აფხაზეთის ავტონომიური რესპუბლიკის განათლებისა და კულტურის სამინისტროში სსიპ აფხაზეთის გეოლოგიისა და მინერალური რესურსების სააგენტოს მიერ გაიმართა კონფერენცია თემაზე: „აფხაზეთის სანაპირო ზოლის გეოეკოლოგიური მდგომარეობა და მასზე ანთროპოლოგიური ზემოქმედების შედეგები“.

კონფერენციაზე მნიშვნელოვანი ყურადღება დაეთმო აფხაზეთის შავი ზღვის სანაპირო ზოლში მდინარეული ნატანი მასალის შემცირებასა და მისგან გამოწვეულ გეოეკოლოგიურ მდგომარეობას.

კონფერენციაში მონაწილეობდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის უმაღლესი საბჭოს თავმჯდომარე გია გვაზავა, საქართველოს გარემოს ეროვნული სააგენტოს  გეოლოგიის დეპარტამენტის უფროსი მერაბ გაფრინდაშვილი, არასამთავრობო ორგანიზაცია „ეკოტექის“ ხელმძღვანელი თემურ ვეკუა, აფხაზეთის მთავრობისა და უმაღლესი საბჭოს წევრები.

ამავე ღონისძიების ფარგლებში, მახათას მთაზე მშენებარე სამონასტრო კომპლექსის სიახლოვეს გამწვანების აქცია მოეწყო.

ვახტანგ ყოლბაიას განცხადებით, აფხაზეთში ეკოლოგიური მდგომარეობა საგანგაშოა და რეგიონი კატასტროფის წინაშე დგას. მისი თქმით, ავტონომიური რესპუბლიკის მთავრობა ყველა საშუალებას მიმართავს, რათა პროცესში ჩართოს საერთაშორისო ორგანიზაციები და აფხაზეთს ეკოლოგიური კატასტროფა ააცილოს.

„აფხაზეთის გეოლოგიისა და მინერალური რესურსების სააგენტო დღეს ძალიან საგულისხმო კონფერენციას ატარებს, რომელიც ძირითადად აფხაზეთის სანაპირო ზოლის გეოეკოლოგიურ მდგომარეობას ეხება. კონფერენციაზე მნიშვნელოვანი ყურადღება დაეთმო აფხაზეთის შავი ზღვის სანაპირო ზოლში მდინარეული ნატანი მასალის შემცირებასა და მისგან გამოწვეულ გეოეკოლოგიურ მდგომარეობას.

კონფერენციაზე გამოიკვეთა ძალზე საგანგაშო ეკოლოგიური ვითარება, რომელიც აფხაზეთის ტერიტორიაზე შეიქმნა. საფრთხე ემუქრება კოდორის და ბზიფის ხეობას, იქ არსებულ ნაკრძალებს. შავი ზღვის სანაპირო ზოლიდან ნატანი მასალების სოჭის ოლიმპიადის ტერიტორიების სამშენებლო მასალად გამოყენებამ, შავი ზღვისპირა ზოლში კატასტროფული ვითარება შექმნა. მოსალოდნელია, რომ რუსეთი ყირიმის გზების ინფრასტრუქტურის მშენებლობისთვისაც იგივეს მოიმოქმედებს. ასეთ მავნებლობას და მისგან გამოწვეულ შედეგებს ზღვარი უნდა დაედოს. საქმე გვაქვს რუსეთის მიერ აფხაზეთის ტერიტორიების ეკოლოგიურ განადგურებასთან. დღეს პირველი ზარი შემოჰკრა ჩვენმა აფხაზეთის სტრუქრურამ. ორშაბათს ჩატარდება საერთშორისო კონფერენცია, რომელიც მიეძღვნება კონფლიქტების გავლენას ეკოლოგიურ გარემოზე, სადაც ეს თემა ფართო საზოგადოებისთვის გახდება ცნობილი. ვფიქრობ, ამ საკითხს გულისყურით მოეკიდებიან საერთაშორისო, არასამთავრობო და სხვა ორგანიზაციები. ჩვენი მიზანია, მთელ მსოფლიოს ვაუწყოთ, რომ საქართველოს ერთ-ერთ ულამაზეს კუთხეს, მსოფლიოს უმშვენიერეს ბუნებრივ საგანძურს, ეკოლოგიური კატასტროფა ემუქრება. ყველაფერი უნდა გავაკეთოთ იმისთვის, რომ ეს ბარბაროსული ეკოლოგიური განადგურების საფრთხე უწინარესად აფხაზებმა და ქართველებმა ერთად ავიცილოთ თავიდან. ჩასატარებელი სამუშაოების მასშტაბი გრანდიოზულია, ამიტომ, რა თქმა უნდა, ქართველებმა, აფხაზებმა, საერთაშორისო თანამეგობრობამ, შესაბამისმა ეკოლოგიურმა ინსტიტუტებმა და უწყებებმა ერთობლივი მოქმედებით უნდა შევძლოთ ამ საფრთხისგან თავის დაღწევა“. - განაცხადა ვახტანგ ყოლბაიამ.

დღეს, ივანე ჯავახიშვილის სახელობის თბილისის სახელმწიფო უნივერსიტეტში, დიასპორის დღის ფარგლებში პირველი პროფესიული დიასპორული ფორუმი - „გაუზიარე გამოცდილება სამშობლოს" გაიხსნა. ფორუმი 27-29 მაისს ტარდება და მიზნად ისახავს სამშობლოსთვის დიასპორული გამოცდილების გაზიარებას, დიასპორასა და სამშობლოს შორის პარტნიორული ურთიერთობების ჩამოყალიბებას, როგორც სახელმწიფო ინსტიტუტებთან, ისე კერძო და სამოქალაქო სექტორთან.

დიასპორის პროფესიული პოტენციალის სამშობლოს სასიკეთოდ მიმართვის უზრუნველყოფის მიზნით, ფორუმის მონაწილეებმა იმსჯელეს კონკრეტულ სფეროში არსებულ გამოწვევებზე, ეფექტური თანამშრომლობის გზებზე. თემატურ ჯგუფებში მოხსენებების შემდეგ გაიმართა დისკუსია და დებატები, სადაც გამოიკვეთა დიასპორის ინიციატივები არა მხოლოდ მოკლევადიანი, არამედ პრობლემათა გადაჭრის ფართომასშტაბური, მდგრადი სტრატეგიის ჩამოსაყალიბებლად, რასაც სამომავლოდ ხელშესახები რეალური შედეგები მოჰყვება.

ფორუმის მონაწილეებს სიტყვით მიმართა საქართველოს პრემიერ-მინისტრმა ირაკლი ღარიბაშვილმა.

პრემიერმა სიტყვით გამოსვლისას ქვეყანაში ბოლო ორი წლის განმავლობაში განხორციელებულ რეფორმებზე, საქართველოს უნიკალურ რესურსებსა და დიასპორასთან დაკავშირებულ პრობლემატიკაზე ისაუბრა.

მთავრობის მეთაურის შეფასებით, ქართველები გამორჩეულად ნიჭიერი ხალხია და კატასტროფაა, რომ დღეს, ოფიციალური მონაცემებით, ქვეყანაში 3,7 მილიონი ადამიანი ცხოვრობს, მილიონზე მეტი მოქალაქე კი საზღვარგარეთ იმყოფება.

ირაკლი ღარიბაშვილმა აღნიშნა, რომ ქართველების წასვლა სამშობლოდან, ბოლო 25 წლის განმავლობაში განვითარებულმა მოვლენებმა განაპირობა და მათი უმეტესი ნაწილი უკან აღარ დაბრუნებულა.

ფორუმს ესწრებოდა სრულიად საქართველოს კათალიკოს-პატრიარქი, უწმინდესი და უნეტარესი ილია მეორეც.

„როცა ჩვენ ვამბობთ, რომ უცხოეთში მცხოვრებმა ქართველებმა რა უნდა გააკეთონ საქართველოსთვის, პირველ რიგში, უნდა დავფიქრდეთ, საქართველო რას აკეთებს მათთვის", - აღნიშნა პატრიარქმა.

პატრიარქმა ქართული დიასპორა დალოცა და მათ საქართველოში მალე დაბრუნება უსურვა.

„ჩვენ ყველაფერი უნდა გავაკეთოთ, რომ გაძლიერდეს მათში ეროვნული თვითშეგნება, გაიგონ ვისი მიწაწყლისანი არიან, გაიგონ, რომ როგორც უფალი სამშობლო ერთია ქვეყანაზედა. გისურვებთ, რომ მალე დაუბრუნდეთ საქართველოს. საქართველოში ბევრი რამ არის გასაკეთებელი, რომელიც თქვენ უნდა გააკეთოთ და არა სხვამ", - განაცხადა პატრიარქმა.

ღონისძიებას ესწრებოდნენ საქართველოს მინისტრთა კაბინეტის წევრები, სახალხო დამცველი, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, საზღვარგარეთ მოქმედი დიასპორული ორგანიზაციების ხელმძღვანელები, სხვადასხვა პროფესიის წარმატებული ქართველები, სასულიერო პირები, საქართველოს ხელისუფლებისა და კერძო სექტორის წარმომადგენლები, საერთაშორისო და არასამთავრობო ორგანიზაციები, აკადემიური წრეების წარმომადგენლები.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელის, ვახტანგ ყოლბაიას განცხადებით, აფხაზებთან ნდობის აღდგენის თვალსაზრისით, ქართულ დიასპორას უდიდესი შესაძლებლობები აქვს.

„დღეს ძალიან მნიშვნელოვანი ღონისძიება ტარდება. სასიცოცხლოდ აუცილებელია დიასპორებთან გაცილებით მჭიდრო ურთიერთობები ვიქონიოთ. ჩვენმა დიასპორებმა კარგად იციან, რამდენად აუცილებელია ქართული საზოგადოებისთვის ჩვენი მოქმედებების ეთიანი ფრონტის ფარგლებში მოქცევა. დიასპორას სწორედაც რომ ძალუძს აფხაზებთან და ოსებთან ნდობის აღდგენის გზაზე, გარკვეული გარდატეხა მოახდინოს. ამ მხრივ საკუთარ გამოცდილებასაც მოვიშველიებ. უცხოეთში ყოფნისას გავმართე სხვადასხვა სახის შეხვედრები ქართული დიასპორის წარმომადგენლებთან ერთად, მათ შორის საფრანგეთსა და იტალიაში. გადაუჭარბებლად შემიძლია ვთქვა, რომ ისინი ძალიან სერიოზულად მუშაობენ და ძალიან ბევრ სასიკეთო საქმეს აკეთებენ თავინთი ქვეყნისთვის, რაც საელჩოებთან მჭიდრო კონტაქტის დამსახურებაცაა. ყველამ, ვინც დღეს უცხოეთშია საქართველოს ერთიანი ქოლგის ქვეშ გაერთიანებაზე უნდა ვიზრუნოთ. ასეთ ერთობაშია ჩვენი ძალაც და მომავალიც. სიმტკიცე და ერთიანობა კი ძალიან საყურადღებო და საგულიხსმოა ჩვენი უცხოელი მეგობრებისთვის, დიდი საერთაშორისო ინსტიტუტებისთვის, რომელთაც დამოუკიდებლობის დღიდან არასოდეს მივუტოვებივართ. მინდა მივულოცო მათ ეს ჩინებული თარიღი და მადლობა გადავუხადო ყველა დიასპორის წევრს, იმ სამსახურისა და ღვაწლისთვის, რაც თავიანთი ქვეყნის სასიკეთოდ გაუკეთებიათ". - განაცხადა ვახტანგ ყოლბაიამ.

ბათუმში, 6 მაისის პარკში „აფხაზეთობა" აღინიშნა. ღონისძიებას აფხაზეთის ავტონომიური რესპუბლიკისა და აჭარის ავტონომიური რესპუბლიკის ხელისუფლების წარმომადგენლები დაესწრნენ. ზეიმზე შეკრებილ საზოგადოებას სიტყვით მიმართეს აფხაზეთის ავტონომიური რესპუბლიკის განათლებისა და კულტურის მინისტრმა დიმიტრი ჯაიანმა და ქ. ბათუმის მერმა გიორგი ერმაკოვმა.

ბათუმში „აფხაზეთობის" ფარგლებში სხვადასხვა ღონისძიება გაიმართა, პარკში აფხაზი და ქართველი მხატვრების ნამუშევრების გამოფენა მოეწყო, მოსწავლეებმა „ჩვენ დავბრუნდებით" – პერფორმანსი გამართეს, აფხაზეთის მთავრობის სახელით „ქართულ-აფხაზური საგას" ხელმძღვანელს ნათელა დუმბაძეს და ქართულ-აფხაზური საკვირაო სკოლის პედაგოგს ადა ქუთელიას ქართულ-აფხაზური ურთიერთობების დათბობისა და შერიგების პროცესში აქტიური მონაწილეობისთვის აფხაზეთის ავტონომიური რესპუბლიკის უმაღლესი საბჭოს საპატიო სიგელები გადაეცათ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ მონაწილეობა მიიღო თავისუფლების მოედანსა და რუსთაველის გამზირზე გამართულ 26 მაისისადმი მიძღვნილ საზეიმო ღონისძიებებში.

„დამოუკიდებლობის დღე  ჩვენი ერის ღირსების, სიამაყის, დიდების, აწმყოსა და მომავლის ზეიმია. პატარების ჟრიამული ისმის ყველგან,  მომღიმარი სახეების, ხალისიანი ადამიანების სიმრავლეა ამ მოედანზე. ასეთ ღირსშესანიშნავ დღეს ყოველ ჩვენგანს უჩნდება სინანულის გრძნობა დარღვეული ტერიტორიული მთლიანობის გამო. ჩვენ გვერდით არ არიან აფხაზები და ოსები. სამწუხაროა, რომ დღეს ერთად არ ვზეიმობთ ამ ღირსშესანიშნავ დღესასწაულს. მაგრამ ყოველ ჩვენგანს სწამს, რომ ეს მხოლოდ დროებითი მოვლენაა. დარწმუნებული ვარ, აფხაზები, ოსები და ქართველები აღადგენენ წარსულ ურთიერთობებს. წარმიუდგენელია ძაფი, რომელიც ამდენი ხნის განმავლობაში გვაკავშირებდა  საბოლოოდ გაწყდეს. ეს შეუძლებელია. მდინარე აღმა ვერ ივლის, ის გზას იკაფავს იქითკენ, საითაც ბუნების ხმა უხმობს. მინდა მთელ საქართველოს მივულოცო დამოუკიდებლობის დიდებული დღე, გამარჯვებები და წინსვლა ვუსურვო ჩვენს ქვეყანას“, – აღნიშნა ვახტანგ ყოლბაიამ.

აფხაზეთის ავტონომიური რესპუბლიკის  მთავრობის თავმჯდომარის მოვალეობის შემსრულებელმა ვახტანგ ყოლბაიამ 26 მაისს, საქართველოს დამოუკიდებლობის დღის აღსანიშნავად სკულპტურული მემორიალი - „საქართველოსთვის“ გვირგვინით შეამკო. 

საქართველოს დამოუკიდებლობის დღისა და მისი ერთიანობისათვის პატივის მისაგებად მემორიალთან იმყოფობედნენ აფხაზეთის ავტონომიური რესპუბლიკის მთავრობის წარმომადგენლები და აფხაზეთის საჯარო სკოლების მოსწავლეები.

აფხაზეთის ა/რ განათლებისა და კულტურის სამინისტროს არსებული შემოქმედ ბავშვთა კავშირის „მომავლის ხმის“ აღსაზრდელებმა მემორიალთან საქართველოს დამოუკიდებლობის დღისადმი მიძღვნილი კომპოზიცია წარმოადგინეს. შემდეგ კი საქართველოს ეროვნული გმირის მერაბ კოსტავას სახლ-მუზეუმს ეწვივნენ და მის ეზოში, აფხაზეთიდან დევნილი მოზარდების ნამუშევრებისა და ფოტოების გამოფენა მოაწყვეს.

ძვირფასო თანამემამულენო, მეგობრებო!

აფხაზეთის ავტონომიური რესპუბლიკის მთავრობის სახელით გილოცავთ საქართველოს დამოუკიდებლობის დღეს - 26 მაისს! ეს თარიღი ჩვენი სახელწიფოებრიობისა და სუვერენიტეტის ათვლის წერტილია. დამოუკიდებლობის რთულ გზაზე საქართველოს, მის თითოეულ მოქალაქეს ბევრი ბრძოლის გადატანა მოუხდა. იყო ტრაგიკული მომენტებიც რომელიც ჩვენს ტერიტორიულ მთლიანობას შეეხო, რის შედეგადაც უამრავი თანამემამულე იძულებით გადაადგილებული პირი გახდა. მიუხედავად ამ სირთულეებისა საქართველოს არასდროს გადაუხვევია იმ სტრატეგიული გეზისგან, რომელიც მიმართულია ერთიან ევროპულ ოჯახში ღირსეული ადგილის დაკავებისაკენ. რომელიც ჩვენი ქვეყნის მოსახლეობის აბსოლუტური უმრავლესობის შეგნებული არჩევანი იყო. ამ ისტორიულ მისწრაფებას ქვეყანა დემოკრატიული ფასეულობების განვითარებით პასუხობს.

საქართველო არის შემდგარი სახელმწიფო, რომლის შემდგომი მშენებლობის მყარი საფუძველი უნდა იყოს ის თუ რამდენად წარმატებით განხორციელდება საქართველოს ხელისუფლების სამშვიდობო პოლიტიკა ეთნიკურ ჯგუფებსა და ეროვნულ უმცირესობებს შორის. რაც უდაოდ ხელის შემწყობი ფაქტორი იქნება ჩვენს აფხაზ და ოს ძმებთან  ერთად ერთიან, ძლიერ სახელმწიფოს არსებობისთვის. მხოლოდ ერთობლივი ძალისხმევით არის შესაძლებელი თვითგამოხატვის პრინციპის ეფექტური ამოქმედება და ღირსეული დამკვიდრება ცივილიზებულ სამყაროში.

საქართველოს მრავალსაუკუნოვან ისტორიაში 26 მაისი აღიქმება იმ თარიღად რისთვისაც ბრძოლობდნენ ჩვენი წინაპრები: - თავისუფალი, დემოკრატიული, ერთიანი საქართველოსთვის. რათა მსოფლიო რუკაზე, ევროპისა და აზიის გასაყარზე  საქართველო ყოფილიყო ძლიერი სახელმწიფო. ყოველი ჩვენთაგანის ვალია გავუფრთხილდეთ 26 მაისის მონაპოვარს, გვერდში დავუდგეთ ერთმანეთს, რათა ჩვენს აფხაზ, ოს და სხვა ეროვნების თანამოძმეებთან ერთად დავძლიოთ ჩვენს წინაშე არსებული სირთულეები და შევქმნათ სახელმწიფოს ისეთი მოდელი რომელიც მიმზიდველი და საოცნები იქნება ყოველი ჩვენთაგანისთვის.

კიდევ ერთხელ გილოცავთ დღევანდელ დღეს და გისურვებთ გამთლიანებულ და აყვავებულ საქართველოში ბედნიერ ცხოვრებას!

ვახტანგ ყოლბაია

აფხაზეთის ავტონომიური რესპუბლიკის მთავრობის
თავმჯდომარის მოვალეობის შემსრულებელი

25 მაისს აფხაზეთის ა/რ განათლებისა და კულტურის სამინისტროს ვ. არქანიას „არტ-გალერეაში“ თინათინ მღვდლიაშვილის ნამუშევრების გამოფენა და პოეზიის საღამო გაიმართა.

საღამოს ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, პოეტის მეგობრები, მხატვრები და საზოგადო მოღვაწეები.

თინათინ მღვდლიაშვილი არის პოეტი, მხატვარი, საზოგადო მოღვაწე, ხატთა შემამკობელი. მის ლექსებზე შექმნილია საქვეყნოდ ცნობილი სიმღერები: „ხმალი ავლესოთ, ქართველებო!“, „აღმაშენებელი თბილისს მობრძანდება“, „ქართველები შეარიგე, მერაბ“, „მარტოსულო ქალბატონო და სხვ. მისი ლექსები თარგმნილია ფრანგულ, ინგლისურ, ჩეჩნურ და რუსულ ენებზე.

თინათინ მღვდლიაშვილის შემკული ხატები დაბრძანებულია საქართველოს ეკლესია-მონასტრებში. ღმრთის სიტყვის ქადაგებისა და ეროვნული ცნობიერების განმტკიცებისათვის ის წმინდა ნინოს ჯვრით არის დაჯილდოვებული. ასევე მინიჭებული აქვს ზვიად გამსახურდიას, წმინდა ილია მართლის“ და „გალაკტიონის“ პრემიები.

საქართველოს პრემიერ მინისტრმა ირაკლი ღარიბაშვილმა, ქალაქ თბილისის მერმა დავით ნარმანიამ, საქართველოს მთავრობის წევრებმა, აფხაზეთის ხელისუფლებამ და  საქართველოში აკრედიტირებული დიპლომატიური კორპუსის წარმომადგენლებმა, აფხაზეთიდან დევნილ მოსახლეობას სახალხო დღესასწაული ,,აფხაზეთობა'' მიულოცეს და ეთნოგრაფიულ მუზეუმში გამართულ სახალხო ზეიმს დაესწრნენ. მოწვეულ სტუმრებს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის უმაღლესი საბჭოს თავმჯდომარემ გია გვაზავამ უმასპინძლეს.

სტუმრებმა დაათვალიერეს აფხაზეთის კულტურული მემკვიდრეობის ამსახველი ფოტო-მასალების და აფხაზეთის მხატვართა ნამუშევრების გამოფენა, ბავშვთა ნახატებისა და ხალხური რეწვის ნიმუშების გამოფენა, დააგემოვნეს დევნილი მეწარმეების მიერ წარმოებული პროდუქცია და აფხაზურ-ქართული კერძები, დაესწრნენ სპორტული სანახაობას, აფხაზეთის სახელოვნებო სკოლებისა და სასწავლებლების მოსწავლეთა კონცერტს, სადაც შესრულდა ქართულ-აფხაზური ცეკვები და სიმღერები.

,,მინდა ყველა აფხაზს მივულოცო "აფხაზეთობა" და მათ ვუთხრა, რომ ძალიან გვიყვარს ჩვენი აფხაზი ძმები და დები, გვინდა მათთან ერთად ვიცხოვროთ მშვიდად და გვქონდეს ურთიერთპატივისცემა და სიყვარული" - ამის შესახებ პრემიერ-მინისტრმა ეთნოგრაფიულ მუზეუმში განაცხადა.

ირაკლი ღარიბაშვილის განცხადებით საქართველოს ხელისუფლების პოლიტიკა მიმართულია აფხაზებთან ურთიერთობების განმტკიცებისა და ნდობის აღდგენისკენ. 
"მიმაჩნია, რომ ეს გზა გამარჯვებამდე აუცილებლად მიგვიყვანს. ჩვენთვის აფხაზეთი არის ძალიან დიდი ტკივილი. ნებისმიერი ქართველისთვის ეს არის მოუშუშებელი იარა. მანამ, სანამ არ აღდგება ტერიტორიული მთლიანობა ვერ იქნება ქართველი კაცი ბედნიერი და ვერც აფხაზი და ოსი იქნება ბედნიერი. ეს არის ჭეშმარიტება და ამას სჭირდება ყველას მხრიდან გაგება. დევნილ მოსახლეობას მინდა მადლობა გადავუხადო მართლაც გმირობისთვის, რომელიც გამოიჩინეს. მათ წლების განმავლობაში არნახულ, ენით აუწერელ ტკივილს და დიდ გაჭირვებას გაუძლეს. მართლაც, რაც დასაფასებელია, ისინი ყოველდღიურად მართლაც გმირობას სჩადიან''-განაცხადა ირაკლი ღარიბაშვილმა.

18:00 საათზე  საზეიმო დღესასწაული აფხაზეთის სიმღერისა და ცეკვის სახელმწიფო ანსამბლ ,,აფხაზეთის" ახალი საკონცერტო პროგრამის პრეზენტაციით თბილისი არტ-ჰოლში დასრულდა.

სვიმონ კანანელის ხსენების დღე, უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის ილია მეორის ინიციატივით და ლოცვა კურთხევით 23 მაისი „აფხაზეთობის'' დღედ დაწესდა.

ამ დღესთან დაკავშირებით აფხაზეთის ავტონომიური რესპუბლიკის ხელისუფლების ორგანიზებით სახალხო ზეიმი ,,აფხაზეთობა" თბილისსა და საქართველოს რეგიონებში სხვადასხვა ღონისძიებით აღინიშნა.

„აფხაზეთობის" დღესთან დაკავშირებით უზენაესი სასამართლოს თავმჯდომარემ ნინო გვენეტაძემ, ქალაქ თბილისი მერმა დავით ნარმანია, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის უმაღლესი საბჭოს თავმჯდომარემ გია გვაზავამ, ოკუპირებული ტერიტორიიდან იძულებით გადაადგილებულ პირთა, დევნილთა და განსახლების მინისტრის  მოადგილეებმა გრიგოლ გიორგაძე და შოთა რეხვიაშვილმა, ვეტერანთა საქმეების სახელმწიფო სამსახურის ხელმძღვანელმა ირაკლი შიხიაშვილმა, ქალაქ თბილისისა და აფხაზეთის მთავრობის წევრებმა, უმაღლესი საბჭოს დეპუტატებმა და აფხაზეთიდა დევნილმა საზოგადოებამ გვირგვინით შეამკეს ქვეყნის ერთიანობისათვის დაღუპულ გმირთა მემორიალი და პატივი მიაგეს მათ ხსოვნას. გადაიხადეს დაღუპულ გმირთა სულის მოსახსენიებელ პანაშვიდი.

09:00 საათზე კი სიონის საკათედრო ტაძარში მოციქული სვიმონ კანანელის ხსენების დღესთან დაკავშირებით სადღესასწაულო წირვა აღევლინა. წირვას აფხაზეთის ხელისუფლების წარმომადგენლები, სოხუმის სახლემწიფო უნივერსიტეტის რექტორი ჯონი აფაქიძე და აფხაზეთის სტრუქტურის თანამშრომლები დაესწრნენ.

23 მაისს სვიმონ კანანელის ხსენების დღეს, უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის ილია მეორის ინიციატივით და ლოცვა კურთხევით 23 მაისი „აფხაზეთობის'' დღედ დაწესდა.

ამ დღესთან დაკავშირებით აფხაზეთის მთავრობის ორგანიზებით სახალხო ზეიმი ,,აფხაზეთობა" თბილისსა და საქართველოს რეგიონებში სხვადასხვა ღონისძიებით აღინიშნა.

სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ორგანიზებით 23 მაისს ,,აფხაზეთობა" სხვადასხვა ღონისძიებით აღინიშნა. მაცხოვრის კარის სახელობის ეკლესიაში საქართველოს ერთიანობისათვის დაღუპულ მებრძოლთა სულის მოსახსენიებელი პანაშვიდი გადაიხადეს. ზუგდიდის რაიონი სოფელი რუხში, ენგურის ხიდთან  აფხაზეთის საჯარო სკოლის მოსწავლეების მონაწილეობით სამშვიდობო მსვლელობა მოეწყო. ენგურის ხიდთან მსვლელობის მონაწილეები „მეც აფხაზი ვარ" აფხაზურ ენაზე დაწერილი სლოგანებით მივიდნენ. აფხაზეთიდან გადმოსულმა ერთ-ერთმა ქალბატონმა საკუთარ ეზოში დაკრეფილი ყვავილები სამშვიდობო აქციის მონაწილებს  დაურიგა. ,,აფხაზეთობის'' დღისადმი მიძღვნილი დასკვნითი ღონისძიება შ. დადიანის სახელობის დრამატულ თეატრში საზეიმო კონცერტით დასრულდა.

იმერეთში  აფხაზეთის ავტონომიური რესპუბლიკის მთავრობის წარმომადგენლობის ხელძღვანელმა და თანამშრომლებმა  გმირთა მემორიალი გვირგვინით შეამკეს. მემორილთან საქართველოს ტერიტორიული მთლიანობისათვის დაღუპულ მებრძოლთა სულის მოსახსენიებელი პანაშვიდი გადაიხადეს. წირვა-ლოცვა აღევლინა ქუთაისის წმინდა მოწამე დოსითეოს წერეთლის სახელობის ტაძარში.  „აფხაზეთობის " დღესასწაულთან დაკავშირებით აფხაზეთის №6 საჯარო და №5 საჯარო სკოლებში აფხაზეთის თემაზე ღია გაკვეთილები ჩატარდა , მოეწყო მოსწავლეთა ნამუშევრების გამოფენა.

ქალაქ რუსთავში აფხაზეთის ავტონომიური რესპუბლიკის წარმომადგენლობამ აღმოსავლეთ საქართველოში და ქვემო ქართლის ვეტერანთა საქმეების სამმართველოს წარმომადგენლებმა ჟიული შარტავას ძეგლი გვირგვინით შეამკეს.

23 მაისს სვიმონ კანანელის ხსენების დღეს, უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის ილია მეორის ინიციატივით და ლოცვა კურთხევით 23 მაისი „აფხაზეთობის'' დღედ დადგინდა.

სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ორგანიზებით 23 მაისს ზუგდიდი ,,აფხაზეთის დღეს" რამდენიმე ღონისძიებით აღნიშნავს. 10:00 საათზე მაცხოვრის კარის სახელობის ეკლესიაში საქართველოს ერთიანობისათვის დაღუპულ მებრძოლთა სულის მოსახსენიებელი პანაშვიდს გადაიხდიან. 12:00 საათზე ზუგდიდის რაიონი სოფელი რუხში, ენგურის ცენტრალურ ხიდთან აფხაზეთის საჯარო სკოლის მოსწავლეების მონაწილეობით სამშვიდობო ღონისძიება გაიმართება. 14:00 საათზე ,,აფხაზეთობის'' დღისადმი მიძღვნილი დასკვნითი ღონისძიება შ. დადიანის სახელობის დრამატულ თეატრში ჩატარდება.

23 მაისს სვიმონ კანანელის ხსენების დღეს, უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის ილია მეორის ინიციატივით და ლოცვა კურთხევით 23 მაისი „აფხაზეთობის'' დღედ დადგინდა. ამ დღესთან დაკავშირებით აფხაზეთის ავტონომიური რესპუბლიკის მთავრობის ორგანიზებით თბილისში მთელი დღის განმავლობაში დაგეგმილია სხვადასხვა კულტურული ღონისძიება. 11:00 საათიდან ეთნოგრაფიულ მუზეუმში დაიწყება აფხაზეთობის საზეიმო გახსნა და ოფიციალური მიღება, გაიმართება კულტურული ღონისძიებები, სამხატვრო და ლიტერატურული კონკურსების გამარჯვებულთა დაჯილდოვება, სპორტული შეჯიბრებები, გამოფენა-გაყიდვები, აფხაზური კერძების დაგემოვნება, კონცერტები, სადაც შესრულდება ქართულ-აფხაზური ცეკვები და სიმღერები. 09:00 საათზე სიონის საკათედრო ტაძარში მოციქული სვიმონ კანანელის ხსენების დღესთან დაკავშირებით სადღესასწაულო წირვა აღევლინება. 10:30 საათზე გმირთა მემორიალის გვირგვინით შემკობა და საქართველოს ერთიანობისათვის დაღუპულ მებრძოლთა სულის მოსახსენიებელი პანაშვიდი.

საქართველოს პარლამენტის ეროვნული ბიბლიოთეკაში „მუჰაჯირობის'' დღისადმი მიძღვნილი ფოტო-გამოფენა მოეწყო. გამოფენაზე წარმოდგენილი იყო უნიკალური ფოტო-მასალა, სადაც ასახულია ის მოვლენები, რომელიც დიდი ტკივილის მომტანი იყო აფხაზებისა და ქართველებისთვის. გაიმართა ქართულ-აფხაზური ფოლკლორული საღამოც.

ღონისძიება აფხაზეთის მთავრობის თავმჯდომარის მოვალეობის შემსრულებელმა ვახტან ყოლბაიამ გახსნა. მან ამ დღის მნიშვნელობაზე ისაუბრა და დამსწრე საზოგადოებას მობრძანებისთვის მადლობა გადაუხადა. საზოგადოების წინაშე სიტყვით გამოვიდნენ აფხაზეთის განათლებისა და კულტურის მინისტრი დიმიტრი ჯაიანი, სოხუმის სახელმწიფო უნივერსიტეტის რექტორი ჯონი აფაქიძე, ცხუმ-აფხაზეთის მეცნიერებათა აკადემიის ხელმძღვანელი ოთარ ჟორდანია, პროფესორი, ისტორიკოსი ბეჟან ხორავა და ნდობის აღდგენისა და შერიგების საკითხებში აფხაზეთის ავტონომიური რესპუბლიკის  მინისტრის მოადგილე მანანა ანუა.

საღამოს აფხაზეთის უმაღლესი საბჭოს თავმჯდოამრე გია გვაზავა, მთავრობის წევრები, სოხუმის სახლემწიფო უნივერსიტეტის პროფესორ-მასწავლებელები და საზოგადოების წარმომადგენლები ესწრებოდნენ.

ღონისძიება ნდობის აღდგენისა და შერიგების საკითხებში აფხაზეთის ავტონომიური რესპუბლიკის  მინისტრის აპარატის, ასოციაცია „მშვიდობა და განათლება", ცხუმ-აფხაზეთის მეცნიერებათა აკადემიის, აფხაზეთის განათლებისა და კულტურის სამინისტროს, პოლიტიკური კონფლიქტებისა და მშვიდობის ინსტიტუტის ორგანიზებით ჩატარდა.

გლდანის ყოფილი ნაგავსაყრელის ტერიტორიაზე გამწვენბის აქცია მოეწყო.

აქციაში აფხაზეთის მთავრობის თავმჯდმარის მოვალეობის შემსრულებელმა ვახტანგ ყოლბაიამ და აფხაზეთის მთავრობის წევრებმა მიიღეს მონაწილება. სამუშაოების ფარგლებში სულ 150-მდე ძირი ხე დაირგა. ღონისძიება აფხაზეთის ავტონომიური რესპუბლიკის სოფლის მეურნეობის დეპარტამენტის ინციატივით მოეწყო.

გამწვანების აქციაში  სოფლის მეურნეობის დეპარტამენტისა და სატყეო სამმართველოს თანამშრომლები იყვნენ ჩართულები.

აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია აფხაზეთის N2 საჯარო სკოლაში აფხაზეთის თემაზე ჩატარებულ ღია გაკვეთილსა და ბოლო ზარს დაესწრო. ვახტანგ ყოლბაიამ და აფხაზეთის განათლებისა და კულტურის მინისტრის პირველმა მოადგილემ მანანა ქვაჩახიამ მე-12 კალსის მოსწავლეებს სკოლის დამთავრება მიულოცეს და საგანმანათლებლო ასპარეზზე წარმატებები უსურვეს. 

18-19 მაისს „აფხაზეთობის“ დღესთან დაკავაშირებით, აფხაზეთის ყველა საჯარო სკოლაში ჩატარდა ღია გაკვეთილები „ჩემი თვალით დანახული აფხაზეთი“ და მოეწყო მე-12 კლასელთა ბოლო ზარი. საქართველოს რეგიონებში მდებარე აფხაზეთის საჯარო სკოლებში გამართულ ღონისძიებებს აფხაზეთის მთავრობის წარმომადგენლობების ხელმძღვანელები დაესწრნენ.

„აფხაზეთობის“ დღესთან დაკავშირებით, რომელიც უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის ილია მეორის ინიციატივითა და ლოცვა კურთხევით 23 მაისს დადგინდა, საქართველოს მთელ ტერიტორიაზე აფხაზეთის საჯარო სკოლებში, მათ შორის გალის რაიონის ზოგადსაგანმანათლებლო დაწესებულებებშიც, 18-22 მაისის ჩათვლით მიმდინარეობს სხვადასხვა სახის ღონისძიება: აფხაზეთის თემაზე შექმნილი ესეების კონკურსი, ნახატების გამოფენები, სახელობო პროგრამის ფარგლებში შექმნილი ნამუშევრების გამოფენები, ლიტერატურულ-შემოქმედებითი კომპოზიციები და სხვა.

23 მაისს სვიმონ კანანელის ხსენების დღეს, უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის ილია მეორის ინიციატივით და ლოცვა კურთხევით 23 მაისი „აფხაზეთობის'' დღედ დადგინდა.

ამ დღესთან დაკავშირებით აფხაზეთის ავტონომიური რესპუბლიკის მთავრობის ორგანიზებით მთელი დღის განმავლობაში თბილისა და საქართველოს რეგიონებში დაგეგმილია სხვადასხვა კულტურული ღონისძიება.

12:00 საათზე ეთნოგრაფიულ მუზეუმში დაიწყება აფხაზეთობის საზეიმო გახსნა და საზეიმო მიღება , გაიმართება კულტურული ღონისძიებები, სამხატვრო და ლიტერატურული კონკურსების გამარჯვებულთა დაჯილდოვება, სპორტული შეჯიბრებები, გამოფენა-გაყიდვები, აფხაზური კერძების დაგემოვნება, კონცერტები, სადაც შესრულდება ქართულ-აფხაზური ცეკვები და სიმღერები.

აფხაზეთის ხელისუფლების წარმომადგენლები და დევნილი საზოგადოება გვირგვინით შეამკობენ გმირთა მემორიალს. დაღუპული გმირების სულის მოსახსენიებელი პანაშვიდის გადაიხდიან. აფხაზეთობის სახალხო ზეიმი აფხაზეთის სიმღერისა და ცეკვის სახელმწიფო ანსამბლის ,,აფხაზეთის" პრეზენტაციით თბილისი არტ-ჰოლში დასრულდება.

ღონისძიებაზე მოწვეულნი არიან საქართველოს აღმასრულებელი და საკანონმდებლო ხელისუფლებისა და საერთაშორისო ორგანიზაციების წარმომადგენლები, დიპლომატიური კორპუსი, აფხაზეთიდან დევნილი ინტელიგენცია.

სახალხო ზეიმზე დასწრება თავისუფალია.

>>დაგეგმილი ღონისძიებები<<