დღეს, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთის ავტონომიური რესპუბლიკის მთავრობის თავჯდომარე - რუსლან აბაშიძესთან ერთად საქართველოს იუსტიციის მინისტრს ბატონ გოჩა ლორთქიფანიძეს შეხვდა.
შეხვედრაზე მხარეებმა სამართლებრივ გამარჯვებაზე ისაუბრეს, რომელსაც საქართველომ მიმდინარე წლის 21 იანვარს, ადამიანის უფლებათა ევროპული სასამართლოს გადაწყვეტილებით მიაღწია.
ასევე, იმსჯელეს მნიშვნელობაზე ქვეყნის დეოკუპაციის პროცესში და გადაწყვეტილების აღსრულებისთვის საჭირო იმ ღონისძიებებზე, რომელიც საქართველოს იუსტიციის სამინისტროს აქვს დაგეგმილი.
საუბარი, ასევე შეეხო, ურთიერთთანამშრომლობის გზებსა და სხვა მნიშვნელოვან საკითხებს.

დევნილთა საკუთრებაში/სარგებლობაში გადაცემულ საცხოვრებელ ობიექტებში განხორციელებული მცირეფასიანი და გადაუდებელი სარემონტო სამუშაოები (2020 წელი)

იუსტიციის მინისტრმა გოჩა ლორთქიფანიძემ აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე მიიღო. შეხვედრას იუსტიციის მინისტრის მოადგილე ბექა ძამაშვილი და აფხაზეთის ავტონომიური რესპუბლიკის მინისტრი იუსტიციისა და სამოქალაქო ინტეგრაციის საკითხებში დავით ფაცაცია ესწრებოდნენ.

შეხვედრაზე გოჩა ლორთქიფანიძემ იმ ისტორიულ გამარჯვებაზე ისაუბრა, რომელიც საქართველომ 2021 წლის 21 იანვარს 2008 წლის ომის საქმეზე სტრასბურგის სასამართლოს მიერ გამოტანილი გადაწყვეტილებით მიაღწია.

გოჩა ლორთქიფანიძემ და ბექა ძამაშვილმა სტუმრებს სტრასბურგის სასამართლოს მიერ გამოტანილი გადაწყვეტილება გააცნეს დეტალურად, რომლითაც რუსეთს დაეკისრა პასუხისმგებლობა აფხაზეთისა და ცხინვალის რეგიონის ოკუპაციის, აგრეთვე ცხინვალის რეგიონში ქართველთა ეთნიკური წმენდის, ქართველი სამხედრო ტყვეების და სამოქალაქო პირების წამებისა და მათი მკვლელობის გამოუძიებლობის გამო.

შეხვედრაზე, ასევე, ისაუბრეს 2008 წლის ომის საქმეზე სტრასბურგის სასამართლოს გადაწყვეტილების აღსრულებისთვის საჭირო იმ ღონისძიებებზე, რომლებიც იუსტიციის სამინისტროს აქვს დაგეგმილი და ამ ისტორიული გადაწყვეტილების მნიშვნელობაზე არაღიარების პოლიტიკისა და ქვეყნის დეოკუპაციის პროცესისათვის.

საუბარი ასევე შეეხო ურთიერთთანამშრომლობის სხვა საკითხებს.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და განათლებისა და კულტურის მინისტრი ეკა ხოფერია საქართველოს განათლების, მეცნიერების, კულტურისა და სპორტის მინისტრ მიხეილ ჩხენკელს შეხვდნენ.

მიხეილ ჩხენკელმა აფხაზეთის ავტონომიური რესპუბლიკის განათლებისა და კულტურის მინისტრ ეკა ხოფერიას თანამდებობაზე დანიშვნა მიულოცა და წარმატებები უსურვა საქმიანობაში.

სამუშაო შეხვედრა საქართველოს განათლების, მეცნიერების, კულტურისა და სპორტის სამინისტროში გაიმართა და მონაწილეებმა მიმდინარე და სამომავლო ერთობლივი პროექტები განიხილეს.

შეხვედრაზე განსაკუთრებული ყურადღება დაეთმო საქართველოს კონტროლირებად ტერიტორიაზე არსებული აფხაზეთის საჯარო სკოლების მასწავლებლების პროფესიული მხარდაჭერის და „ტელესკოლის“ პროგრამების გამდიდრების საკითხებს.

მიხეილ ჩხენკელმა ქუთაისის საერთაშორისო უნივერსიტეტის მნიშვნელობაზე ისაუბრა, სადაც ოკუპირებულ ტერიტორიაზე მცხოვრები ახალგაზრდებიც  შეძლებენ მიიღონ საერთაშორისო სტანდარტების, უმაღლესი დონის განათლება.

შეხვედრაზე ასევე, დევნილი და ოკუპირებულ ტერიტორიებზე მცხოვრები მოსახლეობისთვის პროფესიული განათლების ხელმისაწვდომობის გაზრდის გზებზე იმსჯელეს. ამ მიმართულებით წალენჯიხის მუნიციპალიტეტის სოფელ ფოცხოეწერში დაიწყო პროფესიული სწავლებისათვის საჭირო ინფრასტრუქტურის განვითარება, რომელიც სწორედ ამ მიზანს მოემსახურება.

დღეს აფხაზეთის ავტონომიური რესპუბლიკის მთავრობის მორიგი სხდომა გაიმართა. სხდომას მთავრობის თავმჯდომარე რუსლან აბაშიძე უძღვებოდა.

აფხაზეთის ავტონომიური რესპუბლიკის ფინანსთა და დარგობრივი ეკონომიკისა და აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრებმა მთავრობის წევრებს ოკუპირებულ გალის რაიონში გაჩენილი ხანძრის შედეგად მიყენებული ზარალისა და მასთან დაკავშირებით განსახორციელებელი ღონისძიებების შესახებ ინფორმაცია მიაწოდეს.

სხდომაზე ასევე დღის წესრიგით გათვალისწინებული სხვა საკითხები განიხილეს.

აფხაზეთის ავტონომიური რესპუბლიკის მთავრობის მორიგი სხდომა გაიმართა. სხდომას მთავრობის თავმჯდომარე რუსლან აბაშიძე უძღვებოდა.

აფხაზეთის ავტონომიური რესპუბლიკის ფინანსთა და დარგობრივი ეკონომიკისა და აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრებმა მთავრობის წევრებს ოკუპირებულ გალის რაიონში გაჩენილი ხანძრის შედეგად მიყენებული ზარალისა და მასთან დაკავშირებით განსახორციელებელი ღონისძიებების შესახებ ინფორმაცია მიაწოდეს.

სხდომაზე, ასევე, დღის წესრიგით გათვალისწინებული სხვა საკითხები განიხილეს.

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძესა და აფხაზეთის ავტონომიური რესპუბლიკის განათლებისა და კულტურის მინისტრ ეკა ხოფერიასთან სამუშაო შეხვედრა გამართა.

მიხეილ ჩხენკელმა თავდაპირველად ეკა ხოფერიას აფხაზეთის ავტონომიური რესპუბლიკის განათლებისა და კულტურის მინისტრის თანამდებობაზე დანიშვნა მიულოცა და წარმატებული საქმიანობა უსურვა.

 შეხვედრისას მხარეებმა მიმდინარე და სამომავლო ერთობლივი პროექტები განიხილეს, ზოგადი განათლების მიმართულების პროექტების განხორციელების გზებზე იმსჯელეს, ხაზგასმით აღნიშნეს საქართველოს კონტროლირებად ტერიტორიაზე არსებული საჯარო სკოლების მასწავლებლების პროფესიული მხარდაჭერისა და „ტელესკოლის“ პროგრამების გამდიდრების აუცილებლობა.

მიხეილ ჩხენკელმა სტუმრებს განათლების მთავარი მეგა-პროექტის – ქუთაისის საერთაშორისო უნივერსიტეტის შესახებ მიაწოდა ინფორმაცია და აღნიშნა, რომ უნივერსიტეტის სტუდენტებს, რომელთა შორის ცხადია, მოიაზრებიან ოკუპირებულ ტერიტორიაზე მცხოვრები ახალგაზრდები, ევროპული დონის განათლების მიღების შესაძლებლობა  აქვთ. 

მხარეებმა ასევე ისაუბრეს პროფესიული განათლების მნიშვნელობასა და მისი დევნილი და ოკუპირებული ტერიტორიების ახალგაზრდებისთვის ხელმისაწვდომობის გაზრდის გზებზე. ითქვა, რომ წალენჯიხის მუნიციპალიტეტის სოფ. ფოცხოეწერში სწორედ ამ მიზნით უკვე დაიწყო პროფესიული სწავლებისათვის საჭირო ინფრასტრუქტურის მოწყობა.

გილოცავთ სახელმწიფო დროშის დღეს!

საქართველოს სახელმწიფო დროშა არის სიმბოლო საქართველოს ისტორიული გზის – ქრისტიანული ბრძოლის, ბრძოლის თავისუფლებისათვის, ღმერთისათვის, ღირსებისათვის და საქართველოს ერთიანობისათვის. ამ დროშის ქვეშ შეიქმნა დიდი ქართული სახელმწიფო, რომელმაც ყველა დამპყრობელი დაამარცხა და კვლავაც დაამარცხებს, რადგან გაუტეხელია ქართული სული და ღირსეული ქართველების სამშობლოსადმი სიყვარული.
კიდევ ერთხელ გილოცავთ საქართველოს სახელმწიფო დროშის დღეს, განსაკუთრებით ვულოცავ ქართულ ჯარს და ყველა ღირსეულ ქართველს, რომელიც ყოველთვის და ყველგან მზად არის დაიცვას ჩვენი დიდებული სამშობლო – საქართველო!

  ოკუპირებული აფხაზეთის ტერიტორიაზე  გაჩენილმა  ხანძრის  კერებმა სერიოზული ზიანი მიაყენა როგორც ადგილობრივი მოსახლეობის საკუთრებას, ასევე რეგიონის ეკოლოგიურ მდგომარეობას, დაზიანებულია სასოფლო-სამეურნეო ნარგავები და მოსახლეობის პირადი საკუთრება.

     აფხაზეთის  ავტონომიური  რესპუბლიკის  მთავრობა თავის  ხელთ  არსებული ყველა არხისა და მექანიზმის გამოყენებით ინტენსიურ კომუნიკაციაში იმყოფება ადგილობრივ მოსახლეობასთან და ცდილობს მაქსიმალური მხარდაჭერა აღმოუჩინოს მათ. საქართველოს  ხელისუფლებასთან კოორდნირებულად ახორციელებს ფინანსურ დახმარებას უსახლკაროდ დარჩენილი თანამოქალაქეების მიმართ.

     აღსანიშნავია,  რომ აფხაზეთის ავტონომიური  რესპუბლიკის  მთავრობა, ცენტრალურ ხელისუფლებასთან ერთად რეგულარულად   მუშაობს დევნილთა და ოკუპირებულ ტერიტორიაზე ლეგიტიმურად მცხოვრებ პირთა უფლებებისა და ინტერესების დაცვის მიმართულებით, ასევე მათი სოციალური მდგომარეობისა და საყოფაცხოვრებო პირობების გაუმჯობესების ხელშეწყობის მიზნით მუდმივად ახორციელებს სხვადასხვა სახის სოციალურ-ეკონომიკურ  პროგრამებს.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და განათლებისა და კულტურის მინისტრი ეკა ხოფერია აფხაზეთის საჯარო სკოლების დირექტორებს შეხვდნენ. შეხვედრაში საქართველოს კონტროლირებად ტერიტორიაზე განთავსებული საჯარო სკოლების დირექტორები მონაწილეობდნენ.

შეხვედრაზე COVID-19-ის პანდემიის პირობებში სწავლების დისტანციურ რეჟიმზე გადასვლის შედეგად სკოლებში არსებულ მდგომარეობაზე ისაუბრეს. დირექტორებმა მოსწავლეების კომპიუტერთან და ინტერნეტთან წვდომის შესაძლებლობის შესახებ კონკრეტული ინფორმაცია წარმოადგინეს.

აღნიშნული ინფორმაციის გათვალისწინებით, აფხაზეთის ავტონომიური რესპუბლიკის მთავრობა მოსწავლეებს, შესაძლებლობის ფარგლებში, კომპიუტერის შეძენასა და ინტერნეტთან წვდომის უზრუნველყოფაში დაეხმარება, რათა მათ ონლაინსაკომუნიკაციო პლატფორმების - Microsoft Teams-ის, Skype-ისა თუ Zoom-ის სრულყოფილად გამოყენება შეძლონ.

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთიდან დევნილ, შეზღუდული შესაძლებლობების მქონე პირს მარინა გადელიას სახლში ესტუმრა, შობა-ახალი წელი მიულოცა და საახალწლო ნობათი გადასცა.

აფხაზეთის ავტონომიური რესპუბლიკიდან იძულებით გადაადგილებულ პირთა- დევნილთა მინისტრმა ლევან თევზაიამ საახალწლო აქციაში მონაწილეობა მიიღო. მინისტრს თან ახლდა აღმოსავლეთ საქართველოს ტერიტორიული ორგანოს ხელმძღვანელი დავით ძალამიძე. მათ შობა ახალი წლის დღესასწაულთან დაკავშირებით ქ. თბილისში, ბელიაშვილის N40-ში, თევდორე მღვდლის N13-სა და დისევის ქ.N7-ში მცხოვრებ აფხაზეთიდან დევნილ, 3-დან 8 წლამდე ასაკის სოციალურად დაუცველ ოჯახებში მცხოვრებ ბავშვებს საახალწლო საჩუქრები გადასცეს.

აქცია აფხაზეთის ავტონომიური რესპუბლიკის მთავრობის ორგანიზებით და აფხაზეთის ავტონომიური რესპუბლიკის იძულებით გადაადგილებულ პირთა-დევნილთა სამინისტროს ტერიტორიული ორგანოების ჩართულობით მიმდინარეობს.