაციის,  არსებული  სირთულეების და გამოწვევების მიუხედავად,  ჩვენს უმთავრესს პრიორიტეტს კონსენსუსზე დამყარებული სამშვიდობო პოლიტიკა წარმოადგენს,    ვინაიდან  მშვიდობიანი გზებით უთანხმოების მოგვარებას ალტერნატივა არ გააჩნია. ჩვენ მზად ვართ და ყველაფერს გავაკეთებთ აფხაზეთის დაშორიშორებული საზოგადოების გაერთიანებისთვის, რათა ერთად გავაგრძელოთ ცხოვრება ერთიან, ძლიერ საქართველოში,” -  განაცხადა რუსლან აბაშიძემ.

მემორიალთან ასევე აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები იმყოფებოდნენ.

დღესვე, აფხაზეთის ავტონომიური რესპუბლიკის მთავრობის წევრებმა  საქართველოს ეროვნული გმირების, ჟიული შარტავას, მამია ალასანიასა და გურამ გაბესკირიას საფლავები მოინახულეს და ყვავილებით შეამკეს, ასევე, ვაშლიჯვრის ძმათა სასაფლაოზე საქართველოს ტერიტორიული მთლიანობისათვის დაღუპული გმირების ხსოვნას პატივი მიაგეს.

თბილისში, მუშტაიდის ბაღში მდებარე სპორტკომპლექს „იმედის“ სპორტულ მოედანზე  აფხაზეთის ომში დაღუპულ მეომართა ხსოვნის ტურნირი მინი-ფეხბურთში ამპუტანტ ფეხბურთელთა შორის „აფხაზეთის თასი“ ჩატარდა. ტურნირში საქართველოს სხვადასხვა რეგიონის გუნდებმა  მიიღეს  მონაწილეობა.

გამარჯვებულები თასებითა და მედლებით აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ, ვეტერანთა საქმეების სახელმწიფო სამსახურის დირექტორმა ვლადიმერ იმნაძემ და აფხაზეთის ავტონომიური რესპუბლიკის განათლებისა და კულტურის სამინისტროს სპორტისა და ახალგაზრდულ საქმეთა სამსახურის უფროსმა ვიტალი ბენდელიანმა დააჯილდოვეს.

ტურნირი ამპუტანტ ფეხბურთელთა ასოციაციის ორგანიზებითა და აფხაზეთის ავტონომიური რესპუბლიკის მთავრობისა და ვეტერანთა საქმეების სახელმწიფო სამსახურის მხარდაჭერით ჩატარდა.

ღონისძიების მიზანია საქართველოს ტერიტორიული მთლიანობისათვის ბრძოლაში დაღუპული მეომრებისადმი პატივის მიგება და მათი სახელების უკვდავყოფა.

„საყოველთაოდ ცნობილია, რომ 2008 წელს, საქართველოს წინააღმდეგ რუსეთმა განახორციელა ღია, ფართომაშტაბიანი სამხედრო აგრესია, რომლის შეკავება საერთაშორისო თანამეგობრობის, პირველ რიგში, აშშ-ისა და ევროკავშირის მტკიცე მხარდაჭერით გახდა შესაძლებელი.

აქ, გაერო-ს შტაბ-ბინაში, ყველამ კარგად იცის, რომ საქართველოს განუყოფელი ტერიტორიების 20% - აფხაზეთი და ცხინვალის რეგიონი ოკუპირებულია რუსეთის მიერ.

დღესაც კი, როდესაც მთელი მსოფლიო კორონავირუსის პანდემიას ებრძვის, რუსეთის ფედერაცია არ წყვეტს უკანონო ბორდერიზაციას, პროვოკაციებს ოკუპირებულ ტერიტორიებზე; ინტენსიურად არის გამოყენებული ჰიბრიდული ომის ინსტრუმენტები, მათ შორის, დეზინფორმაციული შეტევები პანდემიასთან ბრძოლის ეროვნული ინფრასტრუქტურის მთავარ ობიექტზე - რიჩარდ ლუგარის სახელობის საზოგადოებრივი ჯანმრთელობის კვლევით ცენტრზე.

სამწუხაროდ, რუსეთი დღემდე არ ასრულებს ევროკავშირის შუამავლობით 2008 წლის 12 აგვისტოს მიღწეულ ცეცხლის შეწყვეტის შეთანხმებას, კვლავ აგრძელებს საქართველოს ტერიტორიული მთლიანობისა და სუვერენიტეტის, საერთაშორისო სამართლის ფუნდამენტური ნორმებისა და პრინციპების უგულებელყოფას.

უკანონო სამხედრო წვრთნების, ბორდერიზაციის - მავთულხლართების და სხვა ხელოვნური ბარიერების აღმართვის ფონზე, ოკუპაციის მძიმე ფასის გადახდა, პირველ რიგში, უწევს კონფლიქტით დაზარალებულ მოსახლეობას, რომლებიც ჰუმანიტარულ კრიზისს განიცდიან - დაკარგული აქვთ წვდომა საკუთარ კარ-მიდამოზე; უწევთ ცხოვრება რეალობაში, სადაც გადასასვლელების ჩაკეტვა, ოჯახების კიდევ უფრო დაშორება ყოველდღიურობაა; სადაც მათ წართმეული აქვთ მიმოსვლის თავისუფლება, საკუთრების უფლება, განათლების უფლება, წვდომა ელემენტარულ სამედიცინო სერვისებზე. ადგილი აქვს ადგილობრივების გატაცებას, წამებას და მკვლელობას.

აუცილებლად უნდა გაგახსენოთ ჩვენი მოქალაქეების - გიგა ოთხოზორია, არჩილ ტატუნაშვილი და დავით ბაშარულის სახელები, რომლებიც საოკუპაციო რეჟიმის წარმომადგენლებმა სიცოცხლეს გამოასალმეს.

საქართველო არასოდეს შეეგუება ოკუპაციას!

საქართველოს თითოეული მოქალაქის სახელით მოვუწოდებ მსოფლიო საზოგადოებას, სათანადო შეფასება მისცეს რუსეთის უკანონო ქმედებებს, რათა ერთობლივი ძალისხმევით ვაიძულოთ ის, შეასრულოს საერთაშორისო ნორმები და ნაკისრი ვალდებულებები, მათ შორის 12 აგვისტოს შეთანხმება. მოვუწოდებთ რუსეთს, კონსტრუქციული პოზიცია დაიკავოს ჟენევის საერთაშორისო მოლაპარაკებების ფარგლებში, სადაც გაერო-ს, ეუთოს, ევროკავშირისა და ამერიკის შეერთებული შტატების მონაწილეობით განვიხილავთ აფხაზეთსა და ცხინვალის რეგიონთან დაკავშირებულ უსაფრთხოებისა და ჰუმანიტარულ საკითხებს, როგორიცაა - რუსეთის მიერ საქართველოს წინააღმდეგ ძალის არგამოყენება, ჯარების გაყვანა, უსაფრთხოების საერთაშორისო მექანიზმების შექმნა და იძულებით გადაადგილებულთა და ლტოლვილთა საკუთარ სახლებში დაბრუნება.

საქართველოს ხელისუფლება, თავის მხრივ, ძალისხმევას არ იშურებს, რომ დაკეტილი საოკუპაციო ხაზის პირობებშიც კი შეძლებისდაგვარად დაეხმაროს გაჭირვებაში მყოფ თანამემამულეებს.

საქართველოს მთავრობის არჩეული პოლიტიკაა დიალოგის გზით მშვიდობის მიღწევა და კონფლიქტის მშვიდობიანი მოგვარება, რაც, ერთის მხრივ, ითვალისწინებს 2008 წლის 12 აგვისტოს ცეცხლის შეწყვეტის შეთანხმების იმპლემენტაციას, ხოლო, მეორეს მხრივ - ომით გაყოფილი საზოგადოების შერიგებას, ნდობისა და ურთიერთობების აღდგენას.

საქართველოს მთავრობის სამშვიდობო ინიციატივა - „ნაბიჯი უკეთესი მომავლისკენ“ არის მკაფიო განაცხადი, რომ საქართველო დაინტერესებულია აფხაზეთისა და ცხინვალის რეგიონებში მცხოვრებ ადამიანებთან დიალოგით. ჩვენ გვაღელვებს მათი ბედი და დაინტერესებული ვართ იქ სოციალურ-ეკონომიკური პირობების გაუმჯობესებით, ისევე, როგორც გამყოფი ხაზის ორივე მხარეს მცხოვრებ ადამიანებს შორის პირდაპირი კავშირების აღდგენით. ჩვენი მიზანია აღნიშნული რეგიონების განვითარება და იქ მცხოვრები ადამიანების საცხოვრებელი პირობების გაუმჯობესება, მათთვის ჩვენს ხელთ არსებული ყველა სიკეთისა და მონაპოვრის გაზიარება, - როგორც მშვიდობიან, თავისუფალ, დემოკრატიულ და კორუფციისგან თავისუფალ საზოგადოებაში ცხოვრება, ისე ევროკავშირთან დაახლოების შედეგად მიღებული შესაძლებლობები - თავისუფალი ვაჭრობის რეჟიმი და უვიზო მიმოსვლა.

მივმართავ ჩვენს თანამემამულეებს საოკუპაციო ხაზების მეორე მხარეს - საქართველოს სურს და შეუძლია თქვენთვის ამ ყველაფრის გაზიარება. ჩვენ ერთად შეგვიძლია თქვენთვის და თქვენი შვილებისთვის შევქმნათ უკეთესი მომავალი და ამასთანავე, შეინარჩუნოთ უნიკალური კულტურა და თვითმყოფადობა, რაც ასევე საერთო მემკვიდრეობის ნაწილია.

აქვე, მინდა დიდი მადლობა გადავუხადო ჩვენს ყველა პარტნიორსა და მეგობარს, მუდმივად გვერდში დგომისთვის, საქართველოს სუვერენიტეტის, ტერიტორიული მთლიანობისა და არაღიარების პოლიტიკის მხარდაჭერისთვის.

ჩვენთვის მნიშვნელოვანია, რომ სულ რამდენიმე კვირის წინ, გლობალური პანდემიის პირობებში, ქვეყნების უპრეცედენტოდ მაღალმა რიცხვმა მხარი დაუჭირა საქართველოს და 54 ქვეყნის მიერ ინიცირებულ ჰუმანიტარული ხასიათის რეზოლუციას - „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ“, რომელიც ადასტურებს მათ უფლებას, ღირსეულად დაბრუნდნენ წინაპრების სახლებში,“ - განაცხადა გიორგი გახარიამ.

აფხაზეთის ავტონომიური რესპუბლიკის მთავრობაში  აფხაზეთიდან წარმატებულ ახალგაზრდებთან მორიგი სამუშაო შეხვედრა გამართა. შეხვედრაში  უცხოეთში მოღვაწე ახალგაზრდებმა ონლაინ ფორმატში  მიიღეს  მონაწილეობა.

შეხვედრაზე გაჟღერდა  მთავრობის ახალი ინიციატივები. საუბარი შეეხო კონკრეტულ    პროექტებს, იმსჯელეს მათი განხორციელების გზებსა და შესაძლებლობებზე.    მონაწილეებმა ასევე ისაუბრეს სამუშაო სტრატეგიისა და  სამოქმედო გეგმის     განსაზღვრაზე, აფხაზეთის თემატიკასთან დაკავშირებით ახალგაზრდული  ფორუმების და   კონფერენციების ორგანიზების ხელშეწყობაზე,  კვლევებისა და სხვადასხვა საინფორმაციო   მასალების ონლაინ პლატფორმებზე  განთავსებაზე. 

წარმატებულ ახალგაზრდებთან შეხვედრები პერმანენტულად იმართება. ახალგაზრდულ პლატფორმას დღეს ახალი მონაწილეებიც შემოუერთდნენ.
შეხვედრაში აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე,  იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია და თავმჯდომარის მრჩეველი მანანა ქვაჩახია მონაწილეობდნენ.

„COVID-19-ის გავრცელების რისკის შემცირებაში შეტანილი წვლილის, ერთგულების, დაუღალავი შრომისა და თავდადებისათვის“ საქართველოს წითელი ჯვრის სიგელი გადაეცა აფხაზეთის ავტონომიური რესპუბლიკის განათლებისა და კულტურის მინისტრის მოადგილეს ირმა კეკელიძეს. სიგელს ხელს აწერს საქართველოს წითელი ჯვრის საზოგადოების პრეზიდენტი ნათია ლოლაძე.

ირმა კეკელიძე აფხაზეთის ავტონომიური რესპუბლიკის მთავრობის მოხალისეთაგან ერთ-ერთია, რომელიც „წითელი ჯვრის“ მიერ იყო დატრენინგებული და სოციალურად დაუცველი მარტოხელა მოხუცების დახმარების კამპანიაში აქტიურად მონაწილეობდა. აპრილ-მაისის ურთულეს დღეებში ირმა კეკელიძე ქ. თბილისის სხვადასხვა რაიონის სოციალურად დაუცველ ხანდაზმულებს პირველადი მოხმარების საგნებისა და პროდუქტების ამანათებს ურიგებდა და საჭიროების შემთხვევაში პირველად სამედიცინო დახმარებას უწევდა.

აქცია თბილისის მერიისა და „საქართველოს წითელი ჯვრის“ ორგანიზებით და უწყებათაშორისი საკოორდინაციო საბჭოს რეკომენდაციით მიმდინარეობდა.

აფხაზეთის კულტურის, სპორტის და ახალგაზრდულ საქმეთა სააგენტოს და ნატოსა და ევროკავშირის შესახებ საინფორმაციო ცენტრის ერთობლივი პროექტის  „შემოქმედებითი ზაფხული“ დასკვნითი ღონისძიება გაიმართა. კონკურსში აფხაზეთიდან იძულებით გადაადგილებული ახალგაზრდები მონაწილეობდნენ, რომლებმაც თემებზე "მე ევროპელი" და "მომავლის აფხაზეთი" ლიტერატურული ჩანახატები, ესეები და ფერწერული ნამუშევრები წარმოადგინეს.

საკონკურსო ჟიურის მიერ  გამოვლენილ გამარჯვებულებს და კონკურსის მონაწილეებს აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ, ნატოსა და ევროკავშირის შესახებ საინფორმაციო ცენტრის დირექტორმა თამარა წულეისკირმა, ქართული ბრენდის "ANOUKI" კრეატიულმა დირექტორმა ანუკი არეშიძემ,  კულტურის, სპორტის და ახალგაზრდულ საქმეთა სააგენტოს დირექტორმა ლიკა კვარაცხელიამ  სიგელები  და   სიმბოლური საჩუქრები გადასცეს.

პროექტის ფარგლებში  გამარჯვებული ნაშრომები კულტურის, სპორტის და ახალგაზრდულ საქმეთა სააგენტოს ჟუნალ „რიწის“ 2020 წლის მესამე და ჟურნალ „იალქნის“ სექტემბრის ნომრებში დაიბეჭდება, ხოლო რჩეულ ფერწერულ ნამუშევარს, რომელიც  ანუკი არეშიძემ გამოავლინა, თავის კოლექციაში გამოიყენებს.

  2020 წლის 25  სექტემბერს, აღმოსავლეთ საქართველოს ტერიტორიული ორგანოს თანამშრომლებმა  ქ. თბილისში  ჩუღურეთის რაიონი, ჩუბინიშვილის # 52-ში მცხოვრებ დევნილებთან შეხვედრა გამართეს. ობიექტში ცხოვრობს 16 აფხაზეთიდან იძულებით გადაადგილებული ოჯახი.  შენობა არ არის პრივატიზებული და შესაბამისად ბინათმესაკუთრეთა ამხანაგობაც არ არის შექმნილი. ტერიტორიული ორგანოს თანამშრომლებმა  დევნილებს მიეწოდეს  ინფორმაცია აფხაზეთის მთავრობის მიერ დაგეგმილი პროექტებისა და მიმდინარე სოციალური და ინფრასტრუქტურული პროგრამების შესახებ. ობიექტი გაზიფიცირებულია, ინდივიდუალურად გამრიცხველიანებული. შენობა სრულად სარემონტოა. მოსახლერობის მოთხოვნაა საცხოვრებელი ფართების დაკანონება ან სხვა ალტერნატიული საცხოვრებელი ფართებით უზრუნველყოფა. ( ობიექტი გასახლებაზეა).

 მიმდინარე წელს მოწყვლადი ჯგუფებისათვის დახმარების პროგრამის ფარგლებში სასურსათო პაკეტი და სააღდგომო ნობათი გადაეცა აღნიშნულ ჩასახლებაში მცხოვრებ 70 წელს გადაცილებულ 3 მოქალაქეს.  2020 წლის 20 სექტემბერს ობიექტს  ჩაუტარდა სადეზინფექციო სამუშაოები.

შეხვედრას ესწრებოდნენ  აღმოსავლეთ საქართველოს ტერიტორიული ორგანოს დევნილებთან ურთიერთობის, სოციალური პროგრამების და რეგიონული მართის სამსახურის უფროსის მოადგილე ქ-ნი ჯულიეტა მხეიძე და რეგიონული მართვის განყოფილების უფროსი ზურაბ ხარაიშვილი.